معین احسن جذبیؔ ایک نظر میں
۔۔۔۔۔۔۔۔۔۔۔۔۔۔۔۔۔۔
نام : معین احسن جذبیؔ
پیدائش 21 اگست 1912ء
مقام پیدائش : قصبہ مبارک پور ،
ضلع اعظم گڑھ ( یوپی)
پہلا تخلص ملالؔ دوسرا اور آخری تخلص جذبیؔ
تعلیم : ایم اے 1940ء ۔ پی ایچ ڈی (اردو) 1956ء، مسلم یونیورسٹی ، علی گڑھ
ابتدائی تعلیم : ہایئ سکول ۔ جھانسی
ایف ۔ ایس سی سینٹ جانسن کالج آگرہ 1929ء سے 1931ء تک ۔ بی اے اینگلو عربک کالج (ذاکر حیسن کالج) دہلی 1936ء تا 1938ء تک
ملازمت: 1 ۔ اترپردیش سیکریٹیریٹ لکھنؤ میں مترجم ( مدت ملازمت چار مہینے)
2 ۔ 1938ء میں مہارژٹرا اسکریٹیریٹ بمبئی میں مترجم ۔ 3 ۔ اگست 1943ء سے فروری 1945ء تک نائب مدیر رسالہ "آجکل"
4 ۔ 1945ء سے مسلم یونیورسٹی علی گڑھ کے شعبہ اردو میں لیکچرار اور 1961ء میں ریڈر
6 ۔ ملازمت سے سبکدوشی : 21 اگست 1974ء
۔۔۔۔۔۔۔۔۔۔۔۔۔۔۔۔۔
تصانیف
شعری مجموعے ۔ 1 ۔ فروزاں ۔ 2 ۔ سخن مختصر ۔ 3 ۔ گدازِ شب ( مذکورہ مجموعوں کے منتخب کلام میں شامل ہیں)
۔۔۔
نثری تصانیف : 1 ۔ حالی کا سیاسی شعور ( دراصل یہ جذبیؔ کے پی ایچ ڈی کا مقالہ ہے)
2 ۔ طلسم ہوش ربا
3 ۔ خود نوشت سوانح
۔۔۔۔۔۔۔۔۔۔۔
اعزازات : غالب ایوارڈ ، امتیاز میر ، مہارشٹر اردو اکادمی ایوارڈ ، ہریانہ اردو اکادمی ایوارڈ ، اقبال سمان ، اعزازِ غالب ( غالب انسٹی ٹیوٹ ، نئی دہلی نے 25 اکتوبر 2000ء کو ان کی ادبی خدمات کی بنا پر اعزاز سے نوازا۔
۔۔۔۔۔
وفات : ڈاکٹر جذبی 13 فروری 2005ء کو علی گڑھ میں خالق حقیقی سے جا ملے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریر:
ڈاکٹر نسرین رئیس خان
ﺑﻘﻮﻝ ﺟﺬﺑﯽ :
” ﻭﮦ ﺯﻣﺎﻧﮧ ﺑﮍﺍ ﻋﺠﯿﺐ ﺗﮭﺎ، ﮨﺮ ﮨﻔﺘﮧ ﭘﺎﺑﻨﺪﯼ ﮐﮯ ﺳﺎﺗﮫ ﺟﻠﺴﮧ ﮨﻮﺗﺎ ﺗﮭﺎ ﺍﻭﺭ ﺟﺐ ﮐﻮﺋﯽ ﺍﺩﺑﯽ ﮨﺴﺘﯽ ﻋﻠﯽ ﮔﮍﮪ ﺁﺗﯽ ﺗﮭﯽ ﺗﻮ ﺍﺱ ﮐﮯ ﺍﻋﺰﺍﺯ ﻣﯿﮟ ﺍﺱ ﮐﯽ ﻧﺸﺴﺖ ﺿﺮﻭﺭ ﮨﻮﺗﯽ ﺗﮭﯽ۔ ﺍﻥ ﺍﺩﺑﯽ ﺟﻠﺴﻮﮞ ﻣﯿﮟ ﻣﻘﺎﻟﮯ، ﺍﻓﺴﺎﻧﮯ، ﻏﺰﻟﯿﮟ، ﻧﻈﻤﯿﮟ ﻏﺮﺽ ﺟﻮ ﺑﮭﯽ ﺍﺩﺑﯽ ﺗﺨﻠﯿﻖ ﭘﯿﺶ ﮐﯽ ﺟﺎﺗﯽ ﺗﮭﯽ ﺍﻥ ﭘﺮ ﺣﺎﺿﺮﯾﻦ ﺑﺰﻡ ﺩﯾﺮ ﺗﮏ ﮔﻔﺘﮕﻮ ﮐﯿﺎ ﮐﺮﺗﮯ ﺗﮭﮯ ﺟﻦ ﻣﻤﺘﺎﺯ ﺍﺩﺑﯽ ﺷﺨﺼﯿﺘﻮﮞ ﻧﮯ ﺍﻥ ﺟﻠﺴﻮﮞ ﮐﻮ ﺯﯾﻨﺖ ﺑﺨﺸﯽ ﺍﻥ ﮐﮯ ﻧﺎﻡ ﯾﮧ ﮨﯿﮟ۔ ﺣﯿﺎﺕ ﺍﻟﻠﮧ ﺍﻧﺼﺎﺭﯼ، ﺍﺧﺘﺮ ﺣﺴﯿﻦ ﺭﺍﺋﮯ ﭘﻮﺭﯼ، ﭘﺮﻭﻓﯿﺴﺮ ﻣﺠﯿﺐ، ﻗﺎﺿﯽ ﻋﺒﺪ ﺍﻟﻐﻔﺎﺭ ﺑﺎﺑﺎﺋﮯ ﺍﺭﺩﻭ ﻣﻮﻟﻮﯼ ﻋﺒﺪ ﺍﻟﺤﻖ ﻟﯿﮑﻦ ﺑﺪ ﻗﺴﻤﺘﯽ ﺳﮯ ﺍﻧﺠﻤﻦ ﮐﯽ ﺍﺩﺑﯽ ﻓﻀﺎ ﺑﺎﮨﻤﯽ ﺍﺧﺘﻼﻓﺎﺕ ﮐﺎ ﺷﮑﺎﺭ ﮨﻮﮔﺌﯽ۔ “ ﺟﺬﺑﯽ ﺷﺎﻋﺮﯼ ﻣﯿﮞﺎﺳﺘﺎﺩﯼ ﺷﺎﮔﺮﺩﯼ ﮐﮯ ﻗﺎﺋﻞ ﻧﮩﯿﮟ ﺍﻥ ﮐﺎ ﺑﺎﺿﺎﺑﻄﮧ ﮐﻮﺋﯽ ﺷﺎﮔﺮﺩ ﻧﮩﯿﮟ ﺍﻟﺒﺘﮧ ﺍﻧﮩﻮﮞﻨﮯ ﺍﭘﻨﮯ ﺩﻭﺳﺘﻮﮞ ﮐﻮ ﻣﺸﻮﺭﮮ ﺩﯾﺌﮯ ﮨﯿﮟ ﺍﻥ ﮐﮯ ﮐﻼﻡ ﭘﺮ ﺍﺻﻼﺡ ﺑﮭﯽ ﮐﯽ ﮨﮯ۔ ﻣﮕﺮ ﻭﮦ ﮐﺴﯽ ﮐﻮ ﺍﭘﻨﺎ ﺷﺎﮔﺮﺩ ﻧﮩﯿﮟ ﮐﮩﺘﮯ ﺗﺮﻗﯽ ﭘﺴﻨﺪ ﺗﺤﺮﯾﮏ ﮐﯽ ﺳﺐ ﺳﮯ ﺑﮍﯼ ﺧﺎﻣﯽ ﯾﮧ ﺗﮭﯽ ﮐﮧ ﺍﺱ ﻧﮯ ﺳﯿﺎﺳﺖ ﺳﮯ ﺷﻌﺮ ﻭ ﺍﺩﺏ ﮐﻮ ﻣﻼ ﺩﯾﺎ۔ ۸۵۹۱ﺀﻣﯿﮞﺠﺐ ﻣﯿﺮﺍ ﻣﺠﻤﻮﻋﮧ ﮐﻼﻡ ” ﻓﺮﻭﺯﺍﮞ “ ﭼﮭﭙﺎ ﺗﻮ ﻣﯿﮟ ﻧﮯ ﺍﺱ ﮐﮯ ﺩﯾﺒﺎﭼﮯ ﻣﯿﮞﺎﭘﻨﮯ ﺧﯿﺎﻻﺕ ﮐﻮ ﻭﺿﺎﺣﺖ ﮐﮯ ﺳﺎﺗﮫ ﭘﯿﺶ ﮐﯿﺎ ﺍﺱ ﻭﻗﺖ ﺗﺮﻗﯽ ﭘﺴﻨﺪ ﺗﺤﺮﯾﮏ ﻣﯿﮟ ﺷﺎﻋﺮ ﺍﻭﺭ ﺍﺩﯾﺐ ﻣﺤﺪﻭﺩ ﮨﻮﮐﺮ ﺭﮦ ﮔﺌﮯ ﺗﮭﮯ۔
ﺟﺬﺑﯽ ﮐﻮ ﺍﭘﻨﮯ ﻣﻌﺎﺻﺮ ﺷﻌﺮﺍﺀﻣﯿﮟ ﻣﺠﺎﺯ، ﻓﯿﺾ ﺍﺣﻤﺪ ﻓﯿﺾ، ﻣﺨﺪﻭﻡ ﻣﺤﯽ ﺍﻟﺪﯾﻦ ، ﻣﺠﺮﻭﺡ ﺳﻠﻄﺎﻧﭙﻮﺭﯼ ﺍﻭﺭ ﺧﻠﯿﻞ ﺍﻟﺮﺣﻤﻦ ﺍﻋﻈﻤﯽ ﮐﺎ ﮐﻼﻡ ﭘﺴﻨﺪ ﮨﮯ۔ ﻣﺠﺮﻭﺡ ﺳﻠﻄﺎﻧﭙﻮﺭﯼ ﮐﻮ ﻭﮦ ﺍﺱ ﺩﻭﺭﮐﺎ ﺳﺐ ﺳﮯ ﺑﮩﺘﺮ ﺷﺎﻋﺮ ﺳﻤﺠﮭﺘﮯ ﮨﯿﮟ ﺍﻥ ﮐﺎ ﮐﮩﻨﺎ ﮨﮯ ۔
ﻏﺰﻝ ﮐﮩﻨﮯ ﮐﺎ ﺳﻠﯿﻘﮧ ﻣﯿﺮﯼ ﻧﻈﺮ ﻣﯿﮟ ﺍﮔﺮ ﮨﮯ ﺗﻮ ﻭﮦ ﻣﺠﺮﻭﺡ ﻣﯿﮟ ﮨﮯ۔ ﮔﻮ ﮐﮧ ﻣﺠﺮﻭﺡ ﻧﮯ ﮐﻢ ﮐﮩﺎ ﮨﮯ ﻟﯿﮑﻦ ﺍﺱ ﻣﯿﮟ ﻭﮦ ﺳﺎﺭﯼ ﭼﯿﺰﯾﮟ ﺳﻤﻮﺋﯽ ﮨﯿﮟ ﺟﻮ ﮐﮧ ﺍﯾﮏ ﺍﭼﮭﯽ ﺷﺎﻋﺮﯼ ﻣﯿﮟ ﮨﻮﻧﺎ ﭼﺎﮨﺌﮯ۔ “
ﺍﺻﻨﺎﻑ ﺳﺨﻦ ﻣﯿﮞﺠﺬﺑﯽ ﮐﻮ ﻏﺰﻝ ﺯﯾﺎﺩﮦ ﭘﺴﻨﺪ ﮨﮯ ﻟﯿﮑﻦ ﻭﮦ ﻧﻈﻢ ﮐﯽ ﺍﮨﻤﯿﺖ ﮐﮯ ﺑﮭﯽ ﻗﺎﺋﻞ ﮨﯿﮟ۔ ﻭﮦ ﺷﺎﻋﺮ ﮐﯽ ﻃﺒﯿﻌﺖ ﮐﻮ ﺗﺨﻠﯿﻖ ﮐﮯ ﻣﻄﺎﺑﻖ ﺁﺯﺍﺩ ﺭﮐﮭﻨﺎ ﭼﺎﮨﺘﮯ ﮨﮯﮞ ﮐﺴﯽ ﺻﻨﻒ ﮐﺎ ﺍﺳﮯ ﭘﺎﺑﻨﺪ ﻧﮩﯿﮟ ﮐﺮﻧﺎ ﭼﺎﮨﺘﮯ، ﺍﻥ ﮐﮯ ﻧﺰﺩﯾﮏ ﺟﺬﺑﮯ ﺍﻭﺭ ﮐﺴﯽ ﮐﯿﻔﯿﺖ ﮐﺎﺍﻇﮩﺎﺭ ﮐﺴﯽ ﻭﻗﺖ ﺍﯾﮏ ﮨﯽ ﻣﺼﺮﻉ ﻣﯿﮞﮩﻮﺟﺎﺗﺎ ﮨﮯ ﺍﻭﺭ ﺍﯾﺴﺎ ﺑﮭﺮ ﭘﻮﺭ ﮨﻮﺟﺎﺗﺎ ﮨﮯ ﮐﮧ ﺩﻭﺳﺮﮮ ﻣﺼﺮﻉ ﮐﯽ ﺿﺮﻭﺭﺕ ﺑﺎﻗﯽ ﻧﮩﯿﮟ ﺭﮨﺘﯽ۔
ﻣﺜﻼً ﻣﯿﺮ ﮐﺎ ﯾﮧ ﻣﺼﺮﻉ
ﺍﺏ ﮐﮯ ﺑﮭﯽ ﺩﻥ ﺑﮩﺎﺭ ﮐﮯ ﯾﻮﮞ ﮨﯽ ﮔﺰﺭﮔﺌﮯ
ﯾﺎ ﻓﯿﺾ ﺍﺣﻤﺪ ﻓﯿﺾ ﮐﯽ ﻧﻈﻢ ﺻﺒﺢ ﺁﺯﺍﺩﯼ ﮐﺎ ﯾﮧ ﻣﺼﺮﻉ
ﯾﮧ ﺩﺍﻍ ﺩﺍﻍ ﺍﺟﺎﻻ ﯾﮧ ﺷﺐ ﮔﺰﯾﺪﮦ ﺳﺤﺮ
ﯾﮧ ﺩﻭﻧﻮﮞ ﻣﺼﺮﻋﮯ ﺍﭘﻨﯽ ﺍﭘﻨﯽ ﺟﮕﮧ ﺷﺎﻋﺮ ﮐﮯ ﺗﺠﺮﺑﮯ ﮐﯽ ﻣﮑﻤﻞ ﺗﺮﺟﻤﺎﻧﯽ ﮐﺮﺗﮯ ﮨﯿﮟ،ﺍﯾﮏ ﮨﯽ ﻣﺼﺮﻉ ﻣﯿﮞﺴﺎﺭﺍ ﺗﺎﺛﺮ ﺍﺱ ﻃﺮﺡ ﺳﻤﭧ ﺁﯾﺎﮨﮯ ﮐﮧ ﺍﺱ ﮐﯽ ﻭﺿﺎﺣﺖ ﮐﮯ ﻟﺌﮯ ﺩﻭﺳﺮﮮ ﻣﺼﺮﻋﮯ ﮐﯽ ﺿﺮﻭﺭﺕ ﺑﺎﻗﯽ ﻧﮩﯿﮟ ﺭﮨﺘﯽ۔ ﺍﺱ ﺑﺎﺕ ﮐﯽ ﺗﻮﺿﯿﺢ ﮐﮯ ﻟﺌﮯ ﺟﺬﺑﯽ ﮐﮯ ﻣﺠﻤﻮﻋﮯ ﮐﻼﻡ ” ﻓﺮﻭﺯﺍﮞ “ ﮐﮯ ﺩﯾﺒﺎﭼﮧ ﮐﺎ ﯾﮧ ﺍﻗﺘﺒﺎﺱ ﮐﺎﻓﯽ ﮨﻮﮔﺎ۔
