بڑا بھائی چھوٹا بھائی

اپنے ایونٹ ہال میں بچوں کے بیٹھنے لئے چھوٹی کرسیاں میز رکھ کر ایک علیحدہ سیٹ اَپ بنایا ہوا _
پچھلے فنکشن میں دیکھا کہ آٹھ دس بچے اکٹھے ہو کر بیٹھے کھانا کھا رہے ہیں جبکہ چار پانچ سال کا ایک بچہ چکن ، نان ، کسٹرڈ وغیرہ کی بھری پلیٹیں سامنے رکھے بیٹھا لیکن کھا نہیں رہا تھا ، یوں جیسے کسی کا انتظار ہو _
فنکشن میں میری ڈیوٹی سیکورٹی کی ہوتی تو بطور خاص بچوں پر نظر رکھتا ہوں _ اس بچے پر بھی میں غور کرنے لگ گیا کہ سبھی بچے بچوں طرح ہی بے صبری سے کھاتے ہیں _ دو بج گئے ، اِسے بھوک بھی لگی ہو گی پھر سامنے پڑا کھانا کون چھوڑتا لیکن یہ صاحب کھانا سامنے رکھ کر بہت صبر شُکر ساتھ بیٹھا ہے _ کھا نہیں رہا _؟
میں نے بچے پاس جا کر پوچھا کہ بیٹا _ سب لوگ کھا رہے لیکن آپ کیوں نہیں کھا رہے تو بچہ بولا کہ انکل _ میرا بھائی آئے گا تو کھاؤں گا _ میں نے کہا کہ بیٹا _ بھائی کدھر ہے تو بولا کہ وہ کھیل رہا _میں نے کہا کہ بیٹا _ اُسے کھیل سے ہٹاؤ اور بُلا لو _ کھانا تو ٹھنڈا ہو جائے گا _
اس بات پر وہ بچہ اٹھا اور بھائی کو دیکھنے نکل پڑا _ میں ساتھ گیا _ پارکنگ میں جا کر دیکھا تو دو تین بچے جھولے لے رہے _ اُس سے پوچھا کہ ان میں سے تیرا بھائی کونسا تو وہ ایک دو ڈھائی سال کے بچے کا بازو پکڑ کر بولا کہ یہ میرا بھائی ہے _
اس بچے نے بہت پیار ساتھ چھوٹے بھائی کو کھانے کے لئے ساتھ لیجانے کی بہتیری کوشش کی پر چھوٹا صاحب جھولا چھوڑنے کو تیار نا ہوا _ آخر تھک ہار کر وہ دوبارہ اکیلا ہی اندر آیا اور دوسرے بچوں ساتھ ملکر اپنی چئیر پر بیٹھ گیا _ کھانے کی پلیٹیں یونہی سامنے بھری رکھی تھیں _ میں نے اُسے کہا کہ بیٹا ، تیرے بھائی نے تو آنے سے انکار کیا _ اب تو کھانا کھا لو پر وہ بولا کہ انکل جی _
بھائی کے بغیر نہیں کھانا ، وہ آئے گا تو اُسے کِھلا کر خود کھاؤں گا _
تب تک مہمانوں نے کھانا ختم کر لیا _ عملے نے برتن اکٹھے کرنا شروع کر دئیے _ دوسرے بچے بھی کھانا کھا کر اپنی کھیل کود پر لگ گئے پر وہ بچہ بھائی کے انتظار میں کھانا سامنے رکھے بیٹھا رہا _
اسی دوران ویٹر نے آئس کریم لا کر بچے کے سامنے رکھ دی _ میں اندازہ لگا رہا تھا کہ اتنا چھوٹا سا بچہ ہے _ آئس کریم دیکھ کر تو لَلچائے گا پر اُس نے آئس کریم دیکھنا بھی گوارہ نا کیا _ یونہی بیٹھا بھائی کی راہ دیکھتا رہا اور آئس کریم پگھلتی رہی _
یہ سب تقریباً ایک گھنٹہ چلا _ میں نے بچے پر پورا غور کئے رکھا کہ شاید وہ پیپسی کا گھونٹ بھرے _ چکن کا پیس کھائے _ آئیس کریم کی چمچ لے پر نہیں _ وہ چار پانچ سال کا ننھا مُنا ہاتھ روک اور مونہہ باندھ کر چھوٹے بھائی کا انتظار کرتا رہا اور چھوٹے والے صاحب جھولے لینے میں مست رہے _
آخر میں اُٹھا _ اس دو ڈھائی سالہ پہلوان کو منت ترلہ کر کہ جُھولے سے اتار کر لایا اور کرسی پر بٹھا کر بڑے بھائی کے حوالے کر دیا _ چھوٹے بھائی کو دیکھ کر بڑے والے کی خوشی دیدنی تھی _
اس نے ماؤں جیسا بن کر ٹشو ساتھ چھوٹے کے ہاتھ صاف کئے _ مُونہہ صاف کیا اور خود کھانے کی بجائے یا بھائی کو خود سے کھانے کا کہنے کے بجائے چمچ لے کر اُسے اپنے ہاتھ سے کھانا کِھلانے لگ گیا