عزیز نبیلؔ کا یومِ ولادت

آج – ٢٦ ؍جون؍ ١٩٧٦

نوجوان شعراء میں مقبول، قطر میں مقیم اور مشہور و معروف شاعر” عزیز نبیلؔ صاحب “ کا یومِ ولادت…

نام عزیز الرحمن اور تخلص نبیلؔ ہے وہ ٢٦؍جون؍١٩٧٦ء* کو ممبئی میں پیدا ہوئے۔ فی الحال وہ قطر میں ملازمت کر رہے ہیں۔ "خواب سمندر" اور "آواز کے پر کھلتے ہیں" اب تک دو کتابیں شائع ہو چکی ہیں. مجلہ "سفیرِ ادب" کے سب ایڈیٹر اور مجلہ "دستاویز" کے ایڈیٹر ہیں۔

 پیشکش : اعجاز زیڈ ایچ

معروف شاعر عزیز نبیلؔ کے یومِ ولادت پر منتخب اشعار بطورِ خراجِ تحسین…

ﺯﻣﯿﮟ ﮐﯽ ﺁﻧﮑﮫ ﮐﺎ ﻧﻘﺸﮧ ﺑﻨﺎ ﺩﯾﺎ ﮔﯿﺎ ﮨﮯ

ﺍﻭﺭ ﺍﯾﮏ ﺗﯿﺮ ﻓﻀﺎ ﻣﯿﮟ ﭼﻼ ﺩﯾﺎ ﮔﯿﺎ ﮨﮯ

—

ﯾﮧ ﮐﺲ ﻣﻘﺎﻡ ﭘﮧ ﻻﯾﺎ ﮔﯿﺎ ﺧﺪﺍﯾﺎ ﻣﺠﮭﮯ

ﮐﮧ ﺁﺝ ﺭﻭﻧﺪ ﮐﮯ ﮔﺰﺭﺍ ﮨﮯ ﻣﯿﺮﺍ ﺳﺎﯾﮧ ﻣﺠﮭﮯ

—

ﻣﺮﺍ ﺳﻮﺍﻝ ﮨﮯ ﺍﮮ ﻗﺎﺗﻼﻥِ ﺷﺐ ﺗﻢ ﺳﮯ

ﮐﮧ ﯾﮧ ﺯﻣﯿﻦ ﻣﻨﻮﺭ ﮨﻮﺋﯽ ﮨﮯ ﮐﺐ ﺗﻢ ﺳﮯ

—

ﯾﮧ ﮐﺲ ﻭﺣﺸﺖ ﺯﺩﮦ ﻟﻤﺤﮯ ﻣﯿﮟ ﺩﺍﺧﻞ ﮨﻮ ﮔﺌﮯ ﮨﯿﮟ

ﮨﻢ ﺍﭘﻨﮯ ﺁﭖ ﮐﮯ ﻣﺪ ﻣﻘﺎﺑﻞ ﮨﻮ ﮔﺌﮯ ﮨﯿﮟ

—

ﺍﺱ ﺑﺎﺭ ﮨﻮﺍﺅﮞ ﻧﮯ ﺟﻮ ﺑﯿﺪﺍﺩ ﮔﺮﯼ ﮐﯽ

ﭘﮭﺮ ﻣﯿﺮﮮ ﭼﺮﺍﻏﻮﮞ ﻧﮯ ﺑﮭﯽ ﺷﻮﺭﯾﺪﮦ ﺳﺮﯼ ﮐﯽ