ﻣﯿﮟ ﮨﻨﮕﺎﻣﯽ ﺍﺩﺏ ﮐﺎ ﮐﭽﮫ ﺯﯾﺎﺩﮦ ﻗﺎﺋﻞ ﻧﮩﯿﮟ ﮨﻮﮞ۔ ﯾﮧ ﮐﯿﺴﮯ ﻣﻤﮑﻦ ﮨﮯ ﮐﮧ ﺍﺩﮬﺮ ﺍﯾﮏ ﻭﺍﻗﻌﮧ ﮨﻮﺍ ﺍﻭﺭﺍﺩﮬﺮ ﺍﯾﮏ ﻧﻈﻢ ﺗﯿﺎﺭ ﮨﻮﮔﺌﯽ۔ ﯾﮧ ﺍﺱ ﻭﻗﺖ ﺗﻮ ﻣﻤﮑﻦ ﮨﮯ ﺟﺐ ﮐﮧ ﺫﮨﻦ ﭘﮩﻠﮯ ﺳﮯ ﺍﺱ ﮐﮯ ﻟﺌﮯ ﺗﯿﺎﺭ ﮨﻮ ﺑﻠﮑﮧ ﺷﺎﻋﺮ ﮐﮯ ﻣﺰﺍﺝ ﺳﮯ ﺑﮭﯽ ﮨﻢ ﺁﮨﻨﮓ ﮨﻮ۔ ﺍﺳﯽ ﮐﻮ ﮨﻀﻢ ﮐﺮﻧﺎ ﺍﻭﺭ ﺭﭼﺎﻧﺎ ﺑﭽﺎﻧﺎ ﺑﮭﯽ ﮐﮩﺘﮯ ﮨﯿﮟ۔ ﺍﺱ ﮐﮯ ﻟﺌﮯ ﺑﻌﺾ ﺍﻭﻗﺎﺕ ﮐﺎ ﻓﯽ ﻣﺪﺕ ﺩﺭﮐﺎﺭ ﮨﻮﺗﯽ ﮨﮯ۔ ﺟﻮ ﺣﻀﺮﺍﺕ ﮨﻀﻢ ﮐﺮﻧﮯ ﺍﻭﺭ ﺭﭼﺎﻧﮯ ﺑﭽﺎﻧﮯ ﮐﻮ ﻏﯿﺮ ﺿﺮﻭﺭﯼ ﺧﯿﺎﻝ ﮐﺮﺗﮯ ﮨﯿﮟ ﺍﻥ ﮐﮯ ﯾﮩﺎﮞ ﮔﮩﺮﺍﺋﯽ ﺍﻭﺭ ﮔﯿﺮﺍﺋﯽ ﮐﮯ ﺑﺠﺎﺋﮯ ﺟﺬﺑﺎﺗﯿﺖ ﺍﻭﺭ ﺳﻄﺤﯿﺖ ﮐﺎ ﭘﯿﺪﺍ ﮨﻮﻧﺎ ﺿﺮﻭﺭﯼ ﺍﻭﺭ ﻻﺯﻣﯽ ﮨﮯ۔ ﺍﺱ ﺳﻠﺴﻠﮯ ﻣﯿﮟ ﺍﯾﮏ ﺍﻭﺭ ﺑﺎﺕ ﯾﺎﺩ ﺁﮔﺌﯽ ، ﯾﮧ ﺯﻣﺎﻧﮧ ﺳﯿﺎﺳﯽ ﮨﻨﮕﺎﻣﻮﮞ ﮐﺎ ﺯﻣﺎﻧﮧ ﮨﮯ، ﮨﺮ ﭼﮭﻮﭨﺎ ﺑﮍﺍ ﺷﺎﻋﺮ ﮐﭽﮫ ﺳﯿﺎﺳﯽ ﺷﻌﻮﺭ ﺑﮭﯽ ﺭﮐﮭﺘﺎ ﮨﮯ ﻟﯿﮑﻦ ﮨﻤﺎﺭﮮ ﺑﻌﺾ ﺗﺮﻗﯽ ﭘﺴﻨﺪ ﺷﺎﻋﺮ ﮐﺴﯽ ﻧﮧ ﮐﺴﯽ ﺟﻤﺎﻋﺖ ﺳﮯ ﻭﺍﺑﺴﺘﮧ ﮨﯿﮟ۔ ﯾﮧ ﺣﻀﺮﺍﺕ ﺍﭘﻨﯽ ﺟﻤﺎﻋﺖ ﮐﯽ ﻭﻓﺎﺩﺍﺭﯼ ﮐﯽ ﺭﻭ ﻣﯿﮟ ﺻﺮﻑ ﻭﮨﯽ ﺩﯾﮑﮭﺘﮯ ﺍﻭﺭ ﺳﻮﭼﺘﮯ ﮨﯿﮞﺠﻮ ﮐﮧ ﺍﻥ ﮐﯽ ﺍﭘﻨﯽ ﺟﻤﺎﻋﺖ ﺩﯾﮑﮭﺘﯽ ﺍﻭﺭ ﺳﻮﭼﺘﯽ ﮨﮯ ﺍﺱ ﻃﺮﺡ ﻭﮦ ﺻﺮﻑ ﺍﭘﻨﯽ ﺟﻤﺎﻋﺖ ﮐﮯ ﻧﻘﯿﺐ ﺑﻦ ﺟﺎﺗﮯ ﮨﯿﮟ۔
ﺍﻧﮩﯿﮟ ﺍﺱ ﺳﮯ ﻏﺮﺽ ﻧﮩﯿﮟ ﮐﮧ ﺍﻥ ﮐﯽ ﺟﻤﺎﻋﺖ ﮐﯽ ﭘﺎﻟﯿﺴﯽ ﻏﻠﻂ ﮨﮯ ﯾﺎ ﺻﺤﯿﺢ۔ ﺍﺱ ﺭﻭﯾﮯ ﺳﮯ ﺍﯾﮏ ﻗﺴﻢ ﮐﺎ ﺍﺩﺑﯽ ﺍﻧﺘﺸﺎﺭ ﭘﯿﺪﺍﮨﻮﺗﺎ ﮨﮯ۔ ﻣﺜﺎﻝ ﮐﮯ ﻃﻮﺭ ﭘﺮ ۷۴۹۱ﺀﮐﺎ ﺯﻣﺎﻧﮧ ﻟﯿﺠﺌﮯ ﺟﺐ ﮨﻨﺪﻭﺳﺘﺎﻥ ﺁﺯﺍﺩ ﮨﻮﺍ ﺗﮭﺎ ﺍﺱ ﻭﻗﺖ ﺑﻌﺾ ﺷﺎﻋﺮﻭﮞ ﻧﮯ ﺍﭘﻨﯽ ﺟﻤﺎﻋﺖ ﮐﯽ ﭘﺎﻟﯿﺴﯽ ﮐﮯ ﻣﻄﺎﺑﻖ ﺁﺯﺍﺩﯼ ﮐﯽ ﻣﺪﺡ ﻣﯿﮟ ﻧﻈﻤﯿﮟ ﻟﮑﮭﯽ ﺗﮭﯿﮟ ﻟﯿﮑﻦ ﭼﻨﺪ ﻣﺎﮦ ﺑﻌﺪ ﺟﺐ ﺍﻥ ﮐﯽ ﺟﻤﺎﻋﺖ ﮐﯽ ﭘﺎﻟﯿﺴﯽ ﻣﯿﮟ ﺗﺒﺪﯾﻠﯽ ﮨﻮﺋﯽ ﺗﻮ ﯾﮩﯽ ﺷﺎﻋﺮ ” ﻓﺮﯾﺐ ﺁﺯﺍﺩﯼ “ ﮐﮯ ﻋﻨﻮﺍﻥ ﺳﮯ ﻧﻈﻤﯿﮟ ﮐﮩﻨﮯ ﻟﮕﮯ۔ ﯾﮧ ﻧﻈﻤﯿﮟ ﭘﮩﻠﯽ ﻧﻈﻤﻮﮞ ﮐﯽ ﻃﺮﺡ ﺑﺎﻟﮑﻞ ﺑﮯ ﺟﺎﻥ ﺗﻮ ﻧﮩﯿﮟ ﺗﮭﯿﮟ ﻟﯿﮑﻦ ﭘﮍﮬﻨﮯ ﻭﺍﻟﮯ ﯾﻘﯿﻨﺎ ﺍﺱ ﭘﺮﯾﺸﺎﻧﯽ ﻣﯿﮟ ﭘﮍ ﮔﺌﮯ ﮐﮧ ﭘﮩﻠﯽ ﺑﺎﺕ ﺩﺭﺳﺖ ﮨﮯ ﯾﺎ ﺩﻭﺳﺮﯼ ﺁﺯﺍﺩﯼ ﮐﻮ ﺁﺯﺍﺩﯼ ﺳﻤﺠﮭﯿﮟ ﯾﺎ ﻓﺮﯾﺐ ﺁﺯﺍﺩﯼ۔
ﻣﯿﺮﺍ ﺧﯿﺎﻝ ﮨﮯ ﮐﮧ ﺍﮔﺮ ﻭﮦ ﺍﺑﺘﺪﺍ ﮨﯽ ﻣﯿﮞﺎﭘﻨﮯ ﺩﻝ ﻭ ﺩﻣﺎﻍ ﺳﮯ ﮐﺎﻡ ﻟﯿﺘﮯ ﺍﻭﺭ ﺍﭘﻨﮯ ﺫﺍﺗﯽ ﺭﺩ ﻋﻤﻞ ﭘﺮ ﺑﮭﺮﻭﺳﮧ ﮐﺮﺗﮯ ﺗﻮ ﺷﺎﯾﺪ ﮨﯽ ﯾﮧ ﺗﻀﺎﺩ ﭘﯿﺪﺍﮨﻮﺗﺎ ۔ﺳﯿﺎﺳﺖ ﻣﯿﮟ ﻣﺼﻠﺤﺖ ﮐﻮ ﺑﮩﺖ ﮐﭽﮫ ﺩﺧﻞ ﮨﮯ۔ ﻟﯿﮑﻦ ﻣﺼﻠﺤﺖ ﭘﺮ ﺷﻌﺮ ﮐﯽ ﺑﻨﯿﺎﺩ ﺗﻮ ﻧﮩﯿﮟ ﺭﮐﮭﯽ ﺟﺎﺳﮑﺘﯽ ﻣﺼﻠﺤﺖ ﺟﺰﻭﯼ ﺻﺪﺍﻗﺖ ﮨﻮﺗﯽ ﮨﮯ ﺍﻭﺭ ﺷﺎﻋﺮﯼ ﮐﺎﻣﻞ ﺻﺪﺍﻗﺖ ﭼﺎﮨﺘﯽ ﮨﮯ۔ ﺍﻭﺭ ﺍﺱ ﮐﺎﻣﻞ ﺻﺪﺍﻗﺖ ﮨﯽ ﺳﮯ ﻭﮦ ﺟﺬﺑﮧ ﭘﯿﺪﺍ ﮨﻮﺗﺎ ﮨﮯ ﺟﻮ ﺷﻌﺮ ﮐﯽ ﺟﺎﻥ ﮨﮯ۔ ﻣﺼﻠﺤﺖ ﮐﯽ ﺑﻨﺎ ﭘﺮ ﺟﺐ ﮐﺒﮭﯽ ﮐﭽﮫ ﮐﮩﺎ ﮔﯿﺎ ﮨﮯ ﺍﺳﮯ ﺍﺩﺏ ﮐﮯ ﺑﺠﺎﺋﮯ ﺻﺤﺎﻓﺖ ﮐﮯ ﺩﺍﻣﻦ ﻣﯿﮟ ﺟﮕﮧ ﻣﻠﯽ ﮨﮯ۔
