(Last Updated On: )
اب رو رہا ہے تو بھی مِری زندگی کے بعد
میں جی نہیں سکا جو تری بے رُخی کے بعد
تازہ تھے دل کے زخم سنبھالے نہیں گئے
آنسو نکل پڑے تھے مِرے اک ہنسی کے بعد
اک آئینہ بنا تو محبت کے سامنے
اک داستان لکھ تو مری بے بسی کے بعد
چارہ گروں کی ہم کو ضرورت پڑے گی دوست
غم تو ملیں گے لازمی ہم کو خوشی کے بعد
اس رونقِ جہان سے جانا پڑے گا پھر
کس کو پسند آئیں گے ہم سادگی کے بعد
بہترتھا دشمنی میں ہی رہتے سہیلؔ ہم
دیکھا نہیں ہے اس کو کبھی دوستی کے بعد
۔۔۔۔۔۔۔۔۔۔۔۔۔۔۔۔۔۔۔۔۔
