سوانحی خاکہ
قلمی نام : ڈاکٹر مہر عبدالحق سومرہ
نام والد : مہر نور محمد سمرا
پیدائش : یکم جون 1915ء لیہ، پنجاب، پاکستان
وفات : 23 فروری 1995ء ملتان، پاکستان
پیشہ : محقق، ماہرِ لسانیات، نقاد، مترجم
نسل : پنجابی، سومرہ
تعلیم : ایم اے (اردو)، پی ایچ ڈی
مادر علمی : پنجاب یونیورسٹی اورئنٹل کالج، لاہور
اصناف : تحقیق، تاریخ، لسانیات، ترجمہ
۔۔۔۔۔۔۔۔۔۔۔۔
ڈاکٹر مہر عبدالحق سومرہ پاکستان سے تعلق رکھنے والے سرائیکی اور اردو کے ممتاز محقق، ماہرِ لسانیات، نقاد اور مترجم تھے، جو اپنی کتاب ملتانی زبان اور اس کا اردو سے تعلق اور قرآن پاک کا سرائیکی ترجمہ کی وجہ سے مشہور و معروف ہیں۔ اس کے علاوہ آپ کی مشہور تصنیف ہندو صنمیات ہے۔ یہ کتاب اردو زبان میں ہندومت کے دیوتاؤں کے تفصیلی تعارف پر مشتمل ہے۔
مہر عبدالحق سومرو یکم جون 1915 کو لیہ میں پیدا ہوئے تھے۔ڈاکٹر مہر عبدالحق سومرہ نے 1930ء میں میٹرک کیا، 1932ء میں ایف اے ایس ای کالج بہاولپور، بی اے ایمرسن کالج، ملتان اور 1950ء میں ایم اے (اردو) کی ڈگری حاصل کی۔ 1957ء میں پنجاب یونیورسٹی اورئنٹل کالج لاہور سے ڈاکٹر سید محمد عبداللہ کی نگرانی میں "مُلتانی زبان اور اُس کا اُردو سے تعلق" کے نام سے مقالہ لکھ کر پی ایچ ڈی کی ڈگری حاصل کی۔
تعلیم مکمل کرنے کے بعد انہوں نے محکمہ تعلیم میں ملازمت اختیار کر لی، جہاں وہ مختلف عہدوں پر کام کرتے رہے۔ وہ 1970ء میں ملازمت سے ریٹائر ہوئے ۔
ڈاکٹر مہر عبدالحق سومرو کی تصانیف میں سرائیکی لوک گیت، ملتانی زبان اور اس کا اردو سے تعلق، کونین دا والی، سرائیکی زبان دے قاعدے قانون، لغات فریدی، سرائیکی دیاں مزید لسانی تحقیقاں، فرد فرید اور تراجم میں جاوید نامہ اقبال، رباعیات عمر خیام، کلام خواجہ فرید، قصیدہ بردہ شریف اور سب سے بڑھ کر قرآن پاک کا سرائیکی ترجمہ شامل ہے۔ اس ترجمے پر 1981ء میں انہیں حکومت پاکستان نے خصوصی اعزاز سے نوازا تھا۔
حکومت پاکستان نے 14 اگست 1994ء میں ڈاکٹر مہر عبدالحق سومرہ کو ان کی ادبی خدمات کے اعتراف کے طور پر صدارتی تمغہ برائے حسن کارکردگی عطا کیا۔ 1969ء میں انہیں داؤد ادبی انعام اور 1987ء میں اکادمی ادبیات پاکستان کا خواجہ فرید ایوارڈ سے بھی نوازا گیا۔
تصانیف :
• قرآن پاک کا سرائیکی ترجمہ
• سرائیکی لوک گیت
• ملتانی زبان اور اس کا اردو سے تعلق
• کونین دا والی
• سرائیکی زبان دے قاعدے قانون
• لغات فریدی
• سرائیکی دیاں مزید لسانی تحقیقاں
• فرد فرید
• تھل
•جاوید نامہ اقبال (ترجمہ)
• رباعیات عمر خیام (ترجمہ)
• کلام خواجہ فرید (ترجمہ)
• قصیدہ بردہ شریف (ترجمہ)
• (بہ زبان انگریزی) The Sumra
ڈاکٹر مہر عبدالحق سومرہ 23 فروری 1995ء کو ملتان میں وفات پا گئے ۔
ڈاکٹر مہرعبدالحق کی زیرنگرانی لکھے گئے پی ایچ ڈی کے مقالات :
• مُلتان کی ادبی و تہذیبی زندگی میں صوفیائے کرام کا حصہ (دسویں صدی ہجری کے بعد اردو ادب کی تخصیص کے ساتھ) ، ڈاکٹر روبینہ ترین . بہاءالدین زکریا یونیورسٹی. مُلتان 1986ء
ڈاکٹر مہر عبدالحق پر لکھے گئے مقالات :
مقالات ایم اے
• ڈاکٹر مہر عبدالحق- شخصیت اور فن، امِ کلثوم نگران ڈاکٹر روبینہ ترین، بہاءالدین زکریا یونیورسٹی. ملتان ،1988ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتخاب و پیشکش
نیرہ نور خالد
