(Last Updated On: )
اج نعت دی زمین تے وکھرے اگائے لفظ
اکھ دی جھلار گیڑ کے رج کے رجائے لفظ
پہلے ادب دے ڈونگھے سمندر نوائے لفظ
پھر میں ترے خیال دے رَہ تے وچھائے لفظ
لکھ وار مشک دا وضو کر کر کے آئے لفظ
حالے وی نعت واسطے مینوں نہ بھائے لفظ
دل دے نگر حضور دی جد یاد پائے پیر
پھر اتھرواں دا روپ میں دے کے وسائے لفظ
ککھ دا پتہ نہ مینوں صنائع ، بدائع
تیرے کرم نیں سوہنیا میرے سجائے لفط
آقا خدائی آکھدی دیوان ہو گیا
میں تاں ترے وچھوڑے نوں ڈر ڈر پوائے لفظ
اعجازؔ سد میں نعت نوں رو رو کے مارناں
رحمت کہوے حضور دی بس آئے آئے لفظ