آج – 11؍مئی 1976
بنیادی طور پر نظم کے شاعر، جدید اردو ﺷﺎﻋﺮﯼ ﮐﮯ ﺑﻨﯿﺎﺩ ﺳﺎﺯﻭﮞ ﻣﯿﮟ ﻧﻤﺎﯾﺎﮞ اور معروف شاعر” مجید امجدؔ صاحب “ کا یومِ وفات…
ﻋﺒﺪﺍﻟﻤﺠﯿﺪ ﺍﻭﺭ ﺍﻣﺠﺪؔ ﺗﺨﻠﺺ ﺗﮭﺎ۔ ۲۹؍ﺟﻮﻥ ۱۹۱۴ﺀ ﮐﻮ ﺟﮭﻨﮓ ﻣﯿﮟ ﭘﯿﺪﺍ ﮨﻮﺋﮯ۔ ۱۹۳۴ﺀ ﻣﯿﮟ ﺍﺳﻼﻣﯿﮧ ﮐﺎﻟﺞ، ﻻﮨﻮﺭ ﺳﮯ ﺑﯽ ﺍﮮ ﮐﯿﺎ۔ ﮐﺴﺐ ﻣﻌﺎﺵ ﮐﺎ ﻣﺴﺌﻠﮧ ﭘﯿﺶ ﺁﯾﺎ ﺗﻮ ﺭﺍﺋﮯ ﺩﮨﻨﺪﮔﺎﻥ ﮐﯽ ﻓﮩﺮﺳﺘﯿﮟ ﺑﻨﺎﻧﮯ ﮐﺎ ﮐﺎﻡ ﻣﻼ۔ ﯾﮧ ﮐﺎﻡ ﻋﺎﺭﺿﯽ ﺗﮭﺎ ﺟﻮ ﭼﻨﺪ ﻣﮩﯿﻨﻮﮞ ﻣﯿﮟ ﻣﮑﻤﻞ ﮨﻮﮔﯿﺎ۔ ﺍﺱ ﮐﮯ ﺑﻌﺪ ﻭﮦ ﺍﯾﮏ ﺍﻧﺸﻮﺭﻧﺲ ﮐﻤﭙﻨﯽ ﮐﮯ ﺍﯾﺠﻨﭧ ﺑﻦ ﮔﺌﮯ، ﻟﯿﮑﻦ ﺍﺱ ﮐﺎ ﻡ ﮐﮯ ﻟﯿﮯ ﺟﺲ ﻣﺤﻨﺖ ﺍﻭﺭ ﻟﮕﻦ ﮐﯽ ﺿﺮﻭﺭﺕ ﺗﮭﯽ ﻭﮦ ﺍﻥ ﮐﮯ ﺑﺲ ﮐﯽ ﺑﺎﺕ ﻧﮧ ﺗﮭﯽ۔ ۱۹۳۵ﺀ ﻣﯿﮟ ﺍﯾﮏ ﻧﯿﻢ ﺳﺮﮐﺎﺭﯼ ﺭﺳﺎﻟﮧ ’’ ﻋﺮﻭﺝ ‘‘ ﺟﺎﺭﯼ ﮨﻮﺍ۔ ﯾﮧ ﺍﺱ ﮐﮯ ﺍﯾﮉﯾﭩﺮ ﻣﻘﺮﺭ ﮨﻮﺋﮯ۔ ﻣﺠﯿﺪ ﺍﻣﺠﺪ ﮐﺎﻓﯽ ﻋﺮﺻﮧ ﺍﺱ ﺳﮯ ﻣﻨﺴﻠﮏ ﺭﮨﮯ۔ ۱۹۴۹ﺀ ﻣﯿﮟ ﻣﺤﮑﻤۂ ﺧﻮﺍﺭﮎ ( ﻓﻮﮈ ﮈﯾﭙﺎﺭﭨﻤﻨﭧ ) ﻣﯿﮟ ﺟﮕﮧ ﻣﻞ ﮔﺌﯽ۔ ۱۹۷۲ﺀ ﻣﯿﮟ ﺍﺳﺴﭩﻨﭧ ﻓﻮﮈ ﮐﻨﭩﺮﻭﻟﺮ، ﺳﺎﮨﯿﻮﺍﻝ ﮐﮯ ﻋﮩﺪﮮ ﺳﮯ ﺳﺒﮏ ﺩﻭﺵ ﮨﻮﺋﮯ۔ ﺍﻥ ﮐﯽ ﺯﻧﺪﮔﯽ ﮐﮯ ﺁﺧﺮﯼ ۲۷،۲۸ ﺳﺎﻝ ﺳﺎﮨﯿﻮﺍﻝ ﻣﯿﮟ ﺑﺲ ﮨﻮﺋﮯ۔ ﺍﻥ ﮐﯽ ﺍﺯﺩﻭﺍﺟﯽ ﺯﻧﺪﮔﯽ ﺧﻮﺵ ﮔﻮﺍﺭ ﻧﮧ ﺗﮭﯽ۔ ﺍﻥ ﮐﯽ ﺑﯿﻮﯼ ﺍﻥ ﺳﮯ ﻃﻼﻕ ﻟﯿﮯ ﺑﻐﯿﺮ ﺍﻥ ﺳﮯ ﺍﻟﮓ ﺭﮨﻨﮯ ﻟﮕﯿﮟ۔ ﻣﺠﯿﺪ ﺍﻣﺠﺪ ﺍﮐﯿﻠﮯ ﺭﮨﺘﮯ ﺗﮭﮯ۔ ﺑﮍﯼ ﺗﻨﮓ ﺩﺳﺘﯽ ﺳﮯ ﮔﺰﺭ ﺍﻭﻗﺎﺕ ﮨﻮﺗﯽ ﺗﮭﯽ۔ ﺍﻥ ﮐﮯ ﺑﻌﺾ ﺩﻭﺳﺘﻮﮞ ﮐﮯ ﺗﻮﺟﮧ ﺩﻻﻧﮯ ﭘﺮ ﺣﮑﻮﻣﺖ ﭘﺎﮐﺴﺘﺎﻥ ﻧﮯ ﻣﺎﺭﭺ۱۹۷۴ﺀ ﻣﯿﮟ ﺍﻥ ﮐﺎ ﭘﺎﻧﭻ ﺳﻮ ﺭﻭﭘﯿﮧ ﻣﺎﮨﺎﻧﮧ ﺍﺩﺑﯽ ﻭﻇﯿﻔﮧ ﻣﻘﺮﺭ ﮐﺮﺩﯾﺎ ﺗﮭﺎ۔ ﻣﺠﯿﺪ ﺍﻣﺠﺪ ﮐﻮ ﺷﻌﺮﻭﺳﺨﻦ ﺳﮯ ﻓﻄﺮﯼ ﻟﮕﺎ ﺅ ﺗﮭﺎ۔ ﻏﺰﻝ ﮐﯽ ﻧﺴﺒﺖ ﻧﻈﻢ ﺳﮯ ﺯﯾﺎﺩﮦ ﺷﻐﻒ ﺗﮭﺎ۔ ﻭﮦ ﺑﻨﯿﺎﺩﯼ ﻃﻮﺭ ﭘﺮ ﻧﻈﻢ ﮐﮯ ﺷﺎﻋﺮ ﺗﮭﮯ۔ ﻣﺠﯿﺪ ﺍﻣﺠﺪ، ۱۱؍ ﻣﺌﯽ ۱۹۷۴ﺀ ﮐﻮ ﺳﺎﮨﯿﻮﺍﻝ ﻣﯿﮟ ﺍﻧﺘﻘﺎﻝ ﮐﺮﮔﺌﮯ۔ ﺍﻥ ﮐﮯ ﺍﻧﺘﻘﺎﻝ ﮐﮯ ﺑﻌﺪ ﺳﺎﮨﯿﻮﺍﻝ ﮐﮯ ﻣﺸﮩﻮﺭ ﺑﺎﻍ ’’ ﮐﻨﻌﺎﮞ ﭘﺎﺭﮎ ‘‘ ﺍﻭﺭ ’’ ﺳﺎﮨﯿﻮﺍﻝ ﮨﺎﻝ ‘‘ ﮐﺎ ﻧﺎﻡ ﺑﺪﻝ ﮐﺮ ﻋﻠﯽ ﺍﻟﺘﺮﺗﯿﺐ ’’ ﺍﻣﺠﺪ ﭘﺎﺭﮎ ‘‘ ﺍﻭﺭ ’’ ﺍﻣﺠﺪ ﮨﺎﻝ ‘‘ ﺭﮐﮫ ﺩﯾﺎ ﮔﯿﺎ۔ ﺍﻥ ﮐﮯ ﺷﻌﺮﯼ ﻣﺠﻤﻮﻋﻮﮞ ﮐﮯ ﻧﺎﻡ ﯾﮧ ﮨﯿﮟ :
’’ﺷﺐِ ﺭﻓﺘﮧ ‘‘ ، ’’ ﻣﯿﺮﮮ ﺧﺪﺍ ﻣﯿﺮﮮ ﺩﻝ ‘‘ ، ’’ ﺷﺐ ﺭﻓﺘﮧ ﮐﮯ ﺑﻌﺪ ‘‘ ۔ ’ ﮐﻠﯿﺎﺕِ ﻣﺠﯿﺪ ﺍﻣﺠﺪ ‘ ﺑﮭﯽ ﺷﺎﺋﻊ ﮨﻮﮔﺌﯽ ﮨﮯ۔ ﺍﻥ ﮐﯽ ﮐﻠﯿﺎﺕ ’’ ﻟﻮﺡِ ﺩﻝ ‘‘ ﮐﮯ ﻧﺎﻡ ﺳﮯ ﺑﮭﯽ ﭼﮭﭙﯽ ﮨﮯ۔
ﺑﺤﻮﺍﻟۂ : ﭘﯿﻤﺎﻧۂ ﻏﺰﻝ ( ﺟﻠﺪ ﺩﻭﻡ ) ،ﻣﺤﻤﺪ ﺷﻤﺲ ﺍﻟﺤﻖ،ﺻﻔﺤﮧ :63
پیشکش : اعجاز زیڈ ایچ
※☆▔▔▔▔▔▔▔▔▔▔▔▔▔▔▔☆※
