آج اردو کے شہرہ آفاق شاعر فیض احمد فیض کا یوم پیدائش ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئیے اور اس عظیم شخصیت کو خراجِ تحسین پیش کریں ۔۔
آپ فیض صاحب کا کلام ( اپنی پسند کے مطابق) اور دعائیہ کلمات پیش کرسکتے ہیں ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو ادب کے بہت سے ناقدین کے نزدیک فیض احمد فیض (1911 تا 1984) غالب اور اقبال کے بعد اردو کے سب سے عظیم شاعر ھیں۔ آپ تقسیم ہند سے پہلے 1911 میں سیالکوٹ میں پیدا ہوئے۔ انجمن ترقی پسند تحریک کے فعال رکن اور ایک ممتاز کمیونسٹ تھے ۔
پیدائشی نام ———– فیض
تخلص ————–فیض
ولادت————– 13 فروری 1911ء سیالکوٹ
ابتدا —————سیالکوٹ، پاکستان
وفات ————-20 نومبر 1984ء لاہور
اصناف ادب ———-شاعری
ذیلی اصناف———- غزل، نظم
ادبی تحریک———- ترقی پسند
تعداد تصانیف——– 10
تصنیف اول ———نقش فریادی
معروف تصانیف—- نقش فریادی ، دست صبا ، زنداں نامہ ، دست تہ سنگ ، شام شہر یاراں ، سر وادی سینا ، مرے دل مرے مسافر ، نسخہ ہائے وفا
پیدایش———–:
فیض 13 فروری 1911 کو سیالکوٹ کے ایک معزز گھرانے میں پیدا ہوئے ۔ آپ کے والد ایک علم پسند آدمی تھے ۔ آپ کی والدہ کا نام سلطان فاطمہ تھا ۔
تعلیم———– :
آپ نے ابتدای مذ ھبی تعلیم مولوی محمد ابراہیم میر سیالکوٹی سے حاصل کی ۔ بعد ازاں 1921 میں آپ نے سکاچ مشن سکول سیالکوٹ میں داخلہ لیا ۔ آپ نے میٹرک کا امتحان مرے سکول سیالکوٹ سے پاس کیا اور پھر ایف اے کا امتحان بھی وہیں سے پاس کیا ۔
آپ نے سکول میں فارسی اور عربی زبان سیکھی۔بی اے آپ نے گورنمنٹ کالج لاہور سے کیا اور پھر وہیں سے 1932 میں انگلش میں ایم اے کیا۔ بعد میں اورینٹل کالج لاہور سے عربی میں بھی ایم اے کیا۔
کیریر ———- :
انہوں نے 1930ء میں ایلس فیض سے شادی کی۔19351 میں آپ نے ایم اے او کالج امرتسر میں لیکچرر کی حیثیت سے ملازمت کی۔ اور پھر ھیلے کالج لاہور میں ۔ 1942 میں آپ فوج میں کیپٹن کی حیثیت سے شامل ھوگے۔ اور محکمہ تعلقات عامہ میں کام کیا ۔ 1943 میں آپ میجر اور پھر 1944 میں لیفٹیننٹ کرنل کے عہدے پر ترقی پا گے۔ 1947 میں آپ فوج سے مستعفی ہو کر واپس لاہور اگے۔ اور 1959 میں پاکستان ارٹس کونسل میں سیکرٹری کی تعینات ھوے اور 1962 تک وہیں پر کام کیا۔ 1964 میں لندن سے واپسی پرآپ عبداللہ ہارون کالج کراچی میں پرنسپل کی حیثیت سے ملازم ہو گئے۔ 1947 تا 1958 مدیر ادب لطیف مدیر لوٹس لندن، ماسکو ، اور بیروت
وہ بات سارے فسانے میں جس کا ذکر نہ تھا
وہ بات اُن کو بہت ناگوار گزری ہے