ﺁﺝ ﮐﭽﮫ ﮐﮩﻨﺎ ﺍﻭﺭ ﮐﻞ ﺍﺱ ﮐﯽ ﻧﻔﯽ ﮐﺮﺩﯾﻨﺎ، ﺻﺤﺎﻓﺖ ﻣﯿﮟ ﺗﻮ ﻣﻤﮑﻦ ﮨﮯ ﻣﮕﺮ ﺷﻌﺮ ﺍﺩﺏ ﻣﯿﮟ ﻧﮩﯿﮟ۔ ﺷﻌﺮ ﻭ ﺍﺩﺏ ﮐﮯ ﻟﺌﮯ ﺍﯾﮏ ﻣﺮﺑﻮﻁ ﻧﻈﺎﻡ ﻓﮑﺮ ﮐﯽ ﺿﺮﻭﺭﺕ ﮨﮯ ﺍﯾﺴﺎ ﻧﻈﺎﻡ ﻓﮑﺮ ﺟﻮ ﻋﻘﯿﺪﮦ ﺑﻠﮑﮧ ﺍﯾﻤﺎﻥ ﺑﻦ ﭼﮑﺎ ﮨﻮ۔ ﺍﺩﮬﺮ ﮐﭽﮫ ﻋﺮﺻﮧ ﺳﮯ ﺗﺮﻗﯽ ﭘﺴﻨﺪﻭﮞ ﻣﯿﮟ ﺍﯾﮏ ﺭﺟﺤﺎﻥ ﭘﯿﺪﺍ ﮨﻮﮔﯿﺎ ﮨﮯ ﺟﻮ ﺑﮍﯼ ﺣﺪ ﺗﮏ ﺗﻨﮓ ﻧﻈﺮﯼ ﭘﺮ ﻣﺒﻨﯽ ﮨﮯ۔ ﮨﻤﺎﺭﮮ ﺷﺎﻋﺮ ﻭ ﺍﺩﯾﺐ ﯾﮧ ﺳﻤﺠﮭﻨﮯ ﻟﮕﮯ ﮨﯿﮟ ﮐﮧ ﺣﺴﻦ ﻭ ﻋﺸﻖ ﮐﺎﺫﮐﺮ ﺗﺮﻗﯽ ﭘﺴﻨﺪﯼ ﮐﮯ ﻣﺬﮨﺐ ﻣﯿﮟ ﻭﮦ ﮔﻨﺎﮦ ﮨﮯ ﺟﻮ ﺷﺎﯾﺪ ﮨﯽ ﺑﺨﺸﺎ ﺟﺎﺋﮯ ۔ ﺗﺮﻗﯽ ﭘﺴﻨﺪﯼ ﺻﺮﻑ ﺳﯿﺎﺳﺖ ﮐﺎ ﻧﺎﻡ ﮨﮯ۔ ﺍﺱ ﮐﮯ ﻋﻼﻭﮦ ﺍﺩﺏ ﻣﯿﮟ ﺟﻮ ﭼﯿﺰ ﺑﮭﯽ ﺁﺋﮯ ﮔﯽ ﻏﯿﺮ ﺗﺮﻗﯽ ﭘﺴﻨﺪ ﮨﻮﮔﯽ، ﯾﮧ ﺭﺟﺤﺎﻥ ﺍﮔﺮ ﺟﮍ ﭘﮑﮍ ﮔﯿﺎ ﺗﻮ ﮨﻤﺎﺭﮮ ﺍﺩﯾﺒﻮﮞ ﮐﯽ ﺩﻧﯿﺎ ﻣﺨﺘﺼﺮ ﺳﮯ ﻣﺨﺘﺼﺮﮨﻮﺗﯽ ﭼﻠﯽ ﺟﺎﺋﮯ ﮔﯽ۔ ﻣﺎﻧﺎ ﮐﮧ ﺳﯿﺎﺳﺖ ﺑﮍﯼ ﺣﻘﯿﻘﺖ ﮨﮯ۔ ﻟﯿﮑﻦ ﺳﯿﺎﺳﺖ ﮐﺎ ﺍﺛﺮ ﮨﻤﺎﺭﯼ ﺯﻧﺪﮔﯽ ﮐﮯ ﮐﺴﯽ ﺷﻌﺒﮧ ﭘﺮ ﻧﮩﯿﮟ ﭘﮍﺗﺎ ﺟﻨﺴﯽ ﺍﻭﺭ ﻣﻌﺎﺷﺮﺗﯽ ﻣﺴﺎﺋﻞ ﺳﮯ ﺳﺮﻣﺎﯾﮧ ﺩﺍﺭﯼ ﮐﮯ ﺑﮭﯿﺎﻧﮏ ﭼﮩﺮﮮ ﮐﯽ ﻧﻘﺎﺏ ﭘﻮﺭﮮ ﻃﻮﺭ ﺳﮯ ﻧﮧ ﺍﭨﮫ ﺳﮑﮯ ﮔﯽ ۔ﺭﮨﮯ ﺣﺴﻦ ﻭ ﻋﺸﻖ ﮐﮯ ﺧﺎﻟﺺ ﺍﻧﻔﺮﺍﺩﯼ ﺟﺬﺑﺎﺕ ﺳﻮ ﺍﻥ ﮐﮯ ﻣﺘﻌﻠﻖ ﺻﺮﻑ ﯾﮧ ﻋﺮﺽ ﮐﺮﻭﮞ ﮔﺎ ﮐﮧ ﺍﺯﻝ ﺳﮯ ﺁﺝ ﺗﮏ ﯾﮧ ﺩﻟﻮﮞ ﮐﻮ ﮔﺮﻣﺎﺗﮯ ﺭﮨﮯ ﮨﯿﮟ ﺍﻭﺭ ﮔﺮﻣﺎﺗﮯ ﺭﮨﯿﮟ ﮔﮯ۔
ﺟﺬﺑﯽ ﮨﻤﺎﺭﮮ ﻋﮩﺪ ﮐﮯ ﺑﮩﺖ ﻣﻤﺘﺎﺯ ﺷﺎﻋﺮ ﻭ ﺍﺩﯾﺐ ﮨﯿﮟ۔ ﻭﮦ ﺧﺎﻣﻮﺵ ﻣﺰﺍﺝ ﺍﻭﺭ ﮔﻮﺷﮧ ﻧﺸﯿﻦ ﺷﺨﺺ ﮨﯿﮟ۔ ﻣﺤﻔﻠﻮﮞ ﻣﯿﮟ ﺷﺮﮐﺖ ﺍﻭﺭ ﻣﺒﺎﺣﺜﻮﮞ ﻣﯿﮟ ﺷﻤﻮﻟﯿﺖ ﺍﻥ ﮐﮯ ﻣﺰﺍﺝ ﮐﺎ ﮐﻮﺋﯽ ﺣﺼﮧ ﻧﮩﯿﮟ۔ ﺍﻥ ﮐﯽ ﺗﻤﺎﻡ ﺗﺮ ﺩﻟﭽﺴﭙﯿﺎﮞ، ﺍﺩﺑﯽ ﻣﻄﺎﻟﻌﮧ ﺍﻭﺭ ﻓﮑﺮ ﻭ ﻓﻦ ﺳﮯ ﺗﻌﻠﻖ ﺭﮐﮭﺘﯽ ﮨﯿﮟ۔
ﺍﻧﮩﻮﮞ ﻧﮯ ﺍﺑﺘﺪﺍﺋﮯ ﻋﻤﺮ ﺳﮯ ﻟﮯ ﮐﺮ ﺍﺱ ﺯﻣﺎﻧﮧ ﺣﯿﺎﺕ ﺗﮏ ﺯﻧﺪﮔﯽ ﮐﯽ ﺭﺍﮦ ﭘﺮ ﺳﻔﺮ ﮐﯿﺎ ﮨﮯ۔ ﺍﺱ ﻣﯿﮟ ﻭﮦ ﻗﺪﻡ ﻗﺪﻡ ﭘﺮ ﻣﺸﮑﻼﺕ ﺳﮯ ﺩﻭﭼﺎﺭ ﮨﻮﻧﮯ ﮐﮯ ﺑﺎﻭﺟﻮﺩ ﯾﮧ ﮐﮩﯿﮯ ﮐﮧ ﻭﮦ ﭼﺮﺍﻍ ﺟﻼﺗﮯ ﮨﻮﺋﮯ ﮔﺰﺭﮮ ﮨﯿﮟ ﯾﮧ ﺍﻥ ﮐﯽ ﺷﺎﻋﺮﺍﻧﮧ ﻓﮑﺮ ﻭ ﻧﻈﺮ ﮐﮯ ﭼﺮﺍﻍ ﮨﯿﮟ۔ﺍﻥ ﮐﯽ ﺍﺩﺑﯽ ﺳﻮﭺ ﺍﻭﺭ ﺗﺨﻠﯿﻘﯽ ﺣﺴﯿﺖ ﭘﺮ ﺍﻥ ﮐﯽ ﺍﭘﻨﯽ ﺗﻌﻠﯿﻢ ﻭ ﺗﺮﺑﯿﺖ ﻭﺳﺎﺋﻞ ﻣﻌﺎﺵ ﺍﻭﺭ ﻃﺮﺯ ﻣﻌﺎﺷﺮﺕ ﮐﺎ ﺑﮭﯽ ﺍﺛﺮ ﭘﮍﺍ ﮨﮯ ﮐﮧ ﻭﮦ ﺑﮭﯿﮍ ﮐﮯ ﺳﺎﺗﮫ ﺭﮨﻨﮯ ﻭﺍﻟﻮﮞ ﻣﯿﮟ ﻧﮩﯿﮟ ﮨﯿﮟ۔ ﺷﺮﻭﻉ ﮨﯽ ﺳﮯ ﺍﻧﮩﻮﮞ ﻧﮯ ﺍﭘﻨﯽ ﺷﻨﺎﺧﺖ ﺍﻟﮓ ﻗﺎﺋﻢ ﮐﯽ۔ ﺍﭘﻨﮯ ﺩﻭﺭ ﮐﯽ ﻋﺼﺮﯼ ﺁﮔﮩﯽ ﺍﻭﺭ ﺷﻌﺮ ﻭ ﺷﻌﻮﺭ ﺳﮯ ﺗﻮ ﮐﻮﺋﯽ ﺷﺎﻋﺮ ﺑﮭﯽ ﺑﮯ ﻧﯿﺎﺯ ﺍﻧﮧ ﻧﮩﯿﮟ ﮔﺰﺭ ﺳﮑﺘﺎ ﺗﻮ ﺟﺬﺑﯽ ﮐﯿﺴﮯ ﮔﺰﺭﺗﮯ۔ ﺍﻧﮩﻮﮞ ﻧﮯ ﺟﻮﺵ، ﺍﻗﺒﺎﻝ، ﺣﺎﻟﯽ، ﺍﻭﺭ ﺣﺴﺮﺕ ﻏﺮﺿﯿﮑﮧ ﺍﻥ ﺗﻤﺎﻡ ﻣﻤﺘﺎﺯ ﺷﺨﺼﯿﺘﻮﮞ ﮐﺎﺍﯾﮏ ﮔﻮﻧﮧ ﺍﺛﺮ ﻗﺒﻮﻝ ﮐﯿﺎ ﺟﻮ ﺍﻥ ﮐﮯ ﺩﻭﺭ ﮐﮯ ﺍﮨﻢ ﺣﻮﺍﻟﻮﮞ ﻣﯿﮟ ﺷﺎﻣﻞ ﺗﮭﮯ۔ ﺣﺎﻟﯽ ﮔﺰﺭ ﭼﮑﮯ ﺗﮭﮯ ﻟﯿﮑﻦ ﺣﺎﻟﯽ ﮐﺎ ﻣﻄﺎﻟﻌﮧ ﺩﯾﺮ ﺗﮏ ﺍﻭﺭ ﺩﻭﺭ ﺗﮏ ﺭﮨﻨﻤﺎ ﺭﻭﺷﻨﯽ ﮐﮯ ﻃﻮ ﺭ ﭘﺮ ﺍﻥ ﮐﮯ ﺳﺎﺗﮫ ﺭﮨﺎ۔
ﻣﯿﺮ ﮐﺎ ﺍﺛﺮ ﺑﮭﯽ ﺍﻧﮩﻮﮞ ﻧﮯ ﻗﺒﻮﻝ ﮐﯿﺎ۔ ﺍﻥ ﮐﮯ ﻟﮩﺠﮯ ﮐﯽ ﻧﺮﻣﯽ، ﻃﺒﯿﻌﺖ ﮐﯽ ﺩﺭﺩ ﻣﻨﺪﯼ ﺍﻭﺭ ﺩﻭﺳﺮﻭﮞ ﺳﮯ ﺍﻟﮓ ﺭﮨﻨﮯ ﮐﺎ ﺭﻭﯾﮧ ﯾﻮﮞ ﺑﮭﯽ ﺍﻥ ﮐﻮ ﻣﯿﺮ ﺳﮯ ﻗﺮﯾﺐ ﻟﮯ ﺁﺗﺎ ﮨﮯ۔ ﺍﻥ ﮐﯽ ﺯﻧﺪﮔﯽ ﻣﯿﮟ ﻣﯿﺮ ﮐﯽ ﻃﺮﺡ ﻧﺎﮐﺎﻣﯿﺎﮞ ﺍﻭﺭ ﺟﺬﺑﺎﺗﯽ ﯾﺎ ﺣﺴﯿﺎﺗﯽ ﺳﻄﺢ ﭘﺮ ﻧﺎ ﻣﺮﺍﺩﯾﺎﮞ ﮐﭽﮫ ﺯﯾﺎﺩﮦ ﺷﺎﻣﻞ ﺭﮨﯿﮟ۔ ﺟﻦ ﮐﯽ ﻭﺟﮧ ﺳﮯ ﺍﻥ ﮐﯽ ﺯﻧﺪﮔﯽ ﮐﺎ ﺳﻮﺯ ﻭ ﮔﺪﺍﺯ ﺍﻥ ﮐﯽ ﻏﺰﻝ ﻣﯿﮟ ﺷﺎﻣﻞ ﮨﻮﮔﯿﺎ ﺍﮔﺮ ﭼﮧ ﻭﮦ ﻓﺎﻧﯽ ﮐﮯ ﺍﻧﺪﺍﺯ ﻣﯿﮟ ﺍﭘﻨﯽ ﮐﺴﯽ ﻣﺤﺮﻭﻣﯽ ﭘﺮ ﻣﺎﺗﻢ ﮐﺮﺗﮯ ﻧﻈﺮ ﻧﮩﯿﮟ ﺁﺗﮯ۔ ﺷﺮﻭﻉ ﻣﯿﮟ ﺍﻧﮩﻮﮞ ﻧﮯ ﻣﻼﻝ ﺗﺨﻠﺺ ﺍﺧﺘﯿﺎﺭ ﮐﯿﺎ۔ ﻭﮦ ﺑﮭﯽ ﺍﻥ ﮐﯽ ﺍﻟﻢ ﭘﺴﻨﺪﯼ ﮐﯽ ﻧﺸﺎﻧﺪﮨﯽ ﮐﺮﺗﺎ ﮨﮯ ﯾﮧ ﺳﻮﺯ ﺣﯿﺎﺕ ﺍﻥ ﮐﮯ ﯾﮩﺎﮞ ﺳﺎﺯ ﺣﯿﺎﺕ ﺑﮭﯽ ﮨﮯ۔ ﺍﺱ ﻟﺌﮯ ﮐﮧ ﺍﻧﮩﻮﮞ ﻧﮯ ﻏﻢ ﮐﮯ ﺍﻧﺪﮬﯿﺮﻭﮞ ﻣﯿﮞﺎﭘﻨﮯ ﺷﻮﻕ ﻭﺫﻭﻕ ، ﺍﭘﻨﮯ ﺟﺬﺑﮯ، ﺍﭘﻨﮯ ﺣﻮﺻﻠﮯ ﺍﻭﺭ ﺍﭘﻨﯽ ﺍﻧﻔﺮﺍﺩﯼ ﺷﺨﺼﯿﺖ ﮐﺎ ﻗﺪﻡ ﻗﺪﻡ ﭘﺮﺳﮩﺎﺭﺍ ﻟﯿﺎ ﮨﮯ ﺟﻮ ﺷﻌﻮﺭ ﺣﯿﺎﺕ ﮐﮯ ﺑﻐﯿﺮ ﻣﻤﮑﻦ ﻧﮩﯿﮟ ﺍﻭﺭ ﺍﺳﯽ ﻧﮯ ﺍﻥ ﮐﮯ ﺷﺎﻋﺮﺍﻧﮧ ﻟﮩﺠﮯ ﮐﻮ ﺯﯾﺎﺩﮦ ﺣﺴﯿﻦ ﻭ ﺩﻝ ﺁﻭﯾﺰ ﺑﻨﺎﯾﺎ ﮨﮯ۔
ﺟﺬﺑﯽ ﮐﯽ ﺯﻧﺪﮔﯽ ﺍﻥ ﮐﮯ ﺫﮨﻦ ﺍﻥ ﮐﯽ ﺗﮩﺬﯾﺒﯽ ﻓﮑﺮ ﺍﻭﺭ ﺍﺩﺑﯽ ﺣﺴﯿﺖ ﭘﺮﺑﮩﺖ ﮐﻢ ﻟﮑﮭﺎ ﮔﯿﺎ ﮨﮯ ﮐﮩﯿﮟ ﮐﮩﯿﮟ ﮐﭽﮫ ﺗﻌﺎﺭﻓﯽ ﺗﺤﺮﯾﺮﯾﮟ ﯾﺎ ﻧﯿﻢ ﺗﻨﻘﯿﺪﯼ ﺍﻭﺭ ﻧﯿﻢ ﺗﺤﺴﯿﻨﯽ ﻣﻀﺎﻣﯿﻦ ﺩﯾﮑﮭﻨﮯ ﮐﻮ ﻣﻠﺘﮯ ﮨﯿﮟ ﺍﻭﺭ ﯾﮧ ﺑﮭﯽ ﺧﺎﻝ ﺧﺎﻝ ﺟﻮ ﺟﺬﺑﯽ ﮐﯽ ﺷﺨﺼﯿﺖ ﮐﮯ ﺳﺎﺗﮫ ﺍﺩﺑﯽ ﻧﺎ ﺍﻧﺼﺎﻓﯽ ﮨﮯ۔
ﺭﺍﻗﻤﮧ ﻧﮯ ﺟﺬﺑﯽ ﮐﻮ ﺟﺐ ﺍﭘﻨﮯ ﺧﺼﻮﺻﯽ ﻣﻄﺎﻟﻌﮯ ﮐﮯ ﻟﺌﮯ ﺍﻧﺘﺨﺎﺏ ﮐﯿﺎ ﺗﻮ ﮐﭽﮫ ﺑﺎﺗﯿﮟ ﭘﮩﻠﮯ ﺳﮯ ﺑﮭﯽ ﺫﮨﻦ ﻣﯿﮟ ﺗﮭﯿﮟ۔ ﺧﺎﺹ ﻃﻮﺭ ﭘﺮ ﺍﻥ ﮐﺎ ﯾﮧ ﺣﻮﺻﻠﮧ ﮐﮧ ﺍﻧﮩﻮﮞ ﻧﮯ ﮐﺒﮭﯽ ﺑﮭﯽ ﺯﻣﺎﻧﮯ ﺳﮯ ﺷﮑﺴﺖ ﻧﮩﯿﮟ ﮐﮭﺎﺋﯽ۔ ﻭﮦ ﻋﻤﻠﯽ ﺯﻧﺪﮔﯽ ﻣﯿﮟ ﺑﮭﯽ ﺍﭘﻨﮯ ﺳﮩﺎﺭﮮ ﭘﺮ ﮐﮭﮍﮮ ﺭﮨﮯ ﺍﻭﺭ ﺍﺩﺑﯽ ﺳﻔﺮ ﻣﯿﮟ ﺑﮭﯽ ﺍﻥ ﮐﮯ ﺳﺎﻣﻨﮯ ﺑﮩﺖ ﺳﮯ ﻣﻮﮌ ﺁﺋﮯ ﻟﯿﮑﻦ ﺍﻧﮩﻮﮞ ﻧﮯ ﻭﻗﺘﯽ ﻃﻮﺭ ﭘﺮ ﮐﺴﯽ ﺳﮯ ﮐﻮﺋﯽ ﺗﺎﺛﺮ ﻗﺒﻮﻝ ﮐﺮﮐﮯ ﺍﭘﻨﯽ ﺭﺍﮦ ﻋﻤﻞ ﮐﺎ ﮐﻮﺋﯽ ﺍﯾﺴﺎ ﺗﻌﯿﻦ ﻧﮩﯿﮟ ﮐﯿﺎ ﺟﺲ ﮐﮯ ﺑﻌﺪ ﻭﮦ ﮐﺴﯽ ﮔﺮﻭﮦ ﺳﮯ ﻭﺍﺑﺴﺘﮧ ﮨﻮﺟﺎﺗﮯ ﺍﻭﺭ ﺍﺱ ﮐﯽ ﺍﺩﺑﯽ ﺗﺎﺋﯿﺪ ﺍﻭﺭ ﺗﺤﺴﯿﻦ ﮐﮯ ﺳﺎﺗﮫ ﺍﻥ ﮐﯽ ﺷﺨﺼﯽ ﺍﻣﯿﺞ ﻣﯿﮟ ﮐﻮﺋﯽ ﺍﺿﺎﻓﮧ ﮨﻮﺗﺎ۔ ﺍﻥ ﮐﮯ ﺍﭘﻨﮯ ﻗﺪﻡ ﺍﭘﻨﯽ ﮨﯽ ﺯﻣﯿﻦ ﭘﺮﺭﮨﮯ ﺍﻭﺭ ﺯﻧﺪﮔﯽ ﮐﯽ ﺭﺍﮦ ﺍﻧﮩﻮﮞ ﻧﮯ ﺍﭘﻨﮯ ﮨﯽ ﻗﺪﻣﻮﮞ ﺳﮯ ﭼﻞ ﮐﺮﻃﮯ ﮐﯽ۔