—

ﺷﺎﻋﺮﯼ، ﻋﺸﻖ، ﻏﻢ ﺭﺯﻕ، ﮐﺘﺎﺑﯿﮟ، ﮔﮭﺮ ﺑﺎﺭ

ﮐﺌﯽ ﺳﻤﺘﻮﮞ ﻣﯿﮟ ﺑﮧ ﯾﮏ ﻭﻗﺖ ﮔﺰﺭ ﮨﮯ ﻣﯿﺮﺍ

—

ﺁﺋﯿﮟ ﮔﮯ ﻧﻈﺮ ﺻﺒﺢ ﮐﮯ ﺁﺛﺎﺭ ﻣﯿﮟ ﮨﻢ ﻟﻮﮒ

ﺑﯿﭩﮭﮯ ﮨﯿﮟ ﺍﺑﮭﯽ ﭘﺮﺩۂ ﺍﺳﺮﺍﺭ ﻣﯿﮟ ﮨﻢ ﻟﻮﮒ

—

ﺧﺎﮎ ﭼﮩﺮﮮ ﭘﮧ ﻣﻞ ﺭﮨﺎ ﮨﻮﮞ ﻣﯿﮟ

ﺁﺳﻤﺎﮞ ﺳﮯ ﻧﮑﻞ ﺭﮨﺎ ﮨﻮﮞ ﻣﯿﮟ

—

ﺧﻮﺩ ﺍﭘﻨﮯ ﮨﻮﻧﮯ ﮐﺎ ﺍﻧﮑﺎﺭ ﮐﺮ ﭼﮑﮯ ﮨﯿﮟ ﮨﻢ

ﮨﻤﺎﺭﯼ ﺯﻧﺪﮔﯽ ﺍﺏ ﺩﻭﺳﺮﮮ ﮔﺰﺍﺭﺗﮯ ﮨﯿﮟ

—

وقت ﮐﯽ ﺁﻧﮑﮫ ﻣﯿﮟ ﺻﺪﯾﻮﮞ ﮐﯽ ﺗﮭﮑﻦ ﮨﮯ، ﻣﯿﮟ ﮨﻮﮞ

ﺩﮬﻮﻝ ﮨﻮﺗﮯ ﮨﻮﺋﮯ ﺭﺳﺘﻮﮞ ﮐﺎ ﺑﺪﻥ ﮨﮯ، ﻣﯿﮟ ﮨﻮﮞ

—

ﻭﮦ ﺩﮐﮫ ﻧﺼﯿﺐ ﮨﻮﺋﮯ ﺧﻮﺩ ﮐﻔﯿﻞ ﮨﻮﻧﮯ ﻣﯿﮟ

ﮐﮧ ﻋﻤﺮ ﮐﭧ ﮔﺌﯽ ﺧﻮﺩ ﮐﯽ ﺩﻟﯿﻞ ﮨﻮﻧﮯ ﻣﯿﮟ

—

ﻣﯿﮟ ﭼﺎﻧﺪ ﮨﺘﮭﯿﻠﯽ ﭘﮧ ﻟﯿﮯ ﺟﮭﻮﻡ ﺭﮨﺎ ﺗﮭﺎ

ﺍﻭﺭ ﭨﻮﭨﺘﮯ ﺗﺎﺭﻭﮞ ﮐﯽ ﮨﺮ ﺍﮎ ﺳﻤﺖ ﺟﮭﮍﯼ ﺗﮭﯽ

—

ﻏﺰﻝ ﮐﮩﻨﺎ ﺑﮭﯽ ﺍﺏ ﺍﮎ ﮐﺎﺭ ﺑﮯ ﻣﺼﺮﻑ ﺳﺎ ﻟﮕﺘﺎ ﮨﮯ

ﻧﯿﺎ ﮐﭽﮫ ﺑﮭﯽ ﻧﮩﯿﮟ ﮨﻮﺗﺎ ﺑﺲ ﺍﮎ ﺗﮑﺮﺍﺭ ﭼﻠﺘﯽ ﮨﮯ

—

ﻧﺒﯿﻞؔ ﺍﺱ ﻋﺸﻖ ﻣﯿﮟ ﺗﻢ ﺟﯿﺖ ﺑﮭﯽ ﺟﺎﺅ ﺗﻮ ﮐﯿﺎ ﮨﻮﮔﺎ

ﯾﮧ ﺍﯾﺴﯽ ﺟﯿﺖ ﮨﮯ ﭘﮩﻠﻮ ﻣﯿﮟ ﺟﺲ ﮐﮯ ﮨﺎﺭ ﭼﻠﺘﯽ ﮨﮯ

—

ﺍﮎ ﺁﺭﺯﻭ ﮐﮯ ﺗﻌﺎﻗﺐ ﻣﯿﮟ ﯾﻮﮞ ﮨﻮﺍ ﮨﮯ ﻧﺒﯿﻞؔ

ﮨﻮﺍ ﻧﮯ ﺭﯾﺖ ﮐﯽ ﭘﻠﮑﻮﮞ ﭘﮧ ﻻ ﺑﭩﮭﺎﯾﺎ ﻣﺠﮭﮯ

 عزیز نبیلؔ 

انتخاب : اعجاز زیڈ ایچ