آج معروف شاعر ادیب اور نقاد چکبست لکھنوی کا یومِ وفات ہے

شاعر ادیب اور نقاد چکبست لکھنوی 19 جنوری 1882ء میں فیض آباد میں پیدا ہوئے تھے۔ 
اُن کامکمل نام پنڈت برج نارائن چکبست کشمیری برہمن تھا۔ اُن کے بزرگوں کا وطن لکھنو ہے۔
اوائل عمری میں لکھنو آگئے۔ اور رکیتک کالج لکھنو سے 1908ء میں قانون کا امتحان پاس کرکے وکالت کرنے لگے۔ 

9 برس کی عمر سے شعر کہنا شروع کیا۔ کسی استاد کو کلام نہیں دکھایا۔ کثرت مطالعہ اور مشق سے خود ہی اصلاح کرتے رہے۔ کوئی تخلص بھی نہیں رکھا۔ کہیں کہیں لفظ چکبست پر ، جو اُن کی گوت تھی، اکتفا کیا ہے۔ 

غالب ؔ، انیسؔ اور آتش ؔسے متاثر تھے۔ شاعری کی ابتداء غزل سے کی۔ آگے چل کر قومی نظمیں لکھنے لگے۔ انھوں نے سیاسی قومی تحریکات ، مسائل اورسانحوں پر اعلیٰ پائے کی نظمیں لکھیں۔ کئی مرتبہ چکبست نے اپنے دوستوں ،احباب پہ درد مند مرثیے بھی لکھے۔ وہ فقرہ پروری نہیں کرتے تھے اور نہایت دلیری سے اپنے جذبات اور خیالات کا اظہار کرتے تھے۔ لہٰذا ان کی شاعری میں بڑا جمال و کمال ہے۔ نثر میں مولانا شرر سے اُن کا معرکہ مشہور ہے۔ نثر سادہ اور رواں لکھتے تھے۔ایک رسالہ ’ستارۂ صبح‘ بھی جاری کیا تھا۔ 
خشک نوعیت کے موضوعات پر بھی وہ دلچسپ پیرائے قلم اٹھاتے تھے، جو قاری کے ذہن و دل پر اثر چھوڑتا تھا۔ کبھی کبھی ان کی نثری تحرروں میں خطیبانہ رنگ بھی چڑھ جاتا تھا۔ وہ طنزیہ مزاح بھی لکھتے تھے۔ 

چکبست کا مجموعہ کلام ‘‘صبح وطن ‘‘ کے نام سے شائع ہو چکا ہے۔ 

ان کا انتقال 12 فروری1926ء میں جب وہ ایک مقدمے کی پیروی کے سلسلے میں بریلی گئے ہوئے تھے اور پھر لکھنو آنے کے لیے بریلی کے ریلوے سٹیشن پر ریل میں سوار ہوئے تو ان پر فالج کا حملہ ہوا اور چند ہی گھنٹوں بعد سٹیشن پر ان کا انتقال ہوگیا۔  

 ان کے کئی اشعار ضرب المثل کا درجہ رکھتے ہیں۔ خصوصاً ان کا یہ شعر ان کی شناخت سمجھا جاتا ہے:

زندگی کیا ہے، عناصر میں ظہور ترتیب
موت کیا ہے، انہی اجزا کا پریشاں ہونا
۔۔۔۔۔۔۔۔
ﺍﺱ ﮐﻮ ﻧﺎﻗﺪﺭﯼٔ ﻋﺎﻟﻢ ﮐﺎ ﺻﻠﮧ ﮐﮩﺘﮯ ﮨﯿﮟ 
ﻣﺮ ﭼﮑﮯ ﮨﻢ ﺗﻮ ﺯﻣﺎﻧﮯ ﻧﮯ ﺑﮩﺖ ﯾﺎﺩ ﮐﯿﺎ
۔۔۔۔۔۔۔

