ﺳﯿﺪ ﺿﻤﯿﺮ ﺟﻌﻔﺮﯼ ﺍﺭﺩﻭ ﺷﺎﻋﺮﯼ ﻣﯿﮟ ﻃﻨﺰ ﻭ ﻣﺰﺍﺡ ﮐﺎ ﺳﺎﻻﺭ
ﺳﯿﺪ ﺿﻤﯿﺮ ﺟﻌﻔﺮﯼ ﮐﺎ ﺍﺻﻞ ﻧﺎﻡ ﺿﻤﯿﺮ ﺣﺴﯿﻦ ﺷﺎﮦ ﺗﮭﺎ۔ ﻭﮦ ﯾﮑﻢ ﺟﻨﻮﺭﯼ 1916 ﮐﻮﺍﯾﮏ ﻣﻌﺰﺯ ﺳﺎﺩﺍﺕ ﮔﮭﺮﺍﻧﮯ ﻣﯿﮟ ﭘﯿﺪﺍ ﮨﻮﺋﮯ۔ ﺍﻥ ﮐﺎ ﺧﺎﻧﺪﺍﻥ ﻋﻠﻢ ﻭ ﺍﺩﺏ ﮐﮯ ﺣﻮﺍﻟﮯ ﺳﮯ ﭘﻮﺭﮮ ﻋﻼﻗﮯ ﻣﯿﮟ ﻣﻨﻔﺮﺩ ﺍﻭﺭ ﻣﻤﺘﺎﺯ ﺣﯿﺜﯿﺖ ﺭﮐﮭﺘﺎ ﺗﮭﺎ۔ ﺍﭘﻨﯽ ﺟﻨﻢ ﺑﮭﻮﻣﯽ ﻣﻮﺿﻊ ﭼﮏ ﻋﺒﺪﺍﻟﺨﺎﻟﻖ ﺳﮯ ﺍﺑﺘﺪﺍﺋﯽ ﺗﻌﻠﯿﻢ ﻣﮑﻤﻞ ﮐﺮﻧﮯ ﮐﮯ ﺑﻌﺪ ﺍﻧﮭﻮﮞ ﻧﮯ ﮔﻮﺭﻧﻤﻨﭧ ﮨﺎﺋﯽ ﺳﮑﻮﻝ ﺟﮩﻠﻢ ﻣﯿﮟ ﺩﺍﺧﻠﮧ ﻟﯿﺎ ﺟﮩﺎﮞ ﺳﮯ ﺍﻧﮭﻮﮞ ﻧﮯ ﻣﯿﭩﺮﮎ ﮐﺎ ﺍﻣﺘﺤﺎﻥ ﺍﻋﻠﯽٰ ﮐﺎﺭﮐﺮﺩﮔﯽ ﮐﺎ ﻣﻈﺎﮨﺮﮦ ﮐﺮ ﮐﮯ ﭘﺎﺱ ﮐﯿﺎ۔ ﺍﻥ ﮐﮯ ﺍﺳﺎﺗﺬﮦ ﺍﭘﻨﮯ ﺍﻧﺘﮩﺎﺋﯽ ﺫﮨﯿﻦ ﺍﻭﺭ ﻓﻄﯿﻦ ﺷﺎﮔﺮﺩ ﮐﯽ ﺧﺪﺍﺩﺍﺩ ﺻﻼﺣﯿﺘﻮﮞ ﮐﮯ ﻣﻌﺘﺮﻑ ﺗﮭﮯ۔ ﺯﻣﺎﻧﮧ ﻃﺎﻟﺐ ﻋﻠﻤﯽ ﮨﯽ ﻣﯿﮟ ﺍﻧﮭﻮﮞ ﻧﮯ ﺗﺨﻠﯿﻖ ﺍﺩﺏ ﮐﮯ ﺣﻮﺍﻟﮯ ﺳﮯ ﺍﭘﻨﯽ ﺻﻼﺣﯿﺘﻮﮞ ﮐﺎ ﻟﻮﮨﺎ ﻣﻨﻮﺍﯾﺎ۔ ﻭﮦ ﺳﮑﻮﻝ ﮐﯽ ﺑﺰﻡ ﺍﺩﺏ ﮐﮯ ﻓﻌﺎﻝ ﺍﻭﺭ ﻣﺴﺘﻌﺪ ﺭﮐﻦ ﺗﮭﮯ۔ ﺍﺑﺘﺪﺍﺋﯽ ﻋﻤﺮ ﮨﯽ ﺳﮯ ﺍﻥ ﮐﯽ ﺷﮕﻔﺘﮧ ﻣﺰﺍﺟﯽ ﮐﯽ ﺩﮬﻮﻡ ﺗﮭﯽ۔ ﺣﺎﺿﺮ ﺟﻮﺍﺑﯽ ﺍﻭﺭ ﮔﻞ ﺍﻓﺸﺎﻧﯽ ﺀ ﮔﻔﺘﺎﺭ ﺍﻥ ﮐﮯ ﺍﻣﺘﯿﺎﺯﯼ ﺍﻭﺻﺎﻑ ﺗﮭﮯ۔ ﮔﻮﺭﻧﻤﻨﭧ ﮨﺎﺋﯽ ﺳﮑﻮﻝ ﺟﮩﻠﻢ ﺳﮯ ﻣﯿﭩﺮﮎ ﮐﺎ ﺍﻣﺘﺤﺎﻥ ﭘﺎﺱ ﮐﺮﻧﮯ ﮐﮯ ﺑﻌﺪ ﻭﮦ ﮔﻮﺭﻧﻤﻨﭧ ﮐﺎﻟﺞ ﮐﯿﻤﺒﻞ ﭘﻮﺭ ( ﺍﭨﮏ ) ﻣﯿﮟ ﺍﻧﭩﺮ ﻣﯿﮉﯾﭧ ﮐﻼﺱ ﻣﯿﮟ ﺩﺍﺧﻞ ﮨﻮﺋﮯ۔ ﺍﻧﭩﺮﻣﯿﮉﯾﭧ ﻣﯿﮟ ﺷﺎﻧﺪﺍﺭ ﮐﺎﻣﯿﺎﺑﯽ ﺣﺎﺻﻞ ﮐﺮﻧﮯ ﮐﮯ ﺑﻌﺪ ﻭﮦ ﻻﮨﻮﺭ ﭘﮩﻨﭽﮯ ﺍﻭﺭ ﺍﺳﻼﻣﯿﮧ ﮐﺎﻟﺞ، ﻻﮨﻮﺭ ﻣﯿﮟ ﺩﺍﺧﻠﮧ ﻟﯿﺎ ﺍﻭﺭ 1938 ﻣﯿﮟ انھوں ﻧﮯ ﺑﯽ۔ ﺍﮮ ﮐﯽ ﮈﮔﺮﯼ ﺣﺎﺻﻞ ﮐﯽ۔ ﺑﯽ۔ ﺍﮮ ﺗﮏ ﺗﻌﻠﯿﻢ ﻣﮑﻤﻞ ﮐﺮﻧﮯ ﮐﮯ ﺑﻌﺪ ﻭﮦ ﺭﻭﺯﮔﺎﺭ ﮐﯽ ﺗﻼﺵ ﻣﯿﮟ ﻧﮑﻠﮯ ﺍﻭﺭ ﻋﻤﻠﯽ ﺯﻧﺪﮔﯽ ﮐﺎ ﺁﻏﺎﺯ ﺩﻓﺘﺮ ﻣﯿﮟ ﺍﯾﮏ ﻋﺎﻡ ﮐﻠﺮﮎ ﮐﯽ ﺣﯿﺜﯿﺖ ﺳﮯ ﮐﯿﺎ۔ ﺟﻠﺪ ﮨﯽ ﻭﮦ ﺷﻌﺒﮧ ﺻﺤﺎﻓﺖ ﺳﮯ ﻭﺍﺑﺴﺘﮧ ﮨﻮ ﮔﺌﮯ۔ ﺍﻧﮭﻮﮞ ﻧﮯ ﺭﻭﺯﻧﺎﻣﮧ ـ ’’ ﺍﺣﺴﺎﻥ ‘‘ ﻻﮨﻮﺭ، ﺍﻭﺭ ﮨﻔﺖ ﺭﻭﺯﮦ ’’ ﺷﯿﺮﺍﺯﮦ ‘‘ ﮐﯽ ﻣﺠﻠﺲ ﺍﺩﺍﺭﺕ ﻣﯿﮟ ﺷﺎﻣﻞ ﮨﻮ ﮐﺮ ﺍﮨﻢ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﺍﻧﮭﻮﮞ ﻧﮯ ﮐﭽﮫ ﻋﺮﺻﮧ ﮨﻔﺖ ﺭﻭﺯﮦ ’’ ﺳﺪﺍ ﺑﮩﺎﺭ ‘‘ ﻻﮨﻮﺭ ﮐﮯ ﻣﺪﯾﺮ ﺍﻋﻠﯽٰ ﮐﯽ ﺣﯿﺜﯿﺖ ﺳﮯ ﺑﮭﯽ ﮔﺮﺍﮞ ﻗﺪﺭ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﻭﮦ ﺁﺯﺍﺩﯼِ ﺍﻇﮩﺎﺭ ﮐﻮ ﮐﻠﯿﺪﯼ ﺍﮨﻤﯿﺖ ﮐﺎ ﺣﺎﻣﻞ ﻗﺮﺍﺭ ﺩﯾﺘﮯ ﺗﮭﮯ ﺍﻭﺭ ﺍﺳﮯ ﺍﭘﻨﯽ ﻧﻮﻋﯿﺖ ﮐﮯ ﻟﺤﺎﻅ ﺳﮯ ﺍﻧﺴﺎﻧﯽ ﺁﺯﺍﺩﯼ ﮐﯽ ﺍﯾﮏ ﺻﻮﺭﺕ ﺳﮯ ﺗﻌﺒﯿﺮ ﮐﺮﺗﮯ ﺗﮭﮯ۔ ﻭﮦ ﺍﮐﺜﺮ ﮐﮩﺎ ﮐﺮﺗﮯ ﺗﮭﮯ ﮐﮧ ﺣﺮﯾﺖ ﺿﻤﯿﺮ ﺳﮯ ﺯﻧﺪﮦ ﺭﮨﻨﺎ ﮨﮯ ﺗﻮ ﺍﺳﻮﮦ ﺷﺒﯿﺮ ﭘﺮ ﻋﻤﻞ ﭘﯿﺮﺍ ﮨﻮﻧﺎ ﺑﮯ ﺣﺪ ﺿﺮﻭﺭﯼ ﮨﮯ۔ ﺻﺤﺎﻓﺖ ﺳﮯ ﺍﻧﮭﻮﮞ ﻧﮯ ﺟﻮ ﻋﮩﺪ ﻭﻓﺎ ﺍﺳﺘﻮﺍﺭ ﮐﯿﺎ ﺗﻤﺎﻡ ﻋﻤﺮ ﺍﺳﮯ ﻧﺒﮭﺎﯾﺎ ﺍﻭﺭ ﻣﺨﺘﻠﻒ ﺍﻭﻗﺎﺕ ﻣﯿﮟ ﻣﺘﻌﺪﺩ ﺍﺧﺒﺎﺭﺍﺕ ﺍﻭﺭ ﺟﺮﺍﺋﺪ ﻣﯿﮟ ﮐﺎﻟﻢ ﻟﮑﮭﺘﮯ ﺭﮨﮯ۔ ﺍﺧﺒﺎﺭﺍﺕ ﻣﯿﮟ ﺍﻧﮭﻮﮞ ﻧﮯ ﺟﻮ ﮐﺎﻟﻢ ﺗﺤﺮﯾﺮ ﮐﯿﮯ ﺍﻥ ﻣﯿﮟ ﻭﮦ ﻧﮩﺎﯾﺖ ﺧﻠﻮﺹ ﺍﻭﺭ ﺩﺭﺩﻣﻨﺪﯼ ﺳﮯ ﺯﻧﺪﮔﯽ ﮐﯽ ﻣﻘﺘﻀﯿﺎﺕ ﮐﻮ ﺯﯾﺮ ﺑﺤﺚ ﻻﺗﮯ ﺭﮨﮯ۔
