اردو کے ممتاز شاعر محشر بدایونی کا اصل نام فاروق احمد تھا اور وہ 4 مئی 1922ء کو بدایوں میں پیدا ہوئے۔
انہوں نے بدایوں سے ہی تعلیم حاصل کی اور قیام پاکستان کے بعد ریڈیو پاکستان کے جریدے آہنگ سے منسلک ہوگئے۔ محشر بدایونی کا شمار پاکستان کے ممتاز شعرا میں ہوتا تھا۔
غزل ان کی محبوب صنف سخن تھی۔
ان کی تصانیف میں شہر نوا، غزل دریا، گردش کوزہ، فصل فردا، چراغ ہم نوا، حرف ثنا، شاعر نامہ، سائنس نامہ اور بین باجے کے نام شامل ہیں۔
9 نومبر 1994ء کو محشر بدایونی کراچی میں وفات پاگئے۔ وہ کراچی میں سخی حسن کے قبرستان میں آسودۂ خاک ہیں۔
۔۔۔۔۔۔۔۔۔۔۔۔۔۔۔۔۔۔
منتخب اشعار:
بنے وہ کیسے تماشہ، تہہِ فلک جو چراغ
بجھا دیئے گئے اور روشنی میں رکھے گئے
۔۔۔۔۔
میں شعلگیِ ذات سے پہنچا ہوں یہاں تک
بُجھ جاؤں گا جل جل کے تو لو دے گا دھواں تک
۔۔۔۔۔
اب ہوائیں ہی کریں گی روشنی کا فیصلہ
جس دیئے میں جان ہوگی، وہ دیا رہ جائے گا
۔۔۔۔۔
ہم خس و خاشاکِ آوارہ، گزر گاہوں کا بوجھ
رقص کرنے تیرے کوچے کی ہوا میں آئے ہیں
۔۔۔۔۔
یک قطرہ خوں بہت ہے اگر چشمِ تر میں ہے
کچھ ہو نہ چراغ تو کہنے کو گھر میں ہے
پژ مُردگیِ گل پہ ہنسی جب کوئی کلی
آواز دی خزاں نے کہ تو بھی نظر میں ہے
۔۔۔۔۔
ہوائے شب مرے شعلے سے انتقام نہ لے
کہ میں بجھا تو افق تک دھواں اڑا دوں گا
۔۔۔۔۔
کچھ ایسے بھی ہیں تہی دست و بے نوا جن سے
مِلائیں ہاتھ تو خوشبو نہ ہاتھ کی جائے
۔۔۔۔۔
نہ جاؤ گھر کے شب افروز روزنوں پہ کہ لوگ
دیا مکان میں جلتا بھی چھوڑ جاتے ہیں
۔۔۔۔۔
وہ گھر کے واسطے اب اک چراغ بھی دے گا
وہ جس نے رہنے کو کاغذ کا گھر دیا ہےمجھے
۔۔۔۔۔
کلام کرتے ہیں در، بولتی ہیں دیواریں
عجیب صورتیں ہوتی ہیں انتظار میں بھی
۔۔۔۔۔
ڈرو اِن سے کہ اِن خستہ تنوں میں
لہو کم ہے، حرارت کم نہیں ہے
۔۔۔۔۔
روشن کسی اور اُفق پہ ہوگا
سورج کبھی ڈوبتا نہیں ہے
۔۔۔۔۔
اجازت ہے سب اسبابِ سفر تم چھین لو مجھ سے
یہ سورج، یہ شجر، یہ دھوپ ، یہ سایہ تو میرا ہے
۔۔۔۔۔
مجھے بھی ساتھ ہی لے لو، مگر نہیں یارو!
میں سُست رو ہوں تمھاری تھکن بڑھا دوں گا
۔۔۔۔۔
روشنی محشرؔ رہے گی روشنی اپنی جگہ
میں گزر جاؤں گا میرا نقشِ پا رہ جائے گا
۔۔۔۔۔۔۔۔۔۔۔۔۔۔۔۔۔
منتخب کلام
۔۔۔۔۔۔۔۔۔۔۔۔۔۔۔۔۔۔۔
کرے دریا نہ پُل مسمار میرے
ابھی کچھ لوگ ہیں اُس پار میرے
بہت دن گزرے اب دیکھ آؤں گھر کو
کہیں گے کیا در و دیوار میرے
وہیں سورج کی نظریں تھیں زیادہ
جہاں تھے پیڑ سایہ دار میرے
وہی یہ شہر ہے، تو اے شہر والو!
