آج – 30؍اپریل 1939
سرائیکی ناول نگار، محقق، ادیب اور معروف شاعر” اسلمؔ انصاری صاحب “ کا یومِ ولادت…
ﻧﺎﻡ ﻣﺤﻤﺪ ﺍﺳﻠﻢ ﺍﻧﺼﺎﺭﯼ ﺍﻭﺭ ﺗﺨﻠﺺ ﺍﺳﻠﻢؔ ﮨﮯ۔ ۳۰؍ﺍﭘﺮﯾﻞ ۱۹۳۹ﺀ ﮐﻮ ﻣﻠﺘﺎﻥ ﻣﯿﮟ ﭘﯿﺪ ﺍﮨﻮﺋﮯ۔ ﮔﻮﺭﻧﻤﻨﭧ ﮐﺎﻟﺞ، ﻣﻠﺘﺎﻥ ﻣﯿﮟ ﺍﺳﺴﭩﻨﭧ ﭘﺮﻭﻓﯿﺴﺮ ﮐﮯ ﻋﮩﺪﮮ ﭘﺮ ﻓﺎﺋﺰ ﺭﮨﮯ۔ ﺍ ﻥ ﮐﯽ ﺗﺼﺎﻧﯿﻒ ﮐﮯ ﻧﺎﻡ ﯾﮧ ﮨﯿﮟ ’’( ﺧﻮﺍﺏ ﻭ ﺁﮔﮩﯽ)‘‘ ﻣﻨﻈﻮﻣﺎﺕ ) ، ’’ ﺍﻗﺒﺎﻝ ﻋﮩﺪ ﺁﻓﺮﯾﮟ ‘‘ ، ’’ ﮐﺎﻓﯿﺎﺕ )‘‘ ﺧﻮﺍﺟﮧ ﻓﺮﯾﺪ ﮐﯽ ﮐﺎﻓﯿﻮﮞ ﮐﺎ ﻣﻨﻈﻮﻡ ﺗﺮﺟﻤﮧ ) ۔
ﺑﺤﻮﺍﻟۂ : ﭘﯿﻤﺎﻧۂ ﻏﺰﻝ ( ﺟﻠﺪ ﺩﻭﻡ ) ،ﻣﺤﻤﺪ ﺷﻤﺲ ﺍﻟﺤﻖ،ﺻﻔﺤﮧ
پیشکش : اعجاز زیڈ ایچ
✧◉➻══════════════➻◉✧
معروف شاعر اسلمؔ انصاری کے یومِ ولادت پر منتخب اشعار بطورِ خراجِ عقیدت…
ﮐﺴﮯ ﮐﮩﯿﮟ ﮐﮧ ﺭﻓﺎﻗﺖ ﮐﺎ ﺩﺍﻍ ﮨﮯ ﺩﻝ ﭘﺮ
ﺑﭽﮭﮍﻧﮯ ﻭﺍﻻ ﺗﻮ ﮐﮭﻞ ﮐﺮ ﮐﺒﮭﯽ ﻣﻼ ﮨﯽ ﻧﮧ ﺗﮭﺎ
—
ﺧﻔﺎ ﻧﮧ ﮨﻮ ﮐﮧ ﺗﺮﺍ ﺣﺴﻦ ﮨﯽ ﮐﭽﮫ ﺍﯾﺴﺎ ﺗﮭﺎ
ﻣﯿﮟ ﺗﺠﮫ ﺳﮯ ﭘﯿﺎﺭ ﻧﮧ ﮐﺮﺗﺎ ﺗﻮ ﺍﻭﺭ ﮐﯿﺎ ﮐﺮﺗﺎ
—
ﺁﺋﯿﻨﮧ ﺧﺎﻧۂ ﻋﺎﻟﻢ ﻣﯿﮟ ﮐﮭﮍﺍ ﺳﻮﭼﺘﺎ ﮨﻮﮞ
ﻣﯿﮟ ﻧﮧ ﮨﻮﺗﺎ ﺗﻮ ﯾﮩﺎﮞ ﮐﻮﻥ ﺳﺎ ﭼﮩﺮﮦ ﮨﻮﺗﺎ
