بھولا
گھنٹی بجنے پراس نے جوں ہی دروازہ کھولاتوبھو لے کودیکھ کرحیرت سے اسے جھٹکالگا۔اس نے سرسے پاؤں تک اس کاجائزہ لیااورتجسس کوالفاظ کالبادہ پہنادیا؛
“بھولے!خیرتوہے ناں؟یہ اسلحہ کہاں سے آگیا؟”
“بس بی بی جی؛ذراڈاکو،شاکوزیادہ ہوگئے ہیں سوچاکچھ حفاظت کے لیے بھی ہوناچاہیے۔اس لیے پستول خریدلیا”
“اچھایہ توٹھیک ہے؛کیسے آناہوا؟‘‘
“وہ بی بی جی۔۔۔۔وہ۔۔۔۔آٹاختم ہوگیاتھا سوچاآپ سے کچھ پیسے ادھارلے آؤں”
۔۔۔۔۔۔۔۔۔۔۔۔۔۔۔
گڑیا
’’ادھرہی تھی۔میں نے ابھی دیکھی تھی‘‘
’’شایداس کمرے میں تھی‘‘
’’اوہ!پریشان کیوں ہوتے ہو۔ابھی مل جائے گی‘‘
’’ادھرہوتی تومل نہ جاتی۔ہرجگہ ہی تلاش کرلی ہے‘‘
دروازے کی گھنٹی بجنے پروہ بھاگ کرقریبی ڈھیرکی طرف گئے۔گڑیاوہاں پڑی تھی۔ہرطرف سے کٹی پھٹی۔دانتوں کے گہرے نشانات۔شایدکسی کتے نے اٹھالی تھی۔
۔۔۔۔۔۔۔۔۔۔۔۔۔۔۔۔
تہذیب
’’تمھیں پتاہے زمانہ جاہلیت میں لوگ کس قدرسفاک ہوتے تھے؟‘‘
اس نے بیٹھے بیٹھے یوں ہی سوال میری طرف اچھال دیا۔
’’ہاں ! تاریخ کی کتابوں سے کچھ حوالے پڑھے ہیں‘‘
’’اس وقت بچیوں کوپیداہوتے ہی زندہ درگورکردیاجاتاتھا‘‘اس نے تاسف سے کہا
’’ہاں یار!واقعی وہ بہت جاہل اورسفاک تھے ،ہم کافی مہذب ہیں، کم ازکم بچیوں کے جوان ہونے کاتوانتظارکرتے ہیں‘‘
۔۔۔۔۔۔۔۔۔۔۔۔۔۔۔۔۔۔۔۔
بھینی ڈھلواں کی یادگار 23 کیولری کے سوختہ جاں شہید
بی آر بی نہر کے ہوم بینک پر اگر آپ بھینی روڈ چھوڑ کر شمال کی نیت کریں تو بھینی...