آج اردو کے ممتاز شاعر، ادیب اور کالم نگار شبنم رومانی کا یومِ پیدائش ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو کے ممتاز شاعر، ادیب اور کالم نگار شبنم رومانی 30 دسمبر 1928ء کو شاہ جہاں پور میں پیدا ہوئے تھے۔
شبنم رومانی کا اصل نام مرزا عظیم بیگ چغتائی تھا- قیام پاکستان کے بعد انہوں نے کراچی میں سکونت اختیار کی۔
ان کے شعری مجموعے مثنوی سیر کراچی، جزیرہ، حرف نسبت، تہمت اور دوسرا ہمالا کے نام سے اشاعت پذیر ہوئے تھے۔
وہ ایک طویل عرصے تک روزنامہ مشرق میں ہائیڈ پارک کے نام سے ادبی کالم تحریر کرتے رہے تھے، ان کے کالموں کا مجموعہ اسی نام سے اشاعت پذیر بھی ہوا تھا۔
شبنم رومانی نے 1989ء میں ادبی جریدہ اقدار جاری کیا تھا جو اپنے خوب صورت لوازمے اور دیدہ زیب پیشکش کی وجہ سے ادبی حلقوں میں بے حد مقبول ہوا تھا۔
شبنم رومانی کی جو کتب منظرِ عام پر آئی ہیں ۔ ان میں مثنوی سیرِ کراچی (طنزومزاح)، جزیرہ (شعری مجموعہ)، حرفِ نسبت (مذہبی شاعری)، ہائیڈپارک (ادبی کالم)، تہمت (غزلیں )، موزے چلغوزے (مزاحیہ مضامین)، بچوں کے لئے نظمیں ، غالب، شخص اور شاعر، ارمغانِ مجنوں اور دوسرا ہمالہ شامل ہیں۔
17 فروری 2009ء کو شبنم رومانی کراچی میں وفات پاگئے۔
وہ کراچی میں عزیز آباد کے قبرستان میں آسودۂ خاک ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احمد ندیم قاسمی نے برسوں پہلے شبنم رومانی کی شاعری کے متعلق کچھ یوں کہا تھا کہ ۔۔۔۔۔
سخنوری اور ہنروری جس حسن توازن کے ساتھ شبنم رومانی کی نظموں اور غزلوں میں پائی جاتی ہے وہ اپنی جگہ ایک مثال ہے۔ غزل ہو یا نظم ، شبنم موضوع کی مناسبت سے الفاظ کو اتنے سلیقے سے سلکِ سخن میں پروتا ہے کہ بیشتر مقامات پر زبان اور بیان پر اس کا عبور "اعجاز" کا درجہ حاصل کر لیتا ہے۔
آزاد نظموں کو مقبول بنانے میں بھی شبنم کا کردار بہت نمایاں رہا ہے۔ شبنم ، رومانی الفاظ کی خارجی اور داخلی موسیقی ہر کماحقہ حاوی ہے۔
دوسری تمام چیزوں پر مستزاد شبنم کی فکری توانائی بھی بےحد جاندار ہے جو زندگی کا اثبات کرتی ہے ، جبکہ شبنم کے یہاں موضوعات کا اتنا تنوع ہے کہ ان کی پوری زندگی متنوع ہوتی ہے۔ شبنم کی شاعری سچی اور اچھی شاعری تو ہے ہی دیانتدارانہ شاعری بھی ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب اشعار
۔۔۔۔۔۔۔
ہنس رہا ہوں آج کل بیٹھا ہوا
دولتِ شبنم غریب ، اہلِ بہار کے قریب
کاغذوں کے اک بڑے انبار پر
درد کے کچھ محاورے ، حسن کی کچھ علامتیں
۔۔۔۔۔۔۔
درد پیراہن بدلتا ہے یہ ہم پر اب کھلا
صرف لفظوں کی دھنک کو شاعری سمجھتے تھے ہم
۔۔۔۔۔۔۔
میری باتیں مہکی مہکی جیسے میر کے نازک شعر
ان کی باتیں سوچی سمجھی جیسے غالب کا دیوان
۔۔۔۔۔۔۔
چاہو ، پر حد سے زیادہ نہ کسی کو چاہو !
