آج اردو کے ممتاز صحافی ، کالم نگار ، افسانہ نگار ،نقاد ، محقق اور خوبصورت شاعر فارغ بخاری کا یوم وفات ہے
۔۔۔۔۔۔۔۔۔۔۔۔۔۔۔۔۔۔۔
تاریخ پیدائش : 11 نومبر 1917ء
تاریخ وفات : 13 اپریل 1997ء
۔۔۔۔۔۔۔۔۔۔۔۔
فارغ بخاری کا اصل نام سید میر احمد شاہ تھا اور وہ پشاور میں 11 نومبر 1917ء کو پیدا ہوئے تھے۔ابتدا ہی سے ادب کے ترقی پسند تحریک سے وابستہ رہے اور اس سلسلے میں انہوں نے قید و بند کی صعوبتیں بھی برداشت کی۔ انہوں نے رضا ہمدانی کے ہمراہ پشتو زبان و ادب اور ثقافت کے فروغ کے لئے بیش بہا کام کیا۔
ان کی مشترکہ تصانیف میں ادبیات سرحد، پشتو لوک گیت، سرحد کے لوک گیت، پشتو شاعری اور پشتو نثر شامل ہیں۔
ان کے شعری مجموعوں میں زیرو بم، شیشے کے پیراہن، خوشبو کا سفر، پیاسے ہاتھ، آئینے صدائوں کے اور غزلیہ کے نام سرفہرست تھے۔
ان کی نثری کتب میں شخصی خاکوں کے دو مجموعے البم، مشرقی پاکستان کا رپورتاژ، برات عاشقاں اور خان عبدالغفار خان کی سوانح عمری باچا خان شامل ہیں۔۔
آپ انجمن ترقی اردو پشاور کے نائب صدر بھی رھے۔ پاکستان رائیٹرز گلڈ حلقۂ پشاور کے بنیادی رکن اور مرکزی مجلسِ عاملہ رائیٹرز گلڈ پاکستان کے ممبر تھے ۔ پشاور یونیورسٹی میں ڈاکٹر ضیاء الرحمٰن نے فارغ بخاری احوال و آثار کے عنوان سے پی ایچ ڈی کیلئے مقالہ لکھا ۔ اور اورنگ زیب شیرازی نے فارغ بکاری بطور خاکہ نگار کے عنوان سے ایم اے کیلئے مقالہ لکھا ۔۔۔۔۔۔