9 مارچ 1951 میں آپ كو راولپنڈی سازش كیس میں معا ونت كے الزام میں حكومت وقت نے گرفتار كر لیا۔ آپ نے چار سال سرگودھا، ساھیوال، حیدر آباد اور كراچی كی جیل میں گزارے۔ آپ كو 2 اپریل 1955 كو رہا كر دیا گیا ۔ زنداں نامہ كی بیشتر نظمیں اسی عرصہ میں لكھی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ان کی شاعری جہان ایک طرف خاص و عام میں بے حد مقبول ہے وہیں انقلابات کا ذکر اور جا بجا امید وبیم کے تذکرے پڑھنے والوں میں ایک نیا ولولہ پیدا کرتے ہیں۔
فیض احمد فیض معاشی و معاشرتی عدم مساوات، شخصی آزادی و انسانی حقوق کے علمبردار تھے۔ لیکن بائیں بازو کے نظریات کے حامی ہونے اور آمرانہ سوچ کے خلاف لکھنے پر انھیں بہت سی صعوبتوں کا سامنا بھی کرنا پڑا۔
فیض کی شاعری کے بارے میں معروف دانشور اور کالم نگار کشور ناہید کہتی ہیں کہ ان کے کلام میں قوموں کی آزادی اور ترقی کی بات ملتی ہے اور خصوصاً نوجوانوں کو آگے بڑھنے کے لیے ولولہ انگیزی کا پیغام دیتی ہے۔
’’ان کےکلام نے ہمیں زندگی میں وہ محبت دی ہے، وہ شعور دیا ہے کہ جس کے توسط ہم آگے بڑھ کے وہ کام کرسکتے ہیں جو کام قوموں کو اٹھا کر اوپر لے کر آتا ہے۔‘‘
کشور ناہید کہتی ہیں کہ فیض احمد فیض کہا کرتے تھے کہ جو کچھ اُن کے زمانے میں ہوتا رہا وہ آئندہ بھی ہوتا رہے گا مگر وہ سمجھتی ہیں فی زمانہ جو حالات ہیں وہ پہلے کی نسبت اور دگرگوں ہوچکے ہیں۔
’’نہ ان کے زمانے میں خودکش حملے تھے، نہ بندوقوں سے آتے جاتے لوگوں کو مارا جاتا تھا، نہ عورتوں پر تیزاب سے حملے ہوتے تھے، نہ غیرت کے نام پر قتل ہوا کرتے تھے، اگر یہ سب کچھ ہو رہا ہوتا تو یہ بھی فیض کی شاعری میں آپ کو ملتا۔‘‘
فیض احمد فیض نے اپنے وقت میں نہ صرف ملکی بلکہ عالمی حالات سے بھی متاثر ہو کر بے شمار نظمیں کہیں۔ انقلاب چین، افریقہ کی صورتحال، مشرق وسطیٰ خصوصاً فلسطین کا ذکر بھی ان کے ہاں ملتا ہے۔
فیض احمد فیض پہلے ایشیائی شاعر تھے جنہیں روس کا لینن امن ایوارڈ سے نوازا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام
۔۔۔۔۔۔۔۔۔۔۔۔۔۔۔۔۔
پابجولاں چلو !
’آج بازار میں پابجولاں چلو“
چشمِ نم‘ جانِ شوریدہ کافی نہیں
تُہمتِ عشقِ پوشیدہ‘ کافی نہیں
آج بازار میں پابجولاں چلو
دست اَفشاں چلو‘
مست و رَقصاں چلو
خاکِ بَرسر چلو‘
خُوں بداماں چلو
راہ تکتا ہے‘ سب شہرِ جَاناں چلو
حاکمِ شہر بھی‘
مجمعِ عام بھی
تیرِ اِلزام بھی‘
سنگِ دُشنام بھی
صبحِ ناشاد بھی‘
روزِ ناکام بھی
اِن کا دم ساز‘ اپنے سوا کون ہے؟
شہرِ جاناں میں اب باصفا کون ہے؟
دستِ قاتل کے شایاں رہا کون ہے؟
رختِ دل باندھ لو
دل فگار و‘ چلو
پھر ہمیں قتل ہو آئیں‘
یارو چلو
۔۔۔۔۔۔۔۔۔۔۔۔۔۔۔
ایک اور نظم ۔۔۔ ’’ کتے ‘‘
شاید ہم دموں پر پاؤں رکھنے سے پہلے جاگ جائیں۔
شاید ہم کراں کراں سے نجات حاصل کریں۔
کتے !
