بچپن کی دوستی کی یاد

گوہر ۔۔۔ زکی بیٹا میں جوس رکھ کر جا رہی ہوں ۔۔۔ پی لینا ۔۔۔ فاطمہ سلطان لان کے درمیانی میز پر جوس کے گلاس رکھتے ہوئے بولی ۔۔۔
جی موم ۔۔۔ ہم پی لیں گے ابھی ہمیں کھیلنے دیں ۔۔۔ زکی نے دوڑتے ہوئے کہا تھا ۔۔۔
رات کے وقت دونوں بچے لان میں کھیل رہے تھے کہ اتنے میں بجلی چلی گئی ۔۔۔
گوہر رُک جائو ۔۔۔ بعد میں کھیلیں گے اندھیرے میں گر جائو گی ۔۔۔ زکی ۔ گوہر سے عمر میں دو تین سال ہی بڑا ہوا ہوگا مگر وہ اُس کی حفاظت کے معاملے میں خاصا سمجھدار تھا ۔۔۔
نہیں زکی ۔۔۔ پہلے میں نے تمہیں پکڑا تھا ۔۔۔ اب تمہاری باری ہے مجھے پکڑو ۔۔۔ چاند کی مدھم سی روشنی میں گوہر تیزی سے دوڑتی ہوئی میز کے ساتھ ٹکڑائی اور اُس پر رکھے گلاسوں سمیت نیچے زمین پر جاگری ۔۔۔ اور کانچ اُس کی کلائی میں کھُب گیا ۔۔۔
آہ ہ ۔۔۔۔ درد کے مارے گوہر نے چلانا شروع کر دیا ۔۔۔
زکی فوراً سے دوڑتا ہوا اس کے پاس آیا ۔۔۔ گوہر پلیز رو مت ۔۔۔ اس نے اپنے چھوٹے چھوٹے ہاتھوں سے گوہر کی بازو میں لگا کانچ نکالنے کی بھرپور کوشش کی ۔۔۔ زکی سے گوہر کا درد برداشت نہ ہوا ۔۔۔ اندر سے کسی بڑے کو بُلا کر لایا ۔۔۔ گوہر کے اندر جانے کے بعد بھی ناجانے وہ کتنی دیر لان میں بیٹھا کانچ پر لگے گوہر کے خون کے قطرے دیکھ کر روتا رہا ۔۔۔ اُسے لگ رہا تھا کہ جیسے گوہر کی چوٹ کا زمہ دار وہ ہے ۔۔۔ اگر وہ اس کے پیچھے نہ بھاگ رہا ہوتا تو شاید گوہر آج اس قدر زخمی نہ ہوتی ۔۔۔ بلکل ایسے ہی آج گوہر خود کو زکی کے ایکسیڈنٹ کی زمہ دار ٹھہرا رہی تھی ۔۔۔
______________________
ہسپتال کے ایک واش روم میں وضو کرتے ہوئے گوہر کی نظر جب اپنی کلائی پر پڑی تو جیسے یہ سارا واقع اس کی آنکھوں کے سامنے آ گیا ہو ۔۔۔۔ اس کی کلائی پر ایک نشان تھا ۔۔۔ جوکہ اس روز کانچ لگنے کی وجہ سے آیا تھا ۔۔۔ اور وہ گہرا نشان اب تک گوہر کو بچپن کی یاد دلاتا تھا ۔۔۔ اس سارے قصے کو یاد کر کے گوہر پھر سے پھوٹ پھوٹ کر رونے لگی ۔۔۔۔
*********************
ابھی گوہر نماز ادا کر کے بیٹھی ہی تھی کہ اس کے موبائل پر فون آئی ۔۔۔ دادو کالنگ ۔۔۔۔
یااللہ مجھے ہمت دے ۔۔۔۔ میں کیسے بات کروں دادو سے ۔۔۔ اُس نے آنسو صاف کر کے فون اُٹھائی ۔۔۔
وعلیکم السلام دادو ۔۔۔ گوہر اپنی پریشانی چھپاتے ہوئے بولی ۔۔۔۔۔۔
بیٹا زکی تمہارے گھر ہے ۔۔۔ ؟ تُو لے آئی تھی اسے ۔۔۔ ؟ صبح سے میری اس سے بات نہیں ہو پائی ۔۔۔ فون اٹھا نہیں رہا ۔۔۔ بڑی پریشانی ہو رہی ہے ۔۔۔۔ حال احوال پوچھنے کے بعد دادی نے سب سے پہلے زکی کا پوچھا ۔۔۔۔
جی دادو زکی میرے ساتھ ہی ہے ۔۔۔ گوہر گلا جھاڑتے ہوئے بولی ۔۔۔
چلو شکر ہے ۔۔۔ اچھا میری بات تو کروا اُس سے ۔۔۔ خبر لوں زرا میں زکی کی ۔۔۔ میرا فون کیوں نہیں اٹھا رہا ۔۔۔
گوہر نے اپنے کئی آنسو پیئے ۔۔۔
دادو وہ واش روم میں ہے ۔۔۔ اور اُس کا فون کہیں کھو گیا تھا اسی وجہ سے آپ کی بات نہیں ہو سکی اس سے ۔۔۔ میں آپ سے بعد میں بات کرتی ہوں ۔۔۔ گوہر نے روتے ہوئے بات مکمل کی اور فون بند کر دی ۔۔۔
*******************
ایک منٹ ۔۔۔ میری بات سن ۔۔۔۔۔ دوسری طرف سے فون بند ہو جانے پر دادی نے کہا ۔۔۔۔
میری بچی پریشان تھی ۔۔۔ یااللہ خیر ۔۔۔ پتا نہیں کیا ہوا ہوگا ۔۔۔ کہیں زکی کے گھر آنے پر عامر نے تو نہیں کچھ کہا ہوگا ۔۔۔ نہیں نہیں ۔ ۔۔۔ عامر گھر آئے مہمان کے ساتھ کبھی بُرا سلوک نہیں اپنا سکتا ۔۔۔ اتنا تو میں جانتی ہوں ۔۔۔ مگر ۔۔۔۔
ان سب سوچوں سے اُلجھا کر دادی نے پھر سے گوہر کا نمبر ڈائل کیا ۔۔۔۔
نمبر بند ہے ۔۔۔ ؟ گوہر کے فون نہ اُٹھانے پر دادی نے سوچا ۔۔۔
**********************
ڈاکٹر ۔۔۔ زلقرنین کیسا ہے اب ۔۔۔ ؟ گوہر نے آپریشن تھیٹر سے باہر آتے ڈاکٹر کو روک کر پوچھا ۔۔۔
اب خطرے کی بات نہیں ہے ۔۔۔ ہم مریض کو روم میں شفٹ کر رہے ہیں ۔۔۔ آپ ان سے مل سکتی ہیں ۔۔۔۔ لیکن ہوش آنے میں تھوڑا وقت لگے گا ۔۔۔ ڈاکٹر نے اطمینان سے کہا ۔۔۔
آہ ۔۔ اللہ کا شکر ۔۔ آپ کا بہت شکریہ ڈاکٹر ۔۔۔ گوہر نے آہ بھرتے ہوئے کہا ۔۔۔