ﻣﺠﮭﮯ ﺍﻥ ﮐﮯ ﻟﺐ ﻭ ﻟﮩﺠﮯ ﻣﯿﮟ ﺟﻮ ﻏﺰﻟﯿﺖ ﮐﺎ ﻋﻨﺼﺮ ﻣﻼ ۔ﺍﺱ ﻣﯿﮟ ﺳﺎﺩﮔﯽ ﺳﻨﺠﯿﺪﮔﯽ ﺍﻭﺭ ﺍﺛﺮ ﺁﻓﺮﯾﻨﯽ ﺯﯾﺎﺩﮦ ﺩﻝ ﮐﻮ ﻟﺒﮭﺎﻧﮯ ﻭﺍﻟﯽ ﺑﺎﺕ ﺗﮭﯽ ﺍﻭﺭ ﺑﮩﺖ ﺳﮯ ﺍﻧﺴﺎﻥ ﺍﯾﺴﮯ ﮨﻮﮞ ﮔﮯ ﺟﻮ ﻣﯿﺮﯼ ﮨﯽ ﻃﺮﺡ ﺍﻥ ﮐﮯ ﻟﮩﺠﮯ ﻣﯿﮞﺎﭘﻨﮯ ﺩﻝ ﮐﯽ ﺩﮬﮍﮐﻨﻮﮞ ﮐﻮ ﻣﺤﺴﻮﺱ ﮐﺮﺗﮯ ﮨﻮﮞ ﮔﮯ ﮐﮧ ﺁﺧﺮ ﺯﻧﺪﮔﯽ ﺍﺱ ﮐﮯ ﻧﺎﺭﻭﺍ ﺳﻠﻮﮎ ﺍﻭﺭ ﻧﺎﺳﺎﺯﮔﺎﺭ ﻣﺎﺣﻮﻝ ﻣﯿﮟ ﺧﻮﺩ ﮐﻮﺍﮔﺮ ﺯﻧﺪﮦ ﺭﮐﮭﺎ ﺟﺎﺋﮯ ﺗﻮ ﮐﯿﺴﮯ ﺍﻭﺭ ﺍﭘﻨﯽ ﺷﺨﺼﯿﺖ ﭘﺮ ﺍﻋﺘﻤﺎﺩ ﮐﺎ ﺍﻇﮩﺎﺭ ﮐﯿﺎ ﺟﺎﺋﮯ ﺗﻮ ﮐﺲ ﻃﺮﺡ ۔
ﺟﺬﺑﯽ ﺍﭘﻨﮯ ﺯﻣﺎﻧﮯ ﮐﮯ ﺑﮩﺖ ﺳﮯ ﺫﮨﯿﻦ ﺍﺩﯾﺒﻮﮞ، ﺷﺎﻋﺮﻭﮞ ﺍﻭﺭ ﻧﻘﺎﺩﻭﮞ ﮐﮯ ﺩﻭﺳﺖ ﺭﮨﮯ ﮨﯿﮟ، ﺟﺲ ﺯﻣﺎﻧﮯ ﻣﯿﮟ ﺑﮩﺖ ﺳﯽ ﺍﭼﮭﯽ ﺷﺨﺼﯿﺘﯿﮟ ﺟﻤﻊ ﮨﻮﮞ ﺍﺱ ﺩﻭﺭ ﻣﯿﮟ ﺍﭘﻨﯽ ﺍﻧﻔﺮﺍﺩﯾﺖ ﮐﻮﻗﺎﺋﻢ ﺭﮐﮭﻨﺎ ﺍﯾﮏ ﺑﮍﯼ ﺑﺎﺕ ﮨﮯ۔ ﺭﺍﻗﻤﮧ ﻧﮯ ﺟﺬﺑﯽ ﮐﻮ ﺍﻥ ﮐﮯ ﮐﻼﻡ ﮐﯽ ﺍﺳﯽ ﺭﻭﺷﻨﯽ ﻣﯿﮟ ﺩﯾﮑﮭﺎ ﺍﻭﺭ ﭘﺮﮐﮭﻨﮯ ﮐﯽ ﺳﻌﯽ ﮐﯽ ﮨﮯ۔
ﺍﻥ ﮐﯽ ﺯﻧﺪﮔﯽ ﺍﻭﺭ ﺍﺱ ﮐﮯ ﻣﺨﺘﻠﻒ ﻣﺪﺍﺭﺝ ﺟﺲ ﻣﯿﮟ ﺗﻌﻠﯿﻢ ﻭ ﺗﺮﺑﯿﺖ ﺧﺎﻧﮕﯽ ﺣﺎﻻﺕ ﺧﺎﻧﺪﺍﻧﯽ ﮐﻮﺍﺋﻒ ﻣﻼﺯﻣﺖ ﮐﺎ ﺩﻭﺭ ﺩﻭﺳﺘﯽ، ﮨﻤﺪﺭﺩﯼ، ﺧﻠﻮﺹ، ﺍﺗﻔﺎﻕ ﺍﻭﺭ ﻧﺎ ﺍﺗﻔﺎﻗﯽ ﺳﺒﮭﯽ ﭼﯿﺰﯾﮟ ﺷﺎﻣﻞ ﮨﯿﮟ، ﺍﻥ ﺳﮯ ﻣﺘﻌﻠﻖ ﻣﻌﻠﻮﻣﺎﺕ ﮐﮯ ﻟﺌﮯ ﺭﺍﻗﻤﮧ ﻧﮯ ﺩﻭﺑﺎﺭﻋﻠﯽ ﮔﮍﮪ ﮐﺎ ﺳﻔﺮ ﮐﯿﺎ ۔ﺟﺬﺑﯽ ﺻﺎﺣﺐ ﺳﮯ ﺑﺎﺗﯿﮟ ﮐﯽ ﺍﻭﺭ ﺟﻮ ﮐﭽﮫ ﻭﮦ ﻓﺮﻣﺎﺗﮯ ﺍﻭﺭ ﻣﺨﺘﻠﻒ ﺳﻮﺍﻟﻮﮞ ﮐﮯ ﺳﻠﺴﻠﮯ ﻣﯿﮟ ﻭﺿﺎﺣﺖ ﮐﺮﺗﮯ ﺭﮨﮯ،ﺍﻥ ﺳﺐ ﮐﻮ ﺭﯾﮑﺎﺭﮈ ﮐﯿﺎ۔ ﺗﺎﮐﮧ ﺟﺐ ﻣﯿﮞﺎﺱ ﭘﺮ ﻟﮑﮭﻨﮯ ﮐﮯ ﻟﺌﮯ ﺑﯿﭩﮭﻮﮞ ﺗﻮ ﻣﯿﺮﯼ ﺯﺑﺎﻥ ﻗﻠﻢ ﭘﺮ ﺁﻧﮯ ﻭﺍﻟﮯ ﺍﻟﻔﺎﻅ ﺯﯾﺎﺩﮦ ﺗﺮ ﺟﺬﺑﯽ ﺻﺎﺣﺐ ﮐﮯ ﺍﭘﻨﮯ ﺍﻟﻔﺎﻅ ﮨﻮﮞﺎﻭﺭ ﺟﻮ ﺑﺎﺕ ﺟﺲ ﻟﮩﺠﮯ ﻣﯿﮟ ﮐﮩﯽ ﮔﺌﯽ ﮨﮯ ﻣﯿﮞﺎﺱ ﮐﻮ ﺍﺳﯽ ﻣﺎﺣﻮﻝ ﺍﻭﺭ ﭘﺲ ﻣﻨﻈﺮ ﻣﯿﮟ ﺳﻤﺠﮫ ﺳﮑﻮﮞ۔
ﺍﺱ ﮐﮯ ﻟﺌﮯ ﻣﯿﮟ ﻧﮯ ﻣﺨﺘﻠﻒ ﻭﻗﺘﻮﮞ ﻣﯿﮟ ﺍﭘﻨﮯ ﺍﺳﺎﺗﺬﮦ ﺳﮯ ﺑﮭﯽ ﺑﺎﺗﯿﮟ ﮐﯿﮟ ﺍﻥ ﻣﯿﮞﺰﯾﺎﺩﮦ ﺗﺮ ﻭﮦ ﺩﺍﻧﺸﻮﺭ ﺗﮭﮯ ﺟﻮ ﺟﺬﺑﯽ ﺻﺎﺣﺐ ﮐﻮ ﺟﺎﻧﺘﮯ ﺗﮭﮯ۔ ﺍﻥ ﮐﮯ ﻃﺎﻟﺐ ﻋﻠﻢ ﺭﮦ ﭼﮑﮯ ﺗﮭﮯ۔ ﯾﺎ ﺩﻭﺳﺖ ﺗﮭﮯ۔ ﻣﯿﮟ ﻧﮯ ﺟﺬﺑﯽ ﺻﺎﺣﺐ ﮐﯽ ﺑﮩﺖ ﺳﯽ ﺗﺤﺮﯾﺮﻭﮞ ﮐﻮ ﭘﮍﮬﺎ ﺟﻦ ﺗﮏ ﻣﯿﺮﯼ ﺭﺳﺎﺋﯽ ﮨﻮﺋﯽ ﺍﻭﺭ ﺍﭘﻨﺎ ﺑﮩﺖ ﺳﺎ ﻭﻗﺖ ﺍﻥ ﺷﺎﻋﺮﻭﮞ، ﺍﺩﯾﺒﻮﮞ ﺍﻭﺭ ﻧﻘﺎﺩﻭﮞ ﮐﮯ ﻣﻄﺎﻟﻌﮧ ﻣﯿﮟ ﮔﺰﺍﺭﺍ ﺟﻮ ﺟﺬﺑﯽ ﺻﺎﺣﺐ ﮐﮯ ﺩﻭﺭ ﺳﮯ ﺗﻌﻠﻖ ﺭﮐﮭﺘﮯ ﮨﯿﮟ۔ ﺍﺱ ﻣﯿﮟ ﺧﺼﻮﺻﯿﺖ ﮐﮯ ﺳﺎﺗﮫ ﺗﺮﻗﯽ ﭘﺴﻨﺪ ﺗﺤﺮﯾﮏ ﺍﻭﺭ ﺍﺱ ﺳﮯ ﻭﺍﺑﺴﺘﮧ ﻣﻤﺘﺎﺯ ﺷﺎﻋﺮ ﺑﮭﯽ ﺁﺟﺎﺗﮯ ﮨﯿﮟ۔
