ایک لڑکی کے خواب

بڑی امی ۔۔۔۔ گھر پہنچتے ہی گوہر اپنی تائی کے گلے لگ گئی ۔۔۔
میری گڑیا ۔۔۔ تم کتنی بڑی ہوگئی ہو ۔۔۔ اتنی سی تھی جب یہاں سے گئی تھی ۔۔۔
میں بھلے ہی بڑی ہوگئی ہوں مگر ہوں میں اب بھی آپ سب کو وہی گوہر ۔۔۔
کیسی ہو ممتاز ۔۔۔ فاطمہ گوہر کی امی سے ملی ۔۔
گوہر ۔۔۔ تم نے مجھے پہچانا ۔۔۔ ؟ روشک گوہر سے ملتے وقت بولی ۔۔۔
کیسی باتیں کر رہی ہو روشک ۔۔۔ میری ایک ہی تو بیسٹ فرینڈ تھی ۔۔۔ تمہیں کیسے نہیں پہچانوں گی میں ۔۔۔ وہ دونوں مسکرائیں ۔۔۔
گوہر تمہارا ایک اور بھی بیسٹ فرینڈ تھا ۔۔۔۔ خیر اندر آئو ۔۔۔ بچوں سے ملی ہو ؟ روشک اُسے اندر لے کر گئی ۔۔۔
یہاں آئو بچو ۔۔۔ یہ بھی آپ کی پھُپو ہیں ۔۔۔ ان سے ملو آکر ۔۔۔
بانو ۔۔۔ جس کے لئے جو کمرا سیٹ کروایا تھا اُن سے سامان پوچھ کر اُسی کمرے میں رکھنا ۔۔۔ تاکہ کسی کو کوئی مشکل نہ پیش آئے ۔۔۔ فاطمہ ملازمہ کو سامان کا بولنے گئی ۔۔۔
اور بتائو سفر ٹھیک رہا سب کا ؟ آویز دائود سے مخاطب تھا ۔۔۔
جی سب ٹھیک رہا ۔۔۔۔ اور دانش بہت مبارک ہو یار شادی کی تمہیں ۔۔۔ سب تیاری ہو گئی ۔۔۔ ؟ دائود آویز اور دانش کے ساتھ الگ سائیڈ پر بیٹھا تھا ۔۔۔
رضا ، عامر اور ان کی امی اپنی باتوں میں مصروف تھے ۔۔۔
فاطمہ اور فریحہ لائونج میں بیٹھی ممتاز کو پُرانے قصے سُنا رہی تھی ۔۔۔
روشک اور گوہر بچوں کے ساتھ مستی میں لگی ہوئی تھیں ۔۔۔
سحر کچن میں کام کرتے عائشہ کے ساتھ باتیں کر رہی تھی ۔۔۔
ہر کسی نے اپنی ہی دیڑھ انچ کی مسجد بنائی ہوئی تھی ۔۔۔ ہر ایک بہت خوش تھا ۔۔۔
*******************
باسط ۔۔۔۔۔ ؟ زکی نے سوئے ہوئے باسط کو آواز دی ۔۔۔
کیا ہے زکی ۔۔۔ تُو اب تک سویا نہیں ؟ وہ اُٹھ کر بولا ۔۔۔
نہیں یار ۔۔۔ عجیب سی بےچینی ہورہی ہے ۔۔۔ کچھ سمجھ نہیں آرہی ۔۔۔۔ زکی نے اُلجھے انداز سے کہا ۔۔۔
کیا ہوا ۔۔۔ ؟ کس بارے میں سمجھ نہیں آرہی ۔۔۔ ؟ باسط نے آنکھیں میچتے کہا ۔۔۔۔
میں بتاتا ہوں ۔۔۔ لیکن یار تو وعدہ کر خفا نہیں ہوگا ۔۔۔ میری بات مانے گا ۔۔۔
تُو بتا تو سہی ۔۔۔ اگر ماننے والی بات ہوئی تو ضرور مانوں گا ۔۔۔
میں یہ کنسرٹ نہیں کرنا چاہتا یار ۔۔۔ زکی نے سر پر ہاتھ رکھے کہا ۔۔۔
تیرا دماغ ٹھیک ہے ؟ تجھے پتا بھی ہے کہ تُو بول کیا رہا ہے ۔۔۔ ؟ سو جا ۔۔ تجھے زیادہ نیند آئی ہوئی ہے ۔۔۔ باسط نے خفگی سے کہا اور واپس لیٹ گیا ۔۔۔
کچھ کہہ رہا ہوں تو ظاہر ہے سوچ سمجھ کر ہی کہہ رہا ہوں گا ۔۔۔ حد ہے ۔۔۔ زکی نے غصے میں آکر کمبل اُٹھایا اور باسط سے دُور رکھے صوفے پر جاکر بیٹھ گیا ۔۔۔
سو جا ۔۔۔۔ باسط نے تقریباً سوتے ہوئے کہا ۔۔۔
******************
باقی سب کہاں ہیں روشک ۔۔۔ ؟ گوہر نے آگے پیچھے دیکھتے کہا ۔۔۔
کون ۔۔ باقی سب ۔۔۔ گوہر ؟ سبھی تو یہاں ہیں تم کس کی بات کر رہی ہو ؟
میں پُھپو کا پوچھ رہی تھی جب آئی تھی میں اُسی وقت ملی تھی اُس کے بعد انہیں دیکھا نہیں نا میں نے ۔۔۔۔۔۔ میں آتی ہوں ۔۔۔
گوہر تُم زکی سے جھوٹ بول سکتی ہو ۔۔۔ بہانے بنا سکتی ہو ۔۔۔ مگر مجھ سے نہیں ۔۔۔ تمہاری آنکھوں میں مجھے صرف اور صرف زکی ہی دیکھائی دیا ۔۔۔ جیسے زکی کی آنکھوں میں تمہیں دیکھا تھا میں نے ۔۔۔ گوہر کے جانے کے بعد روشک یہ سوچ کر مسکرائی ۔۔۔۔۔
***************
زکی ایک شاندار سے ہال کے بیچوبیچ ایک سٹیج پر کھڑا ہے اور ہر طرف سے چیخوپُکار سُنائی دے رہا ہے ۔۔۔ لوگ اس کی آواز کے دیوانے بنتے چلے جا رہے ہیں ۔۔۔ زکی بہت خوش ہے ۔۔۔
