آج معروف شاعر ڈاکٹر محمد دین تاثیرؔ کا یومِ وفات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
28 فروری 1902ء کو ڈاکٹر تاثیرقصبہ اجنالہ امرتسر میں پیدا ہوئے۔
ایم اے تک تعلیم لاہور سے حاصل کی اور پھر کیمبرج سے انگریزی میں پی ایچ ڈی کی‘
وہ یہ اعزاز حاصل کرنے والے پہلے ہندوستانی تھے۔
ڈاکٹر تاثیر ایک طویل عرصے تک درس و تدریس کے شعبے سے وابستہ رہے۔
وفات کے وقت وہ اسلامیہ کالج لاہور کے پرنسپل تھے۔
وہ ایک اچھے غزل گو تھے۔ ان کا ایک مشہور شعر ہے:
داور حشر! مرا نامہ اعمال نہ دیکھ
اس میں کچھ پردہ نشینوں کے بھی نام آتے ہیں
ڈاکٹر تاثیر اردو میں آزاد نظم کے بانیوں میں شمار ہوتے ہیں۔ان کی شاعری کا مجموعہ آتش کدہ اور نثری مجموعے مقالات تاثیر اور نثر تاثیر ۔
30 نومبر 1950ء کوڈاکٹر محمد دین تاثیر نے وفات پائی۔
۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام
ﻏﯿﺮ ﮐﮯ ﺧﻂ ﻣﯿﮟ ﻣﺠﮭﮯ ﺍﻥ ﮐﮯ ﭘﯿﺎﻡ ﺁﺗﮯ ﮨﯿﮟ
ﮐﻮﺋﯽ ﻣﺎﻧﮯ ﯾﺎ ﻧﮧ ﻣﺎﻧﮯ ﻣﺮﮮ ﻧﺎﻡ ﺁﺗﮯ ﮨﯿﮟ
ﻋﺎﻓﯿﺖ ﮐﻮﺵ ﻣﺴﺎﻓﺮ ﺟﻨﮩﯿﮟ ﻣﻨﺰﻝ ﺳﻤﺠﮭﯿﮟ
ﻋﺸﻖ ﮐﯽ ﺭﺍﮦ ﻣﯿﮟ ﺍﯾﺴﮯ ﺑﮭﯽ ﻣﻘﺎﻡ ﺁﺗﮯ ﮨﯿﮟ
ﺍﺏ ﻣﺮﮮ ﻋﺸﻖ ﭘﮧ ﺗﮩﻤﺖ ﮨﮯ ﮨﻮﺱ ﮐﺎﺭﯼ ﮐﯽ
ﻣﺴﮑﺮﺍﺗﮯ ﮨﻮﺋﮯ ﺍﺏ ﻭﮦ ﻟﺐ ﺑﺎﻡ ﺁﺗﮯ ﮨﯿﮟ
ﺍﺏ ﻧﺌﮯ ﺭﻧﮓ ﮐﮯ ﺻﯿﺎﺩ ﮨﯿﮟ ﺍﺱ ﮔﻠﺸﻦ ﻣﯿﮟ
ﺻﯿﺪ ﮐﮯ ﺳﺎﺗﮫ ﺟﻮ ﺑﮍﮪ ﮐﮯ ﺗﮧ ﺑﺎﻡ ﺁﺗﮯ ﮨﯿﮟ
ﺩﺍﻭﺭ ﺣﺸﺮ ﻣﺮﺍ ﻧﺎﻣۂ ﺍﻋﻤﺎﻝ ﻧﮧ ﺩﯾﮑﮫ
ﺍﺱ ﻣﯿﮟ ﮐﭽﮫ ﭘﺮﺩﮦ ﻧﺸﯿﻨﻮﮞ ﮐﮯ ﺑﮭﯽ ﻧﺎﻡ ﺁﺗﮯ ﮨﯿﮟ
ﺟﻦ ﮐﻮ ﺧﻠﻮﺕ ﻣﯿﮟ ﺑﮭﯽ ﺗﺎﺛﯿﺮؔ ﻧﮧ ﺩﯾﮑﮭﺎ ﺗﮭﺎ ﮐﺒﮭﯽ
ﻣﺤﻔﻞ ﻏﯿﺮ ﻣﯿﮟ ﺍﺏ ﻭﮦ ﺳﺮ ﻋﺎﻡ ﺁﺗﮯ ﮨﯿﮟ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری وفائیں یاد کرو گے
روؤ گے ، فریاد کرو گے
مجھ کو تو برباد کیا ہے
اور کسے برباد کرو گے
ہم بھی ہنسیں گے تم پر اک دن
تم بھی کبھی فریاد کرو گے
محفل کی محفل ہے غمگیں
کس کس کا دل شاد کرو گے
دشمن تک کو بھول گئے ہو