ظالموحساب دو خون کا جواب دو‘‘۔
اس نظم کی تخلیق کے بارے میں خود فارغ بخاری نے اپنی سوانح حیات ''مسافتیں میں لکھا ہے جسے انکی وفات کے بعد انکی انقلابی فکر کے وارث بیٹے قمر عباس نے ایامِ اسیری کے دوران جون 1997 میں سنٹرل جیل پشاور میں مکمل کی اور پھر شائع کروایا۔
۔۔۔۔۔۔۔۔۔۔۔
فارغ بخاری لکھتے ہیں۔
۔۔۔۔۔۔۔۔۔۔۔۔۔۔۔۔
‘‘ ایوبی مارشل لا کے دوران بھٹو کی تحریک شروع ہوئی تو میں نے مارشل لا کے خلاف لکھنا شروع کیا۔ جنرل شیر علی خان ان دنوں وزیر اطلاعات تھے اور پیپلز پارٹی کا نوجوان شیر دل رہنما حق نواز گنڈا پور شہید کر دیا گیا۔ پورے ملک میں چرچا تھا کہ اسے حکومت نے مروایا ہے۔ میں نے ایسے میں ارشاد راؤ کے ادبی مجلے ‘‘ الفتح‘‘ میں یہ نظم لکھی تھی جس پر مجھے قید کر لیا گیا،رسالہ ضبط ہو گیا اور فوجی عدالت نے مجھے ایک سال قید بامشقت کی سزا سنائی‘‘
گنڈا پور کا لہو رائیگاں نہ جائے گا
بے گناہ کا خون ہے اپنا رنگ لائے گا
ایک دن ضرور یہ کوئی گُل کھلائے گا
بانیانِ ظلم کو خاک میں ملائے گا
قاتلو حساب دو خون کا جواب دو
۔۔۔۔۔۔۔۔۔۔۔۔۔۔
ناصر و ظہیر کا مولوی فقیر کا
سانگھڑ کبیر کا جنگِ کاشمیر کا
حاکمِ شریر کا شیر علی وزیر کا
ایک ایک زخم کا ایک ایک تیر کا
قاتلو حساب دو خون کا جواب دو
۔۔۔۔۔۔۔۔۔۔۔۔۔۔
قوم کے عتاب سے بچ کے جاؤ گے کہاں
حشرِ احتساب سے بچ کے جاؤ گے کہاں
قاتلو حساب سے بچ کے جاؤ گے کہاں
