آج معروف شاعر ثاقب لکھنوی کا یوم وفات ہے

آج معروف شاعر ثاقب لکھنوی کا یوم وفات ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ثاقب لکھنوی کا اصل نام مرزا ذاکر حسین قزلباش تھا اور وہ 2 جنوری 1869ء کو آگرہ میں پیدا ہوئے تھے۔

بچپن ہی سے انہیں شعر و شاعری کا شوق تھا جو عمر کے ساتھ ساتھ بڑھتا رہا یہاں تک کہ ہر وقت فکر سخن میں غلطاں رہنے لگے۔ اپنے اس شوق کی وجہ سے زندگی کے راستے میں اکثر ٹھوکریں کھائیں اور تکالیف اٹھائیں۔

حصولِ معاش کے لیے پہلے کچھ تجارت کا سلسلہ شروع کیا مگر اس میں گھر کی ساری جمع پونجی گنوادی۔

پھر 1906ء میں سفارت خانہ ایران میں ملازم ہوگئے۔

1908ء میں مہاراجہ محمود آباد سے تعلق ہوگیا اور میر منشی کا عہدہ ملا۔

تقسیم ہند کے بعد جب ریاست ختم ہوئی تو ثاقب صاحب بھی گوشہ نشین ہوگئے اور یاد الٰہی میں دن گزار کر 24 نومبر 1949ء کو انتقال کیا۔

شاعری کا ایک دیوان ’’ دیوان ثاقب‘‘ یادگار چھوڑا۔

ثاقب لکھنوی کے بعض اشعار اردو شاعری میں ضرب المثل کی حیثیت رکھتے ہیں۔ مثلاً

بڑے شوق سے سن رہا تھا زمانہ

ہمیں سو گئے داستاں کہتے کہتے

۔۔۔۔۔۔

نشیمن نہ جلتا، نشانی تو رہتی

ہمارا تھا کیا ٹھیک، رہتے نہ رہتے

۔۔۔۔۔۔

باغ باں نے آگ دی جب آشیانے کو مرے

جن پہ تکیہ تھا، وہی پتے ہوا دینے لگے

۔۔۔۔۔۔

مٹھیوں میں خاک لے کر دوست آئے وقت دفن

زندگی بھر کی محبت کا صلا دینے لگے

۔۔۔۔۔۔

کہنے کو مشت پر کی اسیری تو تھی، مگر

خاموش ہوگیا ہے چمن بولتا ہوا

۔۔۔۔۔۔۔۔

منتخب کلام:

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آگ یہ کیسی لگی ہے سینۂ دلگیر میں

چھالے آجاتے ہیں نظر آئینہ تقدیر میں

ظالم ومظلوم ان کے زورِ بازو پر نثار

چھوڑتے ہیں دل پہ چٹکی لے کے پائے تیر میں

نامہ لکھتے وقت کیا جانے قلم کیوں کر چلا

اضطراب دل نظر آنے لگا تحریر میں

نالے کرتا جا کہ زورِ ناتوانی ہے بہت

جھک چلا ہے چرخ گرجائے گا دو اک تیر میں

پیش عاقل بولتا ہے عالمِ نقش و نگار

کہہ گئی سب کچھ خموشی پردۂ تصویر میں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پتی پتی سے نہ خون اُبلے تو مجرم جاننا

ذبح میں ہولوں تو پھر رنگ گلستاں دیکھنا

کائناتِ موت دامن میں لئے ہیں دل کے زخم

درد اگر کم ہو تو تم سوئے نمکداں دیکھنا

ہستی فانی پہ اک اصرار تھا تقدیر کو

ورنہ کب منظور تھا خواب پریشاں دیکھنا

پیس ڈالا خواہش بے جا نے کوہِ طور کو

دل کی قوت دیکھ لے پھر روئے جاناں دیکھنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک ایک گھڑی اُس کی قیامت کی گھڑی ہے

جو ہجر میں تڑپائے، وہی رات بڑی ہے

یہ ضُعف کا عالم ہے کہ ، تقدیر کا لِکھّا

بستر پہ ہُوں میں یا ، کوئی تصویر پڑی ہے

بیتابئ دل کا ، ہے وہ دِلچسپ تماشہ !

جب دیکھو شبِ ہجر مِرے در پہ کھڑی ہے

اب تک مجھے کُچھ اور دِکھائی نہیں دیتا

کیا جانیے کِس آنکھ سے یہ آنکھ لڑی ہے

آدھی سے زیادہ شبِ غم کاٹ چُکا ہوں

اب بھی اگر آجاؤ تو یہ رات بڑی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔

ہجر کی شب نالۂ دل وہ صدا دینے لگے

سننے والے رات کٹنے کی دعا دینے لگے

کس نظر سے آپ نے دیکھا دلِ مجروح کو

زخم جو کچھ بھر چلے تھے پھر ہوا دینے لگے

جُز زمینِ کوئے جاناں کچھ نہیں پیشِ نگاہ

جس کا دروازہ نظر آیا صدا دینے لگے

باغباں نے آگ دی جب آشیانے کو مرے

جن پہ تکیہ تھا وہی پتّے ہوا دینے لگے

مٹھیوں میں خاک لے کر دوست آئے وقتِ دفن

زندگی بھر کی محبت کا صلہ دینے لگے

آئینہ ہو جائے میرا عشق ان کے حسن کا

کیا مزا ہو درد اگر خود ہی دوا دینے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﮐﮩﺎﮞ ﺗﮏ ﺟﻔﺎ ﺣﺴﻦ ﻭﺍﻟﻮﮞ ﮐﯽ ﺳﮩﺘﮯ

