(Last Updated On: )
عرب دے لوک سارے سی جفاواں دے بھرے چھج
نظر سرکار دی کیتے وفاواں دے بھرے چھج
گدا در تے لیاوے جو خطاواں دے بھرے چھج
سخی اوہنوں عطا کردے عطاواں دے بھرے چھج
تہاڈا مُکھ چمک دے نال چن دی بھردا جھولی
تہاڈی زلف مہکاں نال واواں دے بھرے چھج
جدوں طائف دیاں پتھراں وسائے رج کے پتھر
مِرے آقا عطا کیتے دعاواں دے بھرے چھج
جدوں لولاک دی پگ آپ دے سِر تے میں ویہناں
مینوں چوداں طبق لگدے ثناواں دے بھرے چھج
مرِے اکھر تے مردہ سی کرم دی جھات پاکے
مِرے اکھر بنائے نعت ساہواں دے بھرے چھج
مدینے دی گلی اعجاز ہوکا دیندا پھردا
مِرے لوں لوں دے ہتھیں نیں گناہواں دے بھرے چھج