کہاں ہیں کوچہ و بازار میرے
تم اپنا حالِ مہجوری سناؤ
مجھے تو کھا گئے آزار میرے
جنہیں سمجھا تھا جاں پرور میں اب تک
وہ سب نکلے کفن بردار میرے
گزرتے جا رہے ہیں دن ہوا سے
رہیں زندہ سلامت یار میرے
دبا جس میں، اُسی پتھر میں ڈھل کر
بِکے چہرے سرِ بازار میرے
دریچہ کیا کھُلا میری غزل کا
ہوائیں لے اُڑیں اشعار میرے
۔۔۔۔۔۔۔۔۔۔۔۔۔۔۔۔۔۔۔۔
ﮐﻢ ﺍﻟﺠﮭﺘﯽ ﮨﮯ ﭼﺮﺍﻏﻮﮞ ﺳﮯ ﮨﻮﺍ ﻣﯿﺮﮮ ﺑﻌﺪ
ﺷﮩﺮ ﻣﯿﮟ ﺷﮩﺮ ﮐﺎ ﻣﻮﺳﻢ ﻧﮧ ﺭﮨﺎ ﻣﯿﺮﮮ ﺑﻌﺪ
ﻣﯿﮟ ﻧﮯ ﺟﻞ ﮐﺮ ﻧﮧ ﺩﯾﺎ ﻣﺼﻠﺤﺖ ﻭﻗﺖ ﮐﺎ ﺳﺎﺗﮫ
ﮐﯿﺎ ﺧﺒﺮ ﮐﻮﻥ ﺟﻼ ﮐﻮﻥ ﺑﺠﮭﺎ ﻣﯿﺮﮮ ﺑﻌﺪ
ﺳﭻ ﮐﯽ ﺧﺎﻃﺮ ﺳﺮ ﺷﻌﻠﮧ ﺑﮭﯽ ﺯﺑﺎﮞ ﺭﮐﮫ ﺩﯾﺘﺎ
ﺑﺎﺕ ﯾﮧ ﮨﮯ ﮐﻮﺋﯽ ﻣﺠﮫ ﺳﺎ ﻧﮧ ﺭﮨﺎ ﻣﯿﺮﮮ ﺑﻌﺪ
ﮈﻭﺑﻨﺎ ﺗﮭﺎ ﺳﻮ ﻣﯿﮟ ﺍﮎ ﻣﻮﺝ ﻣﯿﮟ ﭘﺲ ﮈﻭﺏ ﮔﯿﺎ
ﺍﻭﺭ ﺩﺭﯾﺎ ﺗﮭﺎ ﮐﮧ ﺑﮩﺘﺎ ﮨﯽ ﺭﮨﺎ ﻣﯿﺮﮮ ﺑﻌﺪ
ﭘﮭﺮ ﮐﻮﺋﯽ ﺷﺎﻡ ﺷﻔﻖ ﺩﯾﺪﮦ ﺑﮭﯽ ﺍﺗﺮﯼ ﮐﮧ ﻧﮩﯿﮟ
ﻣﯿﺮﯼ ﺗﻨﮩﺎﺋﯽ ﮐﺎ ﮐﯿﺎ ﺭﻧﮓ ﮨﻮﺍ ﻣﯿﺮﮮ ﺑﻌﺪ
ﺍﻭﺭ ﮐﯿﺎ ﺣﺸﺮ ﺗﮭﺎ ﺍﺱ ﺍﻧﺠﻤﻦ ﺍﻓﺮﻭﺯﯼ ﮐﺎ
ﺑﺲ ﯾﮩﯽ ﺗﮭﺎ ﮐﮧ ﺩﮬﻮﺍﮞ ﺍﻭﺭ ﺑﮍﮬﺎ ﻣﯿﺮﮮ ﺑﻌﺪ
ﯾﻮﮞ ﻣﯿﮟ ﺁﺳﻮﺩۂ ﻣﻨﺰﻝ ﮨﻮﮞ ﮐﮧ ﺍﺏ ﮔﺮﺩ ﺳﻔﺮ
ﭼﻮﻣﺘﯽ ﮨﮯ ﻣﺮﺍ ﻧﻘﺶ ﮐﻒ ﭘﺎ ﻣﯿﺮﮮ ﺑﻌﺪ
