(Last Updated On: )
اج آکھاں وارث شاہ نوں، سُن مظلوماں دی واج
دن دیویں ڈاکے وجدے، اتے کرن لٹیرے راج
سُن ماں بولی دیا وارثا، گُونگا تیرا پنجاب
تیری رہتل جیُوندی مر گئی، سانوں بھل گئی ہیر کتاب
رانجھے دی ٹُٹی ونجلی، بُھل گئے عشق دے گیت
اج باراں بیلے سُنج نیں، کوئی میت مِلے نہ پریت
اج ہوئی اُجاڑ ترنجنیں، سب سکھیاں نین بے چین
لُوں لُوں وچ ڈیرے ہجر دے، لہو سُٹن میری نین
سُن حُسن عشق دیا وارثا، اج عشق ہوس دا ناں
لائی بیٹھے تھاں تھاں پھاہیاں، چڑیاں دے ویری کاں
میرے وارث اج وی ہیر دا، نہیں چلدا کوئی وس
لے بیٹھا کیدو لنگڑا، کی کرے بیاءجی دس