_______________
مگر کچھ ہی لمحوں میں زکی نے وہاں کھڑے تمام لوگوں کو آگ میں تبدیل ہوتا دیکھا ۔۔۔ ہر شے جل کر راکھ ہو گئی سوائے زکی کے ۔۔۔ زکی حیرت ذدہ کھڑا اپنے آس پاس دیکھ رہا تھا ۔۔۔ اُسے کچھ سمجھ نہ آئی کہ یہ اس کے ساتھ ہوا کیا ۔۔۔ اتنے میں اس کی نظر دادو کے دئیے ہوئے تاویز پر پڑی جوکہ اس نے اپنے گلے پر پہن رکھا تھا ۔۔۔ اُس کی آنکھوں سے آنسو جاری ہوگئے ۔۔۔ اور زبان پر کلمہ ۔۔۔ زکی اللہ کا شکر ادا کرنے لگا ۔۔۔ وہ وہیں زمین پر گھٹنوں کے بل بیٹھ گیا اور گڑگڑا کر اللہ سے توبہ کرنے لگا ۔۔۔
اتنے میں وہی لڑکی اس کے پاس آکھڑی ہوئی اور اس کا ہاتھ تھام کر ہال سے باہر لے گئی ۔۔۔
******************
آہ آہ آہ ۔۔۔ زکی یکدم اُٹھ کھڑا ہوا ۔۔۔
یااللہ ۔۔۔ یااللہ ۔۔۔ یااللہ ۔۔۔ زکی کے دونوں ہاتھ اُس کے سر پر تھے ۔۔۔
میں کیا کروں ۔۔۔ مجھے کچھ سمجھ نہیں آرہا ۔۔۔ یااللہ میری مدد کریں ۔۔۔ پلیز ۔۔۔ زکی وہیں زمین پر گھٹنوں کے بل بیٹھ گیا اور بےقابو ہو کر رو پڑا ۔۔۔
وہ گڑگڑایا ۔۔۔ اللہ سے توبہ کرتے وقت زکی کے آنسو اُس کے رخساروں سے ہوتے ہوئے گردن تک آپہنچے ۔۔۔
یااللہ ۔۔۔ مجھے معاف کر دیں ۔۔۔ میں آئیندہ کبھی کوئی غلط کام نہیں کروں گا ۔۔۔ میں کبھی کوئی گناہ نہیں کروں گا ۔۔۔ یااللہ مجھے سکون عطا کریں ۔۔۔
زکی ۔۔۔ زکی ۔۔۔ کیا ہوا ہے تُجھے ۔۔ اتنا تیز بُخار ہورہا ہے ۔۔۔ اُٹھو یار ۔۔۔ اوپر بیٹھو ۔۔۔ باسط نے زکی کو اس حال میں دیکھا تو بےحد پریشان ہوگیا ۔۔۔
ہوا کیا ہے اچانک ۔۔۔ ؟ پھر سے کوئی خواب دیکھا کیا تُو نے ؟ باسط اُس کو پانی دیتے ہوئے بولا ۔۔۔
باسط ۔۔۔۔ ہم کنسرٹ نہیں کریں گے ۔۔۔ چاہے کچھ بھی ہوجائے ۔۔۔ زکی بس اتنا ہی بولا ۔۔۔
پر زکی ۔۔۔ ایسا نہیں ہوسکتا یار ۔۔۔ ہم نے کنٹریکٹ سائن کیا ہوا ہے یار ۔۔۔ اور وجاہت سر ۔۔۔ وہ کیا کہیں گے ۔۔۔ اس طرح تو اگلی بار ہمیں کوئی کنسرٹ نہیں دیں گے وہ ۔۔۔ بہت باتیں سنائیں گے ۔۔۔
باسط ۔۔۔ وجاہت سر کیا کہتے ہیں ۔۔۔ مجھے اس سے کوئی فرق نہیں پڑھتا یار ۔۔۔ وہ کنسرٹ نہیں دیں گے تو نہ دیں ۔۔۔ مجھے کوئی کنسرٹ کرنا بھی نہیں ہے اب ۔۔۔
اچھا یار ۔۔۔ اگر تیری طبیعت ٹھیک نہیں ہے تو ۔۔۔ میں اکیلے مینج کرلوں گا یار ۔۔۔ مگر اس طرح دونوں تو نہیں چھوڑ سکتے نا ۔۔۔ میں بات کرلوں گا سر سے ۔۔۔
باسط ۔۔۔ باسط ۔۔۔ تُو سمجھ نہیں رہا میری بات ۔۔۔ ہم یہ کنسرٹ نہیں کریں گے ۔۔۔ تُو کیا چاہتا ہے میں تجھے وہاں اکیلا چھوڑ دوں ۔۔۔ میرا بھائی ہے تُو یار ۔۔۔ جان سے زیادہ پیارا ہے مجھے ۔۔۔
زکی ۔۔۔ سُن ۔۔۔ اب مجھے بتا بات کیا ہے ۔۔۔ تُو نے خواب دیکھا ہے نا ۔۔۔ ؟ کیا دیکھا ہے اُس میں ۔۔۔
میں کچھ نہیں جانتا ۔۔۔ بس اتنا کہہ رہا ہوں ۔۔ کہ اگر تُو کنسرٹ کرنے گیا تو میں اپنی جان دے دوں گا ۔۔۔ سمجھ میں آگیا تجھے ۔۔۔ ہم کل صبح کی فلائیٹ سے واپس پاکستان جا رہے ہیں ۔۔۔
ٹھیک ہے ۔۔۔ ٹھیک ہے زکی ۔۔۔ آئیندہ تُو مجھ سے کوئی بات نہیں کرے گا ۔۔۔ پاکستان جاکر اگر تُو نے مجھ سے کوئی کنٹیکٹ کرنے کی کوشش بھی کی نا ۔۔۔۔ باسط خفگی سے بول کر روم سے باہر چلا گیا ۔۔۔
باسط میں تجھے کیسے بتائوں ۔۔۔ کہ اگر ہم اُس کنسرٹ میں گئے تو زندہ واپس نہیں آئیں گے ۔۔۔ میں نے اپنے خواب میں تجھے کھو دیا ہے یار ۔۔ مگر حقیقت میں کھونے کا تصور بھی نہیں کرسکتا میں ۔۔۔ اور اگر تجھے بتادیا تو تُو کبھی نہیں مانے گا ۔۔ اور مزاق میں میری بات ٹال کر کنسرٹ میں چلا جائے گا ۔۔۔۔
****************
گوہر ۔۔۔ کہاں ہو یار ۔۔۔ میں نے تمہیں کہاں کہاں نہیں تلاش کیا ۔۔۔ اور تم یہاں اکیلی بیٹھی ہو ۔۔۔ روشک گوہر کو ڈھونڈتی ہوئی زکی کے کمرے میں آئی ۔۔۔