منتخب کلام
۔۔۔۔۔۔۔۔۔۔۔۔۔۔۔۔۔

دل ہی بجھا ہوا ہو تو لطفِ بہار کیا
ساقی ہے کیا ، شراب ہے کیا، سبزہ زار کیا

یہ دل کی تازگی ہے ، وہ دل کی فسردگی
اس گلشن ِ جہاں کی خزاں کیا بہار کیا

کس کے فسونِ حسن کا دنیا طلسم ہے
ہیں لوح آسماں پہ یہ نقش و نگار کیا

اپنا نفس ہوا ہے گلوگیر وقت نزع
غیروں کا زندگی میں ہو پھر اعتبار کیا

دیکھا سرور بادہء ہستی کا خاتمہ
اب دیکھیں رنگ لائے اجل کا خمار کیا

اب کے تو شام غم کی سیاہی کچھ اور ہے
منظور ہے تجھے مرے پروردگار کیا

دنیا سے لے چلا ہے جو تو حسرتوں کا بوجھ
کافی نہیں ہے سر پہ گناہوں کا بار کیا

جس کی قفس میں آنکھ کھلی ہو مری طرح
اُس کے لئے چمن کی خزاں کیا بہار کیا

کیسا ہوائے حرص میں برباد ہے بشر
سمجھا ہے زندگی کو یہ مشت غبار کیا

خلعت کفن کا ہم تو زمانے سے لے چُکے
اب ہے عروس مرگ تجھے انتظار کیا

بعد فنا فضول ہے نام و نشاں کی فکر
جب ہم نہیں رہے تو رہے گا مزار کیا

اعمال کا طلسم ہے نیرنگ زندگی
تقدیر کیا ہے گردش لیل و نہار کیا

چلتی ہے اس چمن میں ہوا انقلاب کی
شبنم کو آئے دامن گل میں قرار کیا

تفسیر حال زار ہے بس اک نگاہ یاس
ہو داستان ِ درد کا اور اختصار کیا

دونوں کو ایک خاک سے نشوونما ملی
لیکن ہوائے دہر سے گل کیا ہے خار کیا

چھٹکی ہوئی ہے گورغریباں پہ چاندنی
ہے بیکسوں کو فکر چراغ مزار کیا

کچھ گل نہاں ہیں پردہء خاک چمن میں بھی
تازہ کرے گی ان کو ہوائے بہار کیا

راحت طلب کو درد کی لذت نہیں نصیب
تلوؤں میں آبلے جو نہیں لطف خار کیا

خاک وطن میں دامن مادر کا چین ہے
تنگی کنار کی ہے لحد کا فشار کیا

انساں کے بغض جہل سے دنیا تباہ ہے
طوفاں اُٹھا رہا ہے یہ مشت غبار کیا

۔۔۔۔۔۔۔۔۔۔۔۔۔۔۔۔