معروف شاعر مجید امجدؔ کے یومِ وفات پر منتخب اشعار بطورِ خراجِ عقیدت…
بڑے سلیقے سے دنیا نے میرے دل کو دیے
وہ گھاؤ جن میں تھا سچائیوں کا چرکا بھی
—
ﻣﯿﮟ ﺭﻭﺯ ﺍﺩﮬﺮ ﺳﮯ ﮔﺰﺭﺗﺎ ﮨﻮﮞ ﮐﻮﻥ ﺩﯾﮑﮭﺘﺎ ﮨﮯ
ﻣﯿﮟ ﺟﺐ ﺍﺩﮬﺮ ﺳﮯ ﻧﮧ ﮔﺰﺭﻭﮞ ﮔﺎ ﮐﻮﻥ ﺩﯾﮑﮭﮯ ﮔﺎ
—
ترے خیال کے پہلو سے اٹھ کے جب دیکھا
مہک رہا تھا زمانے میں چار سو ترا غم
—
تری یاد میں جلسئہ تعزیت
تجھے بھول جانے کا آغاز تھا
—
جب انجمنِ توجہ صد گفتگو میں ہو
میری طرف بھی اک نگہ کم سخن پڑے
—
ﺑﮍﮬﯽ ﺟﻮ ﺣﺪ ﺳﮯ ﺗﻮ ﺳﺎﺭﮮ ﻃﻠﺴﻢ ﺗﻮﮌ ﮔﺌﯽ
ﻭﮦ ﺧﻮﺵ ﺩﻟﯽ ﺟﻮ ﺩﻟﻮﮞ ﮐﻮ ﺩﻟﻮﮞ ﺳﮯ ﺟﻮﮌ ﮔﺌﯽ
—
چاندنی میں سایہ ہائے کاخ و کو میں گھومیے
پھر کسی کو چاہنے کی آرزو میں گھومیے
—
سفر ﮐﯽ ﻣﻮﺝ ﻣﯿﮟ ﺗﮭﮯ ﻭﻗﺖ ﮐﮯ ﻏﺒﺎﺭ ﻣﯿﮟ ﺗﮭﮯ
ﻭﮦ ﻟﻮﮒ ﺟﻮ ﺍﺑﮭﯽ ﺍﺱ ﻗﺮﯾۂ ﺑﮩﺎﺭ ﻣﯿﮟ ﺗﮭﮯ
—
سپردگی میں بھی اک رمز خود نگہ داری
وہ میرے دل سے مرے واسطے نہیں گزرے
—
میں ایک پل کے رنج فراواں میں کھو گیا
مرجھا گئے زمانے مرے انتظار میں
—
نگہ اٹھی تو زمانے کے سامنے ترا روپ
