اب کے ہم بچھڑے تو شاید کبھی خوابوں میں ملیں
جیسے سوکھے ہوۓ پھول کتابوں میں ملے۔۔۔۔
تھوڑی ہی دیر میں حویلی کے اس سکوت کو۔۔۔۔۔۔زرپاش کی دل سوز چیخوں کی آواز نے توڑا۔۔۔۔۔وہ کسی جنونی انسان کی طرح وہاج کی طرف بڑھی تھی۔۔۔۔۔۔آواز سن کے سب لوگ کمرے سے نکلے تھے اور ان کی رنگت فق ہوٸی تھی۔۔۔۔۔۔سب کے چہرے کی ہواٸیاں اڑ گٸ تھی۔۔۔۔۔۔زرپاش نے۔۔۔۔۔۔آگے بڑھ کے۔۔۔۔۔وہاج کا سر اپنی گود میں رکھا تھا جو بامشکل سانس لے رہا تھا اس کی سانسوں کی رفتار کافی مدہم تھی۔۔۔۔اس کی آنکھیں بند تھی۔۔۔۔۔۔زرپاش کے چہرے پہ موت کی سفیدی چھا گئی تھی۔۔۔۔
وہاج کی آنکھیں بند تھی اور اس کا رنگ لٹھے کی مانند سفید تھا۔۔۔۔۔
زرپاش نے۔۔۔۔۔وحشت ذدہ نظروں سے اپنے پاس کھڑے۔۔۔۔۔میرداد کو دیکھا تھا جن کی کیفیت بھی کچھ ایسی ہی تھی۔۔۔۔
رجب جلدی سی۔۔۔۔۔ڈراٸیور کو گاڑی نکالنے کی تلقین کر رہے تھے۔۔۔۔۔۔
”وہاج۔۔۔۔۔۔آنکھیں کھولیں۔۔۔۔۔پلیز آنکھیں کھولیں۔۔۔۔۔۔“
اس کے سفید کپڑے لال ہو چکے تھے۔۔۔۔۔وہ اپنے ہاتھوں کے ساتھ اس کا چہرہ تھپتھا رہی تھی۔۔۔۔۔
رضیہ کسی بت کی طرح کھڑی تھی۔۔۔۔۔
شہباز خان کے چہرے پہ عجیب بے بسی کے رنگ تھے۔۔۔۔۔
تھوڑی ہی دیر بعد۔۔۔۔۔وہاج کو۔۔۔۔۔۔گاڑی میں بیٹھایا گیا۔۔۔۔۔
گاڑی کا رخ اب شہر کی طرف تھا
اور اپنی گود میں رکھے وہاج کے خون آلودہ سر کو دیکھتے ہوۓ وہ۔۔۔۔۔۔عجیب بے بسی کا شکار تھی۔۔۔۔۔
گاڑی ڈراٸیور چلا رہا تھا اور ساتھ فرنٹ سیٹ پہ۔۔۔۔۔۔سنجیدہ چہرہ لیے رجب خان تھے۔۔۔۔۔۔۔
میرداد اور باقی سب لوگ۔۔۔۔۔۔۔دوسری گاڑی میں پیچھے سے آرہے تھے۔۔۔۔۔۔
آنسو ٹپ ٹپ اس کی آنکھوں سے بہہ کے وہاج کے چہرے پہ گر رہے تھے
تو اس کی پلکوں کی جنبش سے وہ اندازہ لگارہی تھی کہ وہ بے ہوش نہیں ہے۔۔۔۔۔
تھوڑی ہی دیر بعد۔۔۔۔۔وہ راولپنڈی۔۔۔۔۔کے قاٸد اعظم ہاسپٹل۔۔۔۔۔۔کے باہر تھے۔۔۔۔۔
جلدی سے۔۔۔۔۔۔وینٹی لیٹر لایا گیا۔۔۔۔۔اس کا وجود اس پہ رکھ کے جب اسے آگے کی طرف لے کے گۓ تو زری بھی دیوانہ وار پیچھے بھاگی تھی۔۔۔۔۔
رجب خان نے۔۔۔۔۔۔بھی اس طرف گۓ تھے۔۔۔۔
وہ وینٹی لیٹر کے ساتھ ساتھ چل رہی تھی۔۔۔۔۔
اس کو آپریشن ٹھیٹر میں لے کے جانے لگے تو زرپاش بھی پاگلوں کی طرح اس کے پیچھے بھاگی۔۔۔۔۔
جب کسی نے اسے ہاتھ سے پکڑ کے روکا
اس نے پلٹ کے دیکھا تو وہ رجب خان تھے جن کے اپنے چہرے پہ بھی دکھ واضح تھا۔۔۔۔۔
”میرا وہاج۔۔۔۔۔۔“
اس نے تقریباً روتے ہوۓ کہا تھا۔۔۔۔۔
انہوں نے آگے بڑھ کے اسے اپنے ساتھ لگا لیا تھا۔۔۔۔۔
صبر کرو میری بچی۔۔۔۔۔۔اللہ پہ یقین رکھو کچھ نہیں ہوگا اسے۔۔۔۔۔۔“
انہوں نے ضبط سے ہی سہی اسے حوصلہ دیا تھا۔۔۔۔۔
اسی لمحے سب ادھر پہنچے تھے۔۔۔۔
سب زرپاش کو تو بھول گۓ تھے انہیں بس اب وہاج یاد تھا۔۔۔۔۔
میرداد اور مہرالنساء نے کچھ ناگواری سے یہ منظر دیکھا تھا۔۔۔۔
جب کہ رضیہ تڑپ کے۔۔۔۔۔رجب کی طرف بڑھی تھی۔۔۔۔۔
”کیسا ہے میرا بیٹا۔۔۔۔“؟
وہ بے تابی سے پوچھ رہی تھی۔۔۔۔۔
ان سب میں صرف شہباز خان تھے جن کی نظروں میں ملال تھا۔۔۔۔۔۔کچھ دکھ پچھتاوا۔۔۔۔۔اور کم تری کا احساس۔۔۔۔
اگر وہ اس دن زری کو چھوڑ نہ آتے تو اس وقت۔۔۔۔۔رجب کی جگہ وہ ہوتے۔۔۔۔۔
اسی سوچ نے ایک دفعہ پھر انہیں اندر سے توڑ دیا تھا۔۔۔۔۔
وہاج کو سر پہ بہت گہری چوٹیں آٸی تھی اور اس کا خون بھی کافی بہہ گیا تھا۔۔۔۔
اس وقت وہ مکمل بے ہوشی میں تھا
ڈاکٹر بار بار انھیں دعا کی تلقین کر رہے تھے
اور زری اور رضیہ کا رو رو کے برا حال تھا۔۔۔۔۔
وہ دونوں۔۔۔۔۔کرسیوں پہ۔۔۔۔۔۔۔بیٹھی تھی۔۔۔۔۔۔زری کو انہوں نے ساتھ لگا رکھا تھا۔۔۔۔۔۔کافی دیر رونے کی وجہ سے اس کی آنکھیں لال ہوچکی تھی۔۔۔۔۔۔اب وہ خالی خالی نظروں سے اس وارڈ کے دروازے کو دیکھ رہی تھی جس میں وہاج تھا۔۔۔۔۔جبکہ رضیہ ابھی بھی بے آواز رو رہی تھی
وہ دونوں اس طرح بیٹھی تھی جیسے دونوں کی صدیوں کی آشناٸی ہو۔۔۔۔۔
وہ جو یہ سوچ کے بیٹھی تھی کہ وہ اس لڑکی کو کبھی قبول نہیں کریں گی۔۔۔۔۔اور اپنی ذہن میں۔۔۔۔۔خود سے اس کے لیے راۓ قاٸم کر لیتی تھی اسے ایک نظر دیکھتے ہوۓ ہی وہ بہت کچھ سوچنے پہ مجبور ہو گٸ تھی۔۔۔۔۔۔وہ لڑکی جس کے بارے میں وہ یہ سوچ کے بیٹھی تھی کہ تیز طراز ہو گی۔۔۔۔۔۔ان کی قیاس آراٸی ہی ثابت ہوٸی تھی۔۔۔۔۔۔وہ اس بات پہ۔۔۔۔۔یقین رکھتی تھی کہ جو خود مظلوم ہو ۔۔۔۔۔۔۔وہ۔۔۔۔۔۔۔کسی پہ ظلم کرتے ہوۓ بھی لاکھ دفعہ سوچتا ہے۔۔۔۔۔۔جس لڑکی کے اپنے ساتھ اتنا بڑا ظلم ہوا تھا۔۔۔۔۔وہ کیسے ان کے بیٹے کو چھین سکتی تھی۔۔۔۔باقی رہی سہی کسر وہاج والے واقعے نے ختم کر دی تھی۔۔۔۔۔ان کے دل میں رہا سہا وہم بھی ختم ہو گیا تھا۔۔۔۔۔زرپاش کا جنون ان سے ڈھکا چھپا نہیں تھا۔۔۔۔۔۔۔وہ فطرتاً بری نہیں تھی نہ دل میں میل رکھنے والی عورت تھی۔۔۔۔۔۔تھوڑی مغرور تھی جس کے بل بوتے پہ انہوں نے زرپاش کو برا بھلا کہا تھا۔۔۔۔۔۔لیکن اب وہ اسے دل سے قبول کر چکی تھی۔۔۔۔۔