روشِ خام پہ مردوں کی نہ جانا ہرگز
داغ تعلیم میں اپنی نہ لگانا ہر گز

پرورش قوم کی دامن میں تمہارے ہوگی
یاد اس فرض کی دل سے نہ بھلانا ہرگز

نقل یورپ کی مناسب ہے مگر یاد رہے
خاک میں غیرتِ قومی نہ ملانا ہرگز 

رنگ ہے جن میں مگر بوے وفا کچھ بھی نہیں
ایسے پھولوں سے نہ گھر اپنا سجانا ہرگز

رخ سے پردے کو اُٹھایا تو بہت خوب کیا
پردہء شرم کو دل سے نہ اٹھانا ہرگز

تم کو قدرت نے جو بخشا ہے حیا کا زیور
مول اسکا نہیں قارون کا خزانہ ہرگز

۔۔۔۔۔۔۔۔۔۔۔۔۔۔۔۔۔۔۔

دردِ دل، پاسِ وفا، جذبۂ ایماں ہونا
آدمیّت ہے یہی اور یہی انساں ہونا

زندگی کیا ہے عناصر میں ظہورِ ترتیب
موت کیا ہے، انہیں اجزا کا پریشاں ہونا

ہم کو منظور ہے اے دیدۂ وحدت آگیں
ایک غنچہ میں تماشائے گلستاں ہونا

سر میں سودا نہ رہا پاؤں میں بیڑی نہ رہی
میری تقدیر میں تھا بے سر و ساماں ہونا

دل اسیری میں بھی آزاد ہے آزادوں کا
ولولوں کے لئے ممکن نہیں زنداں ہونا

دفترِ حسن پہ مہرید قدرت سمجھو
پھول کا خاک کے تودہ سے نمایاں ہونا

گل کو پامال نہ کر لعل و گُہر کے مالک
ہے اسے طرۂ دستارِ غریباں ہونا

ہے مرا ضبطِ جنوں، جوشِ جنوں سے بڑھ کر
تنگ ہے میرے لیے چاک گریباں ہونا

ہم اسیروں کی دعا ہے کہ چمن سے اک دن
دیکھتے خانہء صیّاد کا ویراں ہونا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﺍﮔﺮ ﺩﺭﺩ ﻣﺤﺒﺖ ﺳﮯ ﻧﮧ ﺍﻧﺴﺎﮞ ﺁﺷﻨﺎ ﮨﻮﺗﺎ
ﻧﮧ ﮐﭽﮫ ﻣﺮﻧﮯ ﮐﺎ ﻏﻢ ﮨﻮﺗﺎ ﻧﮧ ﺟﯿﻨﮯ ﮐﺎ ﻣﺰﺍ ﮨﻮﺗﺎ

ﺑﮩﺎﺭ ﮔﻞ ﻣﯿﮟ ﺩﯾﻮﺍﻧﻮﮞ ﮐﺎ ﺻﺤﺮﺍ ﻣﯿﮟ ﭘﺮﺍ ﮨﻮﺗﺎ
ﺟﺪﮬﺮ ﺍﭨﮭﺘﯽ ﻧﻈﺮ ﮐﻮﺳﻮﮞ ﺗﻠﮏ ﺟﻨﮕﻞ ﮨﺮﺍ ﮨﻮﺗﺎ

ﻣﺌﮯ ﮔﻞ ﺭﻧﮓ ﻟﭩﺘﯽ ﯾﻮﮞ ﺩﺭ ﻣﮯ ﺧﺎﻧﮧ ﻭﺍ ﮨﻮﺗﺎ
ﻧﮧ ﭘﯿﻨﮯ ﮐﯽ ﮐﻤﯽ ﮨﻮﺗﯽ ﻧﮧ ﺳﺎﻗﯽ ﺳﮯ ﮔﻼ ﮨﻮﺗﺎ

ﮨﺰﺍﺭﻭﮞ ﺟﺎﻥ ﺩﯾﺘﮯ ﮨﯿﮟ ﺑﺘﻮﮞ ﮐﯽ ﺑﮯ ﻭﻓﺎﺋﯽ ﭘﺮ
ﺍﮔﺮ ﺍﻥ ﻣﯿﮟ ﺳﮯ ﮐﻮﺋﯽ ﺑﺎ ﻭﻓﺎ ﮨﻮﺗﺎ ﺗﻮ ﮐﯿﺎ ﮨﻮﺗﺎ