—
ﮨﻮﺍ ﮐﯽ ﺑﮯ ﺭﻧﮓ ﺗﺨﺘﯿﻮﮞ ﭘﺮ ﺻﺪﺍ ﮐﯽ ﺗﺤﺮﯾﺮ ﮐﯿﺎ ﺍﺑﮭﺎﺭﯾﮟ
ﺳﮑﻮﺕ ﮐﮯ ﺑﮯ ﻧﺸﺎﮞ ﮐﮭﻨﮉﺭ ﻣﯿﮟ ﭼﺮﺍﻍ ﺁﻭﺍﺯ ﮐﯿﺎ ﺟﻼﺋﯿﮟ
—
ﺍﮌﺍ ﮨﮯ ﺭﻓﺘﮧ ﺭﻓﺘﮧ ﺭﻧﮓ ﺗﺼﻮﯾﺮ ﻣﺤﺒﺖ ﮐﺎ
ﮨﻮﺋﯽ ﮨﮯ ﺭﺳﻢِ ﺍﻟﻔﺖ ﺑﮯ ﻭﻗﺎﺭ ﺁﮨﺴﺘﮧ ﺁﮨﺴﺘﮧ
—
ﺟﺎﻧﮯ ﻭﺍﻟﮯ ﮐﻮ ﮐﮩﺎﮞ ﺭﻭﮎ ﺳﮑﺎ ﮨﮯ ﮐﻮﺋﯽ
ﺗﻢ ﭼﻠﮯ ﮨﻮ ﺗﻮ ﮐﻮﺋﯽ ﺭﻭﮐﻨﮯ ﻭﺍﻻ ﺑﮭﯽ ﻧﮩﯿﮟ
—
ﺟﺴﮯ ﺩﺭﭘﯿﺶ ﺟﺪﺍﺋﯽ ﮨﻮ ﺍﺳﮯ ﮐﯿﺎ ﻣﻌﻠﻮﻡ
ﮐﻮﻥ ﺳﯽ ﺑﺎﺕ ﮐﻮ ﮐﺲ ﻃﺮﺡ ﺑﯿﺎﮞ ﮨﻮﻧﺎ ﮨﮯ
—
ﺩﯾﻮﺍﺭِ ﺧﺴﺘﮕﯽ ﮨﻮﮞ ﻣﺠﮭﮯ ﮨﺎﺗﮫ ﻣﺖ ﻟﮕﺎ
ﻣﯿﮟ ﮔﺮ ﭘﮍﻭﮞ ﮔﺎ ﺩﯾﮑﮫ ﻣﺠﮭﮯ ﺁﺳﺮﺍ ﻧﮧ ﺩﮮ
—
ﺫﺭﺍ ﺳﯽ ﺑﺎﺕ ﭘﮧ ﮐﯿﺎ ﮐﯿﺎ ﻓﺴﺎﻧﮧ ﺳﺎﺯﯼ ﮨﮯ
ﻣﯿﮟ ﺧﻮﺩ ﺑﮭﯽ ﭼﺎﮨﺘﺎ ﮐﺐ ﺗﮭﺎ ﮐﮧ ﺩﺍﺳﺘﺎﮞ ﻧﮧ ﺑﻨﮯ
—
ﮨﻢ ﮐﻮ ﭘﮩﭽﺎﻥ ﮐﮧ ﺍﮮ ﺑﺰﻡ ﭼﻤﻦ ﺯﺍﺭ ﻭﺟﻮﺩ
ﮨﻢ ﻧﮧ ﮨﻮﺗﮯ ﺗﻮ ﺗﺠﮭﮯ ﮐﺲ ﻧﮯ ﺳﻨﻮﺍﺭﺍ ﮨﻮﺗﺎ
—
ﮨﻢ ﻧﮯ ﮨﺮ ﺧﻮﺍﺏ ﮐﻮ ﺗﻌﺒﯿﺮ ﻋﻄﺎ ﮐﯽ ﺍﺳﻠﻢؔ
ﻭﺭﻧﮧ ﻣﻤﮑﻦ ﺗﮭﺎ ﮐﮧ ﮨﺮ ﻧﻘﺶ ﺍﺩﮬﻮﺭﺍ ﮨﻮﺗﺎ
—
ﮨﻤﺎﺭﮮ ﮨﺎﺗﮫ ﻓﻘﻂ ﺭﯾﺖ ﮐﮯ ﺻﺪﻑ ﺁﺋﮯ
ﮐﮧ ﺳﺎﺣﻠﻮﮞ ﭘﮧ ﺳﺘﺎﺭﮦ ﮐﻮﺋﯽ ﺭﮨﺎ ﮨﯽ ﻧﮧ ﺗﮭﺎ
●•●┄─┅━━━★✰★━━━┅─●•●
اسلمؔ انصاری
انتخاب : اعجاز زیڈ ایچ