رجب خان کے بھی کچھ ایسے ہی خیالات تھے جو بھی تھا وہاج ان کی اکلوتی اولاد تھی۔۔۔۔۔اور ان کی جان تھی اس میں اولاد اگر کچھ غلط بھی کر دے تو ماں باپ کہا اولاد سے منہ موڑ سکتے ہیں۔۔۔۔
اس سارے معملے میں تین نفوس نے مکمل چپ سادھ رکھی تھی۔۔۔۔۔شہباز خان۔۔۔۔۔،میرداد، اور مہرالنساء۔۔۔۔۔۔
جن کی خاموشی کسی طوفان کا پیش خیمہ تھی۔۔۔۔۔
تھوڑی ہی دیر بعد ڈاکٹر باہر نکلے تو زرپاش تیزی سے ان کی طرف بڑھی تھی۔۔۔۔۔
”وہاج کیسے ہیں۔۔۔۔۔“؟
اس نے بے تابی سے پوچھا تھا
”پیشنٹ کا خون کافی بہہ گیا ہے انہیں او نیگیٹو بلڈ کی بہت اشد ضرورت ہے آپ جلدی سے خون کا انتظام کریں ہم انھیں بچانے کی مکمل کوشش کر رہے ہیں۔۔۔۔۔“
ڈاکٹر نے پیشہ ورانہ انداز میں کہتے ھوۓ آخر میں انہیں تسلی دی تھی۔۔۔۔۔
”میرا ہے او نیگیٹو بلڈ۔۔۔۔۔۔ڈاکٹر صاحب۔۔۔۔۔“
اس نے تیزی سے اطلاع دی تھی۔۔۔۔۔
”آپ مسز ہیں ان کی “؟
ڈاکٹر نے عجلت سے پوچھا تھا۔۔۔۔۔
”ٹھیک ہیں چلیں۔۔۔۔اس وارڈ کی طرف۔۔۔۔۔۔“
ایک وارڈ بواۓ کے حوالے اسے کرتے ہوۓ۔۔۔۔۔۔۔۔ڈاکٹر دوبارہ آپریشن ٹھیٹر کی طرح بڑھ گیا تھا
اندرونی چوٹوں کی وجہ سے اس کا سی ٹی سکین بھی کیا جا رہا تھا۔۔۔۔۔
تھوڑی دیر بعد خون کا انتظامات کر لیا گیا تھا
لیکن کمزوری کی وجہ سے زرپاش کمرے میں ہی تھی۔۔۔۔
حالانکہ وہ رکنے پہ تیار نہیں تھی لیکن ڈاکٹر کے ہدایات کے مطابق اسے تھوڑی دیر آرام کرنا پڑا۔۔۔۔
رضیہ دوپٹہ سر پہ اوڑھے مسلسل دعاٶں میں مصروف تھی۔۔۔۔
بظاہر وہ اتنی اونچاٸی سے نھیں گرا تھا لیکن سر کے بل گرنے کی وجہ سے اس کے سر کے بہت نازک حصے پہ لگی تھی رہی سہی کسر خون نے پوری کر دی تھی۔۔۔۔۔
تھوڑی دیر بعد۔۔۔۔۔۔ڈاکٹر باہر نکلا تھا سب نے امید بھری نظروں سے اسے دیکھا تھا۔۔۔۔۔
”اب خطرے سے باہر ہیں۔۔۔۔۔۔تھوڑی دیر بعد مل سکتے ہیں آپ ان سے۔۔۔۔۔۔“
ڈاکٹر نے جیسے ایک نٸ ذندگی کا صور پھونکا تھا
سب کے تنے ہوۓ اعصاب ڈھیلے پڑ گۓ تھے۔۔۔۔۔
ان سے تھوڑے فاصلے پر کھڑی۔۔۔۔۔۔۔زرپاش نے۔۔۔۔۔تشکر بھری نظروں سے آسمان کی طرف دیکھا تھا۔۔۔۔۔
اب سب پہلے سے مطمٸین نظر آتے تھے۔۔۔۔
رضیہ کی نظر زرپاش پہ پڑی تو انہوں نے آگے بڑھ کے اسے گلے لگا لیا۔۔۔۔۔
مہرالنساء نے۔۔۔۔۔بے چینی سے پہلو بدلا۔۔۔۔
رجب خان۔۔۔۔۔میرداد کی طرف مڑے۔۔۔۔۔۔تو وہ رخ موڑ گۓ
ان کے اس عمل نے انہیں تکلیف دی تھی۔۔۔۔۔
زرپاش۔۔۔۔۔اور رضیہ۔۔۔۔۔۔شکرانے کے نوافل ادا کرنے۔۔۔۔۔۔ہسپتال کے مسجد کی طرف چلی گٸ
اسی لمحے میرداد تیزی سے ہسپتال سے باہر نکل گۓ تھے۔۔۔۔۔
رجب خان نے تاسف سے انہیں جاتے ہوۓ دیکھا تھا۔۔۔۔۔
دعاٶں ہو گٸی نا رد تمہاری
میں قاٸل ہی نہ تھا فلسفوں کے۔۔۔۔
شام کے گہرے ساۓ جب ہر چیز کو اپنی لپیٹ میں لے رہے تھے۔۔۔۔۔۔۔اسی لمحے انہوں نے کسی کی عارضی خوشیوں کو بھی اپنی لپیٹ میں لے لیا تھا۔۔۔۔۔
اس نے۔۔۔۔۔۔۔جنونی انداز میں۔۔۔۔۔۔ساٸیڈ ٹیبل پہ پڑا۔۔۔۔۔۔۔گلدان۔۔۔۔۔۔۔۔ٹی وی پہ دے مارا تھا۔۔۔۔۔
خبریں پڑتی نیوز کاسٹر وہی مجمند ہوٸی تھی۔۔۔۔۔
”وہ میرے ساتھ اتنا بڑا دھوکہ کیسے کرسکتے ہیں۔۔۔۔۔“
وہ ذمین پہ بیٹھ کے اپنے بال نوچتے ہوۓ ہذیاتی کیفیت میں چلاٸی۔۔۔۔۔
”میں اس کا قتل کر دوں گی۔۔۔۔۔۔محبت کے نام پہ بے وقوف بنایا ہے اس نے مجھے۔۔۔۔۔۔“
وہ دھمکی دینے والے انداز میں۔۔۔۔۔۔ایک دفعہ پھر چلاٸی لیکن۔۔۔۔۔۔یہاں سننے والا کوٸی نہیں تھا۔۔۔۔۔۔
اس کا موباٸل ذور ذور سے بج رہا تھا اور یہ آوازیں کسی ہتھوڑے کی طرح اس کی سماعتوں پہ برس رہی تھی
اس نے مضبوطی سے دونوں ہاتھ کانوں پہ رکھ کے ان آوازوں کا گلا گھوٹنے کی شعوری کوشش کی۔۔۔۔۔
ایک جھٹکے میں صدیقی نے اس کا پورا کرٸیر تباہ کر دیا تھا۔۔۔۔۔۔جس وقت سے یہ اسیکینڈل اوپن ہوا تھا۔۔۔۔۔جس میں۔۔۔۔۔مووی کی شوٹین کے دوران کی کچھ نازیبا تصاویر اور۔۔۔۔۔وہ محبت بھرے مسیجز جو اس نے۔۔۔۔۔صدیقی کو کیے تھے۔۔۔۔منظر عام پہ آۓ تھے اس کی بنی بناٸی عزت ملیا میٹ ہو گٸ تھی وہ رانی جس کو کل تک پلکوں پہ بٹھایا جا رہا تھا۔۔۔۔۔۔آج اسے ذمین پہ پٹھ دیا گیا تھا۔۔۔۔
