اسد کے ہوش اُڑے ہوئے تھے. ایسا لگتا تھا جیسے اس نے کوئی غیر مرئی مخلوق دیکھ لی ہو.
یہ کیا ہوا اسد صاحب. خیام جلدی سے پانی لے کر آیا.
میں ٹھیک ہوں خیام …… تم میری جیب سے شیشی نکالو پانی کی. یہ پانی سارے گھر کے کونوں میں چھڑکو, لیکن رکو ….. تھوڑا پانی میرے چہرے پر چھڑک دو.
خیام نے جیسے ہی پانی اسد کے چہرے پر چھڑکا, ناک سے خون نکلنا بند ہوگیا. یہ دیکھ کر خیام اور غضنفر کی جان میں جان آئی.
آپ غلط جگہ آگئے ہیں. آپ کو اس گھر میں نہیں آنا چاہیے تھا. اسد نے کہا. وہ جو کوئی بھی مخلوق ہے بہت طاقت ور ہے خیام. تمہیں اس … اس گھر میں نہیں آنا چاہیے تھا.
خیام کو اسد کا مشورہ سن کر مولوی ہارون کی کہی باتیں یاد آنے لگیں.
چلے جاؤ اس گھر سے ورنہ بہت بڑی مشکل میں پھنس جاؤ گے. اسد خیام کو مخاطب کرتے ہوئے بولا
کوئی حل تو ہوگا اسد صاحب. خیام نے کہا
میرے بس کی بات نہیں ہے یہ. وہ بہت طاقت ور ہے, جو کوئی بھی ہے. اسد نے اپنی بے بسی ظاہر کی
لیکن وہ ہم سے کیا چاہتا ہے. خیام نے پوچھا
اس کا سایہ اب تمہاری فیملی پر پڑ چکا ہے. خاص کر تمہاری چھوٹی بیٹی ماہین پر.
آپ کو کیسے پتا میری بیٹی کا نام ماہین ہے. خیام کو حیرت میں غوطہ زن دیکھ اسد مسکرا دیا.
ماہین کا جو گلابی جوڑا ہے, وہ جوڑا جو اُس نے اُس روز پہن رکھا تھا جب آپ سب اس گھر میں پہلی بار آئے تھے.
خیام کو یاد نہیں تھا کہ ماہین نے اس دن کون سا رنگ پہن رکھا تھا.
عمل ختم ہونے کے بعد نیلم باہر نکل آئی اور ماریہ کو بچیوں کا خیال رکھنے کا کہا. وہ اسد کی باتیں سن کر جیسے سکتے میں آگئی.
خیام اس دن جب ہم گھر دیکھنے آئے تھے تو میں نے کچھ تصاویر لی تھیں موبائل سے. نیلم نے اپنا موبائل نکالا جس میں بہت سی تصاویر تھیں. واقعی اس دن ماہین نے گلابی جوڑا پہنا ہوا تھا جس کو دیکھ کر سب حیران ہو گئے.
نبیل کانسٹیبل بولا! دیکھیں سر میں نہ کہتا تھا اسد بابا ہی آپ کو اس مشکل سے نکال سکتے ہیں.
خیام …. اسد نے بات مکمل کی. آپ کو بابا عابد حسین شاہ سے ملنا ہوگا. میں کچھ نہیں کر سکتا, ہاں یہ کر سکتا ہوں کہ کچھ دن اس سب کو روکے رکھوں.
کون عابد حسین شاہ, خیام نے پوچھا
میرے مرشد ہیں وہ. اسد نے کہا
آپ کی بیٹی ماہین پر خناس کا سایہ ہے. وہ آپ کو اب چھوڑیں گے نہیں. یہ سب کے سب مردود ہیں. آپ ایسا کریں خود کو ہر وقت پاک و صاف رکھیں, باوضو رہیں, قرآن کی تلاوت کرتے رہیں اور گلابی رنگ کا جوڑا کوئی بچی نہ پہنے. ماہین کو اس برگد کے قریب جانے سے باز رکھیں. جب عصر کی نماز مکمل ہو جائے تب گھر کے سارے دروازے بند کر دیا کریں. مغرب کی اذان ہو تو دروازے بے شک کھول دیں. اس طرح وہ مخلوق آپ پر اپنا اثر نہیں چھوڑ پائے گی. ورنہ دوسری صورت تباہی آپ کا مقدر ٹھہرے گی. آپ نے ان کا کچھ نقصان کیا ہے خیام.
