نِت اَپنڑیاں ہی منویندا اِیں میں کملی دا تو چن سوہنڑاں
تیکوں ویکھ ویکھ کے جیندا ہاں میڈی اِک فرمائش تاں من سوہنڑاں
اِے رَنگ کڈاہی نئیں پایا تیں پا کہ نئیں اَزمایا اَج کالا جوڑا پا ساڈی فرمائش تے
ذرا پا کے سامنڑیں باہ ساڈی فرمائش تے
بُھوریاں بُھوریاں زُلفاں اَکھ سُرمیلی ڈھولا تیکوں آپ اِچ لگسی بہوں تبدیلی ڈھولا
تھوڑا تھوڑا سرما پا اِس چن کُو وی شرما اَج کالا جوڑا پا ساڈی فرمائش تے
ذرا پا کے سامنڑیں باہ ساڈی فرمائش تے
اَصلوں آپ جو سوہنڑاں جیو جے کپڑے پاویں وت وی سوہنڑاں لگدا اِیں ہار سنگھار نہ لاویں
ڈیکھاں ھک واری اَزما بہوں منتاں نہ کروا اَج کالا جوڑا پا ساڈی فرمائش تے
ذرا پا کے سامنڑیں باہ ساڈی فرمائش تے
پل وچ دل کڈ کھندا اے خبراں لگن نہ ڈیوے مکھڑے تے تل کالا نظراں لگن نی ڈیوئے
اَج نظراں یار ملا اِک پل نہ اکھ جھمکا اَج کالا جوڑا پا ساڈی فرمائش تے
ذرا پا کے سامنڑیں باہ ساڈی فرمائش تے
ٹِچ بٹناں دی جوڑی وَاہ وَاہ ڈھولے لائے کالے رَنگ دِے کپڑے تیں نہیں اَج تائیں پائے
جیونؔ دا مانڑ ودھدا آ ہس کے سینے لا اَج کالا جوڑا پا ساڈی فرمائش تے
ذرا پا کے سامنڑیں باہ ساڈی فرمائش تے