ﺭﻻﯾﺎ ﺍﮨﻞ ﻣﺤﻔﻞ ﮐﻮ ﻧﮕﺎﮦ ﯾﺎﺱ ﻧﮯ ﻣﯿﺮﯼ
ﻗﯿﺎﻣﺖ ﺗﮭﯽ ﺟﻮ ﺍﮎ ﻗﻄﺮﮦ ﺍﻥ ﺁﻧﮑﮭﻮﮞ ﺳﮯ ﺟﺪﺍ ﮨﻮﺗﺎ

ﺧﺪﺍ ﮐﻮ ﺑﮭﻮﻝ ﮐﺮ ﺍﻧﺴﺎﻥ ﮐﮯ ﺩﻝ ﮐﺎ ﯾﮧ ﻋﺎﻟﻢ ﮨﮯ
ﯾﮧ ﺁﺋﯿﻨﮧ ﺍﮔﺮ ﺻﻮﺭﺕ ﻧﻤﺎ ﮨﻮﺗﺎ ﺗﻮ ﮐﯿﺎ ﮨﻮﺗﺎ

ﺍﮔﺮ ﺩﻡ ﺑﮭﺮ ﺑﮭﯽ ﻣﭧ ﺟﺎﺗﯽ ﺧﻠﺶ ﺧﺎﺭ ﺗﻤﻨﺎ ﮐﯽ
ﺩﻝ ﺣﺴﺮﺕ ﻃﻠﺐ ﮐﻮ ﺍﭘﻨﯽ ﮨﺴﺘﯽ ﺳﮯ ﮔﻼ ﮨﻮﺗﺎ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﻧﺌﮯ ﺟﮭﮕﮍﮮ ﻧﺮﺍﻟﯽ ﮐﺎﻭﺷﯿﮟ ﺍﯾﺠﺎﺩ ﮐﺮﺗﮯ ﮨﯿﮟ
ﻭﻃﻦ ﮐﯽ ﺁﺑﺮﻭ ﺍﮨﻞ ﻭﻃﻦ ﺑﺮﺑﺎﺩ ﮐﺮﺗﮯ ﮨﯿﮟ