ﻏﺰﻝ ﺟﺬﺑﯽ ﺗﮏ ﭘﮩﻮﻧﭽﻨﮯ ﺳﮯ ﭘﮩﻠﮯ ﺣﺎﻟﯽ ﺳﮯ ﺍﻗﺒﺎﻝ ﺗﮏ ﯾﺎ ﭘﮭﺮ ﯾﮧ ﮐﮩﺌﮯ ﮐﮧ ﻓﯿﺾ ﻭ ﻓﺮﺍﻕ ﺗﮏ ﺍﭘﻨﺎ ﺳﻔﺮ ﺣﯿﺎﺕ ﻃﮯ ﮐﺮ ﭼﮑﯽ ﺗﮭﯽ۔ ﺍﺱ ﻣﯿﮟ ﺟﺬﺑﯽ ﺑﮭﯽ ﺁﮐﺮ ﺷﺎﻣﻞ ﮨﻮﮔﺌﮯ۔ ﺍﺳﯽ ﻃﺮﺡ ﺟﺐ ﮨﻢ ﺟﺬﺑﯽ ﮐﯽ ﻧﻈﻢ ﭘﺮ ﻏﻮﺭﮐﺮﺗﮯ ﮨﯿﮟ ﺗﻮ ﺍﺱ ﻣﯿﮟ ﺟﺪﯾﺪ ﺍﺭﺩﻭ ﻧﻈﻢ ﮐﯽ ﺭﺍﮦ ﺍﺭﺗﻘﺎ ﮐﮯ ﮐﺌﯽ ﻣﻮﮌ ﻣﻠﺘﮯ ﮨﯿﮟ ﺍﻭﺭ ﺑﺎﺕ ﺻﺮﻑ ﺍﺳﯽ ﭘﺮ ﺧﺘﻢ ﻧﮩﯿﮟ ﮨﻮﺟﺎﺗﯽ ﺟﺪﯾﺪ ﻏﺰﻝ ﮐﺎ ﻣﻄﺎﻟﻌﮧ ﻧﻮ ﮐﻼﺳﯿﮑﯽ ﻏﺰﻝ ﮐﮯ ﻣﻄﺎﻟﻌﮧ ﮐﮯ ﺑﻐﯿﺮ ﻧﺎ ﻣﮑﻤﻞ ﮐﮩﺎ ﺟﺎﺳﮑﺘﺎ ﮨﮯ۔ ﺍﺳﯽ ﻟﺌﮯ ﺭﺍﻗﻤﮧ ﻧﮯ ﺍﺱ ﻣﯿﮟ ﻟﮑﮭﻨﻮ ﮐﮯ ﺍﻥ ﺍﺳﺎﺗﺬﮦ ﮐﻮ ﺑﮭﯽ ﺷﺎﻣﻞ ﮐﯿﺎ ﺟﻨﮩﻮﮞﻨﮯ ﺍﺱ ﺻﺪﯼ ﮐﮯ ﻧﺼﻒ ﺍﻭﻝ ﻣﯿﮟ ﻏﺰﻝ ﮐﻮ ﻧﺌﮯ ﺭﻧﮓ ﺁﮨﻨﮓ ﺳﮯ ﺁﺷﻨﺎ ﮐﯿﺎ ﮨﮯ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام:
مرنے کی دعائیں کیوں مانگوں جینے کی تمنا کون کرے
یہ دنیا ہو یا وہ دنیا اب خواہش دنیا کون کرے
جب کشتی ثابت وسالم تھی، ساحل کی تمنا کس کو تھی
اب ایسی شکستہ کشتی پر ساحل کی تمنا کون کرے
جو آگ لگائی تھی تم نے اس کو تو بجھایا اشکوں سے
جو اشکوں نے بھڑکائی ہے اس آگ کو ٹھنڈا کون کرے
دنیا نے ہمیں چھوڑا جذبؔی ہم چھوڑ نہ دیں کیوں دنیا کو
دنیا کو سمجھ کر بیٹھے ہیں اب دنیا دنیا کون کرے
۔۔۔۔۔۔۔۔۔۔۔۔۔۔۔
ملے غم سے اپنے فرصت، تو سنائیں وہ فسانہ
کہ ٹپک پڑے نظر سے مئے عشرتِ زمانہ
یہی زندگی مصیبت، یہی زندگی مسرت
یہی زندگی حقیقت، یہی زندگی فسانہ
کبھی درد کی تمنّا، کبھی کوششِ مداوہ
کبھی بجلیوں کی خواہش، کبھی فکرِ آشیانہ
مرے قہقہوں کی زد پر کبھی گردشیں جہاں کی
مرے آنسوؤں کی رَو میں کبھی تلخیِ زمانہ
کبھی میں ہوں تجھ سے نالاں، کبھی مجھ سے تو پریشاں
کبھی میں ترا ہدف ہوں، کبھی تو مرا نشانہ
جسے پا سکا نہ زاہد، جسے چھُو سکا نہ صوفی
وہی تار چھیڑتا ہے مرا سوزِ شاعرانہ
۔۔۔۔۔۔۔۔۔۔۔۔۔۔۔۔۔۔۔۔۔
ہم ایک خواب لیے ماہ و سال سے گزرے
ہزاروں رنج ہزاروں ملال سے گزرے
ہمیں ملا جو کوئی آسماں تو صورت ماہ
نہ جانے کتنے عروج و زوال سے گزرے