ﺟﺐ ﺑﺮﺻﻐﯿﺮ ﻧﻮ ﺁﺑﺎﺩﯾﺎﺗﯽ ﻧﻈﺎﻡ ﮐﮯ ﭼﻨﮕﻞ ﻣﯿﮟ ﭘﮭﻨﺲ ﭼﮑﺎ ﺗﮭﺎ ﺍﻭﺭ ﺑﺮﻃﺎﻧﯿﮧ ﮐﮯ ﺯﯾﺮ ﺗﺴﻠﻂ ﺗﮭﺎ ﺍﺱ ﻋﺮﺻﮯ ﻣﯿﮟ ﺩﻭﺳﺮﯼ ﻋﺎﻟﻤﯽ ﺟﻨﮓ ﺍﺱ ﺧﻄﮯ ﮐﮯ ﺑﺎﺷﻨﺪﻭﮞ ﮐﮯ ﻟﯿﮯ ﺩﻭﮨﺮﮮ ﻋﺬﺍﺏ ﮐﺎ ﺑﺎﻋﺚ ﺑﻦ ﮔﺌﯽ۔ ﻣﻘﺎﻣﯽ ﺑﺎﺷﻨﺪﻭﮞ ﮐﻮ ﺑﺮﻃﺎﻧﻮﯼ ﻓﻮﺝ ﻣﯿﮟ ﺑﮭﺮﺗﯽ ﮐﺮ ﮐﮯ ﺑﺮﻃﺎﻧﯿﮧ ﻧﮯ ﺍﭘﻨﯽ ﺟﻨﮓ ﮐﯽ ﺑﮭﭩﯽ ﻣﯿﮟ ﺟﮭﻮﻧﮏ ﺩﯾﺎ۔ ﺍﺳﯽ ﻋﺮﺻﮯ ﻣﯿﮟ ﻭﮦ ﺑﺮﻃﺎﻧﻮﯼ ﻓﻮﺝ ﻣﯿﮟ ﺑﮭﺮﺗﯽ ﮨﻮﺋﮯ ﺍﻭﺭ ﺍﻥ ﮐﯽ ﺗﻌﯿﻨﺎﺗﯽ ﺟﻨﻮﺏ ﻣﺸﺮﻗﯽ ﮐﻤﺎﻥ ﻣﯿﮟ ﺑﮧ ﺣﯿﺜﯿﺖ ﮐﭙﺘﺎﻥ ﮨﻮﺋﯽ۔ ﻭﮦ ﺷﻌﺒﮧ ﺗﻌﻠﻘﺎﺕ ﻋﺎﻣﮧ ﺳﮯ ﻭﺍﺑﺴﺘﮧ ﺗﮭﮯ ﺍﻭﺭ ﺍﺱ ﮐﻤﺎﻥ ﮐﺎ ﮨﯿﮉ ﮐﻮﺍﺭﭨﺮ ﺳﻨﮕﺎﭘﻮﺭ ﻣﯿﮟ ﺗﮭﺎ۔ ﺩﻭﺳﺮﯼ ﻋﺎﻟﻤﯽ ﺟﻨﮓ ﮐﮯ ﺩﻭﺭﺍﻥ ﺍﻧﮭﯿﮟ ﻓﻮﺟﯽ ﺧﺪﻣﺎﺕ ﮐﮯ ﺳﻠﺴﻠﮯ ﻣﯿﮟ ﺩﻧﯿﺎ ﮐﮯ ﻣﺘﻌﺪﺩ ﻣﻤﺎﻟﮏ ﮐﯽ ﺳﯿﺎﺣﺖ ﮐﺎ ﺑﮭﯽ ﻣﻮﻗﻊ ﻣﻼ۔ ﻋﺎﻟﻤﯽ ﺍﺩﺏ، ﺗﮩﺬﯾﺐ ﻭ ﺛﻘﺎﻓﺖ، ﺳﻤﺎﺟﯽ ﺍﻭﺭ ﻋﻤﺮﺍﻧﯽ ﻣﺴﺎﺋﻞ ﮐﺎ ﺍﻧﮭﻮﮞ ﻧﮯ ﻋﻤﯿﻖ ﻣﻄﺎﻟﻌﮧ ﮐﯿﺎ۔ ﺟﺐ 1947 ﻣﯿﮟ ﺑﺮﻃﺎﻧﻮﯼ ﺍﻗﺘﺪﺍﺭ ﮐﺎ ﺳﻮﺭﺝ ﻏﺮﻭﺏ ﮨﻮﺍ ﺗﻮ ﺍﻧﮭﻮﮞ ﻧﮯ ﭘﺎﮐﺴﺘﺎﻥ ﺑﺮﯼ ﻓﻮﺝ ﻣﯿﮟ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﺫﺍﺗﯽ ﻭﺟﻮﮨﺎﺕ ﮐﯽ ﺑﻨﺎ ﭘﺮ ﻭﮦ 1949 ﻣﯿﮟ ﻓﻮﺝ ﺳﮯ ﺍﻟﮓ ﮨﻮ ﮔﺌﮯ ﺍﻭﺭ ﭘﮭﺮ ﺳﮯ ﺻﺤﺎﻓﺖ ﺳﮯ ﻭﺍﺑﺴﺘﮧ ﮨﻮ ﮔﺌﮯ۔ ﺍﺳﯽ ﺳﺎﻝ ﺭﺍﻭﻝ ﭘﻨﮉﯼ ﺳﮯ ﺍﭘﻨﺎ ﺭﻭﺯﻧﺎﻣﮧ ﺍﺧﺒﺎﺭ ’’ ﺑﺎﺩ ﺷﻤﺎﻝ، ، ﺟﺎﺭﯼ ﮐﯿﺎ ﺟﻮ ﺍﯾﮏ ﮐﺎﻣﯿﺎﺏ ﺍﺧﺒﺎﺭ ﺗﮭﺎ ﻣﮕﺮ ﺑﻌﺾ ﻧﺎﮔﺰﯾﺮ ﺣﺎﻻﺕ ﮐﮯ ﺑﺎﻋﺚ ﻭﮦ ﺍﺱ ﺍﺧﺒﺎﺭ ﮐﯽ ﺍﺷﺎﻋﺖ ﮐﻮ ﺟﺎﺭﯼ ﻧﮧ ﺭﮐﮫ ﺳﮑﮯ۔ 