خونی انقلاب سے بچ کے جاؤ گے کہاں
قاتلو حساب دو خون کا جواب دو
۔۔۔۔۔۔۔۔۔۔۔۔۔۔
راستوں کے پیچ و خم کوئی دن کی بات ہے
کھُل رہے گا یہ بھرم کوئی دن کی بات ہے
یہ جفائیں یہ ستم کوئی دن کی بات ہے
فیصلہ کریں گے ہم کوئی دن کی بات ہے
قاتلو حساب دو خون کا جواب دو
۔۔۔۔۔۔۔۔۔۔۔۔۔۔
فارغ بخاری کی زندگی اور شاعری کا محور انقلاب،غریب اور مظلوم کی آواز اور فکر یزیدی کا پردہ چاک کرنے کے خلاف رہا ہے اور وہ ہر دور میں اپنے اسی شعر کی تصویر نظر آئے۔
قتل گاہوں سے عَلَم کون چُنے
سب ہیں لاشے ہی اٹھانے والے
فارغ بخاری کا انتقال 13 اپریل 1997ء کو پشاورمیں ہوا اور وہ پشاور ہی میں آسودۂ خاک ہوئے۔
۔۔۔۔۔۔۔۔۔۔۔۔۔۔۔۔۔۔۔۔
کتابیات
خوشحال خان کے افکار
پشتو شاعری ۔ 1966ء
رحمان بابا کے افکار ۔
پٹھانوں کے ارمان
آیاتِ زندگی ۔ 1945
عورت کا گناہ
باچا خان
اٹک کے اس پار
پشتو لوک گیت
بے چہرہ سوال ۔ 1986ء نظمیں
غزلیہ ۔ 1983۔ غزلیں ۔
ادبیات سرحد ۔
البم ۔ 1978 ء ۔ ترقی پسند مصنفین کے خاکے
جرات عاشقاں
شیشے کا پیراھن
خوشبو کا سفر
پیاسے ھاتھ
زیر و بم ۔ 1952ء شاعری
منتخب کلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب درد جگر میں ہوتا ہے تو دوا دیتے ہیں
رک جاتی ہیں جب نبضیں تو دُعا دیتے ہیں
کوئی پوچھے تو سہی اِن چارہ گروں سے فارغ
جب دل سے دھواں اُٹھے تو کیا دیتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جس دیوانے نے جس عہد میں بھی حق کا اظہار کیا ہے