_______________
زکی تم باہر کیوں کھڑے ہو ۔۔۔۔ ؟ گوہر نے دروازے سے چھپ کر دیکھتے ہوئے زکی کو مخاطب کیا ۔۔۔
ہاں بیٹا اندر آئو ۔۔۔ دادی نے زکی کو بلایا ۔۔۔
گوہر تمہیں درد تو نہیں ہو رہا ۔۔۔ ؟ زکی نے گھبراتے ہوئے پوچھا ۔۔۔۔۔۔
پہلے بہت زیادہ ہو رہا تھا لیکن اب تھوڑا سا ۔۔۔۔ گوہر نے معصومانہ انداز سے بتایا ۔۔۔
زکی تُو اندر کیوں نہیں آرہا تھا ۔۔۔ باہر سے ہی کیوں دیکھ رہا تھا ۔۔۔ ؟ دادی نے پیار سے پوچھا ۔۔۔
دادو گوہر کو چوٹ میری وجہ سے آئی ہے ۔۔۔ میں بہت ڈر گیا تھا ۔۔۔ اس کو بہت درد ہو رہا تھا یہ بہت رو رہی تھی ۔۔۔
نہیں زکی ۔۔۔ تم نے تو مجھے اندھیرے میں بھاگنے سے منع کیا تھا ۔۔۔ پھر تمہاری وجہ سے کیوں ۔۔۔ اس میں ساری غلطی میری ہی تھی ۔۔۔
میری جان ۔۔۔ تُو تو اس کا کتنا خیال رکھتا ہے ۔۔۔ ایسا نہیں سوچتے بیٹا ۔۔۔ جو ہوتا ہے اُس میں اللہ کی کوئی نا کوئی مصلحت چھُپی ہوتی ہے ۔۔۔ دادی نے زکی کو پیار سے سمجھایا ۔۔۔۔۔۔۔۔
ارے اب کدھر جا رہا ہے ۔۔۔ ؟ زکی دوڑتا ہوا باہر گیا ۔۔۔
ایک منٹ دادو ۔۔۔۔۔
یہ لو گوہر ۔۔۔ زکی لان سے پھول توڑ کر لایا ۔۔۔
وائو ٹیولپ ۔۔۔۔ تھینکیو زکی ۔۔۔۔ تمہیں ٹیولپ بہت پسند ہے نا ۔۔۔۔ ؟
ہاں ۔۔۔ اور تمہیں ۔۔۔ ؟
مجھے بھی ۔۔۔۔ گوہر مسکرائی
_____________________
ٹیولپ ۔۔۔۔۔۔ بینچ پر بیٹھی ہوئی گوہر مسکرائی ۔۔۔۔
ہم نے مریض کو روم میں شفٹ کر دیا ہے ۔۔۔ اب آپ ان سے مل سکتی ہیں ۔۔۔۔
اوکے ۔۔۔۔ تھینکس
****************
یہ کیا ۔۔۔ گھر لاک ہے ۔۔۔ عامر صاحب گوہر کو فون کریں وہ گھر نہیں آئی اب تک ۔۔۔ ممتاز بیگم گھر پر تالا دیکھ کر متفکر سی بولی ۔۔۔۔
آپ لاک کھولیں ۔۔۔ میں فون کر رہا ہوں ۔۔۔۔
گوہر گھر آئی تھی ۔۔۔ ؟ یہ کیا ۔۔۔ پھر اس قدر جلد بازی میں وہ کہاں گئی ۔۔۔ عامر صاحب مجھے فکر ہو رہی ہے ۔۔۔ کہیں کوئی مشکل نہ پیش آ گئی ہو میری بچی کو ۔۔۔
ممتاز بیگم کی نظر گھر داخل ہوتے ہی کچن کے دروازے پر پڑی ۔۔۔ جو نوٹ وہ گوہر کے لئے لگا کر گئی تھی وہ اب نہیں لگا ہوا تھا ۔۔۔ اور کھانے کے برتن میز پر ہی پڑے ہوئے تھے ۔۔۔ ان کو معلوم تھا گوہر ایسے کبھی نہیں کرتی کہ کھانے کے بعد برتن وہیں چھوڑ دے اور کھانا بھی اُسی طرح ڈھکا ہوا تھا ۔۔۔۔ یہاں سے انہیں اندازا ہوا کہ گوہر جلدی میں گھر سے نکلی ہے ۔۔۔
گوہر بیٹا ۔۔۔ کہاں ہو ۔۔۔ ؟ عامر سلطان نے گوہر کے فون اٹھاتے ہی پوچھا ۔۔۔
بابا ۔۔۔۔۔ اپنے بابا کی آواز سنتے ہی گوہر کے آنسو گر پڑے ۔۔۔۔
میری جان ۔۔۔ کچھ تو کہو ۔۔۔ ایسے رو کیوں رہی ہو ۔۔۔ ؟ عامر سلطان نے گوہر کی آواز سن کر پریشانی سے کہا ۔۔۔
یااللہ خیر ۔۔۔ ممتاز بیگم منتظر سی کھڑی تھی ۔۔۔
بابا ۔۔۔ زکی کا ایکسیڈنٹ ہوا ہے ۔۔۔ میں ہسپتال میں ہوں ۔۔۔ گوہر نے بس اتنا ہی کہا ۔۔۔
او میرے اللہ ۔۔۔ اب کیسا ہے زکی ۔۔۔ ؟ کون سا ہسپتال ہے ۔۔۔ ؟
پہلے سے بہتر ہے مگر ابھی تک اس کو ہوش نہیں آیا ۔۔۔ گوہر نے اپنے بابا کو ہسپتال کا نام بتایا ۔۔۔
میری بیٹی پریشان نہیں ہونا ۔۔۔ میں ابھی پہنچ رہا ہوں ۔۔۔
********************
ممی آج ہم نے الیان صاحب کے گھر جانا ہے ۔۔۔ یاد ہے نا آپ کو ۔۔۔۔۔ ویسے مجھے پتا ہے زکی سے متعلق کوئی بھی بات ہو آپ کبھی نہیں بھولتی ۔۔۔۔۔۔ فاطمہ سلطان نے مسکراتے ہوئے کہا ۔۔۔
ہاں یاد تو ہے ۔۔۔ مگر میں نہیں جا سکوں گی ۔۔۔۔ میری طبیعت کچھ ٹھیک نہیں ہے ۔۔۔ تم لوگ جائو ۔۔۔
کیا ہوا ممی آپ کو ۔۔۔ ؟ پھر ہم بھی نہیں جاتے نا ۔۔۔ کسی اور دن چلے جائیں گے ۔۔۔۔
نہیں بیٹا ۔۔۔ تم اور رضا جائو ۔۔۔۔
آپ خوش ہیں زکی اور قدسیہ کے رشتے سے ۔۔۔ ؟ فاطمہ سلطان نے چائے کا ایک گھونٹ لیا ۔۔۔
بیٹا میرے خوش ہونے یا نہ ہونے سے کیا فرق پڑنا ہے ۔۔۔ زندگی تو زکی نے گزارنی ہے نا ۔۔۔۔ میں تو کہتی ہوں ایک بار پھر زکی سے بات کر لو ۔۔۔ کہیں ایسا نہ ہو کہ بعد میں کوئی مسلہ ہو ۔۔۔۔ شادی کے معاملے میں اولاد کی مرضی جاننا بہت ضروری ہے ۔۔۔ خورشید سلطان نے چائے کی پیالی اٹھائی ۔۔۔۔
ٹھیک ہے ممی ۔۔۔ زکی آجائے تو میں ایک بار پھر اُس سے پوچھ لیتی ہوں ۔۔۔