ہاں ۔۔۔ کیا ہوا روشک ۔۔۔ ؟ گوہر گُم سُم بیٹھی روشک کے آنے پر چونک کر کھڑی ہوگئی ۔۔۔
تمہیں کیا ہوا ہے ؟ اور تم زکی کے کمرے میں ۔۔۔۔۔ روشک نے گوہر کو اُداس بیٹھے دیکھا تو اس نے پوچھا ۔۔۔
کچھ نہیں ۔۔۔ زکی کا کچھ سامان ہمارے گھر پر رہ گیا تھا وہی رکھنے آئی تھی ۔۔۔۔ یہاں آکر دیکھا تو زکی کمرے میں نہیں تھے ۔۔۔ باہر کا نظارہ اچھا لگ رہا تھا تو میں یہیں بیٹھ کر دیکھنے لگی ۔۔۔
گوہر ۔۔۔ زکی گھر پر نہیں ہے ۔۔۔ تمہیں نہیں معلوم ۔۔۔ ؟ روشک دھیمے لہجے میں بولی ۔۔۔
وہ نہیں ہیں ۔۔۔ تبہی تو یہاں بیٹھی ہوں ۔۔۔ زکی کے ہوتے ہوئے میں اُن کے کمرے میں کیسے آسکتی تھی ۔۔۔ کہاں گئے ہیں وہ ؟
برمنگھم گیا ہوا ہے ۔۔۔ کنسرٹ کرنے کے لئے ۔۔۔
اوو اچھا ۔۔۔ کنسرٹ کے لئے ۔۔۔ گوہر نے مسکراتے ہوئے کہا ۔۔۔
ویسے تم مجھے کیوں ڈھونڈ رہی تھی روشک ۔۔۔ ؟
یار ۔۔۔ ہمارے بھائی کی شادی ہے ۔۔۔ شاپنگ نہیں کرنی کیا ؟
مجھے شاپنگ کرنا پسند نہیں ہے ۔۔۔ تم نے کر لی ۔۔۔ ؟
کیا مطلب ہے اس بات کا ۔۔۔ مجھے شاپنگ کرنا پسند نہیں ہے ۔۔۔ روشک نے گوہر کے انداز سے کہا تو دونوں ہنس پڑیں ۔۔۔
چلو اب ۔۔۔ تم میرے ساتھ جائو گی ۔۔۔۔ اور ایک فنکشن پر ہم دونوں سیم ڈریس پہن رہی ہیں ۔۔۔ سمجھ آئی ۔۔۔
ہاہا ۔۔۔ چلو ۔۔۔ گوہر روشک کی باتوں پر مسکرائی ۔۔۔۔
اور معلوم ہے نا ۔۔۔ رات کو ہم سب نے حویلی کے لئے بھی نکلنا ہے ۔۔۔ کہیں دیر نہ ہوجائے ۔۔۔ اس لئے جلدی سے ریڈی ہوجائو ۔۔۔
***************
فلائیٹ بُک ہوگئی ۔۔۔ ؟ زکی نے کافی پیتے باسط سے پوچھا ۔۔۔
باسط ۔۔۔ ؟ میں کچھ پوچھ رہا ہوں تجھ سے یار ۔۔۔
جی جی ہوگئی ہے ۔۔۔ لیکن ایک بات سُن لے ۔۔۔ میں نے وجاہت سر کو کچھ نہیں بتایا ہے ۔۔۔ اُن سے جو بات کرنی ہوئی تُو خود کرے گا ۔۔۔ میرا اس سے کوئی تعلق نہیں ہوگا ۔۔۔ چار گھنٹوں میں ائیرپورٹ پہنچنا ہے ہمیں ۔۔۔ باسط نے منہ بنائے کہا ۔۔۔
چل ٹھیک ہے ۔۔۔ سامان تو سارا پیک ہی ہے ۔۔۔ دیر نہیں لگے گی تیاری میں ۔۔۔
ہاں تُو تو بس برمنگھم دیکھنے آیا تھا نا وہ بھی دُور سے ہی ۔۔۔ سامان لانے کی پھر ضرورت ہی کیا تھی ویسے ۔۔خود بھی نہ لاتے ۔۔۔۔ مجھے بھی بتاتے میں بھی سامان نہ لے کر آتا ۔۔۔
ٹھیک ہے بھئی ۔۔۔ آج تیرا دن ہے ۔۔۔ زکی نے مسکرا کر کہا ۔۔۔
***************
تمہیں معلوم ہے نا گوہر ۔۔۔ وہ کتنا چاہتا ہے تمہیں ۔۔۔ ؟ روشک نے مال میں جوس پیتے گوہر کو مخاطب کیا ۔۔۔
روشک ۔۔۔ یہ تم کیا یار ۔۔۔
تم بھی اُسے چاہتی ہو ۔۔۔
نہیں روشک ایسی کوئی بات نہیں ہے ۔۔۔ گوہر نے روشک کی بات کو نظرانداز کرنا چاہا ۔۔۔
ہاں ایسی کوئی بات نہیں ہے ۔۔۔ پھر تمہاری آنکھیں تمہاری زبان کا ساتھ دینے سے انکاری کیوں ہیں گوہر ۔۔۔۔۔ ؟؟ تمہیں معلوم ہے تمہیں دیکھتے ، تم سے ملتے ہی میں نے سب سے پہلے کیا بات نوٹ کی تھی ۔۔۔ ؟
کیا ۔۔۔۔ ؟ گوہر دھیمے سے بولی ۔۔۔
تمہاری آنکھوں میں زکی کو دیکھا تھا میں نے ۔۔۔ وہ محبت دیکھی تھی میں نے جو زکی deserve کرتا ہے ۔۔۔ اتنی محبت کرتی ہو تم اُس سے تو پھر کیوں ۔۔۔ ؟
روشک ہمیں دیر ہو رہی ہے ۔۔۔ گھر میں سب ہماری راہ دیکھ رہے ہوں گے ۔۔۔ گوہر نے کُرسی سے اُٹھتے ہوئے کہا ۔۔۔
ہمیں دیر نہیں ہورہی گوہر ۔۔۔ لیکن اگر آج اس بات کا فیصلہ نہ ہوا تو واقعی میں بہت دیر ہوجائے گی ۔۔۔ ادھر بیٹھو اور میری بات کا جواب دو ۔۔۔۔ تم نے انکار کیوں کیا تھا ۔۔۔ ؟
روشک یہ بات سچ ہے کہ میں نے زکی کو بہت چاہا ہے ۔۔۔ ابھی سے نہیں بچپن سے میں زکی سے محبت کرتی ہوں ۔۔۔ مگر ۔۔۔
مگر کیا گوہر ۔۔۔ ؟
