(Last Updated On: )
آ میڈے دِل دِی لُٹی دُنیا کُوں جلدا ویکھ وَنج شام دِی سرخی دیوچ سورج کُوں ڈھلدا ڈیکھ وَنج
آ میڈے دِل دِی
دِل دِی ہر دھڑکن تیڈے رستے بھیلندی پئی سجنڑ آس دے ڈیوے کُوں آ بجھدا تے بلدا ڈیکھ وَنج
آ میڈے دِل دِی
انتطاری دا اِے عالم بے قراری دا سماں پیار دے لاشے کُوں چن ڈاھاندھا سمبھلدا ڈیکھ وَنج
آ میڈے دِل دِی
سِکدیاں اکھیاں دے ارماں بے کسی دی انتہا بے نوا حسرت کُوں ہونٹاں تے مچلدا ڈیکھ وَنج
آ میڈے دِل دِی
عہد ہا تیتُھوں جُدا تھی کے اِتھے رہنڑاں نِسے اَج اُسے وعدے کُوں اَکھیاں نال پلدا ڈیکھ وَنج
آ میڈے دِل دِی
وقت دِی گل ہے متاں کہیں وقت اَرمانی تھیویں غم دِیاں گھڑیاں کُوں صدیاں وچ بدلدا ڈیکھ وَنج
آ میڈے دِل دِی
ڈُوں قدم تکلیف کر چا وَت ملنڑ قسمت دے ہِن سامنڑیں کھڑ کے بیوسؔ دا دم نکلدا ڈیکھ وَنج
آ میڈے دِل دِی