********************
یااللہ زکی کو ہوش آ جائے ۔۔۔ وہ بلکل ٹھیک ہو جائے ۔۔۔ جس روم میں زکی کو شفٹ کیا گیا تھا ۔۔۔ گوہر وہیں زکی کے بیڈ کے سامنے جائے نماز پر بیٹھی اللہ سے دعائیں مانگ رہی تھی ۔۔۔۔۔۔۔۔۔۔۔۔
رُکو رُکو ۔۔۔۔ زکی اس لڑکی کو آواز دے رہا تھا ۔۔۔ وہ سڑک پار کرنے لگی ۔۔۔ زکی بنا کچھ دیکھے اُس کے پیچھے چل پڑا ۔۔۔ جیسے ہی اس نے سڑک پار کرنے کی غرض سے قدم آگے بڑھایا ۔۔۔۔ اُسی لمحے تیز رفتار سے آتی ہوئی ایک بڑی سی سیاہ رنگ کی گاڑی اس کو کچلتے ہوئے آگے چلی گئی ۔۔۔
کچھ ہی لمحوں بعد اس نے اپنے اردگرد لوگوں کا ہجوم پایا ۔۔۔ اس نے اپنی آنکھیں کھلی رکھنے کی پوری کوشش کی مگر ناکام رہا ۔۔۔ قبل ازیں زکی اُس لڑکی تک پہنچتا ۔۔۔ وہ اپنے ہوش کھو بیٹھا تھا ۔۔۔
_______________
ہوش آنے پر زکی نے اپنے آپ کو ہسپتال کے بیڈ پر پایا ۔۔۔ آنکھ کھلتے ہی اس نے کمرے کی چاروں طرف اپنی نگاہ دوڑائی ۔۔۔ زہن پر زور ڈالنے پر اسے سارا واقع یاد آیا ۔۔۔ اُس سفید رنگ کے کمرے میں سوائے ایک بیڈ اور صوفے کے اور کچھ نہ تھا ۔۔۔ اس نے اپنا سر اُٹھانے کی کوشش کی تو نیچے بیٹھی ہوئی ایک لڑکی کو اپنے لئے دعا گو پایا ۔۔۔ ایک لڑکی جو سیاہ عبایا اور سیاہ سکارف میں ملبوس ۔۔۔ چہرہ ڈھکے ہوئے اس کے قریب آ رہی تھی ۔۔۔۔ وہ وہی تھی ۔۔۔ وہی لڑکی جو ہمیشہ اُس کے خواب میں آیا کرتی تھی ۔۔۔
زکی ۔۔۔۔ آپ کو ہوش آ گیا ۔۔۔ اللہ کا شکر ۔۔۔ میں ڈاکٹر کو بلا کر لاتی ہوں ۔۔۔ وہ لڑکی جو اس کے قریب آ کر کچھ بول رہی تھی ۔۔۔ اُس کو لگ رہا تھا کہ جیسے زکی اس کی بات سن رہا ہے ۔۔۔ اُسے کیا معلوم تھا کہ زکی ہوش میں آتے ہی زہن پر دبائو پڑنے کے باعث پھر سے اپنے ہوش کھو بیٹھا ہے ۔۔۔
______________________
ڈاکٹر ۔۔۔۔ ڈاکٹر ۔۔۔۔ زلقرنین کو ہوش آگیا ہے ۔۔۔ آپ آکر اسے چیک کر لیں ۔۔۔ زکی کو ہوش میں آتا دیکھ کر گوہر ڈاکٹر کو بلانے کے لئے روم سے باہر بھاگی ۔۔۔۔
آپ پلیز یہیں رُکیے ۔۔۔ ہمیں اپنا کام کرنے دیجئے ۔۔۔
کیا ہوا بیٹا ۔۔۔ زکی ٹھیک تو ہے نا ۔۔۔ ؟ گوہر کو پریشان دیکھ کر عامر سلطان دوڑتے ہوئے پہنچے ۔۔۔
بابا ۔۔۔ زکی کو ہوش آگیا تھا ۔۔۔ پھر اچانک اُسے کچھ ہونے لگا ۔۔۔ ڈاکٹر نے کہا تھا کہ اب کوئی خطرے کی بات نہیں ہے ۔۔۔ پتا نہیں ایک دم سے اسے کیا ہو گیا ۔۔۔
تم پریشان نہ ہو ۔۔۔ اللہ نے چاہا تو زکی بہت جلد صحت یاب ہو جائے گا ۔۔۔ انشاءاللہ ۔۔۔
دادو وقتاً فوقتاً فون کر رہی ہیں ۔۔۔ میں اُنہیں کیا جواب دوں بابا ۔۔۔۔ ؟
بیٹا ایسا کرو کہ تم ابھی اماں کی فون نہ اُٹھانا ۔۔۔ جیسے ہی زکی کی حالت بہتر ہوتی ہے میں خود انہیں فون کر کے بتا دوں گا ۔۔۔ ورنہ پاکستان میں سب پریشان ہوتے رہیں گے ۔۔۔
دائود میرے ساتھ آیا ہے ۔۔۔ تم اب گھر جائو بیٹا ۔۔۔۔
نہیں بابا ۔۔۔ مجھے یہاں رُکنے دیں ۔۔۔ گوہر متفکر سی بولی
میری جان ہم ہیں نا یہاں ۔۔۔ تم جائو گھر اب آرام کرو ۔۔۔ گوہر کے بابا نے اُسے تسلی دی ۔۔۔۔
******************
اس وقت صبح کے تقریباً سات بج رہے تھے ۔۔۔ استنبول کی سڑکیں سنسان پڑیں تھی ۔۔۔ ہلکی ہلکی برف باری ہو رہی تھی ۔۔۔۔ سرد پڑتی گوہر تیز تیز قدم ڈالتی ہوئی فیری تک پہنچی ۔۔۔۔۔۔۔ آج اُسے کچھ اچھا نہیں لگ رہا تھا نہ سمندر میں لہروں کا اتار چڑھائو ۔۔۔ نہ پانی کی چھلچھلاہٹ ۔۔۔ اور نہ ہی پرندوں کا چہکنا ۔۔۔ وہ اس قدر اذیت میں تھی کہ دنیا کی کسی شے سے اس کے دل کو سکون میسر نہیں ہو پا رہا تھا ۔۔۔ وہ خود کو زکی کی اس حالت کا قصوروار سمجھ رہی تھی ۔۔۔ اب جب تک زکی مکمل صحت یاب نہیں ہو جاتا اس کو سکون نہیں ملنا تھا ۔۔۔۔
____________________
کمرے میں لیمپ کی مدھم سی روشنی بھی جیسے اس کی آنکھوں میں چُبھن کا باعث بن رہی تھی ۔۔۔ وہ اس قدر تھکن سے چُور تھی کہ اب اُس میں اُٹھ کر لیمپ بند کرنے کی بھی ہمت باقی نہیں رہی تھی ۔۔۔
گوہر ۔۔۔ میں دودھ کا گلاس رکھ کر جا رہی ہوں ۔۔۔۔ یہ پی کر سونا ۔۔۔ تم نے کچھ کھایا بھی نہیں دودھ لازمی پینا ہے تم نے ۔۔۔۔۔۔ اس کی بھابھی کمرے میں آئی گلاس رکھ کر لیمپ بند کر کے چلی گئی ۔۔۔