صدیقی نے آج صبح ہی ایک پریس کانفرنس میں اس پہ الزام لگایا تھا۔۔۔۔۔۔کہ ایسی اداکار جو سستی شہرت حاصل کرنے کے لیے کسی بھی پروڈیوسر کو بدنام کر سکتی ہے۔۔۔۔محبت کا جال پھینک سکتی ہیں۔۔۔۔۔۔اسکرپٹس چوری کر سکتی ہیں۔۔۔۔۔۔وہ کچھ بھی کر سکتی ہے۔۔۔۔وہ کسی طور بھی ان کی فلم کے لیے موضوع نہیں
اس نے یہ سب صدیقی کی محبت میں خوشی خوشی کیا تھا۔۔۔۔۔۔
اس نے واقعی ہی بہت سے دوسرے پروڈیوسرز کے ساتھ دوستیاں کی تھی ان کا کام چرایا تھا اور آج صبح یہ سب صدیقی نے اس کے منہ پہ دے مارا تھا۔۔۔۔۔
اس میں واضح لفظوں میں اس پہ یہ بھی الزام تھا کہ کام حاصل کرنے کے لیے اس نے ایک ابھرتی ہوٸی اداکارہ کو زہر دینے کی بھی کوشش کی ہے۔۔۔۔۔۔
اور باقاعدہ اس اداکارہ نے انٹرویو دیتے ہوۓ اس بات پہ مہر بھی ثبت کی تھی۔۔۔۔۔
اس کے بعد سے سب ڈاریکٹرز پروڈیوسرز نے۔۔۔۔اس سے دست بردار ہونے کا۔۔۔۔۔۔۔فیصلہ سنا دیا تھا سب کو اپنا کام چوری ہونے کا خطرہ تھا۔۔۔۔۔۔
ایک سیکنڈ میں اسے آسمان سے ذمین پہ پٹھا گیا تھا
صدیقی نے اپنی فلم بھی واپس لے لی تھی۔۔۔۔
موباٸل ایک دفعہ پھر بج اٹھا تھا
اس نے سہمی ہوٸی نظروں سے موباٸل کو دیکھا۔۔۔۔۔۔
کانپتے ہاتھوں سے موباٸل ہاتھ میں لیا۔۔۔۔
اس کے چہرے پہ اذیت کے رنگ ابھرے تھے۔۔۔۔۔
اس نے تیزی سے کال پک کر کے کانوں کے ساتھ فون لگایا تھا ہاتھ ابھی بھی کانپ رہے تھے۔۔۔۔۔
”کس چیز کا بدلہ لیا ہے آپ نے مجھ سے۔۔۔۔۔“؟
اس نے۔۔۔۔۔نچلا لب کاٹتے ہوۓ رندھی ہوٸی آواز میں۔۔۔۔۔۔ہارے ہوۓ لہجے میں پوچھا تھا۔۔۔۔۔
دور۔۔۔۔۔اس فلیٹ میں بیٹھے۔۔۔۔۔اس شخص کو۔۔۔۔عجیب سی ندامت ہوٸی تھی
جو بھی تھا وہ ایک برا شخص نہیں تھا
لیکن جو کچھ بھی اس نے۔۔۔۔۔ایک بے گناہ لڑکی کے ساتھ کیا تھا وہ بھی کسی طور قابلِ قبول نہیں تھا۔۔۔۔۔
”میں نے یہ سب وہاج کے کہنے پہ کیا تھا۔۔۔۔۔میری تمہارے ساتھ کوٸی دشمنی نہیں۔۔۔۔۔“
انہوں نے ۔۔۔۔۔کہنی میز پہ ٹکاتے ہوۓ اسے جیسے صفاٸی دی تھی۔۔۔۔۔
”تو وہ محبت وہ سب جھوٹ تھا ڈرامہ تھا۔۔۔۔۔۔“؟
اس نے کانپتی ہوٸی آواز میں جیسے ڈرتے ہوۓ پوچھا تھا۔۔۔۔
”رانی بی بی محبت پیار۔۔۔۔۔ایک ڈرامہ ہی تو ہوتی ہے۔۔۔۔۔تم خود بتاٶ مرد کی محبت ڈرامے کے سوا کیا ہے۔۔۔۔۔“؟ایک جال سے بڑھ کے اور کچھ نہیں ہے۔۔۔۔وہ جال پھینکنے کا عادی۔۔۔شکاری ہوتا ہے۔۔۔۔۔۔“یہ تو عورت ہے۔۔۔۔۔جو ہنسی خوشی اس کے جال میں پھنس جاتی ہے اور پھر یہ سوچتی ہے۔۔۔۔۔کہ اب یہ صرف میرا ہے لیکن وہ یہ کیوں بھول جاتی ہے کہ۔۔۔۔۔شکاری شکار کرنے سے باز نہیں آتا۔۔۔۔۔۔“
انہوں نے جیب سے سگریٹ نکالی تھی۔۔۔۔۔ساتھ ہی کافی سمجھداری کا مظاہرہ کرتے ہوۓ اسے سمجھایا تھا
”وہاج نے میرے ساتھ بہت برا کیا ہے۔۔۔۔“؟
اس نے سامنے کے بالوں کو مٹھی میں جھکڑتے ہوۓ سرد آہ بھری تھی
”یہ بات تو ان کے منہ کے ساتھ اچھی لگتی ہے جنھوں نے خود کسی کے ساتھ برا نہیں کیا ہوتا۔۔۔۔۔“
انہوں نے سگریٹ کا کش لیتے ہوۓٍ استہزاٸیہ ہنسی کے ساتھ اسے باور کروایا تھا۔۔۔۔۔
وہ خاموش رہی تھی
اب بولنے کے لیے کیا بچا تھا۔۔۔۔۔
”محترمہ یہاں تو ہم سب۔۔۔۔۔ایک دوسرے کے گناہ گار ہیں۔۔۔۔۔۔کسی کہانی کے ہیرو تو کسی کہانی کے ولن ہوتے ہیں ٹھیک اسی کردار کی طرح۔۔۔۔۔۔جو ایک کہانی میں معافی مانگتا ہے تو دوسری میں معاف کرتا ہے۔۔۔۔۔۔“
سگریٹ کا دھواں ان کے چہرے کا طواف کر رہا تھا وہ وہاج جیسی باتیں کرنے لگے تھے۔۔۔۔۔
”وہ کہا کرتا ہے جیسے آنکھ کا بدلا آنکھ اور کان کا بدلہ کان ہوتا ہے۔۔۔۔۔۔۔ٹھیک ویسی ہی عزت کا بدلہ عزت ہوتا ہے۔۔۔۔۔
میں پہلے اس بات سے متفق نہیں تھا لیکن اب میں متفق ہوں۔۔۔۔
وہ دوبارہ صوفے پہ بیٹھ گۓ تھے۔۔۔۔۔۔
دوسری طرف وہ لب کچلتے انہیں سن رہی تھی۔۔۔۔۔
لوگ کہتے ہیں بے وفاٸی کرنے والوں کو معافی نہیں ملنی چاہیۓ لیکن میں کہتا ہوں۔۔۔۔۔۔بے عزتی کرنے والوں کو۔۔۔۔۔معافی نہیں ملنی چاہیۓ۔۔۔۔۔بے وفاٸی۔۔۔۔۔کرنے والے آپ کا یقین اٹھادیتے ہونگے محبت سے۔۔۔۔۔ تذلیل کرنے والے آپ کا اپنے اوپر سے بھی یقین اٹھوا دیتے ہیں۔۔۔۔۔۔آپ کو اپنی نظروں میں مجرم بنا کے کٹہرے میں کھڑا کر دیتے ہیں۔۔۔۔۔۔
تذلیل اور بے عزتی میں بڑا فرق ہوتا ہے۔۔۔۔۔۔
انہوں نے ایک لمبا سانس لیا۔۔۔۔۔سگریٹ دونوں انگلیوں کے درمیان دباۓ وہ اب ۔۔۔۔۔کافی پرسکون دیکھاٸی دے رہے تھے۔۔۔۔۔
”میں اب کبھی نہیں اٹھ پاٶں گی صدیقی صاحب۔۔۔۔۔“آپ نے مجھے بہت گہری چوٹ دی ہے۔۔۔۔۔“
