(Last Updated On: )
اج نعت دی زمین تے اسمان بولدا
دل دے مدینے ہے جویں حسان بولدا
سن کے ترا کلام ابو جہل وی کہوے
انج دا کدوں کلام اے انسان بولدا
چم چم کے تاں میں ایس نوں اکھیاں تے لا لواں
چم چم کے ہوٹھ آپ دے قرآن بولدا
صلِ علیٰ گلی گلی جو بولدا ایں توں
بخشش تری دا ایہ تے ہے اعلان بولدا
روضہ مِرے حضور دا کعبے دا کعبہ اے
ایہ شعر نئیں ، ایہ میرا اے ایمان بولدا
بے شک مِرے درود نوں سندے حضور نیں
میں ایس کان تے ہو کے قربان بولدا
لجپال آ کے نعت نوں اعجاز کر دیو
رو رو کے اج قلم تے قلمدان بولدا
