آج مشہور شاعر محمد رفیق سندیلوی صاحب کا جنم دن ہے

آج مشہور شاعر محمد رفیق سندیلوی صاحب کا جنم دن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نام محمد رفیق اور تخلص رفیق ہے۔یکم دسمبر۱۹۴۱ء کو سندیلیا(ٹوبہ ٹیک سنگھ) میں پیدا ہوئے۔

ایم اے(اردو) پنجاب یونیورسٹی سے کیا اور گولڈ میڈل حاصل کیا۔ اسلام آباد میں تدریس سے وابستہ ہیں۔

ان کی تصانیف کے نام یہ ہیں:

 ’’سبز آنکھوں میں تیر‘‘، ’’گرز‘‘، ’’ایک رات کا ذکر‘‘(شعری مجموعے)، ’’غار میں بیٹھا شخص‘‘، ’’پاکستان میں اردو ہائیکو‘‘۔

ﺭﻓﯿﻖ ﺳﻨﺪﯾﻠﻮﯼ ﺟﺪﯾﺪ ﺍُﺭﺩﻭ ﻧﻈﻢ ﮐﮯ ﺗﺎﺯﮦ ﺩﻡ ﺍﻭﺭ ﻣﻌﺘﺒﺮ ﺷﺎﻋﺮﻭﮞ ﻣﯿﮟ ﺳﮯ ﮨﯿﮟ۔ ﺍُﻧﮭﻮﮞ ﻧﮯ ﻣﺨﺘﺼﺮ ﻣﺪﺕ ﻣﯿﮟ ﺍﭘﻨﯽ ﻓﮑﺮﯼ ﻧﺪﺭﺕ ﺍﻭﺭ ﻓﻨﯽ ﺟﻮﺩﺕ ﮐﯽ ﺑﺪﻭﻟﺖ ﺍُﺱ ﻣﻘﺎﻡ ﺗﮏ ﺭﺳﺎﺋﯽ ﭘﺎﺋﯽ ﮨﮯ ﺟﻮ ﻗﺎﺑﻞِ ﻓﺨﺮ ﺑﮭﯽ ﮨﮯ ﺍﻭﺭ ﻻﺋﻖِ ﺗﻘﻠﯿﺪ ﺑﮭﯽ۔ ﻣﻌﺎﺻﺮ ﻧﻈﻢ ﮔﻮ ﺷﻌﺮﺍ ﻣﯿﮟ ﺍُﻥ ﮐﯽ ﺁﻭﺍﺯ ﻧﮧ ﺻﺮﻑ ﻧﻤﺎﯾﺎﮞ ﻭ ﻣﻤﺘﺎﺯ ﮨﮯ ﺑﻠﮑﮧ ﺑﮧ ﺁﺳﺎﻧﯽ ﺁﮔﮯ ﻧﮑﻠﺘﯽ ﺍﻭﺭ ﺍﭘﻨﮯ ﺍﻭﺝ ﮐﮯ ﻧﺌﮯ ﺯﺍﻭﯾﮯ ﺗﺮﺗﯿﺐ ﺩﯾﺘﯽ ﺩﮐﮭﺎﺋﯽ ﺩﯾﺘﯽ ﮨﮯ۔ ’’ ﻏﺎﺭ ﻣﯿﮟ ﺑﯿﭩﮭﺎ ﺷﺨﺺ ‘ ‘ ﮐﯽ ﻧﻈﻤﯿﮟ ﺍِﺳﯽ ﺣﻘﯿﻘﺖ ﮐﺎ ﺁﺋﯿﻨﮧ ﮨﯿﮟ ﺍﻭﺭ ﺍِﻥ ﻧﻈﻤﻮﮞ ﮐﮯ ﻣﻄﺎﻟﻌﮯ ﺳﮯ ﺑﮩﺖ ﻭﺍﺿﺢ ﻃﻮﺭ ﭘﺮ ﺍﺣﺴﺎﺱ ﮨﻮﺗﺎ ﮨﮯ ﮐﮧ ﺍِﻥ ﮐﺎ ﺧﺎﻟﻖ ﺻﺮﻑ ﺍﭼﮭﮯ ﺩﺭﺟﮯ ﮐﺎ ﺷﺎﻋﺮ ﻧﮩﯿﮟ،ﺑﮩﺖ ﺍﭼﮭﮯ ﺍﻭﺭ ﺍﻋﻠﯽ ﭘﺎﺋﮯ ﮐﺎ ﻭﮦ ﺳﺨﻦ ﮔﺮ ﮨﮯ ﺟﺴﮯ ﺍﭘﻨﮯ ﻓﻦ ﭘﺮ ﻏﯿﺮ ﻣﻌﻤﻮﻟﯽ ﻗﺪﺭﺕ ﺍﻭﺭ ﺩﺳﺘﺮﺱ ﺣﺎﺻﻞ ﮨﮯ۔