ہیممم ۔۔۔ اس نے جواباً کہا ۔۔۔
کب نیند نے اُسے اپنی گرفت میں لیا گوہر کو کوئی اندازا نہ ہوا اور وہ بغیر دودھ پئے ہی سو گئی ۔۔۔۔
**********************
زکی بہتر فیل کر رہے ہو اب میرے بچے ۔۔۔۔ ؟ زکی کے جاگنے پر قریب بیٹھے عامر سلطان نے اس کے سر پر ہاتھ پھیرتے ہوئے پوچھا ۔۔۔
آپ ۔۔۔۔ ؟ زکی نے حیرت سے دیکھا ۔۔۔۔
پہچان لیا ۔۔۔ ؟ میں تمہارا چچا عامر ہوں اور یہ دائود ۔۔۔ انہوں نے مسکراتے ہوئے کہا ۔۔۔۔
جی چچا جان آپ کو کیسے نہ پہچانتا میں ۔۔۔۔۔ زکی نے اُٹھنے کی کوشش کی ۔۔۔۔
لیٹے رہو ۔۔۔ لیٹے رہو ۔۔۔ بیٹا ۔۔۔ اس کے چچا نے اسے اٹھنے سے منع کیا ۔۔۔
اللہ کا شکر ہے کہ اب تم ٹھیک ہو ۔۔۔ میرے بھائی ۔۔۔ دائود نے مسکرا کر زکی کو دیکھا ۔۔۔
____________________
گوہر ۔۔۔ اٹھ جائو ۔۔۔ ظہر کی نماز کا وقت نکلا جا رہا ہے ۔۔۔۔ اس کی بھابھی نے کھڑکی کے پردے ہٹائے ۔۔۔۔
اووو ۔۔۔۔ بھابھی میں اب تک کیسے سوتی رہی ۔۔۔ سورج کی روشنی آنکھوں پر پڑتے ہی گوہر نے آنکھیں کھولتے ہوئے کہا ۔۔۔۔
تم اتنی گہری نیند سو رہی تھی ۔۔۔ تمہیں پتا ہی نہیں چلا کہ کوئی تمہیں جگا رہا ہے ۔۔۔ پھر مجھے بھی دل نہیں کیا کہ تمہیں ڈسٹرب کروں ۔۔۔ بھابھی بیڈ پر بیٹھتی ہوئی بولی ۔۔۔
یہ دودھ کا گلاس آپ ابھی لائی ہیں ۔۔۔ ؟
ارے نہیں ۔۔۔ تمہارے سونے سے پہلے لے کر آئی تھی ۔۔۔ شاید تمہیں اندازا نہیں ہوا ۔۔۔ مجھے اٹھانے کی یاد بھی نہیں رہی ۔۔۔۔۔۔۔
ہسپتال میں کون ہے ۔۔۔ ؟ زکی ٹھیک ہے اب ۔۔ ؟ میں نے جلدی اُٹھ کر ہسپتال جانا تھا ۔۔۔
بابا اور دائود دونوں ہیں ۔۔۔۔ ہاں میری بات ہوئی تھی ابھی تھوڑی دیر پہلے ۔۔۔ زکی بلکل ٹھیک ہے ۔۔۔ تمہیں ہسپتال جانے کی ضرورت نہیں ہے اب ۔۔۔ رات تک گھر لے آئیں گے زکی کو ۔۔۔
اللہ کا شکر ہے ۔۔۔۔ گوہر کے چہرے پر خوشی کی لہر دوڑ اُٹھی ۔۔۔۔۔۔۔۔
اچھا اُٹھو ۔۔۔ کچھ کھالو ۔۔۔ کل سے تم نے کچھ نہیں کھایا ۔۔۔۔۔۔ ناشتا بنائوں یا پھر ہمارے ساتھ دوپہر کا کھانا کھائو گی ۔۔۔۔۔۔۔ بھابھی نے مسکراتے ہوئے کہا ۔۔۔
ہاہا ۔۔۔ بھابھی ۔۔۔ اب تو دوپہر کا کھانا ہی کھائوں گی ۔۔۔۔ یہ فضےگل گھر نہیں ہے کیا ۔۔۔ ؟ اتنی خاموشی ۔۔۔
بار بار تمہیں جگانے وہی آ رہی تھی ۔۔۔ اب دوستوں کے ساتھ باہر گئی ہے ۔۔۔ دو تین دنوں سے ملاقات نہیں ہوئی نا تم سے ۔۔۔ بہت یاد کر رہی تھی تمہیں ۔۔۔۔
میں نے بھی بہت یاد کیا اپنی شہزادی کو ۔۔۔۔ گوہر نے اٹھتے ہوئے کہا ۔۔۔
آجائو اب ۔۔۔۔ زیادہ دیر نہیں کرنا ۔ ۔ میں اُس کو بھی باہر سے بلواتی ہوں ۔۔۔۔
******************
بات سنیں ۔۔۔ ؟ کل یہاں میرے ساتھ ہسپتال میں کون تھا ۔۔۔ ؟ کچھ یاد آنے پر زکی نے نرس سے پوچھا ۔۔۔۔
عامر سلطان اور دائود زکی کو ڈسچارج کروانے کی تیاری دیکھ رہے تھے ۔۔۔
کوئی لڑکی تھی ۔۔۔۔ نرس نے سوچتے ہوئے بتایا ۔۔۔
انہوں نے بتایا نہیں کہ وہ کون ہیں ۔۔۔ ؟ زکی نے متذبذب سے انداز سے پوچھا ۔۔۔۔
شاید آپ کی کزن تھی ۔۔۔ مجھے سہی سے یاد نہیں ہے ۔۔۔
کزن تو میری یہاں کوئی ہے نہیں ۔۔۔ ہاں گوہر ہے ۔۔۔ مگر وہ کیسے ۔۔۔۔ زکی نے من ہی من میں سوچا ۔۔۔۔
نہیں آپ میری بات نہیں سمجھی شاید ۔۔۔۔ میں اس سیاہ عبایا والی لڑکی کا پوچھ رہا ہوں ۔۔۔ زکی نے پھر سے اس نرس سے پوچھا ۔۔۔۔
مجھے نہیں معلوم ۔۔۔
********************
گوہر ۔۔۔۔ فضےگل باہر سے آتے ہی گوہر کے گلے لگی ۔۔۔
میری جان ۔۔۔ کیسی ہو ۔۔۔ ؟ گوہر نے اسے پیار کرتے ہوئے پوچھا۔۔
تم کہاں چلی گئی تھی گوہر ۔۔۔ میں نے تمہیں بہت یاد کیا ۔۔۔ وہ اس کی گود میں بیٹھتے ہوئے بولی ۔۔۔۔
اووو میری گڑیا ۔۔۔ میں نے بھی تمہیں بہت یاد کیا ۔۔۔۔
اب جلدی سے اُٹھو ۔۔۔ فضے گل نے گوہر کا ہاتھ پکڑ کر اسے اٹھانا چاہا ۔۔۔
بیٹا ۔۔۔ گوہر ابھی تھکی ہوئی ہے ۔۔۔ وہ آج تمہارے ساتھ باہر نہیں جا سکے گی ۔۔۔
نہیں بھابھی ۔۔۔ کوئی بات نہیں ۔۔۔ بتائو فضےگل کہاں جانا ہے تم نے ۔۔۔ ؟
باغ سے پھول توڑنے کے لئے جانا ہے ۔۔۔ اتنے دنوں سے گلدان خالی پڑے ہیں ۔۔۔