1951 ﻣﯿﮟ ﺍﻧﮭﻮﮞ ﻧﮯ ﺧﺎﺭ ﺯﺍﺭ ﺳﯿﺎﺳﺖ ﻣﯿﮟ ﻗﺪﻡ ﺭﮐﮭﺎ ﺍﻭﺭ ﺟﮩﻠﻢ ﮐﮯ ﺍﯾﮏ ﺩﯾﮩﺎﺗﯽ ﺣﻠﻘﮧ ﺍﻧﺘﺨﺎﺏ ﺳﮯ ﭘﻨﺠﺎﺏ ﺍﺳﻤﺒﻠﯽ ﮐﯽ ﻧﺸﺴﺖ ﮐﮯ ﻟﯿﮯ ﺍﻧﺘﺨﺎﺏ ﻣﯿﮟ ﺣﺼﮧ ﻟﯿﺎ ﻟﯿﮑﻦ ﻟﻮﭨﮯ ﺍﻭﺭ ﻟﭩﯿﺮﮮ ﮐﺐ ﮐﺴﯽ ﻗﺎﺑﻞ ﺍﻭﺭ ﺑﺎ ﺻﻼﺣﯿﺖ ﺍﻧﺴﺎﻥ ﮐﻮ ﺁﮔﮯ ﺁﻧﮯ ﺩﯾﺘﮯ ﮨﯿﮟ۔ ﻧﺘﯿﺠﮧ ﯾﮧ ﻧﮑﻼ ﮐﮧ ﻭﮦ ﺍﻧﺘﺨﺎﺏ ﻣﯿﮟ ﮐﺎﻣﯿﺎﺏ ﻧﮧ ﮨﻮ ﺳﮑﮯ۔ ﻭﮦ ﺍﯾﮏ ﻣﺤﺐ ﻭﻃﻦ ﺍﻭﺭ ﺑﮩﺎﺩﺭ ﺳﭙﺎﮨﯽ ﺗﮭﮯ ﺍﻧﮭﻮﮞ ﻧﮯ 1952 ﻣﯿﮟ ﺩﻭﺑﺎﺭﮦ ﻓﻮﺝ ﻣﯿﮟ ﺷﻤﻮﻟﯿﺖ ﮐﺎ ﻓﯿﺼﻠﮧ ﮐﯿﺎ ﺍﺱ ﮐﮯ ﺑﻌﺪ ﻭﮦ ﺗﺮﻗﯽ ﮐﺮ ﮐﮯ ﻣﯿﺠﺮ ﮐﮯ ﻋﮩﺪﮮ ﺗﮏ ﭘﮩﻨﭽﮯ ﺍﻭﺭ ﺍﺳﯽ ﻋﮩﺪﮮ ﺳﮯ ﺭﯾﭩﺎﺋﺮ ﮨﻮﺋﮯ۔ ﻭﻃﻦ، ﺍﮨﻞ ﻭﻃﻦ ﺍﻭﺭ ﺍﻧﺴﺎﻧﯿﺖ ﮐﮯ ﺳﺎﺗﮫ ﺍﻥ ﮐﯽ ﻭﺍﻟﮩﺎﻧﮧ ﻣﺤﺒﺖ ﺍﻭﺭ ﻗﻠﺒﯽ ﻭﺍﺑﺴﺘﮕﯽ ﮐﺎ ﺍﯾﮏ ﻋﺎﻟﻢ ﻣﻌﺘﺮﻑ ﺗﮭﺎ۔
ﺣﮑﻮﻣﺖ ﭘﺎﮐﺴﺘﺎﻥ ﻧﮯ ﺍﻧﮭﯿﮟ ﮐﯿﭙﯿﭩﻞ ﮈﻭﯾﻠﭙﻤﻨﭧ ﺍﺗﮭﺎﺭﭨﯽ ﻣﯿﮟ ﮈﺍﺋﺮﯾﮑﭩﺮ ﺗﻌﻠﻘﺎﺕ ﻋﺎﻣﮧ ﻣﻘﺮﺭ ﮐﯿﺎ۔ ﺍﻧﮭﻮﮞ ﻧﮯ ﺍﺱ ﻋﮩﺪﮮ ﭘﺮ ﭘﻨﺪﺭﮦ ﺑﺮﺱ ﺗﮏ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﻭﮦ ﮐﭽﮫ ﻋﺮﺻﮧ ﭘﺎﮐﺴﺘﺎﻥ ﻧﯿﺸﻨﻞ ﺳﻨﭩﺮ ﮐﮯ ﮈﭘﭩﯽ ﮈ ﺍﺋﺮﯾﮑﭩﺮ ﺟﻨﺮﻝ ﺍﻭﺭ ﭘﮭﺮ ﻭﺯﺍﺭﺕ ﺑﺤﺎﻟﯿﺎﺕ ﺍﻓﻐﺎﻥ ﻣﮩﺎﺟﺮﯾﻦ ﻣﯿﮟ ﻣﺸﯿﺮ ﻣﻘﺮﺭ ﮨﻮﺋﮯ۔ ﺍﻥ ﮐﯽ ﺯﻧﺪﮔﯽ ﮐﺎ ﯾﺎﺩﮔﺎﺭ ﺩﻭﺭ ﻭﮦ ﺗﮭﺎ ﺟﺐ ﺍﻧﮭﻮﮞ ﻧﮯ ﺍﮐﺎﺩﻣﯽ ﺍﺩﺑﯿﺎﺕ ﭘﺎﮐﺴﺘﺎﻥ، ﺍﺳﻼﻡ ﺁﺑﺎﺩ ﻣﯿﮟ ﺍﮨﻢ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﻭﮦ ﺍﮐﺎﺩﻣﯽ ﺍﺩﺑﯿﺎﺕ ﭘﺎﮐﺴﺘﺎﻥ ﮐﮯ ﻋﻠﻤﯽ ﻭ ﺍﺩﺑﯽ ﻣﺠﻠﮯ ’’ ﺍﺩﺑﯿﺎﺕ ‘‘ ﮐﮯ ﻣﺪﯾﺮ ﺍﻋﻠﯽٰ ﻣﻘﺮﺭ ﮨﻮﺋﮯ۔ ﺍﻧﮭﻮﮞ ﻧﮯ ﺍﺱ ﻣﺠﻠﮯ ﮐﻮ ﻣﻌﯿﺎﺭ ﺍﻭﺭ ﻭﻗﺎﺭ ﮐﯽ ﺭﻓﻌﺖ ﺳﮯ ﺁﺷﻨﺎ ﮐﯿﺎ۔ ﻗﻮﻣﯽ، ﻋﻼﻗﺎﺋﯽ ﺍﻭﺭ ﻋﺎﻟﻤﯽ ﺍﺩﺏ ﮐﯽ ﻧﻤﺎﺋﻨﺪﮦ ﺗﺤﺮﯾﺮﯾﮟ ﺍﺩﺑﯿﺎﺕ ﮐﯽ ﺯﯾﻨﺖ ﺑﻨﺘﯽ ﺭﮨﯿﮟ۔ ﭘﺎﮐﺴﺘﺎﻧﯽ ﺍﺩﯾﺒﻮﮞ ﮐﯽ ﻓﻼﺡ ﮐﮯ ﻣﺘﻌﺪﺩ ﻣﻨﺼﻮﺑﮯ ﺍﻧﮭﻮﮞ ﻧﮯ ﺗﺠﻮﯾﺰ ﮐﯿﮯ ﺍﻭﺭ ﺍﺩﯾﺒﻮﮞ ﮐﻮ ﮐﺘﺐ ﺍﻭﺭ ﻣﻀﺎﻣﯿﻦ ﮐﯽ ﺭﺍﺋﻠﭩﯽ ﺟﯿﺴﮯ ﺍﮨﻢ ﻣﺴﺎﺋﻞ ﮐﻮ ﺣﻞ ﮐﺮﺍﯾﺎ۔
ﺳﯿﺪ ﺿﻤﯿﺮ ﺟﻌﻔﺮﯼ ﮐﯽ ﮔﺮﺍﮞ ﻗﺪﺭ ﻋﻠﻤﯽ، ﺍﺩﺑﯽ ﺍﻭﺭ ﻣﻠﯽ ﺧﺪﻣﺎﺕ ﮐﮯ ﺍﻋﺘﺮﺍﻑ ﻣﯿﮟ ﺍﻧﮭﯿﮟ ﻣﻨﺪﺭﺟﮧ ﺫﯾﻞ ﺍﻋﺰﺍﺯﺍﺕ ﺳﮯ ﻧﻮﺍﺯﺍ ﮔﯿﺎ :
1 ۔ ﮨﻤﺎﯾﻮﮞ ﮔﻮﻟﮉ ﻣﯿﮉﻝ ( ﺑﮧ ﺩﺳﺖ ﺳﺮ ﺷﯿﺦ ﻋﺒﺪﺍﻟﻘﺎﺩﺭ ) 1936
2 ۔ ﺗﻤﻐﮧ ﻗﺎﺋﺪ ﺍﻋﻈﻢ 1967
3 ۔ ﺻﺪﺍﺭﺗﯽ ﺗﻤﻐﮧ ﺑﺮﺍﺋﮯ ﺣﺴﻦ ﮐﺎﺭ ﮐﺮﺩﮔﯽ 1985
ﺳﯿﺪ ﺿﻤﯿﺮ ﺟﻌﻔﺮﯼ ﮐﯽ ﺗﺼﺎﻧﯿﻒ ﮐﯽ ﺗﻌﺪﺍﺩ ﭘﭽﺎﺱ ﮐﮯ ﻗﺮﯾﺐ ﮨﮯ۔ ﺍﻥ ﮐﺎ ﮐﻼﻡ ﮨﺮ ﺳﻄﺢ ﭘﺮ ﻧﺼﺎﺏ ﻣﯿﮟ ﺷﺎﻣﻞ ﮨﮯ۔ ﺩﻧﯿﺎ ﺑﮭﺮ ﮐﯽ ﺟﺎﻣﻌﺎﺕ ﻣﯿﮟ ﺍﻥ ﮐﯽ ﺷﺨﺼﯿﺖ ﺍﻭﺭ ﻓﻦ ﭘﺮ ﻋﺎﻟﻤﺎﻧﮧ ﺗﺤﻘﯿﻘﯽ ﮐﺎﻡ ﮐﺎ ﺳﻠﺴﻠﮧ ﺟﺎﺭﯼ ﮨﮯ۔
ﺍﻥ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﮐﯽ ﻣﻨﺪﺭﺟﮧ ﺫﯾﻞ ﮐﺘﺐ ﺑﮩﺖ ﻣﻘﺒﻮﻝ ﮨﻮﺋﯿﮟ :
ﻣﺎ ﻓﯽ ﺍﻟﻀﻤﯿﺮ، ﻣﺴﺪﺱ ﺑﺪ ﺣﺎﻟﯽ، ﻭﻻﯾﺘﯽ ﺯﻋﻔﺮﺍﻥ، ﻧﺸﺎﻁ ﺗﻤﺎﺷﺎ ( ﮐﻠﯿﺎﺕ )
ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﮨﻤﯿﺸﮧ ﻓﮑﺮ ﻭ ﺧﯿﺎﻝ ﮐﮯ ﻧﺌﮯ ﭘﮩﻠﻮ ﭘﯿﺶ ﻧﻈﺮ ﺭﮐﮭﮯ ﻧﺌﮯ ﺗﺠﺮﺑﺎﺕ، ﻣﺘﻨﻮﻉ ﻣﻮﺿﻮﻋﺎﺕ ﺍﻭﺭ ﺷﮕﻔﺘﮧ ﭘﯿﺮﺍﯾﮧ ﺍﻇﮩﺎﺭ ﺍﻥ ﮐﮯ ﺍﺳﻠﻮﺏ ﮐﮯ ﺍﻣﺘﯿﺎﺯﯼ ﺍﻭﺻﺎﻑ ﮨﯿﮟ۔ ﻭﮦ ﺗﺨﻠﯿﻖ ﻓﻦ ﮐﮯ ﻟﻤﺤﻮﮞ ﻣﯿﮟ ﻣﺰﺍﺡ ﮐﻮ ﺍﯾﮏ ﺍﯾﺴﯽ ﺫﮨﻨﯽ ﮐﯿﻔﯿﺖ ﺳﮯ ﺗﻌﺒﯿﺮ ﮐﺮﺗﮯ ﺗﮭﮯ ﺟﻮ ﻓﮑﺮ ﻭ ﻧﻈﺮ ﮐﻮ ﺍﺱ ﺍﻧﺪﺍﺯ ﻣﯿﮟ ﻣﮩﻤﯿﺰ ﮐﺮﮮ ﮐﮧ ﻗﺎﺭﯼ ﺧﻨﺪﮦ ﺑﮯ ﺍﺧﺘﯿﺎﺭ ﮐﯽ ﮐﯿﻔﯿﺖ ﺳﮯ ﺁﺷﻨﺎ ﮨﻮ ﺍﻭﺭ ﺷﮕﻔﺘﮕﯽ ﮐﺎ ﺍﺣﺴﺎﺱ ﺩﻝ ﻭ ﺩﻣﺎﻍ ﭘﺮ ﻓﺮﺣﺖ، ﻣﺴﺮﺕ ﺍﻭﺭ ﺁﺳﻮﺩﮔﯽ ﮐﮯ ﻧﺌﮯ ﺩﺭ ﻭﺍ ﮐﺮ ﺩﮮ۔ ﺍﻥ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﻧﮧ ﺻﺮﻑ ﺩﻟﻮﮞ ﮐﻮ ﺗﺎﺯﮔﯽ ﺍﻭﺭ ﻣﺴﺮﺕ ﮐﮯ ﺍﺣﺴﺎﺱ ﺳﮯ ﺳﺮﺷﺎﺭ ﮐﺮﺗﯽ ﮨﮯ ﺑﻠﮑﮧ ﺍﺫﮨﺎﻥ ﮐﯽ ﺗﻄﮩﯿﺮ ﻭ ﺗﻨﻮﯾﺮ ﮐﺎ ﺑﮭﯽ ﺍﮨﺘﻤﺎﻡ ﮐﺮﺗﯽ ﮨﮯ ﺍﻥ ﮐﯽ ﻃﻨﺰﯾﮧ ﻭ ﻣﺰﺍﺣﯿﮧ ﺷﺎﻋﺮﯼ ﻣﯿﮟ ﺍﯾﮏ ﻋﺎﻟﻤﺎﻧﮧ ﺷﺎﻥ ﺍﻭﺭ ﺍﺣﺴﺎﺱ ﺩﻝ ﺭﺑﺎﺋﯽ ﮨﮯ ﺟﺲ ﮐﮯ ﻣﻌﺠﺰ ﻧﻤﺎ ﺍﺛﺮ ﺳﮯ ﺍﻧﺴﺎﻧﯽ ﺷﻌﻮﺭ ﮐﻮ ﺗﺮﻓﻊ ﻧﺼﯿﺐ ﮨﻮ ﺗﺎ ﮨﮯ ﺍﻭﺭ ﻗﺎﺭﯼ ﺍﺱ ﺳﮯ ﮔﮩﺮ ﺍﺛﺮ ﻗﺒﻮﻝ ﮐﺮﺗﺎ ﮨﮯ۔ ﺳﯿﺪ ﺿﻤﯿﺮ ﺟﻌﻔﺮﯼ ﮐﯽ ﺷﮕﻔﺘﮧ ﺑﯿﺎﻧﯽ ﺍﭘﻨﯽ ﺍﺻﻠﯿﺖ ﮐﮯ ﺍﻋﺘﺒﺎﺭ ﺳﮯ ﺟﮩﺎﮞ ﮨﻤﺎﺭﯼ ﻣﻌﺎﺷﺮﺗﯽ ﺯﻧﺪﮔﯽ ﮐﯽ ﺫﮨﻨﯽ ﺍﺳﺘﻌﺪﺍﺩ ﮐﯽ ﻣﻘﯿﺎﺱ ﮨﮯ ﻭﮨﺎﮞ ﺍﺱ ﻣﯿﮟ ﮨﻤﺎﺭﯼ ﺗﮩﺬﯾﺒﯽ، ﺛﻘﺎﻓﺘﯽ، ﻣﻌﺎﺷﺮﺗﯽ ﺍﻭﺭ ﻋﻤﺮﺍﻧﯽ ﺍﻗﺪﺍﺭ ﻭ ﺭﻭﺍﯾﺎﺕ ﮐﺎ ﺍﺣﻮﺍﻝ ﺑﮭﯽ ﻣﺬﮐﻮﺭ ﮨﮯ۔ ﺍﻧﮭﻮﮞ ﻧﮯ ﺍﭘﻨﯽ ﻇﺮﯾﻔﺎﻧﮧ ﺷﺎﻋﺮﯼ ﮐﮯ ﺫﺭﯾﻌﮯ ﺍﭘﻨﮯ ﻋﮩﺪ ﮐﮯ ﺗﻤﺎﻡ ﺍﺭﺗﻌﺎﺷﺎﺕ ﮐﻮ ﺟﺲ ﻓﻨﯽ ﻣﮩﺎﺭﺕ، ﺧﻠﻮﺹ ﺍﻭﺭ ﺩﺭﺩﻣﻨﺪﯼ ﮐﮯ ﺳﺎﺗﮫ ﺍﺷﻌﺎﺭ ﮐﮯ ﻗﺎﻟﺐ ﻣﯿﮟ ﮈﮬﺎﻻ ﮨﮯ ﻭﮦ ﺍﯾﮏ ﻣﻨﻔﺮﺩ ﺗﺠﺮﺑﮯ ﮐﯽ ﺣﯿﺜﯿﺖ ﺳﮯ ﮨﻤﯿﺸﮧ ﯾﺎﺩ ﺭﮐﮭﺎ ﺟﺎﺋﮯ ﮔﺎ۔ ﻭﮦ ﺑﻨﯽ ﻧﻮﻉ ﺍﻧﺴﺎﻥ ﮐﮯ ﻣﺴﺎﺋﻞ ﮐﺎ ﺟﺎﺋﺰﮦ ﺍﻧﺴﺎﻧﯽ ﮨﻤﺪﺭﺩﯼ ﮐﮯ ﺟﺬ ﺑﮧ ﺳﮯ ﺳﺮﺷﺎﺭ ﮨﻮ ﮐﺮ ﻟﯿﺘﮯ ﮨﯿﮟ ﺍﻭﺭ ﺍﺱ ﻃﺮﺡ ﺯﻧﺪﮔﯽ ﮐﯽ ﻧﺎ ﮨﻤﻮﺍﺭﯾﻮﮞ ﮐﮯ ﺑﺎﺭﮮ ﻣﯿﮟ ﺍﻥ ﮐﺎ ﮨﻤﺪﺭﺩﺍﻧﮧ ﺷﻌﻮﺭ ﯾﺪ ﺑﯿﻀﺎ ﮐﺎ ﻣﻌﺠﺰﮦ ﺩﮐﮭﺎﺗﺎ ﮨﮯ۔ ﺍﻧﮭﻮﮞ ﻧﮯ ﺍﺭﺩﻭ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﮐﻮ ﻧﺌﮯ ﺍﺣﺴﺎﺳﺎﺕ، ﻣﺘﻨﻮﻉ ﺗﺠﺮﺑﺎﺕ ﺍﻭﺭ ﻧﺌﯽ ﺟﮩﺎﺕ ﺳﮯ ﻣﺎﻻ ﻣﺎﻝ ﮐﺮ ﺩﯾﺎ۔ ﺍﻥ ﮐﯽ ﺷﺎﻋﺮﯼ ﻣﯿﮟ ﺯﻧﺪﮔﯽ ﺍﻭﺭ ﺍﺱ ﮐﮯ ﺗﻤﺎﻡ ﻧﺸﯿﺐ ﻭ ﻓﺮﺍﺯ ﮐﮯ ﺑﺎﺭﮮ ﻣﯿﮟ ﺟﻮ ﺻﺪ ﺭﻧﮕﯽ ﺟﻠﻮﮦ ﮔﺮ ﮨﮯ ﺍﺱ ﮐﯽ ﻣﺴﺤﻮﺭ ﮐﻦ ﺍﺛﺮ ﺁﻓﺮﯾﻨﯽ ﻗﺎﺭﯼ ﮐﻮ ﺍﭘﻨﯽ ﮔﺮﻓﺖ ﻣﯿﮟ ﻟﮯ ﻟﯿﺘﯽ ﮨﮯ۔ ﺍﻥ ﮐﯽ ﺷﺎﻋﺮﯼ ﻣﯿﮟ ﭼﺒﮭﻦ ﺍﻭﺭ ﻧﺸﺘﺮﯾﺖ ﮐﯽ ﻣﻮﺟﻮﺩﮔﯽ ﺑﮭﯽ ﻗﺎﺭﯼ ﮐﻮ ﮔﻮﺍﺭ ﺍ ﮨﻮ ﺟﺎﺗﯽ ﮨﮯ۔ ﺍﯾﺴﺎ ﻣﺤﺴﻮﺱ ﮨﻮﺗﺎ ﮨﮯ ﺯﮨﺮ ﺧﻨﺪ ﮐﯽ ﯾﮧ ﮐﯿﻔﯿﺖ ﮨﻤﺎﺭﮮ ﻣﺴﻤﻮﻡ ﻣﺎﺣﻮﻝ ﮐﺎ ﻭﺍﺣﺪ ﺗﺮﯾﺎﻕ ﮨﮯ۔ ﺍﻥ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﺍﺩﺏ ﺍﻭﺭ ﮐﻠﭽﺮ ﮐﮯ ﺗﻤﺎﻡ ﭘﮩﻠﻮ ﺳﺎﻣﻨﮯ ﻻﺗﯽ ﮨﮯ۔
ﺍﻥ ﮐﯽ ﻧﻈﻢ ’’ ﺑﯿﻤﺎﺭﯼ ﮐﺎ ﻧﺎﻡ ‘‘ ﻗﺎﺑﻞ ﻏﻮﺭ ﮨﮯ :