یہ گلیوں کے آوارہ بے کار کتے
کہ بخشا گیا جن کو ذوقِ گدائی
زمانے کی پھٹکار سرمایہ اُن کا
جہاں بھر کی دھتکار ان کی کمائی
نہ آرام شب کو، نہ راحت سویرے
غلاظت میں گھر، نالیوں میں بسیرے
جو بگڑیں تو اک دوسرے سے لڑا دو
ذرا ایک روٹی کا ٹکڑا دکھا دو
یہ ہر ایک کی ٹھوکریں کھانے والے
یہ فاقوں سے اکتا کے مرجانے والے
یہ مظلوم مخلوق گر سر اٹھائے
تو انسان سب سرکشی بھول جائے
یہ چاہیں تو دنیا کو اپنا بنا لیں
یہ آقاؤں کی ہڈّیاں تک چبالیں
کوئی ان کو احساسِ ذلّت دلادے
کوئی ان کی سوئی ہوئی دم ہلا دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ربّا سچّیا
ربّا سچّیا توں تے آکھیا سی
جا اوئے بندیا جگ دا شاہ ہیں توں
ساڈیاں نعمتاں تیریاں دولتاں نیں،
ساڈا نَیب تےعالیجاہ ہیں توں،
ایس لارے تے ٹور کَدی پُچھیا ای
کِیہہ ایس نِمانے تے بیتیاں نیں
کدی سار وی لئی اُو رب سائیاں
تیرے شاہ نال جگ کیہہ کیتیاں نیں
کتے دھونس پولیس سرکار دی اے
کتے دھاندلی مال پٹوار دی اے
اینویں ہڈّاں اچ کلپے جان میری
جیویں پھائی چ کونج کُرلاؤندی اے
چنگا شاہ بنایا ای رب سائیاں
پَولے کھاندیاں وار نہ آوندی اے
مینوں شاہی نئیں چاہیدی رب میرے
میں تے عزّت دا ٹُکّر منگنا ہاں
مینوں تاہنگ نئیں، محلاں ماڑیاں دی
میں تے جِِیویں دی نُکّر منگنا ہاں
میری مَنّیں تے تیریاں مَیں منّاں
تیری سَونہہ جے اک وی گل موڑاں
جے ایہہ مانگ نئیں پُجدی تیں ربّا
فیر میں جاواں تے رب کوئی ہور لوڑاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شام کے پیچ و خم ستاروں سے
زینہ زینہ اُتر رہی ہے رات
یوں صبا پاس سے گزرتی ہے
جیسے کہہ دی کسی نے پیار کی بات
صحنِ زنداں کے بے وطن اشجار
سرنگوں ،محو ہیں بنانے میں
دامنِ آسماں پہ نقش و نگار
شانۂ بام پر دمکتا ہے!