توبہ ۔۔۔ اس کی باتیں تو دیکھو زرا ۔۔۔ بھابھی کچن سے بولی تھی ۔۔۔۔
ہاہا ۔۔۔ چلیں میڈم ۔۔۔ گوہر مسکرائی ۔۔۔۔
تُرکوں کا قدیم رواج ۔۔۔ جوتے اور کوٹ گھر کے داخلی دروازے کے قریب اتار کر آتے ہیں ۔۔۔ اور باہر جاتے وقت وہیں سے پہن لیتے ہیں ۔۔۔
گوہر اور فضےگل نے کوٹ پہنے اور ٹوکری اُٹھا کر باہر نکل گئیں ۔۔۔۔۔۔
گوہر آج میں نے سب کے سب گلاب لانے ہیں ۔۔۔ اس نے معصومانہ انداز سے کہا ۔۔۔
ٹھیک ہے ۔۔۔ چلتے ہوئے گوہر نے کہا ۔۔۔۔
وائو ٹیولپ ۔۔۔۔ تھینکیو زکی ۔۔۔۔ تمہیں ٹیولپ بہت پسند ہے نا ۔۔۔۔ ؟
ہاں ۔۔۔ اور تمہیں ۔۔۔ ؟
باغ میں لگے ٹیولپ کو دیکھتے ہی گوہر کو یہ خیال آیا ۔۔۔۔
فضےگل ہم کچھ ٹیولپ بھی لے کر جائیں گے ۔۔۔۔
مگر مجھے تو ٹیولپ نہیں پسند ۔۔ گوہر ۔۔ تمہیں پسند ہیں ۔۔۔۔؟
ہاں مجھے بہت پسند ہیں ۔۔۔۔ گوہر نے ٹیولپ توڑتے ہوئے کہا ۔۔۔
_______________________
ڈاکٹر سے بات ہوگئی ہے ۔۔۔ دو گھنٹے بعد تم ڈسچارج ہو جائو گے ۔۔۔ انشاءاللہ ۔۔۔۔
میں زرا گوہر کو بتا دوں ۔۔۔ بہت فکرمند تھی وہ تمہارے لئے ۔۔۔ زبردستی گھر بھیجا اُس کو ۔۔۔ یہیں رُکنے کا کہہ رہی تھی ۔۔۔ عامر سلطان گوہر کا نمبر ڈائل کرتے ہوئے بولے ۔۔۔
گوہر کل یہاں تھی ۔۔۔ ؟ زکی نے دائود سے پوچھا ۔۔۔
ہاں ۔۔۔ ہسپتال والوں نے اُسی کو فون کر کے بتایا ۔۔۔ گھر میں اکیلی تھی ۔۔۔ جیسے ہی خبر ملی دوڑتی ہوئی پہنچ گئی ۔۔۔ بہت حساس ہے میری بہن ۔۔۔ پریشان ہو جاتی ہے ۔۔۔۔ جب تک تمہیں ہوش آیا اُس سے پہلے ہم نے اُسے گھر بھیج دیا تھا ۔۔۔ اس وجہ سے تمہاری ملاقات نہیں ہوئی ہوگی اُس سے ۔۔۔
_______________
وہ لڑکی کون ہے آخر ۔۔۔ ہسپتال میں بھی مجھے دیکھنے آئی ۔۔۔ یہاں تک کے میرے لئے دعا بھی کر رہی تھی ۔۔۔ میں اُسے کہاں تلاش کروں گا ۔۔۔ ہسپتال سے نکلتے وقت زکی کو طرح طرح کی سوچوں نے گھیر رکھا تھا ۔۔۔
استنبول کی رات آج بھی ویسی ہی رونق افروز تھی جیسے کہ اُس روز تھی ۔۔۔۔ ہلکی ہلکی برفباری ۔۔۔۔ استقلال سٹریٹ میں وہی لوگوں کا رش ۔۔۔۔ شوروغل ۔۔۔۔ زکی پہلے سے بہتر ہو گیا تھا مگر زخم بھرنے میں کچھ وقت لگنا تھا ۔۔۔۔
*******************
بیگم صاحبہ فریحہ بی بی آئی ہیں ۔۔۔۔۔ ملازمہ نے خورشید سلطان کے کمرے میں آکر بتایا ۔۔۔
اچھا فریحہ آئی ہے ۔۔۔ اُسکو یہیں لے آئو ۔۔۔ انہوں نے سویٹر بنتے ہوئے کہا ۔۔۔
اسلام و علیکم امی جی ۔۔۔ فریحہ سلطان نے کمرے میں داخل ہوتے ہی کہا ۔۔۔
وعلیکم اسلام میری جان ۔۔۔ کیسی ہو ۔۔۔ ؟ خورشید سلطان نے اون میز پر رکھی ۔۔۔
اللہ کا شکر ہے ۔۔۔ دن گزرتا ہی نہیں ۔۔۔ میں نے سوچا آپ سے مل آئوں ۔۔۔ اور باقی سب گھر والے کہاں ہیں ۔۔۔ ؟ فریحہ سلطان نے بیٹھتے ہوئے اپنا پرس میز پر رکھا ۔۔۔
بہت اچھا کیا ۔۔۔ میں بھی تمہیں یاد کر رہی تھی ۔۔۔ اس وقت تو سب اپنے اپنے کاموں میں مصروف ہوتے ہیں ۔۔۔ روشک کا دل لگ گیا وہاں ۔۔۔ ؟ بانو فریحہ کے لئے چائے لائو ۔۔۔ خورشید سلطان نے ملازمہ کو آواز لگائی ۔۔۔
ہاں بس ۔۔۔ کوشش کر رہی ہے ۔۔۔ نئے دوست بننے میں بھی وقت لگ جاتا ہے ۔۔۔ دوستوں کو بڑا یاد کرتی ہے ۔۔۔ اُس کے جانے سے تو گھر جیسے کاٹنے کو دوڑتا ہے ۔۔۔ پہلے جب دانش گیا تھا تو اُس وقت روشک پاس تھی ہمارے مگر اب وہ بھی چلی گئی ہے ۔۔۔۔۔ سارا دن یوں ہی گزر جاتا ہے ۔۔۔
بچوں سے ہی گھر میں رونق ہوتی ہے ۔۔۔ جب سے زکی گیا ہے دل ہی نہیں لگتا ۔۔۔ پہلے جب زکی باہر جایا کرتا تھا تو روشک میرے پاس آجایا کرتی تھی ۔۔۔ کوئی رابطہ بھی تو نہیں ہوا نا میرا اس سے ۔۔۔ خورشید سلطان نے اپنا چشمہ اتارتے ہوئے کہا ۔۔۔
کیا مطلب ہے امی ۔۔۔ ؟ رابطہ نہیں ہوا ۔۔۔ کیوں ۔۔۔ ؟؟ فریحہ سلطان متفکر سی بولی ۔۔۔
پہلے مجھے بڑی فکر تھی کہ کہیں کچھ ہو تو نہیں گیا اُسے ۔۔۔ مگر اب شکر ہے اللہ کا ۔۔۔ گوہر سے بات ہوئی ہے میری وہ اُسے اپنے گھر لے گئی تھی ۔۔۔ یہ سن کر دل کو قرار آ گیا ۔۔۔
کیا واقع ۔۔۔ ؟ اللہ کا شکر ہے ۔۔۔
بس اب دعا ہے ۔۔۔ میرے بھائی جلد ملیں اُن کی ناراضگی دور ہو ۔۔۔ فریحہ سلطان نے خوشی سے کہا ۔۔۔
