آج فریحہ نقوی کا یوم پیدائش ہے

آج خوبصورت لب و لہجے کی نامور شاعرہ محترمہ فریحہ نقوی کا یوم پیدائش ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻻﮨﻮﺭ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﯽ ﺧﻮﺑﺼﻮﺭﺕ ﻟﮩﺠﮯ ﮐﯽ ﺷﺎﻋﺮﮦ ﻓﺮﯾﺤﮧ ﻧﻘﻮﯼ 5 ﺟﻨﻮﺭﯼ ﮐﻮ ﻻﮨﻮﺭ ﮐﮯ ﺳﺎﺩﺍﺕ ﮔﮭﺮﺍﻧﮯ ﻣﯿﮟ ﭘﯿﺪﺍ ﮨﻮﺋﯿﮟ۔
ﺷﺎﻋﺮﯼ ﮐﺎ ﺁﻏﺎﺯ ﺍﺳﮑﻮﻝ ﮐﮯ ﺯﻣﺎﻧﮯ ﺳﮯ ﮐﯿﺎ۔
ﺳﯽ ﺍﮮ ﺍﻧﭩﺮ ﮐﮯ ﺑﻌﺪ ﺍﮐﺎﺅﻧﭩﺲ ﮐﮯ ﺷﻌﺒﮯ ﺳﮯ ﻭﺍﺑﺴﺘﮧ ﮨﯿﮟ۔
ﺍﺭﺩﻭ ﻣﯿﮟ ﺍﯾﻢ ﺍﮮ ﮐﯿﺎ ﮨﮯ۔
ﻓﺮﯾﺤﮧ ﻧﻘﻮﯼ ﭼﮭﻮﭨﯽ ﺑﺤﺮﻭﮞ ﻣﯿﮟ ﺍﺷﻌﺎﺭ ﮐﮩﻨﮯ ﭘﺮ ﮔﺮﻓﺖ ﺭﮐﮭﺘﯽ ﮨﯿﮟ ﺍﻭﺭ ﺍﭘﻨﯽ ﺷﺎﻋﺮﺍﻧﮧ ﺻﻼﺣﯿﺘﯿﮟ ﻻﮨﻮﺭ ﺍﻭﺭ ﺩﯾﮕﺮ ﺷﮩﺮﻭﮞ ﻣﯿﮟ ﻣﻨﻮﺍ ﭼﮑﯽ ﮨﯿﮟ۔
ﻭﮦ ﺑﻼﺷﺒﮧ ﺷﮩﺮ ﻻﮨﻮﺭ ﮐﯽ ﻧﻮﺟﻮﺍﻥ ﻧﺴﻞ ﮐﯽ ﻧﻤﺎﺋﻨﺪﮦ ﺷﺎﻋﺮﮦ ﮨﯿﮟ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منتخب کلام:
ہم اداسی کے اس دبستاں کا
آخری مستند حوالہ ہیں
۔۔۔۔۔۔
وہ ترے شہر میں آتے ہی دھڑکنا دل کا،
ہر گلی، یار مرے! تیری گلی ہو جیسے
۔۔۔۔۔۔
تمہارے بعد کسی کم سخن نے وحشت میں
بجھا کے سارے دئیے آئینوں سے باتیں  کیں
۔۔۔۔۔۔
آپ کو منہ نہیں لگایا تو
آپ بہتان پر اتر آئے
۔۔۔۔۔۔۔۔

ﮨﻢ ﺗﺤﻔﮯ ﻣﯿﮟ ﮔﮭﮍﯾﺎﮞ ﺗﻮ ﺩﮮ ﺩﯾﺘﮯ ﮨﯿﮟ
ﺍﮎ ﺩﻭﺟﮯ ﮐﻮ ﻭﻗﺖ ﻧﮩﯿﮟ ﺩﮮ ﭘﺎﺗﮯ ﮨﯿﮟ

ﺁﻧﮑﮭﯿﮟ " ﺑﻠﯿﮏ ﺍﯾﻨﮉ ﻭﺍﺋﭧ " ﮨﯿﮟ ﺗﻮ ﭘﮭﺮ ﺍﻥ ﻣﯿﮟ
ﺭﻧﮓ ﺑﺮﻧﮕﮯ ﺧﻮﺍﺏ ﮐﮩﺎﮞ ﺳﮯ ﺁﺗﮯ ﮨﯿﮟ ؟
۔۔۔۔۔۔۔۔۔۔۔۔۔۔۔۔۔۔

ہم ایک شہر میں جب سانس لے رہے ہوں گے
ہمارے بیچ زمانوں کے فاصلے ہوں گے

وہ چاہتا تو یہ حالات ٹھیک ہو جاتے
بچھڑنے والے سبھی ایسا سوچتے ہوں گے

یہ بے بسی سے تری راہ دیکھنے والے
گئے دنوں میں ترے خواب دیکھتے ہوں گے

کہا بھی تھا کہ زیادہ قریب مت آؤ
بتایا تھا کہ تمہیں مجھ سے مسئلے ہوں گے

وہی صفات و خصائل ہیں اور وہی لہجے
یہ لوگ پہلے کبھی بھیڑیے رہے ہوں گے
۔۔۔۔۔۔۔۔۔۔۔۔

درد کی اِس شدت میں شریانوں کی خیر
یادیں اور یادیں بھی اُن شاموں کی خیر !

کسی بہانے اُس کا فون تو آیا ہے
شہر میں اُڑنے والی افواہوں کی خیر

لوٹ آنے کی ویسے کوئی شرط نہ تھی
پھر بھی وقت پہ آجانے والوں کی خیر

خیر و شر سے ہٹ کر بھی اک دنیا ہے
اُس دنیا کے کھیتوں کھلیانوں کی خیر

میں نے اِن سے ہٹ کر راہ نکالی ہے
رستہ روکنے والی دیواروں کی خیر

ڈھیر محبت کرنے والوں کے صدقے
مٹھی بھر  نفرت کرنے والوں کی خیر
۔۔۔۔۔۔۔۔۔۔۔۔

تمہیں پانے کی حیثیت نہیں ہے
مگر کھونے کی بھی ہمت نہیں ہے

بہت سوچا، بہت سوچا ہے میں نے
جُدائی کے سوا صورت نہیں ہے

تمہیں روکا تو جا سکتا ہے لیکن
مرے اعصاب میں قوت نہیں ہے

مرے اشکو، مرے بیکار اشکو
تمہاری، اب اُسے حاجت نہیں ہے

ابھی تم گھر سے باہر مت نکلنا
تمہاری ہوش کی حالت نہیں ہے

دُعا کیا دوں بھلا جاتے ہوئے میں
تمہیں تکنے سے ہی فرصت نہیں ہے

محبت کم نہ ہوگی، یاد رکھنا
یہ بڑھتی ہے، کہ یہ دولت نہیں ہے

زمانے اب ترے مدّ ِمقابل
کوئی کمزور سی عورت نہیں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