کبھی غریبوں کی آہوں میں کی بسر ہم نے
کبھی امیروں کے جاہ و جلال سے گزرے
وہ بے سہارا سے کچھ لوگ جان سے بیزار
خبر ملی ہے کہ اوج کمال سے گزرے
یہ زندگی بھی عجیب راہ تھی کہ ہم جس سے
قدم بڑھاتے جھجکتے نڈھال سے گزرے
حقیقتیں تو نگاہوں کے سامنے تھیں مگر
ہم ایک عمر فریب خیال سے گزرے
حکایت گل و بلبل پہ خندہ زن ہیں وہی
جو شام ہجر نہ صبح وصال سے گزرے
گلے لگاتی ہے منزل انہیں بھی اے جذبیؔ
قدم قدم پہ جو خوف مآل سے گزرے
۔۔۔۔۔۔۔۔۔۔۔۔۔۔۔۔۔۔۔۔
کتنی بلندیوں پہ سر دار آۓ ہیں
کسی معرکہ میں اہل جنوں ہار آۓ ہیں
گھبرا اٹھے ہیں ظلمت شب سے تو بارہا
نالے ہمارے لب پہ شرربار آۓ ہیں
اے قصہ گو ازل سے جو بیتی ہے وہ سنا
کچھ لوگ تیرے فن کے پرستار آۓ ہیں
پائی گلوں سے آبلہ پائی کہ جب نہ داد
دیوانے ہیں کہ سوۓ لب خار آۓ ہیں
غم خواریوں کی تہہ میں دبی سی مسرتیں
یوں میرے پاس بھی مرے غم خوار آۓ ہیں
پہنچے ہیں جب بھی خلوت دل میں تو اے ندیم
اکثر ہم اپنے آپ سے بے زار آۓ ہیں
اس بزم میں تو مے کا کہیں ذکر تک نہ تھا
اور ہم وہاں سے بے خود و سرشار آۓ ہیں
اس کی گلی میں ہم نے لٹا دی متاع جاں
اس کی گلی سے ہم تو سبک سار آۓ ہیں
کرتے رہے ہیں فن کی پرستش تمام عمر
محشر میں کیسے کیسے گنہ گار آۓ ہیں
جذبیؔ جو ہو سکے تو مری حیرتوں سے پوچھ
کس طرح میرے ذہن میں اشعار آۓ ہیں
۔۔۔۔۔۔۔۔۔۔۔۔۔۔۔۔۔۔۔۔۔
داغِ غم دل سے کسی طرح مٹایا نہ گیا
میں نے چاہا بھی مگر تم کو بھلایا نہ گیا
عمر بھر یوں تو زمانے کے مصائب جھیلے
تیری نظروں کا مگر بار اٹھایا نہ گیا
روٹھنے والوں سے اتنا کوئی جا کر پوچھے
خود ہی روٹھے رہے یا ہم سے منایا نہ گیا
پھول چننا بھی عبث ، سیرِ بہاراں بھی پھول
دل کا دامن ہی جو کانٹوں سے بچایا نہ گیا
اُس نے اس طرح محبت کی نگاہیں ڈالیں
ہم سے دنیا کا کوئی راز چھپایا نہ گیا
تھی حقیقت میں وہی منزلِ مقصد جذبیؔ
جس جگہ تجھ سے قدم آگے بڑھایا نہ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