باطل کی اندھی طاقت نے اس کو وقف دار کیا ہے
اے مجھ پر انساں کی محبت کا الزام لگانے والو
اِس محبُوب گنہ سے آخر میں نے کب انکار کیا ہے
دیکھ فقیہہ شہر مجھے مذہب سے کوئی بَیر نہیں ہے
سچ پوچھے تو تیری غلط تاویلوں نے بیزار کیا ہے
ایسے جانبدار خدا کی میرے دل میں کیا عظمت ہو
جس نے مجھے مجبور بنایا اور تجھے مختار کیا ہے
آج وہ گلشن میں سستا ہے آج وہ پُھولوں کو ڈستا ہے
جس نے اپنے خون سے اِس ویرانے کو گلزار کیا ہے
اے نمرود عصر ِ حاضر میں ایسا مجرم ہوں جس نے
اپنے جرم کا موت کے شعلوں کی زد میں اقرار کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ترتیب ِ نُو سے بدلا نہ میخانے کا نظام
جو پہلے تشنہ کام تھے اب بھی ہیں تشنہ کام
آئین گلستاں میں تغیرّ یہ کم ہے کیا
کانٹے بنے ہوئے ہیں گل و لالہ کے امام
آزاد زندگی کہاں اپنے نصیب میں
کل انکے تھے غلام تو آج آپ کے غلام
وہ بھی ہیں میری بادہ گساری پہ معترض
اِنسان کے لہو سے ہیں لبریز جن کے جام
ابتک وہی قفس ہے وہی ظلمتوں کا دَور
یہ صبح حریت ہے کہ محکومیتّت کی شام
ذہنوں کے انقلاب سے بنتی ہے زندگی
مردہ خیال و فکر کو دے زیست کا پیام
برسوں کے اضطراب سے جو لٹ چکی ہے اب
اے دست ِ مصلحت اِسی زنجیر کو نہ تھام
انسانیت کے نام پہ جو بھینٹ چڑھ گیا
فارغ ہزار بار ہو اِس روح پر سلام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﮐﭽﮫ ﺍﺏ ﮐﮯ ﺑﮩﺎﺭﻭﮞ ﮐﺎ ﺑﮭﯽ ﺍﻧﺪﺍﺯ ﻧﯿﺎ ﮨﮯ
