وہ بلوچستان میں پیدا ہوئی، کوئٹہ میں ہزارہ بچیوں کے ساتھہ سکول میں پڑھی، پھر فیملی سندھہ چلی گئی، جیکب آباد میں بھی تعلیم حاصل کی۔ ڈومی سائل سندھہ کا ہی بنا ۔ سکالر شپ ملا اور لاہور سے فائن آرٹس میں گریجویشن کی۔ لاہور میں پنجابی سے شادی کی۔ یوں پنجابی بھی ہوگئی۔ زندگی کا بیشتر حصہ لاہور میں گزارا لیکن آخر میں کراچی کی مٹی نصیب ہوئی ۔ کہتی تھی میں سارے پاکستان کی ہوں۔ حقیقت میں اس کا دل پوری دنیا کے درد سے بھرا تھا۔
پاکستان کی بیشتر زبانیں جانتی تھی ، لیکن اظہار پنجابی اور اردو میں کیا۔ ریڈیو پاکستان کی پہلی خاتون سٹیشن ڈائریکٹر بننے کا اعزاز بھی حاصل ہوا۔
1943 میں 26 جنوری کو دنیا میں آنے والی دوسال پہلے 2016 میں اِسی تاریخ کو رخصت ہوئی۔
کونج اپنی چھاں لیکے اُڈ گئی
…نسرین انجم بھٹی
کونج اپنی چھاں لیکے اُڈ گئی
میں اپنی کنی نال تینوں پُونچھ چھڈیا
اکھاں وچ رکھدی تے انھی ہوجاندی
اکھاں میں اپنے جمن آلے لئی رکھیاں
تیرے لئی میں چُپ وٹی
چُپ ادھی تیری ادھی میری
پر جے اوہ میرے ہتھہ لے کے میرے گھر جم پیا؟
جیہڑی کندھ تے میں تیری مورت واہی اوسے تے پرولا پھر گیا
میرے کول چادر ہُندی تے تینوں ڈھک لیندی
پرولے ہیٹھاں توں کیویں ساہ لویں گا
تے میریاں لیکاں اُتوں کیویں ڈھویں گا
گندل دی گری وچ تُوں ٹٹ گیئوں
تے مٹی اُتے تریلی میں ترونک چھڈی
ہمسایاں دے گھر مُنڈا جمیا
ہمسایاں دے گھر فاقہ جمیا
میں اپنی کچی روٹی اوہناں نوں دے چھڈی
تے توے تے تیری جنج چاڑھی
تیریاں تلیاں سٹیاں تے میں نچی
کولیاں نوں لہو چڑھ گیا
میرے گھر حسین جم پیا
میں تھل ویاہ لیانے تے موت نوں نتھہ پائی
میں کُڑیاں وچ کالی ہوگئی
بُوٹے چھاں چھڈ کے نس گئے
چھاں بُوٹے چھڈ کے کھلوگئی
میں وچکار
دُھپ تراہی گئی نہیں ویاہی گئی
اوناں تانبے نال میرے نونہہ داگے
میرا پنڈا نیلی پُھلکاری ہوگیا
مینوں اُتے لیکے چندریاں میرے ہیٹھوں لنگھدیاں رہیاں
تے سہاگناں شبہے شکار دیاں رہیاں
میرے پھٹ توں چھلکا لتھا، نیلے منہ والا
میں چنی نوں نیل دیندی کہ پھٹ سانبھدی
بھجدے بھجدے ہوکا ہوگئی آں
میری مُٹھہ نہ کھولیں تیری اکھہ کُھل جائے گی
گلیاں نوں دروازے نہیں ہُندے
تے کُنڈے لُکن میٹی نہیں کھیڈ دے
جان والے میٹی دے کے گئے؟
اوہ بوجھیاں وچ میری جیبھہ لئی پھرے
تے میں اپنی واج وی نہ پچھانی
ٹوٹے ٹوٹے ہوجان تے لاش پچھانی نہیں جاندی
پچھان دے سارے بُوہے اکو تھاں کھلدے نیں
جتھے گلی بند ہوجاندی اے
حرف ٹٹے تے گل بن گئی
گلاں دا سپ مرے سرہانے کھیڈ دا میں سوندی نہ
پر میریپواندی پیر اُگ پئے
تھلاں آٹے دیاں روٹیاں پکائیاں
بُھکھ سوں گئی
میں دھوئیں نال گلاں کیتیاں سُکھہ چنگیاڑے سُٹے
میری یاری گئی
دھوئیں دے نال میری واری گئی
میں میٹی لے کے گلی گلی پھری، بھجے کشکول وچ مُل نہ پیندا
ایتھے میرا یار نہ رہندا! ایتھے میں رہندی
مینوں سنھ لگ گئی
سنھاں دیاں چھہ چھہ اُنگلاں میرا بوہا چھانگن
بُوہے تھلے اِک اتے رہندی
اِٹاں تھلے دو ہتھہ رہندے
ہتھاں تھلے میری اگ رہندی
اگاں تھلے دریا وگدے! میں ہتھ دھوندی میری میٹی دھوتی جاندی
اگلے بوہے میرا دُکھہ رہندا
دُکھ اِٹ واٹائی
مٹی پرت نہ آئی
آؤندی نوں اگے کیہہ دھردی
پیراں پندھ وٹائے
پچھے کیہ تکدی
مٹی وی پروہنی سی تے پندھ وی پروہنا سی
میں ویلے نال جھولی بھرلئی اسمان خالی ہوگیا
پروہنے ٹرگئے گھگھی بولدی
آویں بھانویں نہ آویں شاماں نہ پاویں
یہ تحریر فیس بُک کے اس پیج سے لی گئی ہے۔
“
