آئو حضور آئو اج درد کہوے چھلک لواں

آئو حضور آئو اج درد کہوے چھلک لواں
زلف ذرا ہلا دیو شعر کہوے مہک لواں

شوق مِرے دی بالڑی کول تے دف ہے آس دی
آئو رِیاڑ بہوں کرے دف وی کہوے کھنک لواں

رنگ چڑھیندے پئے تسیں رنگ ہر ای کمال دا
واج پئی تے بھج پیاں میں وی کوئی وَنَک لواں

ہجر ترا کھراس وچ ساہ دے دانے پِیسدا
شکر کراں ہزار جو میں وی پِسا کنک لواں

من کے خدا دا واسطہ کوئی نظر تے آ کرو
نفس تہاتھوں روکدا ایہنوں تے میں ہٹک لواں

ماہل ترٹو چرخے دی ، آئو مسکرا دیو
ہجر خزاں دا ماریاں وصل بہار تک لواں

ہاں تے گناہ گار اعجازؔ ترے بزار ہاں
’’میں‘‘ نوں مسیں لیاندا اے میں وی کوئی وَٹک لواں