مہرباں چاندنی کا دستِ جمیل
خاک میں گھل گئی ہے آبِ نجوم
نور میں گھل گیا ہے عرش کا نیل
سبز گوشوں میں نیلگوں سائے
لہلہاتے ہیں جس طرح دل میں
موجِ دردِ فراقِ یار آئے
دل سے پیہم خیال کہتا ہے
اتنی شیریں ہے زندگی اس پل
ظلم کا زہر گھولنے والے
کامراں ہو سکیں گے آج نہ کل
جلوہ گاہِ وصال کی شمعیں
وہ بجھا بھی چکے اگر تو کیا
چاند کو گل کریں تو ہم جانیں
۔۔۔۔۔۔۔۔۔۔۔۔۔۔۔۔۔۔۔۔۔۔۔
جینے کے لیئے مرنا
یہ کیسی سعادت ہے
مرنے کے لیئے جینا
یہ کیسی حماقت ہے
اکیلے جیو
ایک شمشاد تن کی طرح
اور ملکر جیو
ایک بن کی طرح
ہم نے امید کے سہارے
ٹوٹ کر یوں ہی زندگی کی ہے
جس طرح تم نے عاشقی کی ہے
شمشاد (درخت)……….بن(جنگل)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئیے ہاتھ ’اٹھائیں ہم بھی
ہم جنہیں رسمِ دعا یاد نہیں
ہم جنہیں سوزِ محبت کے سوا
کوئی ’بت کوئی خدا یاد نہیں
آئیے عرض گزاریں کہ نگارِ ہستی
زہرِاِمروز میں شیرنئی فردا بھر دے
وہ جنہیں تابِ گراںباریء اِیّام نہیں
’ان کی پلکوں پہ شب و روز کو ہلکا کر دے
جن کی آنکھوں کو ’رخِ صبح کا یارا بھی نہیں
’ان کی راتوں میں کوئی شمع منّور کر دے
جن کے قدموں کو کسی رہ کا سہارا بھی نہیں
’ان کی نظروں پہ کوئی راہ ’اجاگر کر دے
جن کا دیں پیرویء کِذب و ریا ہے ’ان کو
ہمتِ کفر ملے،’جرّاتِ تحقیق ملے
جِن کے سر ’منتظرِ تیغِ جفا ہیں ’ان کو
دستِ قاتِل کو جھٹک دینے کی توفیق ملے
عشق کا سرِنہاں،جانِ تپاں ہے جس کو
آج اقرار کریں اور تپش مِٹ جائے
حرفِ حق دِل میں کھٹکتا ہے جو کانٹے کی طرح
آج اِظہار کریں اور خلش مِٹ جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جیسے ہم بزم ہیں پھر یارِ طرح دار سے ہم