انشاءاللہ ہم وہ دن جلد دیکھیں گے ۔۔۔
گوہر کتنی بڑی ہو گئی ہوگی نا امی ۔۔۔ چھوٹی سی تھی جب گئی تھی پاکستان سے ۔۔۔۔۔ اپنی ماں کی طرح خوبصورت ہوگی ضرور ۔۔۔
ماشائاللہ خوبصورت بھی ہے اور خوبسیرت بھی ۔۔۔ خورشید سلطان نے مسکراتے ہوئے کہا ۔۔۔
***********************
فضےگل یہ پھول گلدان میں ڈال دو اور ٹیولپ مجھے دے دینا ۔۔۔۔۔۔ گوہر نے پھولوں کی ٹوکری معصوم سی شکل بنائے کھڑی فضےگل کو دیتے ہوئے کہا ۔۔۔
مرحبا امی ۔۔۔ گوہر نے عبایا اتارتے ہوئے لائونج میں بیٹھی اپنی امی کو مخاطب کیا ۔۔۔
تھکاوٹ دور ہوئی ۔۔۔ ؟ اس کی امی نے سبزی کاٹتے ہوئے پوچھا ۔۔۔
جی امی ۔۔۔ لائیں میں آپ کی کچھ مدد کر دوں ۔۔۔ گوہر نے پیار سے کہا ۔۔۔
نہیں میں کر لوں گی ۔۔۔ تم ایسا کرو کے گیسٹ روم ٹھیک کر دو ۔۔۔ اور پردے تبدیل کر دینا یہ رکھے ہیں ۔۔۔ ممتاز بیگم نے اشارہ کیا ۔۔۔
ٹھیک ہے امی ۔۔۔ میں ابھی دیکھ لیتی ہوں ۔۔۔ بابا سے بات ہوئی آپ کی وہ لوگ کب تک آرہے ہیں ۔۔۔ ؟ گوہر نے پردے اٹھاتے ہوئے کہا ۔۔۔
بس تھوڑی دیر میں پہنچنے لگے ہوں گے ۔۔۔ میں جب تک کھانا تیار کر لوں ۔۔۔ اس کی امی نے کچن میں داخل ہوتے کہا ۔۔۔
_______________________
گیسٹ روم ان کے گھر کا واحد ایسا کمرا تھا جو کہ اوپر والی منزل میں تعمیر کیا گیا تھا ۔۔۔ اس میں ایک بالکنی موجود تھی جس سے آس پاس کی جگہوں کا نظارا کیا جا سکتا تھا ۔۔۔۔۔۔ کمرے کی دیواروں پر ہلکا برائون رنگ نہایت ہی خوبصورتی کے ساتھ کیا گیا تھا ۔۔۔ اُس کے اوپر گوہر نے سفید رنگ کے کچھ ڈیزائین بنا رکھے تھے ۔۔۔ چھت پر ایک گول سا جھومر لگا تھا جس کی روشنی سے ہر شے کو چار چاند لگ جاتے ۔۔۔ کمرے میں تین گلدان موجود تھے ۔۔۔ گوہر نے ان گلدانوں میں ٹیولپ ڈال دئے ۔۔۔ جس کی وجہ سے کمرا اور شاندار لگنے لگا تھا ۔۔۔۔۔ سفید رنگ کے پردے جیسے ہی اس نے ہکس میں ڈال کر پیچھے کئے اس کو گاڑی کے ہارن کی آواز سنائی دی ۔۔۔۔۔ گوہر یہ دیکھنے کے لئے ہلکا سا آگے ہوئی کہ کون آیا ہے ۔۔۔ اُسی لمحے زکی نے اوپر دیکھا ۔۔۔ اُس کا دیکھنا تھا کہ گوہر پیچھے ہوگئی ۔۔۔ زکی حیرت سے چلتا ہوا اندر آیا ۔۔۔۔۔۔۔۔۔۔۔
_______________________________
آئو بیٹا ۔۔۔ دروازے پر کھڑے زکی کو ممتاز بیگم نے اندر آنے کا کہا ۔۔۔
اُس نے سب گھر والوں کی دیکھا دیکھی ۔۔۔۔ جوتے باہر اُتارے اور لنگڑاتا ہوا اندر آیا ۔۔۔ زکی کی ٹانگ پر شدید چوٹیں آئی تھیں اور سر پر ۔۔۔۔۔ جس کا درد اُسے طویل عرصے تک رہا ۔۔۔
یہاں بیٹھ جائو ۔۔۔ آرام کرو ۔۔۔ یہ تمہارا ہی گھر ہے بیٹا ۔۔۔۔ اس کے چچا اُسے بیٹھاتے ہوئے بولے ۔۔۔
پانی ۔۔۔ ٹیک لگاتے ہی زکی نے پانی مانگا ۔۔۔
گوہر پانی لے آئو ۔۔۔ اُس کی امی نے اُسے آواز دی ۔۔۔
یہ لیں زکی ۔۔۔ پانی ۔۔۔ اب کیسا محسوس کر رہے ہیں آپ ۔۔۔ ؟ گوہر نے دوپٹے سے اپنا منہ ڈھانپ رکھا تھا ۔۔۔
تھینکس ۔۔۔ ٹھیک ہوں ۔۔۔ زکی نے اپنے سامنے اُس لڑکی کو منہ چھُپائے کھڑا دیکھا جو کہ بچپن میں اس کی سب سے اچھی دوست رہی ۔۔۔ جس کو دیکھنے ۔۔۔۔ جس سے ملنے کے لئے وہ اتنے سالوں سے انتظار میں تھا ۔۔۔ آج جب اُسے اس طرح دیکھا تو زکی سوچ میں مبتلا ہو گیا ۔۔۔ وہ کچھ سمجھ نہ سکا کہ آخر گوہر نے اپنے چہرے پر دوپٹہ کیوں لپیٹ رکھا تھا ۔۔۔
زکی بیٹا ۔۔۔ تم نے اسے پہچانا ۔۔۔ ؟ یہ گوہر ہے ہسپتال میں پہلے دن تمہارے ساتھ یہی رُکی تھی اُس وقت تم ہوش میں نہیں تھے ۔۔۔ عامر سلطان مسکراتے ہوئے بولے ۔۔۔
جی ۔۔۔ زکی پھیکا سا مسکرایا ۔۔۔ وہ اب تک گوہر کے اس روے پر حیران تھا ۔۔۔۔
رات کافی ہو چکی تھی اس وجہ سے اس کی گھر کے کسی اور فرد سے تفصیلی بات نہ ہو سکی ۔۔۔ وہ آرام کرنے کے لئے اپنے کمرے میں چلا گیا ۔۔۔
بابا ۔۔۔ آپ پلیز دادو سے بات کرلیں اب اُن کو زکی کے ایکسیڈنٹ کا بتا دیں ۔۔۔ وہ مجھے بار بار کال کر رہی ہیں ۔۔۔ مجھے سمجھ نہیں آرہا کہ کیسے بات کروں ۔۔۔ گوہر نے بابا کو اپنے موبائل پر دادی کا نمبر ڈائل کر کے دیا ۔۔۔۔
__________________
جی امی جان ۔۔۔ میں ٹھیک ہوں ۔۔۔ آپ سب کیسے ہیں ۔۔۔ ؟ عامر سلطان نے پیار سے پوچھا ۔۔۔