ﮨﺮ ﺷﺎﺥ ﭘﮧ ﻏﻨﭽﮯ ﮐﯽ ﺟﮕﮧ ﺯﺧﻢ ﮐﮭﻼ ﮨﮯ
ﺩﻭ ﮔﮭﻮﻧﭧ ﭘﻼ ﺩﮮ ﮐﻮﺋﯽ ﻣﮯ ﮨﻮ ﮐﮧ ﮨﻼﮨﻞ
ﻭﮦ ﺗﺸﻨﮧ ﻟﺒﯽ ﮨﮯ ﮐﮧ ﺑﺪﻥ ﭨﻮﭦ ﺭﮨﺎ ﮨﮯ
ﺍﺱ ﺭﻧﺪ ﺳﯿﮧ ﻣﺴﺖ ﮐﺎ ﺍﯾﻤﺎﻥ ﻧﮧ ﭘﻮﭼﮭﻮ
ﺗﺸﻨﮧ ﮨﻮ ﺗﻮ ﻣﺨﻠﻮﻕ ﮨﮯ ﭘﯽ ﻟﮯ ﺗﻮ ﺧﺪﺍ ﮨﮯ
ﮐﺲ ﺑﺎﻡ ﺳﮯ ﺁﺗﯽ ﮨﮯ ﺗﺮﯼ ﺯﻟﻒ ﮐﯽ ﺧﻮﺷﺒﻮ
ﺩﻝ ﯾﺎﺩﻭﮞ ﮐﮯ ﺯﯾﻨﮯ ﭘﮧ ﮐﮭﮍﺍ ﺳﻮﭺ ﺭﮨﺎ ﮨﮯ
ﮐﻞ ﺍﺱ ﮐﻮ ﺗﺮﺍﺷﻮ ﮔﮯ ﺗﻮ ﭘﻮﺟﮯ ﮔﺎ ﺯﻣﺎﻧﮧ
ﭘﺘﮭﺮ ﮐﯽ ﻃﺮﺡ ﺁﺝ ﺟﻮ ﺭﺍﮨﻮﮞ ﻣﯿﮟ ﭘﮍﺍ ﮨﮯ
ﺩﯾﻮﺍﻧﻮﮞ ﮐﻮ ﺳﻮﺩﺍﺋﮯ ﻃﻠﺐ ﮨﯽ ﻧﮩﯿﮟ ﻭﺭﻧﮧ
ﮨﺮ ﺳﯿﻨﮯ ﮐﯽ ﺩﮬﮍﮐﻦ ﮐﺴﯽ ﻣﻨﺰﻝ ﮐﯽ ﺻﺪﺍ ﮨﮯ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻭﮦ ﺭﻭﺯ ﻭ ﺷﺐ ﺑﮭﯽ ﻧﮩﯿﮟ ﮨﮯ ﻭﮦ ﺭﻧﮓ ﻭ ﺑﻮ ﺑﮭﯽ
ﻧﮩﯿﮟ
ﻭﮦ ﺑﺰﻡ ﺟﺎﻡ ﻭ ﺳﺒﻮ ﺑﮭﯽ ﻧﮩﯿﮟ ﻭﮦ ﺗﻮ ﺑﮭﯽ ﻧﮩﯿﮟ
ﻧﮧ ﺩﻝ ﺩﮬﮍﮐﺘﮯ ﮨﯿﮟ ﻣﻞ ﮐﺮ ﻧﮧ ﺁﻧﮑﮭﯿﮟ ﺟﮭﮑﺘﯽ ﮨﯿﮟ
ﻟﮩﻮ ﮐﯽ ﮔﺮﺩﺷﯿﮟ ﺍﺏ ﻣﺜﻞ ﺁﺏ ﺟﻮ ﺑﮭﯽ ﻧﮩﯿﮟ
ﮐﺒﮭﯽ ﮐﺒﮭﯽ ﮐﯽ ﻣﻼﻗﺎﺕ ﺗﮭﯽ ﺳﻮ ﻭﮦ ﺑﮭﯽ ﮔﺌﯽ
ﺗﺮﯼ ﻧﮕﺎﮦ ﮐﺎ ﺭﻧﮓ ﺑﮩﺎﻧﮧ ﺟﻮ ﺑﮭﯽ ﻧﮩﯿﮟ
ﮐﺐ ﺁﻓﺘﺎﺏ ﮈﮬﻠﮯ ﺍﻭﺭ ﭼﺎﻧﺪﻧﯽ ﭼﮭﭩﮑﮯ
ﮐﺴﯽ ﮐﻮ ﺍﺏ ﯾﮧ ﺳﺮ ﺷﺎﻡ ﺟﺴﺘﺠﻮ ﺑﮭﯽ ﻧﮩﯿﮟ
ﺑﺲ ﺍﺏ ﺗﻮ ﯾﺎﺩ ﺳﮯ ﮨﯽ ﺯﻧﺪﮔﯽ ﻋﺒﺎﺭﺕ ﮨﮯ
ﮐﮩﺎﮞ ﮐﺎ ﻭﻋﺪﮦ ﮐﮧ ﻣﻠﻨﮯ ﮐﯽ ﺁﺭﺯﻭ ﺑﮭﯽ ﻧﮩﯿﮟ
ﮐﮧ ﺟﯿﺴﮯ ﺑﮭﯿﮕﮯ ﭘﺮﻭﮞ ﺳﮯ ﺍﮌﺍﻧﯿﮟ ﭼﮭﻦ ﺟﺎﺋﯿﮟ
ﺩﻟﻮﮞ ﮐﯽ ﺳﻮﺯﺵ ﺑﮯ ﻧﺎﻡ ﮐﻮ ﺑﮧ ﮐﻮ ﺑﮭﯽ ﻧﮩﯿﮟ
ﻭﮦ ﺟﺲ ﮐﯽ ﮔﺮﻣﯽ ﻗﯿﺎﻣﺖ ﺍﭨﮭﺎ ﺭﮨﯽ ﺗﮭﯽ ﮐﺒﮭﯽ
ﺍﺳﯽ ﺑﺪﻥ ﮐﺎ ﺟﻮ ﮐﺎﭨﻮ ﺗﻮ ﺍﺏ ﻟﮩﻮ ﺑﮭﯽ ﻧﮩﯿﮟ
ﻟﮕﯽ ﮨﮯ ﺗﯿﺲ ﺑﺮﺱ ﺳﮯ ﮨﻤﺎﺭﮮ ﺧﻮﮞ ﮐﯽ ﺟﮭﮍﯼ
ﻣﮕﺮ ﺍﺑﮭﯽ ﺷﺠﺮ ﺩﺍﺭ ﺳﺮﺥ ﺭﻭ ﺑﮭﯽ ﻧﮩﯿﮟ
ﻣﯿﮟ ﺳﻮﭼﺘﺎ ﮨﻮﮞ ﺟﺌﯿﮟ ﺑﮭﯽ ﺗﻮ ﮐﺲ ﻟﯿﮯ ﻓﺎﺭﻍؔ