ﮨﻮﺍ ﻣﯿﮟ ﺍﮌ ﮐﮯ ﺳﯿﺮ ﻋﺎﻟﻢ ﺍﯾﺠﺎﺩ ﮐﺮﺗﮯ ﮨﯿﮟ
ﻓﺮﺷﺘﮯ ﺩﻧﮓ ﮨﯿﮟ ﻭﮦ ﮐﺎﻡ ﺁﺩﻡ ﺯﺍﺩ ﮐﺮﺗﮯ ﮨﯿﮟ

ﻧﯿﺎ ﻣﺴﻠﮏ ﻧﯿﺎ ﺭﻧﮓ ﺳﺨﻦ ﺍﯾﺠﺎﺩ ﮐﺮﺗﮯ ﮨﯿﮟ
ﻋﺮﻭﺱ ﺷﻌﺮ ﮐﻮ ﮨﻢ ﻗﯿﺪ ﺳﮯ ﺁﺯﺍﺩ ﮐﺮﺗﮯ ﮨﯿﮟ

ﻣﺘﺎﻉ ﭘﺎﺱ ﻏﯿﺮﺕ ﺑﻮﺍﻟﮩﻮﺱ ﺑﺮﺑﺎﺩ ﮐﺮﺗﮯ ﮨﯿﮟ
ﻟﺐ ﺧﺎﻣﻮﺵ ﮐﻮ ﺷﺮﻣﻨﺪۂ ﻓﺮﯾﺎﺩ ﮐﺮﺗﮯ ﮨﯿﮟ

ﮨﻮﺍﺋﮯ ﺗﺎﺯﮦ ﭘﺎ ﮐﺮ ﺑﻮﺳﺘﺎﮞ ﮐﻮ ﯾﺎﺩ ﮐﺮﺗﮯ ﮨﯿﮟ
ﺍﺳﯿﺮﺍﻥ ﻗﻔﺲ ﻭﻗﺖ ﺳﺤﺮ ﻓﺮﯾﺎﺩ ﮐﺮﺗﮯ ﮨﯿﮟ

ﺫﺭﺍ ﺍﮮ ﮐﻨﺞ ﻣﺮﻗﺪ ﯾﺎﺩ ﺭﮐﮭﻨﺎ ﺍﺱ ﺣﻤﯿﺖ ﮐﻮ
ﮐﮧ ﮔﮭﺮ ﻭﯾﺮﺍﻥ ﮐﺮ ﮐﮯ ﮨﻢ ﺗﺠﮭﮯ ﺁﺑﺎﺩ ﮐﺮﺗﮯ ﮨﯿﮟ

ﮨﺮ ﺍﮎ ﺧﺸﺖ ﮐﮩﻦ ﺍﻓﺴﺎﻧﮧٔ ﺩﯾﺮﯾﻨﮧ ﮐﮩﺘﯽ ﮨﮯ
ﺯﺑﺎﻥ ﺣﺎﻝ ﺳﮯ ﭨﻮﭨﮯ ﮐﮭﻨﮉﺭ ﻓﺮﯾﺎﺩ ﮐﺮﺗﮯ ﮨﯿﮟ

ﺑﻼﺋﮯ ﺟﺎﮞ ﮨﯿﮟ ﯾﮧ ﺗﺴﺒﯿﺢ ﺍﻭﺭ ﺯﻧﺎﺭ ﮐﮯ ﭘﮭﻨﺪﮮ
ﺩﻝ ﺣﻖ ﺑﯿﮟ ﮐﻮ ﮨﻢ ﺍﺱ ﻗﯿﺪ ﺳﮯ ﺁﺯﺍﺩ ﮐﺮﺗﮯ ﮨﯿﮟ

ﺍﺫﺍﮞ ﺩﯾﺘﮯ ﮨﯿﮟ ﺑﺖ ﺧﺎﻧﮯ ﻣﯿﮟ ﺟﺎ ﮐﺮ ﺷﺎﻥ ﻣﻮﻣﻦ
ﺳﮯ
ﺣﺮﻡ ﮐﮯ ﻧﻌﺮۂ ﻧﺎﻗﻮﺱ ﮨﻢ ﺍﯾﺠﺎﺩ ﮐﺮﺗﮯ ﮨﯿﮟ

ﻧﮑﻞ ﮐﺮ ﺍﭘﻨﮯ ﻗﺎﻟﺐ ﺳﮯ ﻧﯿﺎ ﻗﺎﻟﺐ ﺑﺴﺎﺋﮯ ﮔﯽ
ﺍﺳﯿﺮﯼ ﮐﮯ ﻟﺌﮯ ﮨﻢ ﺭﻭﺡ ﮐﻮ ﺁﺯﺍﺩ ﮐﺮﺗﮯ ﮨﯿﮟ

ﻣﺤﺒﺖ ﮐﮯ ﭼﻤﻦ ﻣﯿﮟ ﻣﺠﻤﻊ ﺍﺣﺒﺎﺏ ﺭﮨﺘﺎ ﮨﮯ
ﻧﺌﯽ ﺟﻨﺖ ﺍﺳﯽ ﺩﻧﯿﺎ ﻣﯿﮟ ﮨﻢ ﺁﺑﺎﺩ ﮐﺮﺗﮯ ﮨﯿﮟ