میں اُن کو خوش نہیں رکھ سکوں کی روشک ۔۔۔ اُن کی زندگی بہت رنگین ہے ۔۔۔ میں زکی کی اس رنگین زندگی میں شامل ہوکر ان سے یہ سب رنگ چھین کر اسے بےرنگ نہیں کرنا چاہتی روشک ۔۔۔
تمہیں ایسا کیوں لگتا ہے گوہر ۔۔۔ ایسی باتیں کیوں کر رہی ہو ۔۔۔۔
تم یہ سڑکیں دیکھ رہی ہو ۔۔۔ ؟ روشک نے اوپر سے روڈ کی طرف اشارہ کیا ۔۔۔
انہی سڑکوں پر اُس نے دیوانہ وار ۔۔۔۔ تمہیں ڈھونڈا ہے ۔۔۔ یہی نہیں بلکہ ترکی میں اُس نے کوئی جگہ نہیں چھوڑی ۔۔۔ اور تو اور وہ ترکی گیا ہی تمہیں ڈھونڈنے کے لئے تھا گوہر ۔۔۔۔
ہں ۔۔۔ ؟ گوہر نے روشک کو حیرت بھری نظروں سے دیکھا ۔۔۔
تمہیں نہیں سمجھ آئی نا گوہر ۔۔۔۔ ؟ میں بتاتی ہوں ۔۔۔۔ اُس کو پچھلے کئی سالوں سے ایک لڑکی کے خواب آتے ہیں ۔۔۔ جن کی وجہ سے وہ رات بھر سو نہیں پاتا ۔۔۔ ہر پل بےچین رہتا ہے ۔۔۔ اُسے کہیں پر بھی سکون نہیں ملتا ۔۔۔ اتنے سال وہ اُس لڑکی کی تلاش میں رہا ۔۔۔
پوچھو گی نہیں کون ہے وہ لڑکی ؟
وہ کون ہے روشک ۔۔۔ ؟ گوہر نے تجسس بھری نظروں سے گوہر کو دیکھا ۔۔۔
وہ تم ہو گوہر ۔۔۔ زکی کو جب احساس ہوا کہ اُسے خواب والی لڑکی سے محبت ہوگئی ہے اور وہ اُس کے بغیر نہیں رہ سکے گا ۔۔۔ تب اُس نے ہر جگہ اُسے تلاش کرنا شروع کردیا ۔۔۔ زکی بتا رہا تھا کہ تمہاری ایک ویڈیو اُس نے یوٹیوب پر دیکھی تھی اُسے وہاں سے اندازا ہوا کہ وہ لڑکی تُرکی میں رہتی ہے ۔۔۔ زکی نے فوراً ترکی میں کنسرٹ ارینج کروایا ۔۔۔ کیونکہ وہ جانتا تھا کہ ماموں کبھی اُسے ترکی نہیں جانے دیں گے ۔۔۔ تب زکی نے یہ کنسرٹ کا بہانہ کیا ۔۔۔۔
پھر جب زکی کا ترکی میں ایکسیڈنٹ ہوا ۔۔۔ تمہیں معلوم ہے کہ وہ ایکسیڈنٹ کیسے ہوا تھا ۔۔۔ زکی نے استنبول کی استقلال سٹریٹ میں اُس لڑکی کو دیکھا تھا اور وہ بغیر کچھ سوچے سمجھے اس کے پیچھے چل پڑا ۔۔۔ تب وہیں وہ لڑکی نظروں سے اوجھل ہوگئی اور یہ ۔۔۔۔۔
اور تمہیں یاد ہوگا جب کوئی تمہارا پیچھا کر رہا تھا اور تم نے پلٹنے پر زکی کو اپنے پیچھے پایا تھا ۔۔۔ تب زکی برف کی طرح جم گیا تھا ۔۔۔ اُسے وہیں پر معلوم ہوا تھا کہ تم ہی وہ لڑکی ہو ۔۔۔ گوہر ۔۔۔
یااللہ ۔۔۔ یہ سب کیا ہوگیا ہے مجھ سے ۔۔۔ ایسا کیسے ہوسکتا ہے ۔۔۔۔ گوہر کو جیسے بجلی کا زوردار جھٹکا لگا تھا ۔۔۔ اس وقت وہ کسی statue سے کم نہیں لگ رہی تھی ۔۔۔ باہر سے جتنی سخت اندر سے اُتنی ہی ٹوٹ چکی تھی وہ ۔۔۔
گوہر ۔۔۔ سنبھالو خود کو یار ۔۔۔ میرا مقصد بلکل بھی تمہیں ہرٹ کرنا نہیں تھا ۔۔۔ روشک نے گوہر کو جھنجھوڑا ۔۔۔۔
کیا اب بھی تم یہی کہو گی کہ تمہارا اور زکی کا کوئی میچ نہیں ہے ۔۔۔ ؟ ارے تم دونوں کا نصیب تو اللہ نے جوڑ دیا ہے ۔۔۔ روشک نے گوہر کے آنسو صاف کر کے اُسے گلے لگایا ۔۔۔
******************
یار سُن گھر بھی فون مت کرنا ۔۔۔ سب گھر والے پریشان ہوجائیں گے ۔۔۔ ویسے بھی شادی چل رہی ہے ۔۔۔ میں ماحول نہیں خراب کرنا چاہتا وہاں کا ۔۔۔
زکی نے ائیرپورٹ پہنچتے ہی باسط کو سمجھایا ۔۔۔
نہیں کرتا فون ۔۔۔ اب تُو خوش ۔۔۔ ؟ باسط نے اُلجھ کر کہا ۔۔۔
باسط زیادہ خفا اس لئے بھی ہو رہا تھا کہ شاید زکی اس کا رویہ دیکھ کر آخر ٹائیم تک بدل جائے ۔۔۔ اور کنسرٹ کے لئے مان جائے ۔۔۔ مگر نہیں ۔۔۔ زکی اپنی زد کا پکا تھا ۔۔۔۔ ایسا باسط سوچ رہا تھا ۔۔۔
_______________
بانو ۔۔۔ ؟ بات سنو ۔۔۔ فاطمہ نے ملازمہ کو آواز دی ۔۔۔
جی بیگم صاحبہ ۔۔۔
تم نے سب سامان ٹھیک سے رکھوا دیا ہے نا ۔۔ ؟ دھیان رہے کسی کا کوئی بیگ رہ نہ جائے ۔۔۔ ہم نے شادی تک وہیں رہنا ہے ۔۔۔ اس لئے سب انتظام سہی سے ہونا چائیے ۔۔۔
ٹھیک ہے جی ۔۔۔ میں پھر سے چیک کر لیتی ہوں ۔۔۔