بدل گئے مرے چہرے کے خوشگوار نقوش
غلطی کی تھی سو دشمن مرے احباب ہوئے
سمجھ رہا تھا تری آرزو کو میں آسان
۔۔۔۔۔۔۔
اب کے بارش ایک ساتھی دے گی
ایک چہرہ بن گیا دیوار پر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزلیات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی مجبوری کو ہم دیوار و در کہنے لگے
قید کا ساماں کیا اور اس کو گھر کہنے لگے
درج ہے تاریخ وصل و ہجر اک اک شاخ پر
بات جو ہم تم نہ کہہ پاۓ شجر کہنے لگے
خوف تنہائی دکھاتا تھا عجب شکلیں سو ہم
اپنے ساۓ ہی کو اپنا ہم سفر کہنے لگے
بستیوں کو بانٹنے والا جو خط کھینچا گیا
خط کشیدہ لوگ اس کو رہگزر کہنے لگے
اول اول دوستوں پر ناز تھا کیا کیا ہمیں
آخر آخر دشمنوں کو معتبر کہنے لگے
دیکھتے ہیں گھر کے روزن سے جو نیلا آسماں
وہ بھی اپنے آپ کو اہل نظر کہنے لگے
۔۔۔۔۔۔۔۔۔۔۔۔۔۔۔۔۔۔۔۔۔۔
ﯾﮩﯽ ﺳﻠﻮﮎ ﻣﻨﺎﺳﺐ ﮨﮯ ﺧﻮﺵ ﮔﻤﺎﻧﻮﮞ ﺳﮯ
ﭘﭩﮏ ﺭﮨﺎ ﮨﻮﮞ ﻣﯿﮟ ﺳﺮ ﺁﺝ ﮐﻞ ﭼﭩﺎﻧﻮﮞ ﺳﮯ
ﮨﻮﺍ ﮐﮯ ﺭﺣﻢ ﻭ ﮐﺮﻡ ﭘﺮ ﮨﮯ ﺑﺮﮒ ﺁﻭﺍﺭﮦ
ﺯﻣﯿﻦ ﺳﮯ ﮐﻮﺋﯽ ﺭﺷﺘﮧ ﻧﮧ ﺁﺳﻤﺎﻧﻮﮞ ﺳﮯ
ﻣﯿﮟ ﺍﮎ ﺭﻗﯿﺐ ﮐﯽ ﺻﻮﺭﺕ ﮨﻮﮞ ﺩﺭﻣﯿﺎﮞ ﻣﯿﮟ ﻣﮕﺮ
ﺯﻣﯿﮟ ﮐﯽ ﮔﻮﺩ ﮨﺮﯼ ﮨﮯ ﺍﻧﮩﯽ ﮐﺴﺎﻧﻮﮞ ﺳﮯ