ﮐﯿﺎ ﺑﺮﺍ ﻭﻗﺖ ﭘﮍﺍ ﺷﮩﺮ ﻭﻓﺎ ﭘﺮ ﻣﺤﺸﺮؔ
ﻣﺠﮫ ﮐﻮ ﮨﯽ ﮈﮬﻮﻧﮉﺗﯽ ﮨﮯ ﻣﯿﺮﯼ ﻭﻓﺎ ﻣﯿﺮﮮ ﺑﻌﺪ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھا میں آخر اسی موسم کی فضا میں پہلے
اس قدر سوز نہ تھا میری نوا میں پہلے
ہے اگر اس کی یہ حسرت کہ اسے سب دیکھیں
شاہد چرخ ہو روہوش گھٹا میں پہلے
خاک پوشوں کے بدن دیر میں لو دیتے ہیں
آگ لگتی ہے کسی نرم قبا میں پہلے
ہونٹ سینا بھی ہے اب فرض چلو یہ بھی سہی
ایسی شرطیں نہ تھیں آداب وفا سے پہلے
ایل فن اس کو نہ بھولیں کہ دل و جان کی تپش
حرف میں بعد کو آتی ہے صدا میں پہلے
میرے عرصہ گہہ تقدیر میں آنے والو
دن گزارو کسی آشوب سرا میں پہلے
میرے صحرا میں تم آۓ تو ہو نازک نفسو
سانس بھی لی ہے کبھی ایسی ہوا میں پہلے
۔۔۔۔۔۔۔۔۔۔۔۔۔۔۔۔۔۔
ﮐﻮﻥ ﺁﺷﻨﺎ ﮨﮯ ﮐﺲ ﭘﮧ ﻧﻈﺮ ﺟﺎﺋﮯ ﺷﮩﺮ ﻣﯿﮟ
ﺁﺧﺮ ﻏﺮﯾﺐ ﺷﮩﺮ ﮐﺪﮬﺮ ﺟﺎﺋﮯ ﺷﮩﺮ ﻣﯿﮟ
ﺷﯿﺸﻮﮞ ﺳﮯ ﮨﺎﺭ ﮐﺮ ﻃﻠﺐ ﺳﻨﮓ ﻣﯿﮟ ﮐﻮﺋﯽ
ﺳﻤﭩﮯ ﺗﻮ ﺭﯾﺰﮦ ﺭﯾﺰﮦ ﺑﮑﮭﺮ ﺟﺎﺋﮯ ﺷﮩﺮ ﻣﯿﮟ
ﺍﺗﻨﺎ ﺑﮭﯽ ﺗﻨﮓ ﻋﺮﺻۂ ﺟﺎﮞ ﺷﮩﺮ ﭘﺮ ﻧﮧ ﮐﺮ