نہ چاہتے ہوۓ بھی وہ اپنے لہجے میں طنز برقرار نہ رکھ پاٸی اور بے بسی در آٸی۔۔۔۔
جواب میں وہ ذور سے ہنسے تھے۔۔۔۔
”ایسے مت کہیں رانی بی بی۔۔۔۔۔انسان۔۔۔۔کے ساتھ کوٸی برا نہیں کرتا وہ خود ہی کافی برا کرنے کی سکت رکھتا ہے۔۔۔۔۔۔انسان خود اپنا مجرم ہوتا ہے بعض اوقات اسے خواب اس قدر اندھا کر دیتے ہیں کہ اسے اپنا آپ بھی دیکھاٸی نہیں دیتا۔۔۔۔۔۔“
ان کے لہجے میں تاسف تھا۔۔۔۔۔۔
”پتہ نھیں ہم اپنے خواب پورے کرنے کے لیے خود پر یقین کرنے کے بجاۓ سیڑھیاں کیوں تلاش کرتے ہیں۔۔۔۔۔“
خیر انہوں نے سر جھٹک دیا۔۔۔۔
”ایک بات یاد رکھیۓ گا کہ میرے یا وہاج کے کچھ بھی غلط کرنے سے پہلے۔۔۔۔۔آپ نے خود اپنے ساتھ برا کیا تھا۔۔۔۔۔۔آپ کو پہلے تو محض بدلہ لینے کے لیے کسی بے گناہ کی عزت کو نیلام نہیں کرنا چاہیۓ تھا اگر کر ہی دیا تھا تو ۔۔۔۔۔دشمن سے یوں بے خبر رہنا حماقت ہوتی ہے۔۔۔۔۔دشمن چھوٹا بڑا۔۔۔۔۔نہیں ہوتا دشمن ۔۔۔۔۔دشمن ہوتا ہے۔۔۔۔۔یہ نہیں کہ آپ کو کچھ دیکھاٸی نہیں دے رہا تھا آپ کا شمار عورتوں کی اس قسم میں ہوتا ہے۔۔۔۔۔جن کی آنکھوں پہ خوابوں کا اس قدر بوجھ ہوتا ہے کہ۔۔۔۔۔اس کے علاوہ انہیں کچھ دیکھاٸی نہیں دے رہا ہوتا۔۔۔۔۔۔۔“
انہوں نے سفاکی سے اسے آٸینہ دیکھایا۔۔۔۔۔
”قسمت کو بدلنے کا ایک ہی راستہ ہے جو بالکل سیدھا کافی لمبا۔۔۔۔۔اور خاردار ہوتا ہے۔۔۔۔۔۔باقی۔۔۔۔۔۔جو شارٹ کٹس ڈھونڈتے ہیں۔۔۔۔۔وہ بہت کم وقت کے لیے ابھرتے ہیں اور پھر معدوم ہو جاتے ہیں۔۔۔۔۔۔“
انہوں نے تیزی سے کہہ کے کال کاٹ دی تھی
اس سے ذیادہ وہ حوصلہ نہیں رکھتے تھے
گھبرا کے انہوں نے۔۔۔۔۔پانی کے ایک دو گلاس انڈھیلے تھے لمبے لمبے سانس لے کے خود کو نارمل کرنے کی کوشش کی تھی۔۔۔۔۔
”انسان کی ایک بری عادت شاید یہی ہے کہ اسے نا چاہتے ہوۓ بھی اپنے جیسے انسانوں سے انسیت ہو جاتی ہے جسے وہ بعض اوقات محبت کا نام دے دیتا ہے۔۔۔۔۔۔“
لیکن وہ عمر کے اس حصے میں تھے کہ۔۔۔۔۔وہ ۔۔۔۔محبت اور انسیت کے درمیان فرق کر سکتے تھے
وہ یوں بھی مرد تھے محبت کا فلسفہ انہیں کم ہی سمجھ آتا تھا۔۔۔۔۔۔۔
لیکن دوسری طرف موجود لڑکی ۔۔۔۔۔بدقسمتی سے عورت تھی اسے محبت چاہت اور انسیت میں فرق کرنا نہیں آتا تھا۔۔۔۔وہ اکثر انسیت کو محبت کا نام دے کے۔۔۔۔۔اپنی ذندگی کے قیمتی سال برباد کر دینے والی لڑکی تھی۔۔۔۔۔۔۔اور کبھی چاہت کو محبت کا نام دے کے پوری رات جاگ کے گزار دیتی تھی۔۔۔۔۔وہ لڑکی تھی۔۔۔۔بہت عام سی لڑکی۔۔۔۔۔اس کے اطوار خاص لڑکیوں سے مختلف تھے۔۔۔۔۔۔
یہ دو اس کہانی کے۔۔۔۔۔وہ کردار تھے جنہیں مرد اور عورت کہا جاتا ہے۔۔۔۔۔
اور یہ دونوں ہی محبت کے فلسفے سے بے بہرہ محبت کا دم بھرنے والے کردار۔۔۔۔۔۔
اس نے بجھے دل کے ساتھ موباٸل کو دیکھا اور پھر وہ نمبر ہمیشہ کے لیے ڈلیٹ کر دیا تھا۔۔۔۔۔
عورت تھی کہیں نہ کہیں سے بہادر تو تھی۔۔۔۔
اس نے فون کو ساٸیڈ پہ رکھا تھا۔۔۔۔
پھر دھاڑیں مار مار کے روٸی تھی۔۔۔۔۔
وہ عورت تھی کمزور بھی تو انتہاء درجے کی تھی۔۔۔۔
”عورت کیا ہے۔۔۔۔۔“؟
بڑی پیاری تخلیق۔۔۔۔۔۔“؟
بہادری اور کمزوری کا ملاپ۔۔۔۔۔۔“
کوٸی ہنس کر جیسے طنز کر رہا تھا۔۔۔۔۔
اس کہانی کے۔۔۔۔۔۔چار کرداروں میں سے۔۔۔۔۔۔وہ ایک بھی کردار نہیں تھی۔۔۔۔
”وہ زرپاش نہیں تھی وہ جہاں آراء بھی نہیں تھی۔۔۔۔۔وہ ماہ جبین بھی نہیں تھی۔۔۔۔۔“
وہ رانی تھی۔۔۔۔۔۔۔ایک کوٹھے کی طواٸف۔۔۔۔۔۔“
اور طواٸف تو پھر طواٸف ہی ہوتی ہے۔۔۔۔۔۔
نام بدلنے سے۔۔۔۔۔۔کہانیاں نہیں بدلا کرتی۔۔۔۔۔۔
کچھ لوگ ہماری ذندگی میں ایسے بھی ہوتے ہیں جو نۓ خواب دیکھانے کے چکر میں ہمارے گزشتہ خواب بھی چھین کے ہماری آنکھیں ویران کر دیتے ہیں
اس نے تھک کے سر بیڈ پیچھے صوفے کے ساتھ ٹکا لیا تھا۔۔۔۔۔
حسن اس دنیا کی سب سے بڑی حقیقت ہے۔۔۔۔۔“
اور اس سے بڑی حقیقت ۔۔۔۔“؟
”پیسہ۔۔۔۔۔“
جو حسن کو بھی خرید لیتا ہے۔۔۔۔۔
اور اس سے بڑی۔۔۔۔۔“؟
پاور۔۔۔۔۔“طاقت۔۔۔۔۔
جو حسن اور پیسے دونوں کو مات دے دیتی ہے۔۔۔۔۔
اب نہ وہ میں نہ تو ہے نہ وہ ماضی ہے فراز
جیسے دو شخص تمنا کے سرابوں میں ملیں۔۔۔۔
جس وقت وہ اس وارڈ میں داخل ہوٸی اس کے قدموں میں لڑکھڑاہٹ تھی۔۔۔۔۔وہ اپنے اندر۔۔۔۔۔اتنا حوصلہ نہیں جمع کر سکتی تھی کہ وہ اس انسان کو یوں۔۔۔۔۔سوٸیوں اور پٹیوں میں جھکڑا دیکھے۔۔۔۔۔۔جو ہمیشہ جم کے کھڑا رہنے پہ یقین رکھتا ہوں۔۔۔۔۔اسے یقین تھا وہ اس انسان کی خاموشی سے اکتا جاۓ گی جو ہمیشہ مقابل کو چپ کروا دیتا تھا۔۔۔۔۔
