(Last Updated On: )
اس نوجوان کو پتلی بنا کر نچانا بند کرو
جس نوجوان کا نام بلاول ہے۔
وہ نوجوان جو بینظیر بھٹوکا بیٹا ہے
اس نوجوان کو آصف زرداری کا ولی عہد مت بناؤ!
اس نوجوان کی اپنی شخصیت ہے
اس نوجوان کا اپنا مزاج ہے
اس نوجوان کو کرپٹ سیاست کے زنجیروں میں قید مت کرو
وہ نوجوان اس ملک کو آزاد کروانے کے لیے
کیا کرسکتاہے؟
وہ نوجوان جو خود زرداری سسٹم کاقیدی ہے
اور زرداری اپنے بیٹے کو
اپنے مفاد کے خاطر
کبھی کشمیر اور کبھی گلگت بلتسان میں
کسی پتلی کے مانند نچا رہا ہے
اس نوجوان کا سیاسی استحصال بند کرو
اس نوجوان سے لکھی ہوئی تقاریر مت پڑھاؤ
اس نوجوان کو آزادی دو
وہ پہلے اپنے دل کو کھولے
اور پھر اپنے کھلے ہوئے دل سے بولے
’’میں پتلی نہیں ہوں
مجھے پتلی کی طرح
سیاست کی اسٹیج پر مت نچاؤ
مجھے اپنی روح کی ردم پر
اپنی مرضی کا رقص کرنے دو
مجھے پتلی تماشہ مت بناؤ‘‘
