(Last Updated On: )
آقا خیال مست اے تیرے خیال دا
کونین مل کدوں نیں ترے اک کمال دا
محبوب تیرے شہر کسے وی بنیرے تے
بیٹھا کدی نہ آن کے پنچھی زوال دا
دنیا گھماوے گوٹی نوں لکھ وار سوہنیا
تیرا فقیر جانو اے ہر وار چال دا
تیرے خیال دی گلی اکھاں نیں کھل گیاں
دل نوں جواب مل گیا ہر اک سوال دا
کعبہ سمجھ کے دل کھلا اوتھے ای ویکھ لے
جتھے کھلوتا وقت اے تیرے وصال دا
سرکار مینوں لوہڑ کے لے ای نہ جاندیاں
اکھ دے سمندروں کدے چھلاں اچھال دا
اعجاز مکھ جہیا بنے چن دی اوقات کی
جھلدی مثال جلوہ نہ جد بے مثال دا
