خاور رضوی کا اصل نام سید سبط حسن رضوی اور تخلص خاورؔ تھا ۔ وہ ایک سید خاندان میں یکم جون 1938ء کو ( کچھ کے نزدیک 1936ء مگر یہ درست نہیں ان کے سرکاری کاغذات کے مطابق ان کا یومِ پیدائش 1938ء ہے) پیدا ہوۓ۔
انھوں نے شاعری کی تعلیم اپنی والدہ عابدہ بیگم جو کہ خود ایک نامور شاعرہ تھیں سے حاصل کی ۔
خاور رضوی کے ماموں اور خالہ بھی اعلٰی پاۓ کے شاعر تھے۔
ان کے والد سید نجم الحسن رضوی نے فوج میں اپنی خدمات انجام دی اور انھوں نے خاور رضوی کا ساتھ دیا اور ان کا حوصلہ بڑھایا۔
خاور رضوی نے ابتدائی تعلیم گھر پر ہی حاصل کی اس کے بعد گورنمنٹ سکول کیمبل پور (اٹک) سے میٹرک کیا۔ اس کے بعد گریجویشن گورنمنٹ کالج اٹک سے کی۔
اس کے بعد پوسٹ گریجویشن لیکچرر پنجاب یونیورسٹی لاہور سے کی۔
تعلیم مکمل کرنے کے بعد انھوں نے تین نوکریاں کیں ۔ سب سے پہلے وہ استاد تعینات ہوۓ اس کے بعد بینکنگ کے شعبے میں گۓ اور اس کے بعد سوشل سیکورٹی میں رہے اور اسی محکمے میں ڈائریکٹر کے عہدے پر تعینات رہے۔
گھر سے ڈیوٹی پر جاتے ہوئے راستے میں ہارٹ اٹیک ہونے کی وجہ سے 15 نومبر 1981ء کو انتقال کر گۓ۔
انھیں احمد پور سیال ضلع جھنگ کے قبرستان میں سپرد خاک کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام
۔۔۔۔۔۔۔۔۔۔۔۔۔۔۔۔۔۔۔۔۔۔۔
جبیں سے مٹ نہ سکے گی یہ وقت کی تحریر
نشانِ زخم رہے گا جو زخم بھر بھی گیا
۔۔۔۔۔۔۔۔۔۔۔۔۔۔۔۔۔۔۔۔
ہر ایک موڑ پہ پیچھے پلٹ کے دیکھتا ہوں
وہ گردِ رہ سہی ہمراہ تو کوئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی نسل کے نام
۔۔۔۔۔۔۔۔۔۔۔۔۔۔۔۔۔۔۔۔۔۔
یہ دعا ھے کہ تجھے دیدہ بیدار ملے
دلِ حساس ملے جرات اظہار ملے
راستے میں گو ترے جبر کی دیوار رھے
سر پہ یا دکھ کی چمکتی ھوئی تلوار رھے
صحنِ زنداں میں رھے تو یا سرِ دار رھے
حق و انصاف کی لب پر ترے گفتار رھے
