,,,,,,آپی ہن تے بول پوو،،،،،،،،
کئی دِن گُزر گئے،،،،، بولدی مٹی،،،،، نوں چُپ ہویاں اللہ خیر کرے ،اللہ خیر کرے، بولدی مٹی نوں نظراں لگ گئیاں ۔اج سعد اللہ شاہ جی دے اک کالم دے اخیرلے حصے نوں پڑھ بیٹھا۔جہدے چہ اوہناں پنجابی دی دلیر شاعرہ سارے پنجابیاں دا مان طاہرہ سرا جی دے حوالے نال اوہناں دی نِکی بہن سعدیہ صفدر سعدی دے وڈی بہن دی چُپ تے موہوں نکل اکھر،،،،، آپی ہن تے بول پوو،،،،،،، کوڈ کیتے۔۔کھا گئے کلیجے نوں ایہ جہیا رُگ پیا بس فر اکھا دے دریا وگ نکلے، میتھوں رہیا نہیں گیا
ہاسے ونڈدی پنجابی دے ہر اکٹھ تے پنجاب دی دھی اپنی آن تے شان نال ویراں نال کھلوتی نظر آئی
جِتھوں وی تے جدھروں وی پنجابی دی واج وجی پنجاب دی دھی نیں نہ دن ویکھیا نہ رات ویکھی اینی دلیر مٹی،،
مترو یاد رہووے طاہرہ سرا جی دا پچھلے دنیں بولیاں دی چون دا مجموعہ چھپیا جہڑا اک وڈا کم اے سگوں اوہنا ہر شاعر نوں بولی لکھن تے مجبور کردتا
ایہ دلیر واج ایہ ،،،بولدی مٹی،،،، کُجھ دِن پہلاں لائل پور توں آؤندے ہویاں حادثے وچ شدید زخمی ہو گئیاں تے اج کئی دِناں توں قومے چہ نیں مترو دعاواں وی کرو ساڈی ایہ واج چھیتی اُٹھ کلوے مٹی نوں چُپ نہیں ہونا چاہیدا
ساڈا ایہ سرمایہ لائل پور دے اک ہسپتال چہ چپاں وٹی پیا اے مترو کُجھ کرو
اسیں پنجابی دے ہر مسئلے لئی حکومت اگے اپیلاں تے احتجاج کرنے آں ۔اج ایس پنجاب دی واج نوں ساڈی لوڑ اے
مترو ساڈے چوں کئی متر انج دے ہون گے جہناں دی کسے طرحاں رسائی حکومت تک ہووے گی
نہیں تے سارے پنجابی رل کے حکومت اگی بینتی کریے جے پنجاب دی ایس دھی دا علاج بہتر توں بہتر طریقے نال ہوسکے
اج بہن نوں ویراں دی لوڑ اے ،،،،بولدی مٹی،،،
سارے پنجابیاں نوں واجاں پئی ماردی اے
آؤ پنجابیو پنجابن دھی لئی رو رو کے سوہنے رب اگے دعاواں کریے سانوں ساڈی،،،،، بولدی مٹی موڑ دے، مولا سانوں ساڈی بولدی مٹی موڑ دے
مائے چُنی دیاں وٹیاں وٹادے
ایہ دیوا ساری رات جگنا
ایہہ کالم فیس بُک دے ایس پیج توں لیا گیا اے۔