ﮐﮧ ﺍﺏ ﺗﻮ ﺷﮩﺮ ﻣﯿﮟ ﭘﮩﻠﯽ ﺳﯽ ﺁﺑﺮﻭ ﺑﮭﯽ ﻧﮩﯿﮟ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺟﺒﯿﮟ ﮐﺎ ﭼﺎﻧﺪ ﺑﻨﻮﮞ ﺁﻧﮑﮫ ﮐﺎ ﺳﺘﺎﺭﺍ ﺑﻨﻮﮞ
ﮐﺴﯽ ﺟﻤﺎﻝ ﺷﻔﻖ ﺗﺎﺏ ﮐﺎ ﺳﮩﺎﺭﺍ ﺑﻨﻮﮞ
ﻣﺤﺒﺘﻮﮞ ﮐﯽ ﺷﮑﺴﺘﻮﮞ ﮐﺎ ﺍﮎ ﺧﺮﺍﺑﮧ ﮨﻮﮞ
ﺧﺪﺍﺭﺍ ﻣﺠﮫ ﮐﻮ ﮔﺮﺍﺅ ﮐﮧ ﻣﯿﮟ ﺩﻭﺑﺎﺭﺍ ﺑﻨﻮﮞ
ﯾﮧ ﺑﮭﯿﮕﯽ ﺑﮭﯿﮕﯽ ﮨﻮﺍﺅﮞ ﻣﯿﮟ ﺳﺮﺩ ﺳﺮﺩ ﻣﮩﮏ
ﺟﻮ ﺩﻝ ﮐﯽ ﺁﮒ ﻣﯿﮟ ﺍﺗﺮﮮ ﺗﻮ ﮐﭽﮫ ﮔﻮﺍﺭﺍ ﺑﻨﻮﮞ
ﮨﺮ ﺍﯾﮏ ﻏﻨﭽﮧ ﺩﮨﻦ ﮐﺎ ﯾﮩﯽ ﺗﻘﺎﺿﺎ ﮨﮯ
ﺟﻤﺎﻟﯿﺎﺕ ﮐﺎ ﻣﯿﮟ ﺁﺧﺮﯼ ﺷﻤﺎﺭﮦ ﺑﻨﻮﮞ
ﺯﻣﺎﻧﮧ ﻣﻨﻈﺮ ﻣﻮﮨﻮﻡ ﮐﺎ ﮨﮯ ﺷﯿﺪﺍﺋﯽ
ﯾﮧ ﺁﺭﺯﻭ ﮨﮯ ﮐﻮﺋﯽ ﺩﻭﺭ ﮐﺎ ﻧﻈﺎﺭﺍ ﺑﻨﻮﮞ
ﮨﺮ ﺍﯾﮏ ﻣﻮﺝ ﮨﻮ ﺍﭨﮭﺘﯽ ﺟﻮﺍﻧﯿﻮﮞ ﮐﯽ ﺩﮬﻨﮏ
ﺑﻨﻮﮞ ﺗﻮ ﺍﯾﺴﮯ ﺳﻤﻨﺪﺭ ﮐﺎ ﻣﯿﮟ ﮐﻨﺎﺭﮦ ﺑﻨﻮﮞ
ﻣﺠﮭﮯ ﻟﮕﻦ ﮐﮧ ﻣﯿﮟ ﺁﺋﯿﻨﮯ ﮐﯽ ﻣﺜﺎﻝ ﺭﮨﻮﮞ
ﺍﺳﮯ ﮨﻮﺱ ﮐﮧ ﺭﻭﺍﯾﺎﺕ ﺳﻨﮓ ﺧﺎﺭﺍ ﺑﻨﻮﮞ
ﻏﺰﻝ ﻭﮦ ﮐﯿﻮﮞ ﻧﮧ ﮨﻮ ﻓﺎﺭﻍؔ ﺩﺭ ﻋﺪﻥ ﮐﮧ ﺟﮩﺎﮞ
ﮨﺮ ﺍﯾﮏ ﺷﻌﺮ ﮐﻮ ﺿﺪ ﮨﻮ ﮐﮧ ﺷﺎﮨﭙﺎﺭﮦ ﺑﻨﻮﮞ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺍﻇﮩﺎﺭ ﻋﻘﯿﺪﺕ ﻣﯿﮟ ﮐﮩﺎﮞ ﺗﮏ ﻧﮑﻞ ﺁﺋﮯ
ﮨﻢ ﺍﮨﻞ ﯾﻘﯿﮟ ﻭﮨﻢ ﻭ ﮔﻤﺎﮞ ﺗﮏ ﻧﮑﻞ ﺁﺋﮯ
ﺷﺎﺩﺍﺏ ﺑﮩﺎﺭﻭﮞ ﮐﮯ ﺗﻤﻨﺎﺋﯽ ﮐﮩﺎﮞ ﮨﯿﮟ
ﻣﻮﺳﻢ ﮐﮯ ﻗﺪﻡ ﺯﺧﻢ ﺧﺰﺍﮞ ﺗﮏ ﻧﮑﻞ ﺁﺋﮯ
ﯾﮧ ﮐﯿﺴﺎ ﺍﻟﻢ ﮨﮯ ﮐﮧ ﮔﺮﯾﺒﺎﮞ ﮨﻮ ﺳﻼﻣﺖ
ﺍﻭﺭ ﺁﻧﮑﮭﻮﮞ ﺳﮯ ﺧﻮﮞ ﺑﮭﯽ ﺭﮒ ﺟﺎﮞ ﺗﮏ ﻧﮑﻞ ﺁﺋﮯ
ﮐﺐ ﻧﮑﻠﮯ ﮔﯽ ﺩﯾﻮﺍﻧﻮﮞ ﮐﯽ ﺑﺎﺭﺍﺕ ﮔﮭﺮﻭﮞ ﺳﮯ
ﺳﯿﻨﻮﮞ ﻣﯿﮟ ﺑﻐﺎﻭﺕ ﮐﮯ ﻧﺸﺎﮞ ﺗﮏ ﻧﮑﻞ ﺁﺋﮯ
ﻣﻘﺘﻞ ﻣﯿﮟ ﺑﮩﺘﺮ ﺑﮭﯽ ﻧﮩﯿﮟ ﻧﮑﻠﮯ ﮨﯿﮟ ﺍﺏ ﮐﮯ
ﺩﺭﮔﺎﮨﻮﮞ ﻣﯿﮟ ﺳﺐ ﭘﯿﺮ ﻭ ﺟﻮﺍﮞ ﺗﮏ ﻧﮑﻞ ﺁﺋﮯ
ﺍﺏ ﺗﻮ ﻧﮧ ﮐﺮﻭ ﺭﺍﮦ ﻧﻤﺎﺅﮞ ﮐﯽ ﺷﮑﺎﯾﺖ
ﺍﺧﺒﺎﺭﻭﮞ ﻣﯿﮟ ﺍﺏ ﺍﻥ ﮐﮯ ﺑﯿﺎﮞ ﺗﮏ ﻧﮑﻞ ﺁﺋﮯ
ﺍﺏ ﮐﻮﻥ ﺳﺮ ﺩﺍﺭ ﻧﻈﺮ ﺁﺋﮯ ﮔﺎ ﻓﺎﺭﻍؔ
ﺟﺐ ﺍﮨﻞ ﺟﻨﻮﮞ ﺳﻮﺩ ﻭ ﺯﯾﺎﮞ ﺗﮏ ﻧﮑﻞ ﺁﺋﮯ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ خالد محمود