رات ملتے رہے اپنے در و دیوار سے ہم
سر خوشی میں یونہی دل شاد و غزل خواں گزرے
کوئے قاتل سے کبھی کوچۂ دلدار سے ہم
کبھی منزل، کبھی رستے نے ہمیں ساتھ دیا
ہر قدم الجھے رہے قافلہ سالار سے ہم
ہم سے بے بہرہ ہوئی اب جرسِ گُل کی صدا
ورنہ واقف تھے ہر اِک رنگ کی جھنکار سے ہم
فیض جب چاہا جو کچھ چاہا سدا مانگ لیا
ہاتھ پھیلا کے دلِ بے زر و دینار سے ہم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجام
ہیں لبریز آہوں سے ٹھنڈی ہوائیں
اداسی میں ڈوبی ہوئی ہیں گھٹائیں
محبت کی دنیا پہ شام آ چکی ہے
سیہ پوش ہیں زندگی کی فضائیں
مچلتی ہیں سینے میں لاکھ آرزوئیں
تڑپتی ہیں آنکھوں میں لاکھ التجائیں
تغافل کے آغوش میں سو رہے ہیں
تمہارے ستم اور میری وفائیں
مگر پھر بھی اے میرے معصوم قاتل
تمہیں پیار کرتی ہیں میری دعائیں
نقش فریادی
۔۔۔۔۔۔۔۔۔۔۔۔۔۔۔۔۔۔۔
آخری خط
وہ وقت مری جان بہت دور نہیں ہے
جب درد سے رک جائیں گی سب زیست کی راہیں
اور حد سے گزر جائے گا اندوہِ نہانی
تھک جائیں گی ترسی ہوئی ناکام نگاہیں
چھن چائیں گے مجھ سے مرے آنسو مری آہیں
چھن جائے گی مجھ سے مری بے کار جوانی
شاید مری الفت کو بہت یاد کرو گی
اپنے دلِ معصوم کو ناشاد کرو گی
آؤ گی مری گور پہ تم اشک بہانے
نوخیز بہاروں کے حسیں پھول چڑھانے
شاید مری تربت کو بھی ٹھکرا کے چلو گی
شاید مری بے سود وفاؤں پہ ہنسو گی
اس وضع کرم کا بھی تمہیں پاس نہ ہوگا
لیکن دلِ ناکام کو احساس نہ ہوگا
القصہ ماآل غمِ الفت پہ ہنسو تم
یا اشک بہاتی رہو، فریاد کرو تم
ماضی پہ ندامت ہوتمہیں یا کہ مسرت
خاموش پڑا سوئے گا وا ماندۂ الفت
۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم پرورش لوح و قلم کرتے رہیں گے
