(Last Updated On: )
اکھاں نیلیاں تے دند چِٹے کلیاں نیں ہاسے تیرے مار سُٹدے
کنہاں سوہنڑاں بُت تیرا رَب دا کمال نی سوچ کے بنایا تیرا ہِک ہِک وال نی
تینوں دیکھ کے تے حوراں ہونٹر جھلیاں نیں ہاسے تیرے مار سُٹدے
سجدا نہیں غصہ تینوں کر دے توں ہاں نی تیریاں لکیراں وِچ لکھا ساڈا ناں نی
کدی ویکھ سوہنٹریں ہتھاں دئیاں تلیاں نیں ہاسے تیرے مار سُٹدے
کہڑا دل والا ایتھے جنہوں توں پسند نہیں لارے لپھے لائی رکھیں پاویں سِدھی تند نہیں
جتھوں لنگھ جاویں پاویں تھرتھلیاں نیں ہاسے تیرے مار سُٹدے
دیکھ لے جے رانجھا تینوں بُلھے جٹی ہیر نوں مِلی تیرے صدقے اِچ شاعری نذیر نوں
روپ تیرا جیویں مکئی دیاں چھلیاں نیں ہاسے تیرے مار سُٹدے