اور ہاں ۔۔۔ سُنو ۔۔۔ سحر کو کہو ۔۔۔ ابھی فاطمہ کچھ بول ہی رہی تھی کہ انہوں نے گوہر کو روتے ہوئے گھر میں تیزی سے داخل ہوتے دیکھا ۔۔۔
گوہر ۔۔۔ گوہر بیٹا کیا ہوا ہے ۔۔۔ ؟
کچھ نہیں بڑی امی ۔۔۔ بس سر میں زرا درد ہے ۔۔۔ گوہر نے مُڑ کر بس اتنا ہی کہا اور دوڑ کر اوپر چلی گئی ۔۔۔
ارے ۔۔۔
سحر بی بی کو آپ کے پاس بھیجوں ۔۔۔ ؟ ملازمہ نے فاطمہ کی بات مکمل کی ۔۔۔
ہاں اُس کو بُلا لائو ۔۔۔
________________
گوہر دوڑتی ہوئی اپنے کمرے تک جا ہی رہی تھی کہ اُسے زکی کے کمرے کا دروازہ کھلا دکھائی دیا ۔۔۔
زکی ۔۔۔ I’m so sorry گوہر یہ کہتی ہوئی اُس کے کمرے میں داخل ہوگئی ۔۔۔
ایک بار میرے سامنے آجائیں ۔۔۔ خبر لوں گی میں آپ کی ۔۔۔ کوئی ایسا کیسے کر سکتا ہے ۔۔۔ ؟
گوہر بیٹا آجائو ۔۔۔ سب گاڑی میں بیٹھ رہے ہیں ۔۔۔
گوہر کی امی نے اُسے آواز دی ۔۔۔
ابھی آئی ۔۔۔ امی ۔۔۔ وہ اپنے کئی آنسو پی گئی ۔۔۔
*************
رات کے قریباً ایک بجے سب حویلی پہنچے ۔۔۔ تھکاوٹ کے باعث سب اپنے اپنے کمروں میں آرام کرنے جلدی ہی چلے گئے تھے ۔۔۔
اسلام و علیکم ۔۔۔ یہ زکی کے والد رضا سلطان بات کر رہے ہیں ۔۔۔ ؟
وعلیکم اسلام ۔۔۔جی ۔۔۔ آپ کون ۔۔۔ ؟ دوسری جانب سے آواز آنے پر رضا صاحب نے جواب دیا ۔۔۔
میں وجاہت علی کمال بات کر رہا ہوں ۔۔۔
جی ۔۔۔۔ جی سر ۔۔۔ بتائیے کیسے فون کرنا ہوا ؟
آج زکی کا برمنگھم میں کنسرٹ تھا ۔۔۔ آپ پلیز تحمل سے میری بات سنئے گا ۔۔۔ ابھی تک کچھ کہہ نہیں سکتے کہ زکی بھی وہیں موجود تھا کہ نہیں مگر ۔۔۔ جس ہال میں کنسرٹ ہونا تھا وہاں بلاسٹ ہوگیا ہے ۔۔۔
کیا ۔۔۔ ؟ یہ کیا کہہ رہے ہیں آپ ۔۔۔ ؟ میرا بیٹا زکی ٹھیک تو ہوگا نا ۔۔۔ ؟
دیکھئے ابھی ہم کچھ کہہ نہیں سکتے ۔۔۔ ہم زکی اور باسط سے رابطہ کرنے کی کوشش کر رہے ہیں ۔۔۔ انشاءاللہ وہ ہال میں نہیں ہوئے ہوں گے ۔۔۔ آپ پلیز حوصلہ رکھئے گا ۔۔۔ اور دُعا کیجئے ۔۔۔
رضا صاحب ۔۔۔ کیا ہوا ہے ؟ کس کا فون تھا ۔۔۔ ؟ بتائیں کچھ ۔۔۔ اتنے پریشان کیوں ہیں ۔۔۔ ؟
زکی ۔۔۔ زکی کا کنسرٹ جہاں ہونا تھا ۔۔۔ وہاں بلاسٹ ہوا ہے ۔۔۔ اور زکی سے کوئی رابطہ نہیں کسی کا بھی ۔۔۔ تم دُعا کرو ۔۔۔ ہمارا بیٹا اُن لوگوں میں نہ ہو ۔۔۔ دُعا کرو. ۔۔ رضا صاحب نے فاطمہ کو تسلی دی ۔۔
بھابھی پلیز ۔۔۔ حوصلہ رکھئے ۔۔۔ انشاءاللہ زکی ٹھیک ہوگا ۔۔ ممتاز بیگم فاطمہ کو گلے لگا کر بولی ۔۔۔
عامر دھیان رکھنا ۔۔۔ اماں اور بچوں کو نہ پتا چلے اس بارے میں کچھ بھی ۔۔۔ رضا صاحب فکرمندی سے بولے ۔۔۔
****************
اگلی صبح تقریباً آٹھ بجے زکی اپنے گھر پہنچ گیا ۔۔۔ گھر پہنچتے ہی اُسے گارڈ سے معلوم ہوا کہ سب لوگ کل رات ہی حویلی کے لئے نکل گئے تھے ۔۔۔
وہ فریش ہونے کے لئے اپنے کمرے میں گیا ۔۔۔ ابھی واش روم کی طرف جا ہی رہا تھا کہ اس نے صوفے پر رکھا ایک بیگ دیکھا ۔۔۔ اور اس پر چپکا ایک کاغذ جس پر تحریر تھا “I’m sorry Zaki” یہ پًھتے ہی اس کے چہرے پر عجب سی مسکراہٹ تھی ۔۔۔
“بیٹا ایک بار اُس رب سے محبت کر کے تو دیکھو ۔۔۔ جو انسان اللہ سے محبت کرتے ہیں نا وہ کبھی اُن کو تنہائ نہیں چھوڑتا ۔۔۔ وہ کہتا ہے تم وہ کرتے ہو جو تم چاہتے ہو ۔۔۔ لیکن ہوتا وہ ہے جو میں چاہتا ہوں ۔۔۔ ایک بار وہ کر کے دیکھو جو میں چاہتا ہوں وہی ہوگا جو تم چاہتے ہو ۔۔۔ دادی زکی کے سر پر ہاتھ پھیرتے ہوئے بولی ۔۔۔”
دادو ۔۔۔ آپ Best ہو ۔۔۔
زکی نے اپنے سب Musical instruments اُٹھائے اور نیچے پھینک دئیے ۔۔۔
آج کے بعد میں گانا نہیں گائوں گا ۔۔۔۔
_____________________
کیا ہوا میرے بچے کو ۔۔۔ ؟ تم سب مجھ سے کیا چھپا رہے ہو ۔۔۔ ؟ ضرور کوئی بات ہے ۔۔۔ رضا ۔۔ عامر ۔۔۔ خورشید سلطان بےچینی سے ٹہلتے ہوئے بولی ۔۔۔