جو دل پہ گذری ھے رقم کرتے رہیں گے
اسباب غم عشق بہم کرتے رہیں گے
ویرانی دوراں پہ کرم کرتے رہیں گے
ہاں تلخی ایام ابھی اور بڑھے گی
ہاں اہل ستم مشق ستم کرتے رہیں گے
منظور یہ تلخی یہ ستم ہم کو گوارہ
دم ہے تو مداواء علم کرتے رہیں گے
باقی ہےلہو دل میں تو ہر اشک سے پیدا
رنگ لب و رخسار صنم کرتے رہیں گے
اک طرز تغافل ہے سو وہ ان کو مبارک
اک عرض تمنا ہے سو ہم کرتے رہیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺗﻤﮩﺎﺭﯼ ﯾﺎﺩ ﮐﮯ ﺟﺐ ﺯﺧﻢ ﺑﮭﺮﻧﮯ ﻟﮕﺘﮯ ﮨﯿﮟ
ﮐﺴﯽ ﺑﮩﺎﻧﮯ ﺗﻤﮩﯿﮟ ﯾﺎﺩ ﮐﺮﻧﮯ ﻟﮕﺘﮯ ﮨﯿﮟ
ﺣﺪﯾﺚ ﯾﺎﺭ ﮐﮯ ﻋﻨﻮﺍﮞ ﻧﮑﮭﺮﻧﮯ ﻟﮕﺘﮯ ﮨﯿﮟ
ﺗﻮ ﮨﺮ ﺣﺮﯾﻢ ﻣﯿﮟ ﮔﯿﺴﻮ ﺳﻨﻮﺭﻧﮯ ﻟﮕﺘﮯ ﮨﯿﮟ
ﮨﺮ ﺍﺟﻨﺒﯽ ﮨﻤﯿﮟ ﻣﺤﺮﻡ ﺩﮐﮭﺎﺋﯽ ﺩﯾﺘﺎ ﮨﮯ
ﺟﻮ ﺍﺏ ﺑﮭﯽ ﺗﯿﺮﯼ ﮔﻠﯽ ﺳﮯ ﮔﺰﺭﻧﮯ ﻟﮕﺘﮯ ﮨﯿﮟ
ﺻﺒﺎ ﺳﮯ ﮐﺮﺗﮯ ﮨﯿﮟ ﻏﺮﺑﺖ ﻧﺼﯿﺐ ﺫﮐﺮ ﻭﻃﻦ
ﺗﻮ ﭼﺸﻢ ﺻﺒﺢ ﻣﯿﮟ ﺁﻧﺴﻮ ﺍﺑﮭﺮﻧﮯ ﻟﮕﺘﮯ ﮨﯿﮟ
ﻭﮦ ﺟﺐ ﺑﮭﯽ ﮐﺮﺗﮯ ﮨﯿﮟ ﺍﺱ ﻧﻄﻖ ﻭ ﻟﺐ ﮐﯽ ﺑﺨﯿﮧ ﮔﺮﯼ
ﻓﻀﺎ ﻣﯿﮟ ﺍﻭﺭ ﺑﮭﯽ ﻧﻐﻤﮯ ﺑﮑﮭﺮﻧﮯ ﻟﮕﺘﮯ ﮨﯿﮟ
ﺩﺭ ﻗﻔﺲ ﭘﮧ ﺍﻧﺪﮬﯿﺮﮮ ﮐﯽ ﻣﮩﺮ ﻟﮕﺘﯽ ﮨﮯ
ﺗﻮ ﻓﯿﺾؔ ﺩﻝ ﻣﯿﮟ ﺳﺘﺎﺭﮮ ﺍﺗﺮﻧﮯ ﻟﮕﺘﮯ ﮨﯿﮟ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻧﮧ ﮔﻨﻮﺍﺅ ﻧﺎﻭﮎ ﻧﯿﻢ ﮐﺶ ﺩﻝ ﺭﯾﺰﮦ ﺭﯾﺰﮦ ﮔﻨﻮﺍ ﺩﯾﺎ
ﺟﻮ ﺑﭽﮯ ﮨﯿﮟ ﺳﻨﮓ ﺳﻤﯿﭧ ﻟﻮ ﺗﻦ ﺩﺍﻍ ﺩﺍﻍ ﻟﭩﺎ ﺩﯾﺎ
ﻣﺮﮮ ﭼﺎﺭﮦ ﮔﺮ ﮐﻮ ﻧﻮﯾﺪ ﮨﻮ ﺻﻒ ﺩﺷﻤﻨﺎﮞ ﮐﻮ ﺧﺒﺮ
ﮐﺮﻭ
ﺟﻮ ﻭﮦ ﻗﺮﺽ ﺭﮐﮭﺘﮯ ﺗﮭﮯ ﺟﺎﻥ ﭘﺮ ﻭﮦ ﺣﺴﺎﺏ ﺁﺝ
ﭼﮑﺎ ﺩﯾﺎ
ﮐﺮﻭ ﮐﺞ ﺟﺒﯿﮟ ﭘﮧ ﺳﺮ ﮐﻔﻦ ﻣﺮﮮ ﻗﺎﺗﻠﻮﮞ ﮐﻮ ﮔﻤﺎﮞ
ﻧﮧ ﮨﻮ
ﮐﮧ ﻏﺮﻭﺭ ﻋﺸﻖ ﮐﺎ ﺑﺎﻧﮑﭙﻦ ﭘﺲ ﻣﺮﮒ ﮨﻢ ﻧﮯ ﺑﮭﻼ ﺩﯾﺎ
ﺍﺩﮬﺮ ﺍﯾﮏ ﺣﺮﻑ ﮐﮧ ﮐﺸﺘﻨﯽ ﯾﮩﺎﮞ ﻻﮐﮫ ﻋﺬﺭ ﺗﮭﺎ
ﮔﻔﺘﻨﯽ
ﺟﻮ ﮐﮩﺎ ﺗﻮ ﺳﻦ ﮐﮯ ﺍﮌﺍ ﺩﯾﺎ ﺟﻮ ﻟﮑﮭﺎ ﺗﻮ ﭘﮍﮪ ﮐﮯ
ﻣﭩﺎ ﺩﯾﺎ
ﺟﻮ ﺭﮐﮯ ﺗﻮ ﮐﻮﮦ ﮔﺮﺍﮞ ﺗﮭﮯ ﮨﻢ ﺟﻮ ﭼﻠﮯ ﺗﻮ ﺟﺎﮞ
ﺳﮯ ﮔﺰﺭ ﮔﺌﮯ
ﺭﮦ ﯾﺎﺭ ﮨﻢ ﻧﮯ ﻗﺪﻡ ﻗﺪﻡ ﺗﺠﮭﮯ ﯾﺎﺩﮔﺎﺭ ﺑﻨﺎ ﺩﯾﺎ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