”میرداد تو پہلے ہی چلے گۓ تھے۔۔۔۔۔شہباز خان اور مہرالنساء نے بھی ان کی پیروی کی تھی۔۔۔۔۔۔“
رجب خان تلملا کے رہ گۓ تھے۔۔۔۔۔
رضیہ۔۔۔۔۔۔۔اور رجب۔۔۔۔۔۔وہاج سے ملنے گۓ تھے۔۔۔۔لیکن وہاج دواٸیوں کے زیر اثر گہری نیند میں سو رہا تھا۔۔۔۔۔۔
اس لیے وہ دونوں اسے ٹوٹے دل کے ساتھ باہر سے دیکھ کے ہی لوٹ آۓ تھے۔۔۔۔۔
زری اتنی دیر میں۔۔۔۔۔۔ایک دفعہ بھی اسے دیکھنے نہیں گٸ تھی
اب تو رات کے ساۓ گہرے ہو گۓ تھے۔۔۔۔۔
زرپاش کو رضیہ کافی تھکی ہوٸی لگ رہی تھی اس لیے اس نے ضد کر کے انہیں حویلی واپس بجھوا دیا تھا
اب ہاسپٹل میں صرف۔۔۔۔۔رجب اور۔۔۔۔۔۔زرپاش ہی تھے۔۔۔۔
آخر ہمت مجتمع کر کے اس نے اس کا سامنا کرنے کی ٹھانی تھی
وہ ابھی تک۔۔۔۔۔دنیا جہاں سے بے خبر سو رہا تھا۔۔۔۔۔۔
اس نے اسٹول اس کے بیڈ کے قریب رکھا اور بغور اس کا چہرہ دیکھنے لگی۔۔۔۔۔
اس کی رنگت ذرد تھی آنکھوں کے نیچے حلقے واضح تھے۔۔۔۔۔ماتھے پہ پٹی بندھی ہوٸی تھی
اس نے کچھ جھجھکتے ہوۓ اس کا ہاتھ پکڑا تھا۔۔۔۔۔
یہ وہ ہاتھ تھا۔۔۔۔۔جو ہمیشہ اسے ۔۔۔۔۔تھام لیتا تھا۔۔۔۔۔
مشرقی عورت یوں بھی شوہر کی ہر چیز کو عقیدت کی ہی نگاہ سے دیکھتی ہے
سامنے موجود شخص۔۔۔۔اس کا شوہر بھی تھا اور اس کا محبوب بھی۔۔۔۔۔
اس نے اس کا ہاتھ لبوں کے ساتھ لگایا پھر چہرے کے ساتھ وہ اسے محسوس کرنا چاہتی تھی۔۔۔۔
پھر خاموشی سے سر اس کے سینے پہ ٹکا دیا تھا
اس کی دھڑکن اسے واضح سناٸی دے رہی تھی۔۔۔۔۔
یہ اس کی دھڑکن اس کے لیے جینے کی امید تھی۔۔۔۔۔
کب رات کے اندھیرے کی جگہ صبح کی روشنی نے لی تھی اسے محسوس ہی نہیں ہوا تھا۔۔۔۔۔۔
وہ وحشت ہے کہ ہے وہ سوگ برپا ۔۔۔
میں ہنستا تک نہیں ہوں قہقہوں سے۔۔۔۔
وہاج نے دھیرے سے آنکھیں کھولی تو منظر کچھ دھندلایا ہوا تھا۔۔۔۔۔۔اس نے بامشکل پوری آنکھیں کھول کے دیکھا۔۔۔۔۔۔۔اس کا سر بھاری ہو رہا تھا۔۔۔۔اور تکلیف بھی ہو رہی تھی۔۔۔۔۔۔اس نے ذرا چہرہ نیچے کیا تو حیران ہوا۔۔۔۔۔۔۔
اس کے سینے پہ زرپاش سر ٹکاۓ بے خبر سو رہی تھی
سابقہ مناظر اس کی نظروں کے سامنے گھوم گۓ تھے باری باری اسے سب یاد آنے لگا تھا۔۔۔۔۔۔
اس نے کچھ پرسکون سی نظروں سے زرپاش کو دیکھا تھا لیکن حرکت نہیں کی تھی اس ڈر سے کہ کہیں وہ جاگ نہ جاۓ۔۔۔۔۔
وہ کافی دیر اس کے براٶن بالوں کے جوڑے کو غاٸب دماغی دیکھتا رہا
یہاں تک کے اس کے وجود میں جنبش پیدا ہوٸی پھر تھوڑا سر اٹھا کے دیکھا
نیم وا آنکھیں لال تھی۔۔۔۔
وہ یکدم شرمندہ سی ہو گٸ۔۔۔۔۔
اس نے گڑبڑا کے فوراً سر اٹھا لیا۔۔۔۔۔
”سوٸی رہتی نا۔۔۔۔۔“
وہ چاہتے ہوۓ بھی اس کے لہجے میں سے طنز تلاش نہ کر پاٸی۔۔۔۔۔
یہ آواز اس نے کٸ گھنٹوں بعد سنی تھی۔۔۔۔
اور اسے یوں لگ رہا تھا جیسے وہ صدیوں سے اس آواز کے لیے ترسی ہوٸی تھی۔۔۔۔۔
”یہ کیا ۔۔۔۔۔کیا تھا آپ نے وہاج۔۔۔۔۔“
اس نے شکایت بھری نظروں سے اسے دیکھتے ہوۓ شکوہ تھا۔۔۔۔۔
کیا کیا میں نے۔۔۔۔۔“
وہ اس کی طرف دیکھتے ہوۓ انجان بنا تھا۔۔۔۔۔۔
”کچھ نہیں کیا تب ہی ادھر ہسپتال کے بیڈ پہ پڑے ہیں۔۔۔۔۔“
وہ چڑ کے بولی
تو وہ مسکرا دیا تھا۔۔۔۔
”میں تو تمہارے جانے کے خوف سے۔۔۔۔۔یہاں تک پہنچ گیا ہوں۔۔۔۔۔“
اس نے اس کی آنکھوں میں جھانکا۔۔۔۔۔
”مجھے ڈرا ہی دیا تھا آپ نے۔۔۔۔۔“
اس نے دانستہ نظریں چرا کے موضوع بدلا۔۔۔۔۔
”اور میری تو جان نکال دی تھی تم نے۔۔۔۔۔“
اس نے دلچسپی سے کہا
نظریں ابھی تک زرپاش کے چہرے کا طواف کر رہی تھی۔۔۔
زرپاش نظر چرا کے اٹھ کھڑی ہوٸی
میں۔۔۔۔۔بابا کو بتا کے آتی ہوں کہ آپ جاگ گۓ ہیں۔۔۔۔۔“
اس نے نظر بچا کے وہاں سے کھسکنے کی کوشش کی
اس نے۔۔۔۔۔چونک کے اسے دیکھا تھا۔۔۔۔
چچا جان کو معاف کر دیا ہے تم نے۔۔۔۔۔“؟
اس نے سرسری پوچھا تھا
”نہیں آپ کے بابا جان نے آپ کو معاف کر دیا ہے۔۔۔۔۔“
اس نے ہنس کے جواب دیا تھا
جس سے اسے خوشگوار حیرت ہوٸی تھی۔۔۔۔
تھوڑی دیر بعد رجب اندر آۓ تھے انہوں نے اس کا ماتھا چوما تھا۔۔۔۔۔۔اب اس سے خوشگوار لہجے میں باتیں بھی کر رہے تھے
تھوڑی دیر بعد رضیہ بھی آگٸ تھی
لیکن۔۔۔۔۔وہاج کی نظریں کسی اور کو تلاش کر رہی تھی۔۔۔۔۔
”دادا جان نہیں آۓ۔۔۔۔۔“؟
بظاہر عام سے لہجے میں پوچھے گۓ سوال میں۔۔۔۔۔آس تھی۔۔۔۔۔
”وہ نہیں آۓ“
رجب نے۔۔۔۔۔۔نظر چرا کے اطلاع دی تھی۔۔۔۔۔
رضیہ کا چہرہ بھی بج گیا تھا۔۔۔۔۔۔
”ان سے کہنا اب آنے کی ضرورت بھی نہیں۔۔۔۔۔۔وہاج اب گرنے کے بعد خود ہی اٹھنا سیکھ گیا ہے۔۔۔۔۔۔“
اس نے چھت کو گھورتے ہوۓ سپاٹ لہجے میں کہا تھا۔۔۔۔۔