ﺭﻭﺯ ﺍﮎ ﻗﺒﯿﻠﮧ ﺟﺎﮞ ﺳﮯ ﮔﺰﺭ ﺟﺎﺋﮯ ﺷﮩﺮ ﻣﯿﮟ
ﺍﺏ ﺗﮏ ﻗﺪﻡ ﮨﯽ ﺩﮬﻮﭖ ﻣﯿﮟ ﭨﮭﮩﺮﮮ ﮨﯿﮟ ﺍﺱ ﻃﺮﻑ
ﺗﻮ ﭼﮭﺎﺅﮞ ﺩﮮ ﺗﻮ ﺩﻝ ﺑﮭﯽ ﭨﮭﮩﺮ ﺟﺎﺋﮯ ﺷﮩﺮ ﻣﯿﮟ
ﺻﺤﺮﺍ ﮐﯽ ﺁﮒ ﭘﮑﮯ ﮔﮭﺮﻭﮞ ﺗﮏ ﺗﻮ ﺁ ﮔﺌﯽ
ﺍﺏ ﯾﮧ ﺑﮭﮍﮐﺘﯽ ﺁﮒ ﺟﺪﮬﺮ ﺟﺎﺋﮯ ﺷﮩﺮ ﻣﯿﮟ
ﺍﺗﻨﺎ ﻧﮧ ﺳﻮﭼﺘﺎ ﭼﻠﮯ ﺑﺎﺯﺍﺭ ﻣﯿﮟ ﮐﻮﺋﯽ
ﮔﮭﺮ ﺍﺱ ﮐﺎ ﻣﻨﺘﻈﺮ ﮨﻮ ﻭﮦ ﻣﺮ ﺟﺎﺋﮯ ﺷﮩﺮ ﻣﯿﮟ
۔۔۔۔۔۔۔۔۔۔۔۔۔۔۔۔۔۔۔۔۔
ﮐﻮﺋﯽ ﻧﮩﯿﮟ ﺟﻮ ﮨﻠﮑﺎ ﮐﺮ ﺩﮮ ﺑﺎﺭ ﺳﻔﺮ ﻣﺠﮫ ﺗﻨﮩﺎ ﮐﺎ
ﺩﻭﺵ ﭘﮧ ﮨﮯ ﺍﻣﺮﻭﺯ ﮐﺎ ﺑﻮﺟﮫ ﺍﻭﺭ ﺳﺮ ﭘﺮ ﻗﺮﺽ ﮨﮯ
ﻓﺮﺩﺍ ﮐﺎ
ﺁﻧﺪﮬﯽ ﺁﺋﮯ ﺗﻮ ﺍﻧﺪﯾﺸﮧ ﻃﻮﻓﺎﮞ ﺍﭨﮭﮯ ﺗﻮ ﺗﺸﻮﯾﺶ
ﺍﯾﮏ ﻃﺮﻑ ﺳﮯ ﺻﺤﺮﺍ ﮐﺎ ﻗﺮﺏ ﺍﯾﮏ ﻃﺮﻑ ﺳﮯ
ﺩﺭﯾﺎ ﮐﺎ
ﮐﻦ ﺯﺧﻤﻮﮞ ﮐﮯ ﭨﺎﻧﮑﮯ ﭨﻮﭨﮯ ﮐﻦ ﺩﺍﻏﻮﮞ ﮐﮯ ﺑﻨﺪ ﮐﮭﻠﮯ
ﺧﻮﻥ ﮨﮯ ﺭﻧﮕﺖ ﺷﺎﻡ ﻭ ﺳﺤﺮ ﮐﯽ ﺁﮒ ﮨﮯ ﻣﻮﺳﻢ
ﺩﻧﯿﺎ ﮐﺎ
ﮐﻮﭼﮯ ﮐﮯ ﺧﺎﻣﻮﺵ ﮔﮭﺮﻭﮞ ﮐﯽ ﺭﺍﺕ ﺳﮯ ﮐﺘﻨﺎ ﻏﺎﻓﻞ
ﮨﮯ
ﺁﺧﺮ ﻣﺎﮦ ﯾﮧ ﺷﻮﺭ ﺷﺒﺎﻧﮧ ﯾﺎﺭﺍﻥ ﺑﮯ ﭘﺮﻭﺍ ﮐﺎ
ﭘﯿﺶ ﺭﺅﮞ ﮐﻮ ﺍﺱ ﺩﺭﺟﮯ ﭘﺮ ﺍﻭﺭ ﺑﮭﯽ ﮐﭽﮫ ﺍﻧﻌﺎﻡ
ﻣﻠﮯ
ﺳﻨﮓ ﻣﻼﻣﺖ ﮐﻢ ﮨﯽ ﺻﻠﮧ ﮨﮯ ﻣﯿﺮﮮ ﺩﻣﺎﻍ ﺳﻮﺩﺍ
ﮐﺎ
ﮨﻢ ﮐﻮ ﮨﻤﺎﺭﯼ ﻣﺤﺮﻭﻣﯽ ﮐﯽ ﻗﯿﻤﺖ ﻣﻠﺘﯽ ﺭﮨﺘﯽ ﮨﮯ
ﺩﻝ ﻣﯿﮟ ﮨﻤﺎﺭﮮ ﺑﮍﮪ ﺟﺎﺗﺎ ﮨﮯ ﺭﻭﺯ ﺍﮎ ﺯﺧﻢ ﺗﻤﻨﺎ ﮐﺎ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