دادو کچھ نہیں ہوا زکی کو ۔۔۔ اُن کو کچھ نہیں ہوسکتا ۔۔۔ گوہر یہ کہہ کر روتے ہوئے باہر باغ میں آگئی ۔۔۔
پتا نہیں کیا سمجھتے ہیں خود کو ۔۔۔ آنے دو ایک بار ۔۔۔۔ گوہر روتے ہوئے پھولوں کو دیکھتے بولی ۔۔۔
******************
باسط کیا ہوا ۔۔۔ ؟ خیریت ۔۔۔ تُو تو کہہ رہا تھا کہ کبھی بات نہیں کروں گا ۔۔۔ پھر کیوں فون کیا ؟ زکی نے ڈرائیو کرتے فون اُٹھایا ۔۔۔
تُو کدھر ہے یار ۔۔۔ مجھے تجھ سے ابھی ملنا ہے ابھی اسی وقت ۔۔۔۔۔ باسط نے دُکھ بھرے انداز سے کہا تھا ۔۔
میں حویلی جا رہا تھا ۔۔۔ بس نکلنے والا ہوں جلدی آ پھر ۔۔۔
ہاں میں ابھی آیا ۔۔۔
____________________
زکی ۔۔۔ باسط دوڑتا ہوا آکر زکی کے گلے لگ گیا ۔۔۔۔
یار ہوا کیا ہے ۔۔۔ ؟ بتا تو سہی ۔۔۔
Symphony Hall
میں بلاسٹ ہوا ہے زکی ۔۔۔ باسط نے روتے ہوئے کہا ۔۔۔
کیا ۔۔۔ یہ کیا کہہ رہا ہے تُو ۔۔۔ ؟
مجھے ابھی وجاہت سر کی فون آئی تھی ۔۔۔ وہ اتنا پریشان تھے کہ تجھے کیا بتائوں ۔۔۔ ہماری فیملیز کو یہی پتا ہے کہ ہم بھی اُسی بلاسٹ میں ۔۔۔
اوو میرے اللہ ۔۔۔ زکی کے رونگٹے کھڑے ہوگئے ۔۔۔
اب بتایا ہے کسی نے میرے گھر پر کہ ہم ٹھیک ہیں ۔۔۔ ؟
ہاں بات ہوگئی ہے ۔۔۔ اب سب relax ہیں ۔۔۔
اب تو بتا دے یار ۔۔۔ تُو نے ایسا کیا خواب دیکھا تھا جو خود کو اور مجھے موت کے منہ سے نکال لایا ہے ۔۔۔ ہیں ۔۔۔ ؟
باسط میں نے دیکھا تھا کہ سب لوگ جل گئے ہیں ۔۔۔ راکھ ہوگیا سب کچھ ۔۔۔
زکی تو کتنا لکی ہے یار ۔۔۔ تُو اللہ کو بہت پسند ہے ضرور. ۔۔. ۔
یار مجھے معاف کردے ۔۔۔ تُو ہماری جان بچانے میں لگا ہوا تھا اور میں تجھے ناجانے کیا کیا کہتا گیا ۔۔۔
ائوئے ۔۔۔ خبردار جو تُو نے اب ایسی کوئی بات کی تو ۔۔۔ میں نے کچھ بھی نہیں کیا ۔۔۔ اللہ نے ہم دونوں کو بچایا ہے ۔۔۔
آج سے ہم دونوں سنگنگ نہیں کریں گے ۔۔۔ زکی نے باسط کو صاف صاف کہا ۔۔۔
بلکل جو تو کہے ۔۔۔ ہم وہی کریں گے ۔۔۔
ہاہا ۔۔۔ زیادہ فرماںبردار نہ بن ۔۔۔۔
****************
گھر میں باقی سب زکی کی خیریت کے بارے میں آگاہ ہوچکے تھے سوائے گوہر کے ۔۔۔ وہ اکیلی باغ میں بیٹھی تھی ۔۔۔ اُسے کچھ معلوم نہ ہو سکا ۔۔۔
_________________
میں اُن سے کبھی بات نہیں کروں گی ۔۔۔ گوہر روتے ہوئے خود سے بول رہی تھی ۔۔۔
ہاں کبھی بات مت کرنا ۔۔۔ لیکن پلیز رو مت ۔۔۔ زکی تمہاری آنکھ میں آنسو نہیں دیکھ سکتا ۔۔۔ زکی پیچھے سے آکر بولا ۔۔۔
نہیں ۔۔۔ جھوٹ ۔۔۔ وہ بچپن کی بات تھی ۔۔۔ جب زکی میری آنکھ میں آنسو دیکھ کر خود رونے لگ جاتا تھا ۔۔۔
زکی آج بھی تمہاری آنکھ میں آنسو نہیں دیکھ سکتا گوہر سلطان ۔۔۔ زکی ۔۔۔ گوہر کے سامنے آکھڑا ہوا ۔۔۔
زکی آپ ۔۔۔ آپ تو ۔۔۔ گوہر زکی کو اپنے سامنے دیکھ کر بےاختیار رونے لگی ۔۔۔
گوہر ۔۔۔ بھلے ہی تم میرے ساتھ نہ ہو مگر مجھے ہر گز یہ گوارہ نہیں کہ میری وجہ سے تمہاری آنکھ میں آنسو آئے ۔۔۔
*******************
نانو ۔۔۔ دونوں ہی ڈھیٹ ہیں کبھی یہ نہیں مانیں گے کہ محبت کرتے ہیں ایک دوسرے سے ۔۔۔
ہمیں ہی کچھ کرنا ہوگا ۔۔۔ کیوں نہ ہم ایک گیم کھیلیں ۔۔۔ ؟ روشک اپنی نانی سے مخاطب تھی ۔۔۔
کیسی گیم ۔۔۔ ؟
میں بتاتی ہوں نانو ۔۔۔ ہم نا ایسا کرتے ہیں کہ ۔۔۔ ” ۔۔۔۔۔ ” روشک ۔۔۔ نانی کو پلان بتاتے ہوئے بولی ۔۔۔
________________
زکی بیٹا بتائو نا ۔۔۔ کس سے شادی کرنا چاہتے ہو ۔۔۔ ؟ ہم چاہتے ہیں کہ دانش کی شادی میں تمہاری منگنی کردیں ۔۔۔
موم ۔۔۔ میں کیا بتائوں ۔۔۔ آپ جس سے بھی کرنا چاہتی ہیں کردیں ۔۔.