میں نے کیا نقصان کیا ہے اسد صاحب. خیام حیران تھا
مجھے معلوم نہیں لیکن یہ سب غصے میں ہیں.
آخر کیا بگاڑا ہے میں نے کسی کا. خیام بولا.
اللہ جانے وہ کچھ بتائیں تو سمجھ میں بھی آئے. اسد نے جواب دیا.
میں ان کو آپ لوگوں سے زیادہ دور نہیں رکھ پاؤں گا. وہ خود پیچھے نہیں آئے, آپ کے پیچھے لگائے گئے ہیں. اسد بولا
پیچھے لگائے گئے مطلب؟ خیام نے کہا.
ایسا کیا کیا ہے آپ نے خیام کہ وہ آپ کا خاندان ختم کرنا چاہتے ہیں. اسد نے پوچھا
یہ جو بھی چیز ہے اب آپ سے جڑ گئی ہے, آپ کہیں بھی چلے جائیں یہ وہاں آئے گی. یہ سب بول کر اسد نے اجازت چاہی.
++++++++++++++++++
میں کب سے الجھا ہوا تھا. سب ہی پریشان تھے کہ یہ سب ہو کیا رہا تھا. ماہ نور بار بار ایک ہی سوال کر رہی تھی کہ سارا گھر اندھیرے میں کیوں ڈوب گیا تھا. لائٹس آف ہوتیں تو اور بات تھی لیکن ادھر تو سورج کو جیسے کسی چیز نے ڈھانپ لیا تھا. نبیل نے جاتے وقت خیام کو مفید مشوروں سے نوازا اور گھر چھوڑنے کی گزارش کی.
لیکن خیام یہ گھر چھوڑتا بھی تو جاتا کہاں. ابا نے گھر میں گھسنے دینا نہیں تھا اور جو جمع پونجی تھی وہ اُس نے اِس گھر پر لگا دی تھی.
+++++++++++++++++++
اب میرے پاس پھوٹی کوڑی نہیں ہے. خیام بڑبڑایا. ویسے بھی اسد نے کہا تھا میں اب جہاں بھی جاؤں گا یہ مخلوق وہیں آ جائے گی.
دیکھا خیام میں نہ کہتی تھی کچھ ہے. نیلم پریشانی میں بولی.
اگر اس گھر میں کچھ تھا تو مدثر اعظم نے ہمیں گھر کیوں بیچا. میں اور نیلم ایک دوسرے کو مطمئن کرنے کی کوشش کرتے رہے لیکن اب گھر چھوڑنے کا تو سوال ہی پیدا نہیں ہوتا تھا. خیام نے سارے پیسے اس گھر کو خریدنے میں لگا دیے تھے.
یار اگر یہ گھر چھوڑ کر جاتا بھی ہوں تو ابا مجھے گھر میں گھسنے نہیں دیں گے. خیام چڑچڑا ہو رہا تھا. چل نیلو مان لیا کہ اس گھر میں کچھ ہے بھی تو انہوں نے ہمارا کچھ نقصان تو نہیں کیا ابھی تک. سب کچھ صحیح سلامت ہے.
نیلم ….. وہم مت کرو یار بس, ہم اللہ سے بہتری مانگتے رہیں گے. نماز نہیں چھوڑیں گے کچھ بھی ہو جائے اور ہر وقت باوضو رہیں گے جہاں تک ممکن ہوا.