ﻧﮩﯿﮟ ﮔﮭﭩﺘﯽ ﻣﺮﯼ ﺁﻧﮑﮭﻮﮞ ﻣﯿﮟ ﺗﺎﺭﯾﮑﯽ ﺷﺐ ﻏﻢ
ﮐﯽ
ﯾﮧ ﺗﺎﺭﮮ ﺭﻭﺷﻨﯽ ﺍﭘﻨﯽ ﻋﺒﺚ ﺑﺮﺑﺎﺩ ﮐﺮﺗﮯ ﮨﯿﮟ

ﺗﮭﮑﮯ ﻣﺎﻧﺪﮮ ﻣﺴﺎﻓﺮ ﻇﻠﻤﺖ ﺷﺎﻡ ﻏﺮﯾﺒﺎﮞ ﻣﯿﮟ
ﺑﮩﺎﺭ ﺟﻠﻮۂ ﺻﺒﺢ ﻭﻃﻦ ﮐﻮ ﯾﺎﺩ ﮐﺮﺗﮯ ﮨﯿﮟ

ﺩﻝ ﻧﺎﺷﺎﺩ ﺭﻭﺗﺎ ﮨﮯ ﺯﺑﺎﮞ ﺍﻑ ﮐﺮ ﻧﮩﯿﮟ ﺳﮑﺘﯽ
ﮐﻮﺋﯽ ﺳﻨﺘﺎ ﻧﮩﯿﮟ ﯾﻮﮞ ﺑﮯ ﻧﻮﺍ ﻓﺮﯾﺎﺩ ﮐﺮﺗﮯ ﮨﯿﮟ

ﺟﻨﺎﺏ ﺷﯿﺦ ﮐﻮ ﯾﮧ ﻣﺸﻖ ﮨﮯ ﯾﺎﺩ ﺍﻟٰﮩﯽ ﮐﯽ
ﺧﺒﺮ ﮨﻮﺗﯽ ﻧﮩﯿﮟ ﺩﻝ ﮐﻮ ﺯﺑﺎﮞ ﺳﮯ ﯾﺎﺩ ﮐﺮﺗﮯ ﮨﯿﮟ

ﻧﻈﺮ ﺁﺗﯽ ﮨﮯ ﺩﻧﯿﺎ ﺍﮎ ﻋﺒﺎﺩﺕ ﮔﺎﮦ ﻧﻮﺭﺍﻧﯽ
ﺳﺤﺮ ﮐﺎ ﻭﻗﺖ ﮨﮯ ﺑﻨﺪﮮ ﺧﺪﺍ ﮐﻮ ﯾﺎﺩ ﮐﺮﺗﮯ ﮨﯿﮟ

ﺳﺒﻖ ﻋﻤﺮ ﺭﻭﺍﮞ ﮐﺎ ﺩﻝ ﻧﺸﯿﮟ ﮨﻮﻧﮯ ﻧﮩﯿﮟ ﭘﺎﺗﺎ
ﮨﻤﯿﺸﮧ ﺑﮭﻮﻟﺘﮯ ﺟﺎﺗﮯ ﮨﯿﮟ ﺟﻮ ﮐﭽﮫ ﯾﺎﺩ ﮐﺮﺗﮯ ﮨﯿﮟ

ﺯﻣﺎﻧﮧ ﮐﺎ ﻣﻌﻠﻢ ﺍﻣﺘﺤﺎﮞ ﺍﻥ ﮐﺎ ﻧﮩﯿﮟ ﮐﺮﺗﺎ
ﺟﻮ ﺁﻧﮑﮭﯿﮟ ﮐﮭﻮﻝ ﮐﺮ ﯾﮧ ﺩﺭﺱ ﮨﺴﺘﯽ ﯾﺎﺩ ﮐﺮﺗﮯ
ﮨﯿﮟ

ﺍﺩﺏ ﺗﻌﻠﯿﻢ ﮐﺎ ﺟﻮﮨﺮ ﮨﮯ ﺯﯾﻮﺭ ﮨﮯ ﺟﻮﺍﻧﯽ ﮐﺎ
ﻭﮨﯽ ﺷﺎﮔﺮﺩ ﮨﯿﮟ ﺟﻮ ﺧﺪﻣﺖ ﺍﺳﺘﺎﺩ ﮐﺮﺗﮯ ﮨﯿﮟ

ﻧﮧ ﺟﺎﻧﯽ ﻗﺪﺭ ﺗﯿﺮﯼ ﻋﻤﺮ ﺭﻓﺘﮧ ﮨﻢ ﻧﮯ ﮐﺎﻟﺞ ﻣﯿﮟ
ﻧﮑﻞ ﺁﺗﮯ ﮨﯿﮟ ﺁﻧﺴﻮ ﺍﺏ ﺗﺠﮭﮯ ﺟﺐ ﯾﺎﺩ ﮐﺮﺗﮯ ﮨﯿﮟ

۔۔۔۔۔۔۔۔۔۔۔۔۔۔۔۔۔۔۔۔۔۔۔

بشکریہ خالد محمود