مجھ کو تم کیا یاد کرو گے
ختم ہوئی دشنام طرازی
یا کچھ اور ارشاد کرو گے
جا کر بھی ناشاد کیا تھا
آ کر بھی ناشاد کرو گے
چھوڑو بھی تاثیر کی باتیں
کب تک اس کو یاد کرو گے
۔۔۔۔۔۔۔۔۔۔۔۔۔۔۔۔۔۔
حضور یار بھی آنسو نکل ہی آتے ہیں
کچھ اختلاف کے پہلو نکل ہی آتے ہیں
مزاج ایک نظر ایک دل بھی ایک سہی
معاملات من و تو نکل ہی آتے ہیں
ہزار ہم سخنی ہو ہزار ہم نظری
مقام جنبش ابرو نکل ہی آتے ہیں
ھناۓ ناخن پا ہو کہ حلقہء سر زلف
چھپاؤ بھی تو یہ جادو نکل ہی آتے ہیں
جناب شیخ وضو کے لیے سہی لیکن
کسی بہانے لب جو نکل ہی آتے ہیں
متاع عشق وہ آنسو جو دل میں ڈوب گۓ
زمیں کا رزق جو آنسو نکل ہی آتے ہیں
۔۔۔۔۔۔۔۔۔۔۔۔۔۔۔۔۔۔
داغ سینے پہ جو ہمارے ہیں
گل کھلاۓ ہوۓ تمھارے ہیں
ربط ہے حسن و عشق میں باہم
ایک دریا کے دو کنارے ہیں
کوئی جدت نہیں حسینوں میں
سب نے نقشے ترے اتارے ہیں
تیری باتیں ہیں کس قدر شیریں
تیرے لب کیسے پیارے پیارے ہیں
جس طرح ہم نے راتیں کاٹی ہیں
اس طرح ہم نے دن گزارے ہیں
۔۔۔۔۔۔۔۔۔۔۔۔۔۔۔۔
نظم
رس بھرے ہونٹ
پھول سے ہلکے
جیسے بلور کی صراحی میں
بادہء آتشیں نفس چھلکے
جیسے نرگس کی گول آنکھوں سے
ایک شبنم کا ارغواں قطرہ
شفق صبح سے درخشندہ
دھیرے دھیرے سنبھل سنبھل ڈھلکے
رس بھرے ہونٹ یوں لرزتے ہیں ۔۔۔۔۔!
یوں لرزتے ہیں جس طرح کوئی
رات دن کا تھکا ہوا راہی
پاؤں چھلنی نگاہ متزلزل
وقت صحراۓ بیکراں کہ جہاں
سنگ منزل نما نہ آج نہ کل۔۔۔۔۔
دفعتاً دور ۔۔۔ دور ۔۔۔۔۔ آنکھ سے دور
شفق شام کی ساہی میں
قلب کی آرزو نگاہی میں
فرش سے عرش تک جھلک اٹھے
ایک دھوکا ۔۔۔۔ سراب ۔۔۔۔۔ منبع نور ۔۔۔۔۔۔!
رس بھرے ہونٹ دیکھ کر تاثیرؔ
رات دن کے تھکے ہوۓ راہی
یوں ترستے ہیں ، یوں لرزتے ہیں ۔۔۔۔۔۔!
۔۔۔۔۔۔۔۔۔۔۔۔۔۔۔۔۔۔۔۔۔۔