اللہ کا شکر ہے میرے بچے ۔۔۔ ہم سب خیریت سے ہیں ۔۔۔ خورشید سلطان نے خوشی کا اظہار کیا ۔۔۔۔
امی وہ ۔۔۔ آپ سے ایک بات کرنی تھی ۔۔۔ تسلی سے سننا ۔۔۔ گھبرانے کی کوئی بات نہیں ہے ۔۔۔ عامر سلطان ٹھہر ٹھہر کر بولے ۔۔۔
اللہ خیر ۔۔۔ کیا بات ہے بیٹا ۔۔۔ بولو ۔۔۔ میں سن رہی ہوں ۔۔۔
زکی کا ایکسیڈنٹ ہو گیا تھا ۔۔۔ مگر اب وہ بلکل ٹھیک ہے ۔۔۔ پریشانی کی کوئی بات نہیں ہے ۔۔۔۔ انہوں نے سمجھاتے ہوئے کہا ۔۔۔۔
اوو میرے اللہ ۔۔۔ میرا بچہ کیسا ہے ۔۔۔۔ وہ ٹھیک تو ہے نا ۔۔۔ خورشید سلطان کے آنسو آنکھوں سے نکل کر رخساروں پر آگرے ۔۔۔
امی ۔۔۔ امی ۔۔۔ وہ بلکل ٹھیک ہے اب ۔۔۔ اللہ کا شکر ہے ۔۔۔ ابھی آرام کر رہا ہے ورنہ آپ سے اُس کی بات کرواتا میں ۔۔۔ کل جیسے ہی جاگے گا سب سے پہلے آپ کی بات کروائوں گا ۔۔۔
***********************
فاطمہ ۔۔۔۔۔ رضا ۔۔۔۔ آویز ۔۔۔ کہاں ہو سب لوگ ۔۔۔ خورشید سلطان فون بند کرتے ہی اپنے کمرے سے باہر آتے ہوئے بولی ۔۔۔
ممی کیا بات ہے ۔۔۔ ؟ آپ اتنی پریشان کیوں ہیں ۔۔۔ فاطمہ سلطان نے گھبرا کر پوچھا ۔۔۔
زکی کا ایکسیڈنٹ ہوا ہے ۔۔۔
کیا ۔۔۔۔ وہ ٹھیک تو ہے نا ۔۔۔ کب کیسے ۔۔۔ ؟
عامر کی فون آئی تھی وہ بتا رہا تھا کہ اب وہ بالکل ٹھیک ہے ۔۔۔۔۔ وہ اُسے اپنے گھر لے گیا ہے ۔۔۔ ابھی سو رہا تھا ۔۔۔
میرا زکی ۔۔۔ کنسرٹ کرنے گیا تھا اور کیا ہو گیا اُس کے ساتھ ۔۔۔۔۔۔۔۔۔۔۔۔۔۔۔۔
رضا اور آویز گھر نہیں ہیں ۔۔۔ میں کال کرتی ہوں ۔۔۔
_______________________
اور سنائو ۔۔۔ میری ویلنٹائن ۔۔۔ کیسی ہو ۔۔ ؟ میرے وہاں سے آتے ہی بھول گئ مجھے ۔۔۔ ہیں ۔۔۔ ؟
ہاں بھئی ۔۔۔ بارہ بجے سے کالز کر رہا ہوں ۔۔۔ اب جا کر میرا نمبر آیا ۔۔۔ سچ سچ بتائیں ۔۔۔ میرے علاوہ بھی کوئی بوائے فرینڈ ہے کیا ۔۔۔ ؟؟
دادی اپنے کمرے میں بیٹھی زکی کی باتیں یاد کرکے رئوے جارہی تھی ۔۔۔ یااللہ میرے بچے کو صحت دے ۔۔۔ اُس کو تندرستی عطا کر ۔۔۔
دادو ۔۔۔ وہ سامنے والی الماری کھولیں ۔۔۔
الماری پر نظر پڑتے ہی دادی کو زکی کا خیال آیا ۔۔۔ اُس تحفے کی یاد آئی جو اب تک کھولا ہی نہیں تھا ۔۔۔ کہ زکی آکر اپنے ہاتھوں سے دے گا تب کھولوں گی ۔۔۔
وہ الماری دادی عام طور پر استعمال نہیں کرتی تھی زکی کو یہ بات معلوم تھی تب ہی وہ تحفہ اسی الماری میں رکھ کر گیا تھا ۔۔۔ دادی نے الماری کا دروازہ کھولتے ہی سامنے رکھا اسکوائر نما ڈبہ باہر نکال کر بیڈ پر رکھا جہاں بیٹھ کر وہ بآسانی اس کو کھول سکتی تھی ۔۔۔
دادی نے اس تحفے کو دیکھ کر زکی کی یاد میں لمحے بھر کے لئے آنکھیں بند کر لیں ۔۔۔
پھر دھیرے دھیرے اُس ڈبے کو کھولنے لگی ۔۔۔ جیسے ہی وہ کھلتا گیا ایک فریم نما چیز سامنے آئی ۔۔۔ دادی نے اُس کو پلٹا ۔۔۔۔ اس کو دیکھتے ہی دادی کی آنکھ بھر آئی اور وہ پھوٹ پھوٹ کر رونے لگی ۔۔۔
وہ ایک پینٹنگ تھی جو زکی نے خاص طور پر دادی کو سالگرہ پر دینے کے لئے شہر کے سب سے بڑے آرٹسٹ سے بنوائی تھی ۔۔۔ یہ ایک ایسی تصویر تھی جس کے پس منظر میں حویلی بنی ہوئی تھی اور اُس کے آگے ان کا پورا خاندان ۔۔۔۔۔۔ زکی نے اس پینٹنگ کے لئے خاصی محنت کی تھی ۔۔۔ گھر کے ہر فرد کی الگ الگ تصویر کی اس طرح سے ایڈیٹنگ کر رکھی تھی کہ جیسے برسوں پہلے یہ تصویر ایسے ہی لی گئی ہو ۔۔۔
_____________
اچھا آپ یہ کھولیں ۔۔۔ کل مجھے بتانا کیسا لگا ۔۔۔۔ ابھی میں فون رکھتا ہوں ۔۔۔
زکی یہ کیا ہوگیا ۔۔۔۔ تو نے کیا کہا تھا کل بات کرے گا ۔۔۔۔۔ میرا بچہ کس حال میں ہوگا ۔۔۔ دادی کا چہرا آنسوئوں سے بھیگ چکا تھا ۔۔۔
*************************
سورج کی تیز روشنی آنکھوں میں پڑتے ہی زکی کی آنکھ کھل گئی ۔۔۔ اٹھتے ساتھ ہی اس نے سامنے لگی وال کلاک پر ٹائم دیکھا ۔۔۔ اووو ۔۔۔ تین بج گئے ۔۔۔ میں اب تک کیسے سوتا رہا ۔۔۔ یہ لوگ کیا سوچیں گے میرے بارے میں اتنا زیادہ سوتا ہوں میں ۔۔۔ اُس نے فوراً بیڈ سے اترنے کی کوشش کی ۔۔۔
ان کے گھر میں کتنی خاموشی ہوتی ہے ۔۔۔ اُس نے من ہی من میں سوچا ۔۔۔