اچھا ۔۔۔ ؟ جس مرضی سے ۔۔۔ ؟
جی موم ۔۔۔ مجھے کوئی اعتراض نہیں ۔۔۔ بس یہیں آس پاس کی ہی ہو ۔۔۔ زیادہ دُور مت جائیے گا ۔۔۔
ٹھیک ہے پھر زکی ۔۔۔ اب تم انکار نہیں کروگے ۔۔۔ جس کو میں لائوں گی اُس سے شادی کرنی پڑے گی ۔۔۔
اوکے موم ۔۔۔ اب میں جائوں ۔۔۔ میری عصر کی نماز کا وقت نکلا جا رہا ہے ۔۔۔
ہاں ہاں جائو بیٹا ۔۔۔
______________
گوہر ۔۔۔ اب تو بتا دو بیٹا ۔۔۔ اگر تمہیں کوئی پسند ہے تو ہم تمہاری وہیں شادی کردیں گے ۔۔۔ ممتاز بیگم گوہر سے اُس کی پسند پوچھ رہی تھی ۔۔۔۔
نہیں امی ایسی کوئی بات نہیں ہے ۔۔۔
پھر بیٹا شادی کس سے کرو گی ۔۔۔۔ ؟
امی جسے آپ اور بابا میرے لئے پسند کریں گے مجھے وہ قبول ہوگا ۔۔۔ مجھے کوئی اعتراض نہیں ہے ۔۔۔۔
اچھا بیٹا ۔۔۔ میں نے ایک دو رشتے دیکھ رکھے ہیں میں کہیں بات چلاتی ہوں ۔۔۔
________________
زکی ہم نے تمہارے لئے یہ لڑکی پسند کی ہے ۔۔۔ دیکھو کتنی خوبصورت ہے نا ۔۔۔
موم مجھے نہیں دیکھنی ۔۔۔ آپ نے پسند کی ہے تو پیاری ہی ہوگی ۔۔۔
زکی تم ایک بار بھی نہیں دیکھو گے اُسے ۔۔۔ دیکھے بنا شادی کر لوگے ۔۔۔ ؟؟
جی موم ۔۔۔ میں نے آپ لوگوں کو پہلے ہی بتایا ہوا ہے ۔۔۔ آپ جسے پسند کریں گے مجھے وہ قبول ہوگی ۔۔۔
کمال کرتا ہے یہ لڑکا ۔۔۔۔
***************
گوہر حویلی کے اُس کمرے میں داخل ہوئی جہاں زکی اور وہ گھنٹوں بیٹھ کر کھیلا کرتے تھے ۔۔۔ گوہر نے اُس کمرے کی الماری سے ایک صندوق نکالی ۔۔۔ جس میں ایک puzzle گیم موجود تھی جو ان کے دادا نے خاص طور پر گوہر اور زکی کے لئے بنوائی تھی ۔۔۔
کون ہے ؟ کون ہے باہر ؟ گوہر نے کمرے میں کسی کو داخل ہوتا سُنا تو فوراً نقاب کر لیا ۔۔۔
میں ہوں گوہر ۔۔۔ زکی ۔۔۔
اچھا ۔۔۔ آجائیں ۔۔۔۔
تم یہاں کیا کر رہی ہو ؟
جو آپ کرنے آئیں ہیں ۔۔۔ پُرانی یادیں ایک بار پھر سے تازہ کرنے یہاں آئی ہوں ۔۔۔
اوو وائو ۔۔۔۔ ہماری puzzle ۔۔۔۔ مگر اب کیا فائدہ اسکا ۔۔۔ یاد ہے تمہیں جب ہم اس کے چند آخری ٹکڑوں کو جوڑ رہے تھے تب ہی گھر میں یہ جھگڑا ہو گیا تھا اور سب گھر والوں کی لڑائی میں ہم دونوں جُدا ہوگئے تھے ۔۔۔ اور یہ نامکمل ہی رہ گئی تھی ۔۔۔
ہاں یاد ہے ۔۔۔ اور آپ کو یاد ہے کہ اس کے باقی کے ٹکڑے کہاں ہیں ۔۔۔ ؟
جی ۔۔۔ وہ میں نے تمہیں دے دئیے تھے تاکہ میں اس puzzle کو کبھی اکیلے مکمل نہ کر سکوں ۔۔۔ جب ہم واپس ملیں تو مل کر اسے مکمل کریں ۔۔۔
تو اب آپ کا کیا خیال ہے اس بارے میں زکی ؟ ہم واپس ملیں ہیں اور میں اپنے ساتھ وہ باقی کے ٹکڑے بھی لائی ہوں ۔۔۔ ہمیں یہ solve کرنی چائیے ۔۔۔ ؟
نہیں گوہر ۔۔۔ آخری مرتبہ جب ہم یہ puzzle solve کر رہے تھے ۔۔۔ اس دوران ہم الگ ہوگئے تھے ۔۔۔ کہیں ایسا نہ ہو کہ اس بار پھر سے ہم الگ ہوجائیں ۔۔۔ اب کی بار ہم جُدائی برداشت نہیں ?ہاں یاد ہے ۔۔۔ اور آپ کو یاد ہے کہ اس کے باقی کے ٹکڑے کہاں ہیں ۔۔۔ ؟
جی ۔۔۔ وہ میں نے تمہیں دے دئیے تھے تاکہ میں اس puzzle کو کبھی اکیلے مکمل نہ کر سکوں ۔۔۔ جب ہم واپس ملیں تو مل کر اسے مکمل کریں ۔۔۔
تو اب آپ کا کیا خیال ہے اس بارے میں زکی ؟ ہم واپس ملیں ہیں اور میں اپنے ساتھ وہ باقی کے ٹکڑے بھی لائی ہوں ۔۔۔ ہمیں یہ solve کرنی چائیے ۔۔۔ ؟
نہیں گوہر ۔۔۔ آخری مرتبہ جب ہم یہ puzzle solve کر رہے تھے ۔۔۔ اس دوران ہم الگ ہوگئے تھے ۔۔۔ کہیں ایسا نہ ہو کہ اس بار پھر سے ہم الگ ہوجائیں ۔۔۔ اب کی بار ہم جُدائی برداشت نہیں کر سکیں گے گوہر ۔۔۔