ﺟﻮﺍﻧﯽ ﺟﻮ ﺭﮨﺘﯽ ﺗﻮ ﭘﮭﺮ ﮨﻢ ﻧﮧ ﺭﮨﺘﮯ

ﻭﻓﺎ ﺑﮭﯽ ﻧﮧ ﮨﻮﺗﺎ ﺗﻮ ﺍﭼﮭﺎ ﺗﮭﺎ ﻭﻋﺪﮦ

ﮔﮭﮍﯼ ﺩﻭ ﮔﮭﮍﯼ ﺗﻮ ﮐﺒﮭﯽ ﺷﺎﺩ ﺭﮨﺘﮯ

ﻧﺸﯿﻤﻦ ﻧﮧ ﺟﻠﺘﺎ ﻧﺸﺎﻧﯽ ﺗﻮ ﺭﮨﺘﯽ

ﮨﻤﺎﺭﺍ ﺗﮭﺎ ﮐﯿﺎ ﭨﮭﯿﮏ ﺭﮨﺘﮯ ﻧﮧ ﺭﮨﺘﮯ

ﺯﻣﺎﻧﮧ ﺑﮍﮮ ﺷﻮﻕ ﺳﮯ ﺳﻦ ﺭﮨﺎ ﺗﮭﺎ

ﮨﻤﯿﮟ ﺳﻮ ﮔﺌﮯ ﺩﺍﺳﺘﺎﮞ ﮐﮩﺘﮯ ﮐﮩﺘﮯ

ﮐﻮﺋﯽ ﻧﻘﺶ ﺍﻭﺭ ﮐﻮﺋﯽ ﺩﯾﻮﺍﺭ ﺳﻤﺠﮭﺎ

ﺯﻣﺎﻧﮧ ﮨﻮﺍ ﻣﺠﮫ ﮐﻮ ﭼﭗ ﺭﮨﺘﮯ ﺭﮨﺘﮯ

ﻣﺮﯼ ﻧﺎﺅ ﺍﺱ ﻏﻢ ﮐﮯ ﺩﺭﯾﺎ ﻣﯿﮟ ﺛﺎﻗﺐ

ﮐﻨﺎﺭﮮ ﭘﮧ ﺁ ﮨﯽ ﻟﮕﯽ ﺑﮩﺘﮯ ﺑﮩﺘﮯ

۔۔۔۔۔۔۔۔۔۔۔۔۔۔۔۔۔۔۔۔۔۔

ﯾﮧ ﺁﮦ ﻭ ﻓﻐﺎﮞ ﮐﯿﻮﮞ ﮨﮯ ﺩﻝ ﺯﺍﺭ ﮐﮯ ﺁﮔﮯ

ﮐﮩﺘﮯ ﮨﯿﮟ ﮐﮧ ﺭﻭﺗﮯ ﻧﮩﯿﮟ ﺑﯿﻤﺎﺭ ﮐﮯ ﺁﮔﮯ

ﭘﮭﺮ ﻣﻮﺕ ﮐﺎ ﮨﮯ ﺳﺎﻣﻨﺎ ﺍﻟﻠﮧ ﺑﭽﺎﺋﮯ

ﭘﮭﺮ ﺩﻝ ﻟﯿﮯ ﺟﺎﺗﺎ ﮨﮯ ﺳﺘﻢ ﮔﺮ ﮐﮯ ﺁﮔﮯ

ﺑﮑﻨﮯ ﮐﮯ ﻟﯿﮯ ﺁﭖ ﻧﮧ ﺑﺎﺯﺍﺭ ﻣﯿﮟ ﺁﺋﮯ

ﺑﮭﺠﻮﺍ ﺩﯾﺎ ﯾﻮﺳﻒ ﮐﻮ ﺧﺮﯾﺪﺍﺭ ﮐﮯ ﺁﮔﮯ

ﻣﻨﻌﻢ ﮐﻮ ﻣﺒﺎﺭﮎ ﯾﮧ ﻧﻘﯿﺐ ﺍﻭﺭ ﺟﻠﻮ ﺩﺍﺭ

ﺍﻟﻠﮧ ﮨﯽ ﺍﻟﻠﮧ ﮨﮯ ﻧﺎﺩﺍﺭ ﮐﮯ ﺁﮔﮯ

ﺿﺪ ﮐﺮﺗﮯ ﮨﻮ ﮐﯿﻮﮞ ﺗﯿﺮ ﻧﮧ ﭘﮩﻨﭽﯿﮟ ﮔﮯ ﮨﺪﻑ ﺗﮏ

ﺍﺭﻣﺎﻥ ﮨﺰﺍﺭﻭﮞ ﮨﯿﮟ ﺩﻝ ﺯﺍﺭ ﮐﮯ ﺁﮔﮯ

ﺳﺮﮔﺮﻡ ﺳﺨﻦ ﮨﻮﮞ ﺩﻝ ﻭﺍﺭﻓﺘﮧ ﺳﮯ ﺍﺱ ﻃﺮﺡ

ﺟﯿﺴﮯ ﮐﻮﺋﯽ ﺑﺎﺗﯿﮟ ﮐﺮﮮ ﺩﯾﻮﺍﺭ ﮐﮯ ﺁﮔﮯ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بشکریہ خالد محمود