نیلم تم کمزور تو نہیں تھیں یار, اب کیوں ڈرنے لگی ہو. خیام روہانسا ہو کر بولا
آپ میرے ساتھ ہیں تو مجھے کسی چیز کا ڈر نہیں خیام. جو چیز بھی ہے ….. ہم یہ اپنا گھر نہیں چھوڑیں گے. جانا اس سائے کو ہوگا. نیلم تیقن کے ساتھ بولی.
آئی لو یو نیلو. خیام کو نیلم کے عہد نے تقویت پہنچائی. مجھے تم سے یہی امید تھی. یہ بولتے ہوئے خیام نے نیلم کو سینے سے لگایا اور اس کا ماتھا چوما.
لو یو سو مچ یارا. خیام کے لہجے میں منت سماجت محبت اور تفاخر سبھی کچھ امڈ آیا تھا.
لو یو ٹو خیام. نیلم نے خیام کے دل پر اپنا ہاتھ رکھ دیا. میں اور آپ اس گھر کو سنبھالیں گے. اُس نے خیام کے گال پر اپنا داہنا ہاتھ رکھتے ہوئے اس کا چہرہ اپنی جانب موڑ لیا.
پریشان مت ہوں. اللہ سے بہتری کی امید رکھیں. ان شاءاللہ وہ ہمارے ساتھ ہے.
تم کون ہو …… نہیں تم میرے دوست نہیں ہو ….. تم مجھے مارتے ہو …. جاؤ یہاں سے …… سچی میں تمہارے پاس ہے ……. ہاں میں ساتھ چلوں گی تمہارے.
ماریہ جوزف نے ماہین کو اپنے مونھ بڑبڑاتے سنا تو پریشان ہو گئی. ماہین ایسے باتیں کر رہی تھی جیسے کوئی اس کے سامنے بیٹھا ہو.
ماہین بیٹا …….. ایسے خود سے باتیں کرنا ٹھیک نہیں ہوتا, ادھر آؤ مما بلا رہی آپ کو.
ماریہ ماہین کو اٹھا کر لے گئی. لیکن ماہین بار بار پیچھے دیکھ کر مسکرا رہی تھی.
نیلم باجی ایک بات کہوں. ماریہ نے نیلم کو متوجہ کیا
ہاں ماریہ بولو …. نیلم نے کہا
وہ ماہین بی بی …..
کیا ہوا ماہین کو? نیلم نے دودھ گرم کرتے ہوئے ماریہ سے پوچھا
آپ نے کچھ نوٹ کیا ..؟ ماریہ بولی
کیا ہوا … نیلم اب پریشان ہو رہی تھی
جو کچھ کہنے جا رہی ہوں وہ شاید آپ کو اچھا نہ لگے یا شاید عجیب لگے, لیکن ماہین بی بی کے ساتھ کچھ پرابلم ہے. ماریہ نے کہا
کیا پرابلم ماریہ, کھل کر بتاؤ نیلم ماریہ کی طرف مکمل توجہ سے بولی. ویسے بھی ماریہ سے سب معاملے کو چھپایا گیا تھا.
میں آج بچوں کے روم کے سامنے سے گزری تو ماہین بی بی جی … کسی سے باتیں کر رہی تھیں. ماریہ نے جھجھکتے ہوئے بات بتائی
کس سے؟ نیلم نے پوچھا. کس سے کر رہی تھی باتیں.
مجھے نہیں پتہ لیکن مجھے لگتا ہے کچھ بہت برا ہونے والا ہے جو ہونا نہیں چاہیے. ماہین اکثر کسی سے باتیں کرتی ہے لیکن وہاں کوئی نہیں ہوتا. اس کی آنکھیں, اس کی ہنسی پراسرار ہے باجی. اتنا کہتے ہوئے ماریہ وہاں سے نکل گئی.
نیلم ایک مرتبہ پھر پریشان ہوگئی تھی.
+++++++++++++++
تنوع کے فقدان کا عذاب
لاہور ایئرپورٹ سے فلائی کرنے والا ہوموپاکیئن دو تین گھنٹے بعد دوبئی یا دوحہ میں اترتا ہے تو ایک مختلف...