(Last Updated On: )
آپ دے عشق دے بارے نہ کنارے توں پچھ
عشق ہے اگ دا سمندر کسے تارے توں پچھ
فیر کی ہوندا جدوں آپ ہلاؤندے انگلی
ویکھ رکھ ٹُر پیا، یا چن دے نظارے توں پچھ
کنج ہوندا اے گزر یار توں اک پل وکھرے
تھم بہوں رو کے کہوے میرے گزارے توں پچھ
آپ دا درد نہ پچھ جا کے سکھی وسدیاں توں
درد پچھنا، تے کسے درد دے مارے توں پچھ
اس گنہگار دے بختاں نوں کدوں چمکونا
اے دلا! آپ دے نیناں دے اشارے توں پچھ
ہتھ مریضاں نوں وکھا کے پیا ٹھیڈے کھاویں
آ ، دوا آن کے آقا دے دوارے توں پچھ
نعت اعجازؔ نوں ول نعت دا خود دسدی اے
با وضو ہو کے ادب نال سی پارے توں پچھ
