آج – ١٧ ؍جون؍ ٢٠١٢
صحافی، مترجم، جدید سندھی ادب کے تراجم پر مشتمل اپنی کتابوں کے لیے معروف شاعر” آفاقؔ صدّیقی صاحب“ کا یومِ وفات…
نام محمد آفاق صدیقی اور تخلص آفاقؔ ہے۔ ۴؍مئی ۱۹۲۸ء کو شیخو پورہ ، ضلع فرخ آباد میں پیدا ہوئے۔۱۹۴۷ء کے پرآشوب دور میں کراچی آگئے۔سندھ یونیورسٹی سے بی ایڈ، اور کراچی یونیورسٹی سے ایم ۔اے (اردو) کیا۔انھوں نے غزل کے علاوہ گیت، دوہے،قطعات اور آزاد نظمیں بھی لکھی ہیں۔انھوں نے مختلف جریدوں کی ادارت کے فرائض بھی انجام دیے۔ان کی بیس سے زیادہ تصنیفات وتالیفات ہیں ،چند نام یہ ہیں: ’قلبِ سراپا‘ (مجموعہ کلام)، ’ریزہ جاں‘ ، (مجموعہ کلام)، ’پاکستان ہمارا‘(ملی نغمے)، ’کوثروتسنیم‘ (مذہبی شاعری)، ’تاثرات ‘ (تنقیدی مضامین)، ’شاعر حق نوا‘ (سچل سرمست پر تحقیقی کتاب)، ’جدید سندھی ادب‘ (تراجم نظم ونثر)، ’سندھی ادب کے اردو تراجم‘ (تحقیق)، ’عکس لطیف‘ (شاہ لطیف کی شخصیت پر ایک تحقیقی کتاب)، ’بڑھائے جا قدم ابھی‘، ’ادب جھروکے ‘، ’کون اختر حامد خاں‘ ۔
آفاقؔ صدیقی ، ١٧ ؍جون؍ ٢٠١٢ء کو کراچی میں انتقال کر گئے۔
بحوالۂ:پیمانۂ غزل(جلد دوم)،محمد شمس الحق،صفحہ:223
پیشکش : اعجاز زیڈ ایچ
معروف شاعر آفاقؔ صدّیقی کے یومِ وفات پر منتخب کلام بطورِ خراجِ عقیدت…
ہوک سی اٹھی دل میں آنسوؤں نے شہ پائی
دیکھ اے غمِ دوراں پھر کسی کی یاد آئی
بے کھلی کلی دل کی بے کھلے ہی مرجھائی
تم کہاں تھے گلشن میں جب نئی بہار آئی
اب کسے گراں گزرے کاررواں کی رسوائی
راہبر تماشا ہیں، راہرو تماشائی
صبح کے اجالوں پر چھا گیا اندھیرا سا
یاسفید آنچل پر تیری زلف لہرائی
غم گسار گردانیں کس کو موردِ الزام
حیف میری بے تابی ہائے تیری خود رائی
دل کے ایک گوشے میں تیرے پیار کی حسرت
جیسے شہرِ خوباں میں کوئی شام تنہائی
کون، ہاں وہی آفاقؔ، جانتے ہیں ہم اس کو
ہوشیار، دیوانہ، باشعور، سودائی
***
ﮐﯿﺎ ﺯﻣﯿﮟ ﮐﯿﺎ ﺁﺳﻤﺎﮞ ﮐﭽﮫ ﺑﮭﯽ ﻧﮩﯿﮟ
ﮨﻢ ﻧﮧ ﮨﻮﮞ ﺗﻮ ﯾﮧ ﺟﮩﺎﮞ ﮐﭽﮫ ﺑﮭﯽ ﻧﮩﯿﮟ
ﺩﯾﺪﮦ ﻭ ﺩﻝ ﮐﯽ ﺭﻓﺎﻗﺖ ﮐﮯ ﺑﻐﯿﺮ
ﻓﺼﻞِ ﮔﻞ ﮨﻮ ﯾﺎ ﺧﺰﺍﮞ ﮐﭽﮫ ﺑﮭﯽ ﻧﮩﯿﮟ
ﭘﺘﮭﺮﻭﮞ ﻣﯿﮟ ﮨﻢ ﺑﮭﯽ ﭘﺘﮭﺮ ﮨﻮ ﮔﺌﮯ
ﺍﺏ ﻏﻢِ ﺳﻮﺩ ﻭ ﺯﯾﺎﮞ ﮐﭽﮫ ﺑﮭﯽ ﻧﮩﯿﮟ
ﮐﯿﺎ ﻗﯿﺎﻣﺖ ﮨﮯ ﮐﮧ ﺍﭘﻨﮯ ﺩﯾﺲ ﻣﯿﮟ
ﺍﻋﺘﺒﺎﺭ ﺟﺴﻢ ﻭ ﺟﺎﮞ ﮐﭽﮫ ﺑﮭﯽ ﻧﮩﯿﮟ
ﮐﯿﺴﮯ ﮐﯿﺴﮯ ﺳﺮ ﮐﺸﯿﺪﮦ ﻟﻮﮒ ﺗﮭﮯ
ﺟﻦ ﮐﺎ ﺍﺏ ﻧﺎﻡ ﻭ ﻧﺸﺎﮞ ﮐﭽﮫ ﺑﮭﯽ ﻧﮩﯿﮟ
ﺍﯾﮏ ﺍﺣﺴﺎﺱِ ﻣﺤﺒﺖ ﮐﮯ ﺳﻮﺍ
ﺣﺎﺻﻞِ ﻋﻤﺮِ ﺭﻭﺍﮞ ﮐﭽﮫ ﺑﮭﯽ ﻧﮩﯿﮟ
ﮐﻮﺋﯽ ﻣﻮﺿﻮﻉِ ﺳﺨﻦ ﮨﯽ ﺟﺐ ﻧﮧ ﮨﻮ
ﺻﺮﻑ ﺍﻧﺪﺍﺯِ ﺑﯿﺎﮞ ﮐﭽﮫ ﺑﮭﯽ ﻧﮩﯿﮟ
آفاق صدّیقی
انتخاب : اعجاز زیڈ ایچ
