وے جداں خبر آئی تیڈے ٹرنڑیں دی تڑٹ پیار دیاں ڈوراں گئیاں
طرف تساڈے موہنھ کر کے اکھیں رج رج روندیاں پئیاں
اک دوجے توں پل نہ سے وسدے تے اج لمبیاں جدائیاں پئیاں
ٹر بیوسؔ دا لوکو سجنڑ گیا وہ سبھے دل دیاں دل وچ رہیاں
اَساں تاں توڑ نبھا چھوڑی اَگوں جانڑیں یار نہ جانڑیں
ہک سجنڑاں دی خاطر قسمیں جان گلہی تے ساہے صدمیں
عمراں گال ونجا چھوڑی اَگوں جانڑیں یار نہ جانڑیں
اَساں تاں توڑ نبھا چھوڑی اَساں تاں توڑ نبھا چھوڑی
جہیندی خاطر جندڑی گالی, او نہ مارن آنٹر بھوالی
سکدیاں عمر لنگھا چھوڑی, اَگوں جانڑیں یار نہ جانڑیں
اَساں تاں توڑ نبھا چھوڑی, اَساں تاں توڑ نبھا چھوڑی
عمر تمامی رْلدے رئے آں, ہوش حواساں توں لنگھ گے آں
وت وی نی راہِ وفا چھوڑی, اَگوں جانڑیں یار نہ جانڑیں
اَساں تاں توڑ نبھا چھوڑی, اَساں تاں توڑ نبھا چھوڑی
دل جگراتن جان حوالے, کچھ نہیں ساڈا یار دا مال اے
جندری ناویں لا چھوڑی, اَگوں جانڑیں یا نہ جانڑیں
اَساں تاں توڑ نبھا چھوڑی, اَساں تاں توڑ نبھا چھوڑی
یاد سجنڑ دی ہر دم آوے، ساہنواں دے وچ آوے جاوے
دل وچ یاد وسا چھوڑی، اَگوں جانڑیں یار نہ جانڑیں
اَساں تاں توڑ نبھا چھوڑی، اَساں تاں توڑ نبھا چھوڑی
یار دی خاطر سب غم ساہسوں، جیندیاں مویاں اْس دے راہسوں
گل مجبور مُکا چھوڑی، اَگوں جانڑیں یار نہ جانڑیں
اَساں تاں توڑ نبھا چھوڑی، اَساں تاں توڑ نبھا چھوڑی