لیکن اس کے لہجے کی سختی زرپاش سے مخفی نہیں رہ سکی تھی۔۔۔۔۔
تمہارے میرے بیچ ایک دیوار ہے
جسے اونچا کریں گے نفرتوں سے۔۔۔۔۔
وہاج کو۔۔۔۔۔۔۔تین دن کے پاس ڈسچارج کر دیا گیا تھا۔۔۔۔۔۔اب وہ حویلی واپس آگیا تھا اور پہلے سے قدرے بہتر تھا۔۔۔۔۔
لیکن حویلی میں ہنوز سرد مہری کی فضا قاٸم تھی۔۔۔۔
بڑے کمرے میں۔۔۔۔رجب اور میرداد کی تکرار ذور پکڑ چکی تھی۔۔۔۔۔
”بابا جان۔۔۔۔۔۔بیٹا ہے میرا وہ۔۔۔۔۔آپ کا پوتا ہے مجھ سے ذیادہ آپ نے محبت کی ہے اس کے ساتھ۔۔۔۔۔۔“آپ کیسے اتنے پتھر دل ہو سکتے ہیں کہ۔۔۔۔۔۔اس کو ایک نظر دیکھنے بھی نہ جاٸیں۔۔۔۔۔“
وہ تاسف سے۔۔۔۔۔۔انہیں کہہ رہے تھے جو ان کی طرف پیٹھ کیے باہر باغیچے میں پتہ نہیں کیا تلاش کر رہے تھے۔۔۔۔۔۔
”ہم سے فضول بحث کا کوٸی فاٸدہ نہیں ہے۔۔۔۔۔اسے کہہ دو جاکے ہم تب تک اس سے نہیں ملیں گے جب تک وہ اس لڑکی کو طلاق نہیں دے گا۔۔۔۔۔“
انہوں نے سرد مہری سے کہا تھا۔۔۔۔۔
”بابا جان وہ کبھی طلاق نہیں دے گا اسے۔۔۔۔۔“
انہوں نے میرداد کو جیسے آگاہ کیا تھا۔۔۔۔
”ہم بھی نہیں ملے گے پھر ان سے۔۔۔۔۔۔“
انہوں نے پلٹ کے رجب کی آنکھوں میں دیکھتے ہوۓ سفاکیت کی حد کر دی تھی۔۔۔۔۔۔
مجھے تو یہ سمجھ نہیں آرہی ۔۔۔۔بھابھی اور رجب بھاٸی نے اس لڑکی کو اتنی آسانی سے قبول کیسے کر لیا۔۔۔۔۔“
ساتھ والے کمرے میں مہرالنساء نے کپڑے تہہ کرتے ہوۓ کھوجتی ہوٸی نگاہوں سے۔۔۔۔۔۔اپنے شوہر کا چہرہ دیکھا تھا۔۔۔۔
جو ایسے بیٹھے تھے جیسے انہوں نے۔۔سنا ہی نہ ہو۔۔۔۔۔
”ہم یہاں نہیں رہیں گے زرپاش۔۔۔۔۔۔“
اور اوپر اس کشادہ کمرے میں اس نے زری کے ہاتھ سے سوپ پیتے ہوۓ آگاہ کیا تھا۔۔۔۔۔
”وہ بری لڑکی نہیں ہے بابا۔۔۔۔۔“خون ہے آپ کا۔۔۔۔۔۔“
رجب خان نے صفاٸی دے کے جیسے انہیں قاٸل کرنا چاہا۔۔۔۔۔۔
”میری بیٹی ہے وہ۔۔۔۔۔۔“مہرالنساء۔۔۔۔۔
انہوں نے اسی طرح بیٹھے ہوۓ اسے باور کروایا۔۔۔۔۔
”لیکن کیوں۔۔۔۔۔۔“؟
زرپاش نے چونک کے وہاج کا چہرہ دیکھا تھا۔۔۔۔۔
”نہیں ہے ہمارا خون وہ لڑکی۔۔۔۔۔وہ اس رقاصہ بدکردار عورت کی بیٹی ہے۔۔۔۔۔“
ان کے ہر لفظ سے رعونت ٹپک رہی تھی۔۔۔۔۔۔
”بہت جلدی نہیں یاد آگیا آپ کو۔۔۔۔۔وہ خرافہ دکھتی ہو گی۔۔۔۔۔آپ کو اس میں۔۔۔۔۔“
وہ تنک کر بولی تھی۔۔۔۔۔
تو شہباز خان کا ہاتھ اٹھ گیا تھا ان پہ۔۔۔۔۔
”کیوں کہ
یہاں کوٸی تمہیں قبول نہیں کرے گا۔۔۔۔۔میں نہیں چاہتا تم ایسی جگہ رہو جہاں تمہاری عزت نہ ہو۔۔۔۔۔
اس نے اس کا ہاتھ اپنے ہاتھ میں لیتے ہوۓ اسے اعتماد میں لیا تھا۔۔۔۔۔
”بابا کچھ تو خدا کا خوف کریں۔۔۔۔۔۔کیوں کسی مری ہوٸی عورت کے متعلق ایسی بات بولتے ہیں۔۔۔۔۔۔“
رجب خان نے خود کو کچھ غلط کہنے سے روکا۔۔۔۔۔۔
”ایک لفظ بھی مت بولنا تم اور۔۔۔۔۔۔یہی طمانچہ ۔۔۔۔۔میں تمہارے منہ پہ تب مار دیتا تو آج میں اپنی بیٹی کے سامنے یوں شرمندہ نہ ہو رہا ہوتا۔۔۔۔۔“
ان کے لہجے میں اجنبیت تھی سختی تھی
مہرالنساء گال پہ ہاتھ رکھے۔۔۔۔۔بے یقینی سے انہیں دیکھ رہی تھی۔۔۔۔۔۔
”جاکے بتا دو اسے اگر اس لڑکی کو نہیں چھوڑے گا تو مرتے دم تک منہ نہ دیکھاۓ اپنا۔۔۔۔۔بلکے جنازے میں بھی شرکت نہ کرے۔۔۔۔۔۔“
انہوں نے۔۔۔۔۔۔سفاکیت سے کہتے ہوۓ رخ موڑ لیا تھا۔۔۔۔۔
ّ”تم معاف نہیں کر سکتی چچا جان کو۔۔۔۔۔۔“؟
اس نے۔۔۔۔زرپاش کے چہرے کو۔۔۔۔۔۔۔۔کھوجتی ہوٸی نظروں سے دیکھتے ہوۓ یونہی پوچھ ڈالا تھا۔۔۔۔۔
”تمہاری وجہ سے۔۔۔۔۔۔۔میری بیٹی مجھے کبھی معاف نہیں کرے گی۔۔“
ان کے لہجے میں شکستگی در آٸی تھی۔۔۔۔۔
”میں انہیں کبھی معاف نہیں کر پاٶنگی۔۔۔۔۔معافی کے ایک لفظ سے۔۔۔۔۔۔زخموں کے انبار پہ۔۔۔۔۔۔مرہم نہیں لگ سکتا ۔۔۔۔میری تکلیفوں کا ازالہ۔۔۔۔۔۔یہ لفظ نہیں کر سکتا۔۔۔۔۔۔پتہ نہیں میری ماں کے ساتھ انہوں نے کتنی ذیادتیاں کی ہوں۔۔۔۔۔پتہ نہیں ۔۔۔۔۔وہ کدھر ہونگی۔۔۔۔۔ذندہ ہونگی یا مر گٸ ہونگی۔۔۔۔۔۔“میرا دل کہتا ہے انہوں نے میری ماں۔۔۔۔۔سے کبھی محبت نہیں کی۔۔۔۔۔۔۔”
اس نے یونہی اپنے ہاتھوں میں کچھ کھوجنے کی کوشش کی۔۔۔۔
”اور جسے تم خرافہ کہہ رہی ہونا وہ محبت ہے میری۔۔۔۔۔۔پچیس سالوں اس کی محبت کسی ناسور کی طرح میرے دل میں ہے۔۔۔۔۔۔اور دیمک کی طرح اندر ہی اندر مجھے چاٹ چکی ہے۔۔۔۔۔۔۔۔“
وہ بات کرتے کرتے ہانپنے لگے تھے۔۔۔۔۔۔
مہرالنساء خالی خالی نظروں سے انہیں دیکھ کے رہ گٸ تھی۔۔۔۔
اتنے سال واقعی ہی اکارت گۓ تھے۔۔۔۔
وہ جس اعتراف سے اتنے سال پہلے ڈر گٸ تھی اور انہوں نے ایک مظلوم بچی کے ساتھ ظلم کر ڈالا تھا ۔۔۔۔۔