ﻭﮦ ﺩﻭﺭ ﺍﻓﻖ ﻣﯿﮟ ﺍﮌﺍﻧﯿﮟ ﮨﯿﮟ ﮐﭽﮫ ﭘﺮﻧﺪﻭﮞ ﮐﯽ
ﺍﺗﺮ ﺭﮨﮯ ﮨﯿﮟ ﻧﺌﮯ ﻟﻔﻆ ﺁﺳﻤﺎﻧﻮﮞ ﺳﮯ
ﮨﺮ ﺍﮎ ﺯﺑﺎﻥ ﺩﺭﯾﭽﮧ ﮨﮯ ﺧﺎﻧۂ ﺟﺎﮞ ﮐﺎ
ﺳﻮ ﻣﺠﮫ ﮐﻮ ﭘﯿﺎﺭ ﮨﮯ ﺩﻧﯿﺎ ﮐﯽ ﺳﺐ ﺯﺑﺎﻧﻮﮞ ﺳﮯ
۔۔۔۔۔۔۔۔۔۔۔۔۔۔۔۔۔۔۔۔۔۔
ﮐﯿﺠﯿﮯ ﺍﻭﺭ ﺳﻮﺍﻻﺕ ﻧﮧ ﺫﺍﺗﯽ ﻣﺠﮫ ﺳﮯ
ﺍﺗﻨﯽ ﺷﮩﺮﺕ ﺑﮭﯽ ﺳﻨﺒﮭﺎﻟﯽ ﻧﮩﯿﮟ ﺟﺎﺗﯽ ﻣﺠﮫ ﺳﮯ
ﻧﺎﻡ ﺍﺷﯿﺎ ﮐﮯ ﺑﺘﺎﺋﮯ ﻣﮕﺮ ﺍﮮ ﺣﮑﻤﺖ ﻏﯿﺐ
ﮐﺎﺵ ﺗﻮ ﻣﯿﺮﯼ ﺣﻘﯿﻘﺖ ﻧﮧ ﭼﮭﭙﺎﺗﯽ ﻣﺠﮫ ﺳﮯ
ﺩﻝ ﺷﮑﻦ ﻋﮩﺪ ﺷﮑﻦ ﺻﺒﺮ ﺷﮑﻦ ﻗﺪﺭ ﺷﮑﻦ
ﭘﻮﭼﮫ ﻟﮯ ﺍﭘﻨﮯ ﺳﺐ ﺍﻟﻘﺎﺏ ﺻﻔﺎﺗﯽ ﻣﺠﮫ ﺳﮯ
ﮨﺎﺭ ﺟﺎﺗﺎ ﻣﯿﮟ ﺧﻮﺷﯽ ﺳﮯ ﮐﮧ ﻭﻓﺎ ﮐﺎ ﺗﮭﺎ ﺳﻮﺍﻝ
ﺟﯿﺖ ﺟﺎﺗﯽ ﻭﮦ ﺍﮔﺮ ﺷﺮﻁ ﻟﮕﺎﺗﯽ ﻣﺠﮫ ﺳﮯ
۔۔۔۔۔۔۔۔۔۔۔۔۔۔۔۔۔۔۔۔۔۔
ﺷﺐ ﭼﺮﺍﻍ ﮐﺮ ﻣﺠﮫ ﮐﻮ ﺍﮮ ﺧﺪﺍ ﺍﻧﺪﮬﯿﺮﮮ ﻣﯿﮟ
ﺳﺎﻧﭗ ﺑﻦ ﮐﮯ ﮈﺳﺘﺎ ﮨﮯ ﺭﺍﺳﺘﮧ ﺍﻧﺪﮬﯿﺮﮮ ﻣﯿﮟ
ﺁﺋﯿﻨﮧ ﺍﺟﺎﻻ ﮨﮯ ﺫﺍﺕ ﮐﺎ ﺣﻮﺍﻟﮧ ﮨﮯ
ﭘﮭﺮ ﺑﮭﯽ ﮐﺲ ﻧﮯ ﺩﯾﮑﮭﺎ ﮨﮯ ﺁﺋﯿﻨﮧ ﺍﻧﺪﮬﯿﺮﮮ ﻣﯿﮟ
ﻟﯿﮑﻦ ﺍﺏ ﺑﮭﯽ ﺭﻭﺷﻦ ﮨﯿﮟ ﺧﻮﺍﺏ ﻣﯿﺮﯼ ﺁﻧﮑﮭﻮﮞ ﮐﮯ
ﭼﺎﻧﺪ ﺗﻮ ﮐﮩﯿﮟ ﺟﺎ ﮐﺮ ﺳﻮ ﮔﯿﺎ ﺍﻧﺪﮬﯿﺮﮮ ﻣﯿﮟ
ﺟﺐ ﺑﮭﯽ ﺑﻨﺪ ﮐﯿﮟ ﺁﻧﮑﮭﯿﮟ ﮐﮭﻞ ﮔﺌﯿﮟ ﻣﺮﯼ ﺁﻧﮑﮭﯿﮟ
ﺭﻭﺷﻨﯽ ﺳﮯ ﮔﺰﺭﺍ ﮨﻮﮞ ﺑﺎﺭﮨﺎ ﺍﻧﺪﮬﯿﺮﮮ ﻣﯿﮟ
ﺁﺩﻣﯽ ﮐﯽ ﻗﺴﻤﺖ ﺑﮭﯽ ﺁﮔﮩﯽ ﮐﯽ ﻗﺴﻤﺖ ﺑﮭﯽ
ﺍﺑﺘﺪﺍ ﺍﻧﺪﮬﯿﺮﮮ ﺳﮯ ﺍﻧﺘﮩﺎ ﺍﻧﺪﮬﯿﺮﮮ ﻣﯿﮟ
ﺍﭘﻨﮯ ﻋﻠﻢ ﭘﺮ ﺷﺒﻨﻢؔ ﻧﺎﺯ ﮐﯿﺎ ﮐﺮﮮ ﮐﻮﺋﯽ
ﺍﮎ ﻗﺪﻡ ﺍﺟﺎﻟﮯ ﻣﯿﮟ ﺩﻭﺳﺮﺍ ﺍﻧﺪﮬﯿﺮﮮ ﻣﯿﮟ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