زکی الگ تو ہم ویسے بھی ہو ہی رہے ہیں تو کیوں نا آخری بار اس puzzle کو مکمل کر ہی لیں ۔۔۔
چلو شروع کرو ۔۔۔
نہیں زکی یہ والا card یہاں آئے گا ۔۔۔
تم ٹھیک کہہ رہی ہو ۔۔۔ اور یہ والا یہاں ۔۔۔
گوہر اور زکی قریباً ایک گھنٹہ وہیں بیٹھے وہ puzzle solve کرتے رہے ۔۔۔
گوہر. ۔۔۔ ؟
ہں ۔۔۔ ؟
کیا تم بھی وہی دیکھ رہی ہو جو میں دیکھ رہا ہوں ۔۔۔
ہاں زکی ۔۔۔ یہ کیا ہے ۔۔۔ ؟
زکی نے آخری card رکھنے کے بعد دیکھا تو puzzle مکمل ہو چکی تھی اور چھوٹے گوہر اور زکی حویلی کے آگے باغ میں ہاتھ ملائے کھڑے تھے ۔۔۔
زکی ۔۔۔ یہ دادو ابو نے ہماری تصویر کی Puzzle بنوائی تھی ۔۔۔ اور ہم یہ اب تک جان نہیں پائے تھے ۔۔۔ گوہر نے ہنستے ہوئے کہا ۔۔۔
اب ہم الگ نہیں ہوں گے گوہر ۔۔۔ کیا تُم مجھ سے شادی کروگی ۔۔۔ ؟ زکی نے اپنی جیب سے Tulip نکالا ۔۔۔
ہاں ۔۔۔ زکی ۔۔۔ گوہر کی آنکھیں نم ہو گئیں ۔۔۔
تمہیں Tulip بہت پسند ہے نا گوہر ۔۔۔ ؟
ہاہاہا ۔۔۔ ہاں زکی مجھے Tulip بہت پسند ہے ۔۔۔ اور میں ساری زندگی اس کو اپنی آنکھوں کے سامنے دیکھنا چاہتی ہوں ۔۔۔
ہاہا ۔۔۔ گوہر کیا تمہیں اس Tulip سے محبت ہے ۔۔۔ ؟
زکی ۔۔۔ گوہر ہنسی ۔۔۔
یہ دونوں مزاق میں ایک دوسرے کو Tulip کہہ رہے تھے ۔۔۔
_____________________
آئو چل کو موم کو منع کردیں ۔۔۔ ہم نے وہ شادی نہیں کرنی ۔۔۔
اچھا بچو ۔۔۔۔ ہمیں بےوقوف سمجھا ہے کیا ۔۔۔ ؟ ان دونوں نے جیسے ہی کمرے سے قدم باہر نکالا ۔۔۔ سامنے راہداری سے دادو نمودار ہوئی ۔۔۔
سوری دادو ۔۔۔ آپ پلیز امی کو سمجھائیں نا ۔۔۔ کہ وہ میرا رشتہ وہاں نہ کریں ۔۔۔
ہاں دادو پلیز ۔۔۔ موم کو بھی سمجھائیں ۔۔۔
تم لوگوں کو کیا لگتا ہے ۔۔؟ پاگلو ۔۔۔۔ ہم کوئی رشتے نہیں کر رہے تھے ۔۔۔ ہمیں معلوم تھا کہ تم دونوں اتنی آسانی سے نہیں مانو گے ۔۔۔ اسی وجہ سے ہم نے یہ ڈرامہ کیا ۔۔۔ ہاہاہاہا ۔۔۔
اب بتائو ۔۔۔ شادی کرو گے ایک دوسرے سے ۔۔۔۔ ؟ یا پھر میں ۔۔۔ دادو نے ہنستے ہوئے کہا ۔۔۔
************************************
After 10 years:
گوہر ۔۔۔ ؟ یار وہ puzzle کہاں رکھی ہے ۔۔۔ ؟ بچے ضد کر رہے ہیں انہیں کھیلنی ہے ۔۔۔
زکی ۔۔۔۔ ایک تو آپ کا کوئی کام میرے بغیر نہیں ہوتا ۔۔۔ یہ الماری کھولیں اس کے سب سے اوپر والے block میں دیکھیں ۔۔۔
ہاں یہیں رکھی ہے ۔۔۔
آجائو بچو ۔۔۔ آلیار ۔۔۔۔ رومیسہ ۔۔۔۔ بیٹا یہ لو مل گئی آپ کی گیم ۔۔۔
_______________
بچو ۔۔۔۔ دادو ہمیشہ مجھے کہا کرتی تھی ۔۔۔
بیٹا ایک بار اُس رب سے محبت کر کے تو دیکھو ۔۔۔ جو انسان اللہ سے محبت کرتے ہیں نا وہ کبھی اُن کو تنہائ نہیں چھوڑتا ۔۔۔ وہ کہتا ہے تم وہ کرتے ہو جو تم چاہتے ہو ۔۔۔ لیکن ہوتا وہ ہے جو میں چاہتا ہوں ۔۔۔ ایک بار وہ کر کے دیکھو جو میں چاہتا ہوں وہی ہوگا جو تم چاہتے ہو ۔۔۔
**********
بابا ۔۔۔ باسط چاچو آئے ہیں ۔۔۔
اسلام و علیکم ۔۔۔جناب ۔۔ آئیے آئیے ۔۔۔
کیا حال ہیں آپ کے ۔۔۔ ؟
ٹھیک ٹھاک ۔۔۔ تُو سنا سب ٹھیک ہے ۔۔۔ ؟
میں بھی ٹھیک ۔۔۔ الحمدللہ حج کرنے جا رہا ہوں ۔۔۔
ماشائاللہ ۔۔۔ ماشائاللہ ۔۔۔ دُعا کرنا میرے لئے بھی ۔۔۔
انشاءاللہ ۔۔۔ چل ٹھیک ہے ۔۔۔ میں چلتا ہوں کچھ کام باقی ہیں ابھی ۔۔۔
______________________________________
The End !!!
انسان چاہ بھی نہیں سکتا اگر اللہ نہ چاہے تو ۔۔۔