وہ اعتراف آج ہو چکا تھا۔۔۔۔
”تم ٹینشن مت لو۔۔۔۔۔۔۔میں ہوں نا تمہارے ساتھ۔۔۔۔تم پرانی باتیں بھول جاٶ
اس نے اسے دکھی ہوتے دیکھ کے۔۔۔۔۔۔۔اس کو بہلانے کی شعوری کوشش کی
وہ زبردستی مسکراٸی تھی
رجب خان نے ایک ملامتی نگاہ۔۔۔۔۔۔میرداد پہ ڈالی اور باہر نکل گۓ۔۔۔۔۔
اور شہباز خان وہی صوفے پہ ڈھ گۓ تھے۔۔۔۔۔
تمہارے غم سے بیزار ہیں کیا ہم
نہیں مگر شاید ہاں کچھ دنوں سے۔۔۔
”میں اور زری۔۔۔۔۔کینیڈا شفٹ ہونے والے ہیں۔۔۔۔۔۔“
اس نے رات کھانے کی میز پہ۔۔۔۔سب کو آگاہ کیا تھا۔۔۔۔۔
سب نے ایک ساتھ سر اٹھا کے دیکھا تھا۔۔۔۔۔
یہاں سب موجود تھے سواۓ میرداد کے۔۔۔۔۔
”یہاں کیا مسٸلہ ہے تمہیں۔۔۔۔“؟
رجب خان نے پلیٹ ساٸیڈ پہ کرکے دونوں کہنیاں میز پہ ٹکاٸی پھر سنجیدگی سے پوچھا تھا۔۔۔۔۔
”عزت کا۔۔۔۔“
اس نے پلیٹ میں چمچ ہلاتے ہوۓ لاپرواٸی سے کہا تھا۔۔۔۔۔
”بابا جان اس وقت غصے میں ہیں معاف کر دیں گیں تمہیں۔۔۔۔۔“
رضیہ نے بے چینی سے پہلو بدل کے۔۔۔۔۔۔اسے سمجھانا چاہا۔۔۔۔
وہ یہی سمجھی۔۔۔۔۔کہ شاید میرداد کے رویے کی وجہ سے۔۔۔۔۔۔
”مجھے ان کے معاف کرنے یا نہ کرنے سے کوٸی فرق نہیں پڑتا۔۔۔۔۔۔“
اس نے ایک ایک لفظ چبا کے ادا کیا تھا
زری نے زرا گردن گھما کے اس طرف دیکھا تھا جدھر شہباز خان بیٹھے ہوۓ تھے۔۔۔۔۔
ان کی نظروں میں آس تھی۔۔۔
زری پھر سے کھانے کی طرف متوجہ ہو گٸ۔۔۔۔۔۔
”ان کا نہ سہی ہمارا تو سوچو۔۔۔۔۔۔اب تو زری کو بھی قبول کر لیا ہے۔۔۔۔۔۔۔“ہم نے۔۔۔۔۔۔“
انہوں نے۔۔۔۔۔۔قدرے بے بسی سے وہاج کو روکنے کی کوشش کی۔۔۔۔۔
”آپ کی بات ٹھیک ہے۔۔۔۔۔۔لیکن۔۔۔۔۔یہاں میں اور زری دونوں ہی ڈسٹرب رہینگے۔۔۔۔۔۔۔“
اس نے اطمینان سے۔۔۔۔۔چاولوں سے بھری چمچ منہ میں ڈالتے ہوۓ ایک نظر شہباز خان کو دیکھ کے کہا تھا۔۔۔۔۔۔
”زری معاف نہیں کر سکتی انہیں۔۔۔۔۔۔۔“
اس نے بڑے آرام سے کہا تھا۔۔۔۔۔۔
”مہرالنساء نے ایک دفعہ بھی سر اٹھا کے نہیں دیکھا تھا۔۔۔۔۔
شہباز خان بھی خاموش رہے تھے۔۔۔۔۔
”میں اپنی ماں سے ملنا چاہتی ہوں۔۔۔۔۔۔“
اس نے سر اٹھا کے براہ راست۔۔۔۔۔۔شہباز خان کی طرف دیکھا تھا۔۔۔۔
ان کی آنکھوں میں کرب ابھرا تھا۔۔۔۔۔
”وہ مر چکی ہے۔۔۔۔۔۔“
انہوں نے سر جھکا کے اسے آگاہ کیا تھا۔۔۔۔۔
وہ کتنی ہی دیر ان کے جھکے ہوۓ سر کو دیکھتی رہی۔۔۔۔۔
پھر اپنی جگہ سے اٹھ کھڑی ہوٸی
سپاٹ نظروں سے ایک نظر وہاج کو دیکھا۔۔۔۔
اس کے بعد کچھ بھی پوچھنا ضروری نہیں تھا۔۔۔۔۔
اس سارے واقعے میں وہاج کو بھی کوٸی دلچسپی نہیں تھی
لیکن زری کو تھی کہ اس کی ماں کون تھی کیسی تھی۔۔۔۔۔“؟
وہاج نے بھی اس کی پیروی کی تھی۔۔۔۔۔۔
اپنے فیصلے سے وہ پہلے ہی آگاہ کر چکا تھا اس لیے سب نے چپ سادھ لی تھی
سواۓ کمرے کے باہر کھڑے میرداد کے۔۔۔۔۔
انہوں نے ایک نفرت بھری نگاہ۔۔۔۔۔۔دور جاتی زرپاش پہ ڈالی اور دوبارہ کمرے کے اندر چلے گۓ۔۔۔۔۔۔
تو خدا ہے نا میرا عشق فرشتوں جیسا
دونوں انسان ہیں تو کیوں اتنے حجابوں میں ملیں۔۔۔۔۔
انہیں یہاں۔۔۔۔۔آۓ دو سال مکمل ہو چکے تھے۔۔۔۔۔دو سال پہلے وہ آخری دفعہ شہباز خان سے تب ملی تھی جب اس نے ان سے اپنی ماں کے متعلق پوچھا تھا۔۔۔۔۔وہ یہاں آنے سے پہلے مری گٸ تھی۔۔۔۔وہاں وہ سفینہ سے ملی تھی اپنی ماں کی تصویر دیکھی تھی سفینہ کی زبانی ہی ساری کہانی سنی تھی۔۔۔۔۔۔اس کے دل میں شہباز خان کے لیے رہی سہی عزت بھی اسی دن ختم ہو گٸ تھی اس سے ذیادہ برا تو اس کی ماں کے ساتھ ہوا تھا۔۔۔۔۔۔صرف اس بناء پر کہ وہ خوبصورت نہیں تھی۔۔۔۔۔۔اس کے بعد وہ دونوں حویلی نہیں لوٹے تھے۔۔۔۔۔رضیہ اور رجب سے ان دونوں کی بات۔۔۔۔۔کبھی کبھی ویڈیو کال پہ ہو جاتی تھی۔۔۔۔۔۔۔ان کی ہی زبانی وہاج نے سنا تھا کہ میرداد اسے بہت یاد کرتے ہیں اس سے ملنا چاہتے ہیں لیکن وہاج کا دل ان کی طرف سے برا ہو چکا تھا جس لمحے اسے ان کی ضرورت تھی اس لمحے وہ اس کے ساتھ نہیں تھے۔۔۔۔اور وہ آج بھی زرپاش کو قبول نہیں کرتے تھے۔۔۔۔۔۔۔۔شہباز خان نے اپنی ذندگی کے دو اور سال محض۔۔۔۔۔۔پچھتاوے کے نام کر دیۓ تھے۔۔۔۔۔۔۔اور وہاج کے نزدیک گناہ گار کی سب سے بڑی سزا اس کا پچھتاوہ ہوتا ہے۔۔۔۔۔۔اللہ کے الف اور انسان کے الف کا دوسرا فرق۔۔۔۔۔۔۔”اللہ معاف کرتا ہے ۔۔۔۔۔۔۔انسان معاف نہیں کرتا۔۔۔۔۔۔یہ تو خدا کا ہی حوصلہ ہے ۔۔۔۔۔بندہ اتنا اعلی ظرف نہیں ہوتا۔۔۔۔۔۔
وہ جس وقت کمرے کے اندر آٸی تھی۔۔۔۔۔اس وقت وہ منہ تک لحاف اوڑے آنکھیں موندے لیٹا تھا زرپاش کو گمان ہوا کہ شاید وہ سو گیا ہے وہ دونوں یہاں ایک اپارٹمنٹ میں رہ رہے تھے۔۔۔۔۔۔۔
