پتھر کی زبان ۔۔۔
پہاڑ ہی سمجھتے ہیں ۔۔
سچائی ۔۔حقیقت۔۔۔
الفت ۔۔درد۔۔جدائی۔۔۔
مٹی کے کمزور جسم
دیکھو !
اب کیسے جھیلتے ہیں ۔۔//
جو وقت کے ساتھ
تیرے خون نے جو مجھکو سینچا تھا۔۔
تیرے لال لہو سے اے میری ماں
زندگی رنگین تھی
پر تیرے دودھ کی سفیدی کی طرح
زندگی یوں بے رنگ سی ہوئی جاتی ہے۔۔۔//
میں تجھکو کسطرح پیغام بھیجوں
کے بن تیرے
صدیوں سے میں
ویرانیوں سے لپٹا کھڑا ہوں ۔۔۔؟؟
تو آکے دیکھ
اب تیرے یاقوت
سنگریزے بن کر بکھرے پڑے ہیں
پتھر کی زبان ۔۔
پہاڑ ہی سمجھتے ہیں ۔۔۔!
زندگی پتھر سے اگتی ہے کیسے ۔۔؟؟
میں تیرے سینے میں
اتر رہا ہوں پھر سے گہرے ۔۔۔
ماں !
سنبھال لیتی ہے پتھروں کو بھی
گلے لگا کر ۔۔۔//
ماں ۔۔۔۔ ایسی مقدس جیسے مریم
ماں ۔۔۔۔ ایسی جیسے اجلی دھوپ
ماں ۔۔۔۔ ایسی جیسے چاندنی کی کرن
ماں ۔۔ ایسی ۔۔۔جیسے ۔۔۔مٹی کی گڑیا
جو پل بھر میں جاتی ہے ٹوٹ۔۔
ماں ۔۔۔۔ایسی جو جاتی ہے اکثر چھوٹ۔۔۔//