کیسی طبیعت ہے اب ۔۔۔ ؟ دائود نے زکی کو سیڑھیاں اترتے دیکھا تو اُس کے پاس گیا ۔۔۔
بہت بہتر ہوں اب بھائی ۔۔۔ زکی نے آگے پیچھے دیکھا ۔۔۔
امی زکی کے لئے ناشتا لگا دیں ۔۔۔ اُس نے اپنی امی کو آواز دی ۔۔۔۔۔۔
باقی سب کہاں ہیں ۔۔۔ ؟ کوئی دکھائی نہیں دے رہا ۔۔۔ زکی نے متذبذب سے انداز سے پوچھا ۔۔۔
یہ وقت ایسا ہے جب ہمارے گھر میں تقریباً سب ہی اپنے اپنے کاموں پر نکلے ہوتے ہیں ۔۔۔ بابا آفس گئے ہیں ۔۔۔ گوہر اپنے مدرسے ۔۔۔ دائود نے مسکراتے ہوئے کہا
مدرسے ۔۔۔ ؟ زکی نے حیرت سے پوچھا
ہاں ۔۔۔ یہاں قریب ہی ایک مدرسہ ہے وہیں بچوں کو پڑھانے جاتی ہے ۔۔۔ او ہاں تم ابھی میری بیٹی سے نہیں ملے نا ۔۔۔ رات کو وہ سو چکی تھی ۔۔۔ سکول گئی ہے بس آتی ہی ہوگی ۔۔۔ بہت ہی شرارتی اور باتونی ہے ۔۔۔ سب گھر والوں کو باتوں میں لگائے رکھتی ہے ۔۔۔۔۔ دائود زکی کے لئے ناشتے کے برتن رکھتے ہوئے بولا ۔۔۔
پھر تو یقیناً وہ مجھے خوب انجوائے کروائے گی ۔۔۔ زکی نے ہنستے ہوئے کہا ۔۔۔
ہاہا ۔۔۔ بلکل ۔۔۔۔ دائود بھی ہنسا ۔۔۔
*********************
زکی آپ جاگ رہے ہیں ۔۔۔ ؟ گوہر نے دروازے پر دستک دی ۔۔۔
جی گوہر ۔۔۔۔۔ میں جاگ رہا ہوں ۔۔۔۔ زکی نے بالکنی سے جواب دیا ۔۔۔
کیسے ہیں آپ ۔۔۔ ؟ گوہر نے بالکنی میں جاکر زکی سے پوچھا ۔۔۔
میں الحمدللہ اب ٹھیک ہوں ۔۔۔۔۔۔
دادو نے آپ سے بات کرنی تھی ۔۔۔ گوہر نے چہرے کو ڈھانپ رکھا تھا ۔۔۔
یہ لیں ۔۔۔ آپ بات کر لیں میں چلتی ہوں ۔۔۔ گوہر ۔۔۔ زکی کو موبائل دے کر چلی گئی ۔۔۔۔
_______________________
دادو میں اب بلکل ٹھیک ہوں ۔۔۔ آپ میرا یقین کریں ۔۔۔ پلیز رئویں تو نہیں نا ۔۔۔ میں بہت جلد واپس آ جائوں گا آپ دیکھنا ۔۔۔۔۔ زکی نے دادی کو تسلی دیتے ہوئے کہا ۔۔۔
انشاءاللہ میرا بچہ ۔۔۔ اچھا اب بتا ۔۔۔ چوٹیں کہاں آئی ہیں ۔۔۔
ٹانگ پر اور سر پر ۔۔۔ لیکن زیادہ نہیں تھوڑی سی ۔۔۔ آپ بتائیں نا گھر میں سب کیسے ہیں ۔۔۔ ؟ مجھے تو زرا سا بھی نہیں یاد کر رہے ہوں گے ۔۔ ہیں نا ۔۔۔ ؟ زکی نے بات بدلتے ہوئے کہا ۔۔۔
ہاں واقع ۔۔۔۔ تجھے تو کوئی بھی یاد نہیں کر رہا ۔۔۔ دادی نے آنسو صاف کئے ۔۔۔
تو بتا نا ۔۔۔ وہاں سب ٹھیک ہے ۔۔۔ ؟ اُن کا گھر کیسا لگا ۔۔۔ اور سب لوگ کیسے ہیں ۔۔۔ دوستی ہوئی کسی سے ۔۔۔ ؟ دادی نے متذبذب سے انداز سے پوچھا ۔۔۔
یہاں سب بہت اچھے ہیں ۔۔۔ میرا بہت خیال رکھ رہے ہیں دادو ۔۔۔ مگر میں یہاں بہت اکیلا ہوں ۔۔۔۔ سارا سارا دن کمرے میں بیٹھا رہتا ہوں ۔۔۔۔
کیوں میری جان ۔۔۔ وہاں سب تیرے اپنے ہیں ۔۔۔ اُن سے بات کیا کر ۔۔۔ اسی طرح تو تُو ان کو جان پائے گا ۔۔۔
میرے بات کرنے سے کیا ہوتا ہے دادو ۔۔۔ جب تک سامنے والا آپ سے بات نہ کرنا چاہ رہا ہو ۔۔۔ ہم کیسے زبردستی اس سے بات کر سکتے ہیں ۔۔۔ ؟
ایسے کیوں بول رہا ہے زکی ۔۔۔ تیری اور گوہر کی تو اتنی دوستی تھی ۔۔۔
اُس وقت تھی دادو ۔۔۔ اب وہ بہت بدل گئی ہے ۔۔۔۔۔ پتا نہیں خود کو کیا سمجھتی ہے ۔۔۔۔ بات کرنا تو دور کی بات وہ اپنا چہرا تک نہیں دکھاتی ۔۔۔ عجیب بےعزتی فیل ہوتی ہے ۔۔۔
بیٹا ایسے نہیں کہتے ۔۔۔ وہ پردہ کرتی ہے ۔۔۔ اس لئے چہرا نہیں دکھاتی ۔۔۔
پردہ کرتی ہے تو ٹھیک ہے نا ۔۔۔ باہر کے لوگوں سے کرے ۔۔۔ میں تو اُس کا کزن ہوں ۔۔۔۔ مجھ سے کیوں پردہ کرتی ہے ۔۔۔ ہاں بھئی سنگر جو ٹھہرا ۔۔۔ ہم جیسوں کو تو یہ لوگ کچھ سمجھتے ہی نہیں ہیں ۔۔۔ خود تھوڑی بہت نیکیاں کیا کر لیتے ہیں ہم جیسے لوگوں کو نیچا دکھانے لگ جاتے ہیں ۔۔۔ وہ کیا ثابت کرنا چاہتی ہے کہ وہ بہت نیک ہے اور میں ایک سنگر ہوں تو وہ میرے سامنے نہیں آئے گی ۔۔۔
زکی ۔۔۔ بس بہت ہو گیا ۔۔۔ میں بہت دیر سے تمہاری فضول باتیں برداشت کر رہی ہوں ۔۔۔ اب ایک بات بھی نہیں سننا چاہتی ۔۔۔ تمہیں اگر ان باتوں کی سمجھ نہیں ہے تو تمہیں اس طرح سے بات کرنے کا کوئی حق نہیں ہے ۔۔۔ تم اُس نیک سیرت لڑکی کی نیت پر شک کر رہے ہو ۔۔۔
ہم کسی کے دل میں جھانک نہیں سکتے یہ نہیں جان سکتے کہ کون ہمارے ساتھ کتنا مخلص ہے لیکن وقت اور روے جلد ہی یہ احساس دلا دیتے ہیں ۔۔۔