پلک جھکی تو مرے دل کے روبرو ترا غم
—
کیا روپ دوستی کا کیا رنگ دشمنی کا
کوئی نہیں جہاں میں کوئی نہیں کسی کا
—
یہ کیا طلسم ہے یہ کس کی یاسمیں بانہیں
چھڑک گئی ہیں جہاں در جہاں گلاب کے پھول
—
ﺿﻤﯿﺮ ﺧﺎﮎ ﻣﯿﮟ ﺧﻔﺘﮧ ﮨﮯ ﻣﯿﺮﺍ ﺩﻝ ﺍﻣﺠﺪؔ
ﮐﮧ ﻧﯿﻨﺪ ﻣﺠﮫ ﮐﻮ ﻣﻠﯽ ﺧﻮﺍﺏ ﺭﻓﺘﮕﺎﮞ ﮐﮯ ﻟﺌﮯ
—
ﮨﻮﺍ ﮐﮯ ﺳﺎﯾﻮﮞ ﻣﯿﮟ ﮨﺠﺮ ﺍﻭﺭ ﮨﺠﺮﺗﻮﮞ ﮐﮯ ﻭﮦ ﺧﻮﺍﺏ
ﻣﯿﮟ ﺍﭘﻨﮯ ﺩﻝ ﻣﯿﮟ ﻭﮦ ﺳﺐ ﻣﻨﺰﻟﯿﮟ ﺳﺠﺎ ﺭﮐﮭﺘﺎ
—
ﺍﻣﺠﺪؔ ﺍﻥ ﺍﺷﮏ ﺑﺎﺭ ﺯﻣﺎﻧﻮﮞ ﮐﮯ ﻭﺍﺳﻄﮯ
ﺍﮎ ﺳﺎﻋﺖِ ﺑﮩﺎﺭ ﮐﺎ ﻧﺬﺭﺍﻧﮧ ﭼﺎﮨﺌﮯ
—
ﺑﻨﮯ ﯾﮧ ﺯﮨﺮ ﮨﯽ ﻭﺟﮧ ﺷﻔﺎ ﺟﻮ ﺗﻮ ﭼﺎﮨﮯ
ﺧﺮﯾﺪ ﻟﻮﮞ ﻣﯿﮟ ﯾﮧ ﻧﻘﻠﯽ ﺩﻭﺍ ﺟﻮ ﺗﻮ ﭼﺎﮨﮯ
—
ﭼﮩﺮﮦ ﺍﺩﺍﺱ ﺍﺩﺍﺱ ﺗﮭﺎ ﻣﯿﻼ ﻟﺒﺎﺱ ﺗﮭﺎ
ﮐﯿﺎ ﺩﻥ ﺗﮭﮯ ﺟﺐ ﺧﯿﺎﻝ ﺗﻤﻨﺎ ﻟﺒﺎﺱ ﺗﮭﺎ
—
روش ﺭﻭﺵ ﭘﮧ ﮨﯿﮟ ﻧﮑﮩﺖ ﻓﺸﺎﮞ ﮔﻼﺏ ﮐﮯ ﭘﮭﻮﻝ
ﺣﺴﯿﮟ ﮔﻼﺏ ﮐﮯ ﭘﮭﻮﻝ ﺍﺭﻏﻮﺍﮞ ﮔﻼﺏ ﮐﮯ ﭘﮭﻮﻝ
—
ہر وقت فکر مرگِ غریبانہ چاہئے
صحت کا ایک پہلو مریضانہ چاہئے
—
ﮐﭩﯽ ﮨﮯ ﻋﻤﺮ ﺑﮩﺎﺭﻭﮞ ﮐﮯ ﺳﻮﮒ ﻣﯿﮟ ﺍﻣﺠﺪؔ
ﻣﺮﯼ ﻟﺤﺪ ﭘﮧ ﮐﮭﻠﯿﮟ ﺟﺎﻭﺩﺍﮞ ﮔﻼﺏ ﮐﮯ ﭘﮭﻮﻝ
●•●┄─┅━━━★✰★━━━┅─●•●
مجید امجدؔ
انتخاب : اعجاز زیڈ ایچ