جو جدید طرز کا بنا ہوا تھا۔۔۔۔۔۔
وہ ابھی ابھی کچن کا پھیلاوا سمیٹ کے آٸی تھی۔۔۔۔ارادہ دیر تک وہاج سے باتیں کرنے کا تھا لیکن اسے یوں سویا دیکھ کے وہ مایوس ہوٸی تھی۔۔۔۔
وہ ساٸیڈ لمیپ بند کرنے ہی لگی تھی جب وہاج نے اس کا ہاتھ پکڑ لیا۔۔۔۔
وہ مسکرا کے پلٹی تھی
یہ اس کی پرانی عادت تھی۔۔۔۔۔۔جو وہ اکثر اسے چڑانے کے لیے استعمال کرتا تھا
”سوۓ نہیں آپ۔۔۔۔۔۔۔“؟
اس نے اس کے مسکراہٹ ضبط کر کے اس کے قریب بیٹھتے ہوۓ۔۔۔۔۔۔۔کہا۔۔۔۔
”آپ کے بغیر نیند کہاں آتی ہے ہمیں۔۔۔۔۔“؟
اس نے محبت سے چور لہجے میں کہا تھا۔۔۔۔
”پھر مان کیوں نہیں لیتے محبت ہے آپ کو ہم سے۔۔۔۔۔“
وہ آج موڈ میں تھی
لہازہ۔۔۔۔۔۔چہرے کو دونوں ہاتھوں کے پیالے میں سموۓ۔۔۔۔۔آنکھیں مٹکا کے کہا۔۔۔۔
”یہ اعتراف تو میں مر کے بھی نہ کروں۔۔۔۔۔“
اس نے اسے ہری جھنڈی دیکھاٸی تھی۔۔۔۔
اس نے جواب میں برا سا منہ بنایا تھا۔۔۔۔
”خیر یہ اعتراف آپ نے دو سال پہلے کر دیا تھا۔۔۔۔۔۔“
اس نے ایک ادا سے۔۔۔۔۔سامنے کے بالوں کو جھٹکے ہوۓ اسے یاد دلایا تھا۔۔۔۔۔
”کب۔۔۔۔۔“؟
وہ یکسر انجان بنا۔۔۔۔۔
”یہ آپ کی یاداشت جانے سے پہلے کا قصہ ہے۔۔۔۔۔۔“
اب کی بار اس نے تیوری چڑاۓ جل کے کہا تھا۔۔۔۔
”اور میری یاداشت کب گٸ تھی۔۔۔۔۔۔۔“؟
اس نے ایک ابرو اٹھا کے استفسار کیا تھا
سیڑھیوں سے گرنے کے بعد۔۔۔۔۔“؟
اور ساتھ ہی ۔۔۔۔۔ لیٹ کے منہ پر کمبل اوڑ لیا تھا
یہ ناراضگی کا سگنل تھا۔۔۔۔۔
لیکن دوسری طرف بھی وہاج تھا مجال ہے اسے ایک دن بھی منایا ہو
زری بھی اثر نہ لیتے ہوۓ نیند کی گہری وادیوں میں اتر گٸ ۔۔۔۔
وہ ہمیشہ کی طرح دھیرے سے اٹھا تھا۔۔۔۔
پھر ساٸیڈ کے دراز سے بلیک کور والی ڈاٸری نکالی یہ اس کا معمول تھا وہ روز۔۔۔۔زرپاش کے سونے کے بعد اپنے سب راز دل کی باتیں ڈاٸری میں لکھتا تھا
جس بات سے زری بے خبر تھی۔۔۔۔۔۔
اس نے پن اٹھایا اور قلم اب تیزی سے سفید صفحے پر حروف بکھیر رہا تھا
”تم نے ایک دفعہ مجھ سے پوچھا تھا۔۔۔۔۔۔کہ وہاج۔۔۔۔۔۔گناہ گار تو ہم سب ہی ہوتے ہیں۔۔۔۔۔۔لیکن سارے پیمانے۔۔۔۔۔۔۔ایک طواٸف کے کردار کو ہی کیوں تولتے ہیں۔۔۔۔۔۔تمہارا سوال ٹھیک تھا لیکن اس وقت میرے پاس جواب نہیں تھا۔۔۔۔۔۔۔”لیکن آج میرے پاس جواب ہے۔۔۔۔۔۔“ہم سب اداکار ہیں۔۔۔۔۔۔اور فنکار بھی اور گناہ گار بھی۔۔۔۔۔سب رقص کرتے ہیں۔۔۔۔۔۔۔”لیکن بدنام صرف رقاصہ ہوتی ہیں کیوں۔۔۔۔۔۔۔۔“؟”رقص لفظ چاہے تمہیں مجھے یا کسی اور کو سننے میں معیوب لگے لیکن ہے تو حقیقت۔۔۔۔۔۔۔انسان کی محبت۔۔۔۔۔۔۔۔دھیرے دھیرے۔۔۔۔۔کسی پرسرور موسیقی کی طرح بجتی ہے۔۔۔۔۔۔۔۔تو انسان کے پاٶں خود با خود اٹھنے لگتے ہیں جب اس کا نشہ رگ رگ میں سرایت کرتا ہے تو۔۔۔۔۔۔پورا جسم ہی تو محض رقص ہو جاتا ہے۔۔۔۔۔۔”آنکھیں اسی طرف اٹھتی ہیں جہاں محبوب ہو۔۔۔۔۔۔۔محبوب کے گرد تمام عمر رقص کرتے ہی گزار دیتے ہیں۔۔۔۔۔اور تمہیں تو پتہ ہے مرد یہ رقص دیکھنے کا دیوانہ ہے اسے اپنے عشق میں اپنے گرد محو رقص عورت پر کشش لگتی ہے۔۔۔۔۔۔لیکن کیا یہ بھی ضروری ہے کہ وہ۔۔۔۔۔۔اس رقاصہ کے عشق میں بھی مبتلا ہو جاۓ۔۔۔۔۔۔محبت کا دعوی تب بھی نھیں کرتا۔۔۔۔۔کیونکہ میں شہباز خان نہیں ہوں۔۔۔۔۔میں وہاج ہوں۔۔۔۔۔میں اپنی کمزوریوں سے واقف ہوں۔۔۔۔۔۔میں ایک بشر ہوں۔۔۔۔۔۔۔جسے کمزوریوں کے ساتھ پیدا کیا گیا ہوں میں اس میں قصورار نہیں میں تخلیق ہی ایسے کیا گیا ہوں۔۔۔۔۔”حسن پرست۔۔۔۔۔۔“ہم سب کہیں نا کہیں حسن پرست ہیں۔۔۔۔۔۔۔۔”حسن “ اس دنیا کی سب سے بڑی حقیقت ہے ہم اس معاشرے کا حصہ ہیں۔۔۔۔۔۔۔جو چیز خریدنے سے پہلے اس کی کوالٹی پرکھنے کے بجاۓ۔۔۔۔۔۔۔اس کی ظاہری حالت دیکھتے ہیں۔۔۔۔۔۔”مرد۔۔۔۔۔۔حوس ہمیشہ خوبصورت عورت سے پوری کرتا ہے۔۔۔۔۔۔۔۔اور تسخیر کرنے کی چاہ ہمیشہ منفرد عورت کو کرنے کی ہوتی ہے۔۔۔۔۔۔لیکن اس میں محبت کا فلسفہ کہیں بھی نہیں آتا۔۔۔۔۔۔۔اگر شہباز خان واقعی ماہ جبین سے محبت کا دعوی کرتا ہے تو مان لو وہ جھوٹا ہے۔۔۔۔۔۔۔محبت کے فلسفے میں تکلیف کا ذکر نہیں ہوتا۔۔۔۔۔بات رہی عورت کی تو یہ وفا والا رقص عورت تک ہی محدود رہنے دو جس کی تمام تر وفاٸیں اپنے مرد کے گرد ہی رقص کرتی رہتی ہیں۔۔۔۔۔مردوں کو کہاں آتا ہوتا ہے رقص کرنا۔۔۔۔۔۔“؟
اس نے پن ساٸیڈ ٹیبل پہ رکھا آگے ہو کے دیکھا وہ گہری نیند سو رہی تھی
اس نے اس کے ماتھے پہ بوسا دیا
اور بیڈ کراٶن کے ساتھ ٹیک لگا لی۔۔۔۔۔۔
ختم شد۔۔۔۔