دل ترا بادہ اخلاص سے سرشار رھے
تو سدا حسنِ صداقت کا پرستار رھے
تیری گردن کوئی قوت کبھی خم کر نہ سکے
تو وہ کر جائے زمانے میں جو ھم کر نہ سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ خود پرست ہے اور خود شناس میں بھی نہیں
فریب خوردہء وہم و قیاس میں بھی نہیں
فضاۓ شہر طلب ہے انا گزیدہ بہت
ادا شناس رہ التماس میں بھی نہیں
میں کیوں کہوں کہ زمانہ نہیں ہے راس مجھے
میں دیکھتا ہوں زمانے کو راس میں بھی نہیں
یہ واقعہ کہ تجھے کھل رہی ہے تنہائی
یہ حادثہ کہ ترے آس پاس میں بھی نہیں
ہوا کرے جو ہے خاورؔ فضا خلاف مرے
اسیر حلقہء خوف و ہراس میں بھی نہیں
۔۔۔۔۔۔۔۔۔۔۔۔۔۔۔۔۔۔۔۔۔
ﺟﺘﻨﺎ ﺑﺮﮨﻢ ﻭﻗﺖ ﺗﮭﺎ ﺍﺗﻨﮯ ﮨﯽ ﺧﻮﺩ ﺳﺮ ﮨﻢ ﺑﮭﯽ ﺗﮭﮯ
ﻣﻮﺝ ﻃﻮﻓﺎﮞ ﺗﮭﺎ ﺍﮔﺮ ﭘﻞ ﭘﻞ ﺗﻮ ﭘﺘﮭﺮ ﮨﻢ ﺑﮭﯽ ﺗﮭﮯ
ﮐﺎﺵ ﮐﻮﺋﯽ ﺍﮎ ﺍﭼﭩﺘﯽ ﺳﯽ ﻧﻈﺮ ﮨﯽ ﮈﺍﻟﺘﺎ
ﭼﻮﺭ ﺗﮭﮯ ﺯﺧﻤﻮﮞ ﺳﮯ ﻟﯿﮑﻦ ﺍﯾﮏ ﻣﻨﻈﺮ ﮨﻢ ﺑﮭﯽ
ﺗﮭﮯ
ﮔﺮ ﻭﺑﺎﻝ ﺩﻭﺵ ﺗﮭﺎ ﺳﺮ ﮨﺎﺗﮫ ﻣﯿﮟ ﺗﯿﺸﮧ ﺑﮭﯽ ﺗﮭﺎ
ﺍﮎ ﻃﺮﻑ ﺳﮯ ﺗﻮ ﻧﺼﯿﺒﮯ ﮐﮯ ﺳﮑﻨﺪﺭ ﮨﻢ ﺑﮭﯽ ﺗﮭﮯ
ﺧﻮﺩ ﺷﻨﺎﺳﯽ ﮐﺎ ﺑﮭﻼ ﮨﻮ ﺭﺍﮐﮫ ﮐﯽ ﭼﭩﮑﯽ ﮨﯿﮟ ﺁﺝ
ﻭﺭﻧﮧ ﺍﮎ ﺭﺧﺸﻨﺪﮦ ﻭ ﺗﺎﺑﻨﺪﮦ ﮔﻮﮨﺮ ﮨﻢ ﺑﮭﯽ ﺗﮭﮯ
ﺳﻄﺢ ﺑﯿﮟ ﺗﮭﮯ ﻟﻮﮒ ﮐﯿﺎ ﭘﺎﺗﮯ ﮨﻤﺎﺭﯼ ﻭﺳﻌﺘﯿﮟ
ﺟﮭﺎﻧﮑﺘﺎ ﺩﻝ ﻣﯿﮟ ﮐﻮﺋﯽ ﺗﻮ ﺍﮎ ﺳﻤﻨﺪﺭ ﮨﻢ ﺑﮭﯽ ﺗﮭﮯ
ﭼﮍﮬﺘﮯ ﺳﻮﺭﺝ ﮐﯽ ﭘﺮﺳﺘﺶ ﮔﻮ ﺗﮭﺎ ﺩﻧﯿﺎ ﮐﺎ ﺍﺻﻮﻝ
ﮨﻢ ﮐﺴﯽ ﮐﻮ ﭘﻮﺟﺘﮯ ﮐﯿﺴﮯ ﮐﮧ ﺧﺎﻭﺭؔ ﮨﻢ ﺑﮭﯽ ﺗﮭﮯ
۔۔۔۔۔۔۔۔۔۔۔۔۔۔۔۔۔۔۔
ﺍﮎ ﺧﻠﺶ ﺍﮎ ﮐﺮﺏ ﭘﻨﮩﺎﮞ ﻣﯿﺮﯼ ﺧﺎﮐﺴﺘﺮ ﻣﯿﮟ ﮨﮯ
ﻣﯿﺮﺍ ﺩﺷﻤﻦ ﺣﺎﺩﺛﮧ ﯾﮧ ﮨﮯ ﮐﮧ ﻣﯿﺮﮮ ﮔﮭﺮ ﻣﯿﮟ ﮨﮯ
ﮐﻮﻥ ﮐﺲ ﮐﮯ ﺍﺷﮏ ﭘﻮﻧﭽﮭﮯ ﮐﻮﻥ ﮐﺲ ﮐﺎ ﺩﮐﮫ
ﺑﭩﺎﺋﮯ
ﺟﻮ ﮨﮯ ﻭﮦ ﻣﺤﺮﻭﻣﯿﻮﮞ ﮐﮯ ﮔﻨﺒﺪ ﺑﮯ ﺩﺭ ﻣﯿﮟ ﮨﮯ
ﺿﺮﺏ ﺗﯿﺸﮧ ﭼﺎﮨﺌﮯ ﺍﻭﺭ ﺩﺳﺖ ﺁﺯﺭ ﭼﺎﮨﺌﮯ
ﺍﮎ ﺟﮩﺎﻥ ﺧﺎﻝ ﻭ ﺧﺪ ﺧﻮﺍﺑﯿﺪﮦ ﮨﺮ ﭘﺘﮭﺮ ﻣﯿﮟ ﮨﮯ
ﺍﺱ ﺯﻣﺎﻧﮯ ﻣﯿﮟ ﻣﺮﯼ ﺳﺎﺩﮦ ﺩﻟﯽ ﻣﯿﺮﺍ ﺧﻠﻮﺹ
ﺍﯾﮏ ﻣﻨﻈﺮ ﮨﮯ ﻣﮕﺮ ﺑﮯ ﺭﺑﻂ ﭘﺲ ﻣﻨﻈﺮ ﻣﯿﮟ ﮨﮯ
ﺑﯿﭻ ﺩﯼ ﺧﺎﻭﺭؔ ﯾﮩﺎﮞ ﯾﺎﺭﻭﮞ ﻧﮯ ﻧﺎﻣﻮﺱ ﻭﻓﺎ
ﺗﻮ ﺑﮭﯽ ﭘﯿﺎﺭﮮ ﮐﺲ ﺑﮭﻼﻭﮮ ﻣﯿﮟ ﮨﮯ ﮐﺲ ﭼﮑﺮ ﻣﯿﮟ
ﮨﮯ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