۔۔۔۔۔۔۔۔۔۔۔۔۔۔۔۔۔۔۔۔۔

تحریر

قاسم یعقوب

رفیق سندیلوی 80ء کی دہائی کے اُن نامور شعرا میں شمار ہوتے ہیں جنھوں نے تخلیقی سطح پر نظم اور غزل دونوں میدانوں میں اپنا لوہا منوایا۔ رفیق سندیلوی نے اپنی شناخت دونوں اصناف کے مروجہ پیٹرن میں حیران کن تبدیلیوں سے کیا۔ سکہ بند غزل اور روایتی نظم کی کلیشے زدہ فضا کو توڑنے والوں میں رفیق کا نام سرِ فہرست ہے۔ اس سلسلے میں اُن کی غزلوں کے مجموعہ ’’ایک رات کا ذکر‘‘ اور نظموں کا مجموعہ’’غار میں بیٹھا شخص‘‘ کا مطالعہ اُن کے اِس تخلیقی انحراف کو سمجھنے کی عمدہ مثالیں ہیں ۔اُنھوں نے غزل کی لوچ دار تخلیقیت کی رَو میں متعدد بڑے اشعار بھی پیش کئے ہیں۔’’غار میں بیٹھا شخص‘‘ میں نظم کی نئی قرأت کا اہتمام کیا گیا ہے۔رفیق سندیلوی کی نظم حقائق کا بلیغ فنی اظہار ہے۔نئی لغت اور حیران کن موضوعات نے ر فیق کی نظموں کو معاصرین میں اہم مقام دے دیا ہے۔ جن موضوعات کی تشکیل میں رفیق نے شعری اظہار کا سانچہ تیار کیا ہے، وہ بڑے بڑے نظم نگاروں کا پِتّا پانی کر دیتا ہے۔ مجموعی طور پر رفیق کی غزل کا فنی و فکری زاویہ اور نظم کا تخلیقی محور دونوں الگ الگ سطح پر متحرک نظر آتے ہیں ۔ایسی بہت کم مثالیں ملیں گی کہ کوئی غزل گو ،اتنا اعلیٰ نظم نگار بھی ہو۔

رفیق بنیادی طور پر شاعر ہیں مگر انھوں نے اپنی تخلیقی ضرورت کے تحت کمال درجے کی تنقید بھی لکھی ۔لسانی تھیوری، فکری ادبی مسائل اور ڈاکٹر وزیر آغا کی تنقیدی جہات کی نشان دہی کے علاوہ رفیق سندیلوی نے ’’ہائیکو نگاری‘‘ کی تاریخ اور تخلیق پربھی مبسوط تحقیقی و تنقیدی کام کیا ہے۔ہائیکو نگاری پر اتنا وقیع کام پہلے کبھی نہیں ہوا۔امتزاجی تنقید کی تفہیم کے بنیاد گزاروں میں رفیق سندیلوی کا نام اوّلین حیثیت رکھتا ہے۔ لسانی تھیوری اور معاصر ادبی تنقیدی فکر کا گہرا مطالعہ رکھنے والوں میں رفیق کا بہت اہم کردار ہے۔

۔۔۔۔۔۔۔۔۔۔۔۔۔۔۔۔۔۔۔۔۔

منتخب کلام:

ﮈﻭﺏ ﺟﺎﺋﯿﮟ ﻧﮧ ﭘﮭﻮﻝ ﮐﯽ ﻧﺒﻀﯿﮟ

ﺍﮮ ﺧﺪﺍ ﻣﻮﺳﻤﻮﮞ ﮐﯽ ﺳﺎﻧﺴﯿﮟ ﮐﮭﻮﻝ

۔۔۔۔۔۔۔۔۔۔۔۔۔۔۔۔۔۔۔۔۔

ﺳﻮﺭﺝ ﮐﯽ ﻃﺮﺡ ﻣﻮﺕ ﻣﺮﮮ ﺳﺮ ﭘﮧ ﺭﮨﮯ ﮔﯽ

ﻣﯿﮟ ﺷﺎﻡ ﺗﻠﮏ ﺟﺎﻥ ﮐﮯ ﺧﻄﺮﮮ ﻣﯿﮟ ﺭﮨﻮﮞ ﮔﺎ

۔۔۔۔۔۔۔۔۔۔۔۔۔۔۔۔۔۔۔۔۔

سیاہ رات ہو، ہر شے کو نیند آئی ہو

مِرے وجُود کی تقریبِ رُونمائی ہو

رکھا گیا ہو ہراِک خواب کو قرینے سے

زمینِ حجلۂ ادراک کی صفائی ہو

اُس اعتکافِ تمنّا کی سرد رات کے بعد !

میں جل مروں جو کبھی آگ تک جلائی ہو

کبھی کبھی تو یہ لگتا ہے، ساعتِ موجُود

مجھے قدیم زمانے میں کھینچ لائی ہو

نکل پڑوں میں کوئی مشعلِ فسُوں لے کر

قیام گاہِ ابد تک مِری رسائی ہو

میں اُس کے وار کو سانسوں کی ڈھال پر روکوں

سوارِ مرگ سے گھمسان کی لڑائی ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خواب مزدور ہے

خواب مزدور ہے

رات دن سر پہ بھاری تغاری لئے

سانس کی

بانس کی

ہانپتی کانپتی سیڑھیوں پر

اُترتا ہے

چڑھتا ہے

رُوپوش معمار کے حکم پر

ایک لا شکل نقشے پہ اُٹھتی ہوئی

اوپر اٹھتی ہوئی

گول دیوار کے

خِست در خِست چکر میں محصور ہے

خواب مزدور ہے

ایک مُشقت زدہ آدمی کی طرح

میں حقیقت میں یا خواب میں

روز معمول کے کام کرتا ہوں

کچھ دیر آرام کرتا ہوں

کانٹوں بھری کھاٹ میں

پیاس کے جام پیتا ہوں

اور سوزنِ ہجر سے

اپنی ادھڑی ہوئی تن کی پوشاک سیتا ہوں

جیتا ہوں

کیسی انوکھی حقیقت ہے

کیسا عجب خواب ہے

ایک مشقت زدہ آدمی کی طرح

اپنے حصے کی بجری اٹھانے پہ مامور ہے

خواب مزدور ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بشکریہ خالد محمود