ﺯﻧﺪﮔﯽ ﮨﮯ ﻣﺨﺘﻠﻒ ﺟﺬﺑﻮﮞ ﮐﯽ ﮨﻤﻮﺍﺭﯼ ﮐﺎ ﻧﺎﻡ
ﺁﺩﻣﯽ ﮨﮯ ﺷﻠﺠﻢ ﻭ ﮔﺎﺟﺮ ﮐﯽ ﺗﺮﮐﺎﺭﯼ ﮐﺎ ﻧﺎﻡ
ﻋﻠﻢ ﺍﻟﻤﺎﺭﯼ ﮐﺎ، ﻣﮑﺘﺐ ﭼﺎﺭﺩﯾﻮﺍﺭﯼ ﮐﺎ ﻧﺎﻡ
ﻣﻠﭩﻦ ﺍﮎ ﻟﭩﮭﺎ ﮨﮯ، ﻣﻮﻣﻦ ﺧﺎﻥ ﭘﻨﺴﺎﺭﯼ ﮐﺎ ﻧﺎﻡ
ﺻﺎﻑ ﮐﺎﻟﺮ ﮐﮯ ﺗﻠﮯ ﻣﻌﻘﻮﻝ ﺍﺟﻠﯽ ﺳﯽ ﻗﻤﯿﺺ
ﮨﮯ ﺑﮩﺖ ﮨﯽ ﻣﺨﺘﺼﺮ ﺳﺎ ﻣﯿﺮﯼ ﺩﺷﻮﺍﺭﯼ ﮐﺎ ﻧﺎﻡ
ﺍﺱ ﻧﮯ ﮐﯽ ﭘﮩﻠﮯ ﭘﮩﻞ ﭘﯿﻤﺎﺋﺶ ﺻﺤﺮﺍﺋﮯ ﻧﺠﺪ
ﻗﯿﺲ ﮨﮯ ﺩﺭ ﺍﺻﻞ ﺍﮎ ﻣﺸﮩﻮﺭ ﭘﭩﻮﺍﺭﯼ ﮐﺎ ﻧﺎﻡ
ﻋﺸﻖ ﮨﺮﺟﺎﺋﯽ ﺑﮭﯽ ﮨﻮ ﺗﻮ ﺩﺭﺩ ﮐﻢ ﮨﻮﺗﺎ ﻧﮩﯿﮟ
ﺍﮎ ﺫﺭﺍ ﺗﺒﺪﯾﻞ ﮨﻮ ﺟﺎﺗﺎ ﮨﮯ ﺑﯿﻤﺎﺭﯼ ﮐﺎ ﻧﺎﻡ
ﮐﻮﺋﯽ ﻧﺼﺐ ﺍﻟﻌﯿﻦ، ﮐﻮﺋﯽ ﻋﺸﻖ، ﮐﻮﺋﯽ ﭼﺎﻧﺪﻧﯽ
ﺯﻧﺪﮔﯽ ﮨﮯ ﻭﺭﻧﮧ ﺍﮎ ﻣﺼﺮﻭﻑ ﺑﮯ ﮐﺎﺭﯼ ﮐﺎ ﻧﺎﻡ
ﻣﺪﺗﻮﮞ ﺩﺯﺩﯾﺪﮦ، ﺩﺯﺩﯾﺪﮦ ﻧﻈﺮ ﺳﮯ ﺩﯾﮑﮭﻨﺎ
ﻋﺸﻖ ﺑﮭﯽ ﮨﮯ ﺍﮎ ﻃﺮﺡ ﮐﯽ ﭼﻮﺭ ﺑﺎﺯﺍﺭﯼ ﮐﺎ ﻧﺎﻡ
ﻣﯿﮟ ﻧﮯ ﺗﻮ ﺍﭘﻨﮯ ﻟﯿﮯ ﺁﻭﺍﺭﮔﯽ ﺗﺠﻮﯾﺰ ﮐﯽ
ﺗﻢ ﻧﮯ ﮐﯿﺎ ﺭﮐﮭﺎ ﮨﮯ ﺍﭘﻨﯽ ﺧﻮﺩ ﮔﺮﻓﺘﺎﺭﯼ ﮐﺎ ﻧﺎﻡ
ﺑﺎﺕ ﺗﻮ ﺟﺐ ﮨﮯ ﺑﺪﻝ ﺟﺎﺋﮯ ﺳﺮﺷﺖ ﺍﻧﺴﺎﻥ ﮐﯽ
ﻭﺭﻧﮧ ﻟﮑﮭﻨﮯ ﮐﻮ ﺗﻮ ﻟﮑﮫ ﺩﻭ ﺍﻭﻧﭧ ﭘﺮ ﻻﺭﯼ ﮐﺎ ﻧﺎﻡ
ﺩﻝ ﮨﻮ ﯾﺎ ﺩﻟﯿﺎﮨﻮ، ﺩﺍﻧﺎﺋﯽ ﮐﮧ ﺑﺎﻻﺋﯽ ﺿﻤﯿﺮ
ﺯﻧﺪﮔﯽ ﮨﮯ ﺑﻌﺾ ﺍﺷﯿﺎ ﮐﯽ ﺧﺮﯾﺪﺍﺭﯼ ﮐﺎ ﻧﺎﻡ
ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺍﭘﻨﯽ ﺯﻧﺪﮔﯽ ﮐﻮ ﺧﻮﺷﯿﻮﮞ ﺍﻭﺭ ﺭﺍﺣﺘﻮﮞ ﺳﮯ ﻣﺘﻤﺘﻊ ﮐﺮﻧﮯ ﮐﮯ ﻟﯿﮯ ﺑﮍﯼ ﺟﺪ ﻭ ﺟﮩﺪ ﮐﯽ۔ ﺍﻥ ﮐﮯ ﺍﺣﺒﺎﺏ ﮐﯽ ﺑﮍﯼ ﺗﻌﺪﺍﺩ ﻧﺎﻣﻮﺭ ﺍﺩﯾﺒﻮﮞ ﭘﺮ ﻣﺸﺘﻤﻞ ﺗﮭﯽ۔ ﺍﻥ ﻣﯿﮟ ﮐﺮﻧﻞ ﻣﺤﻤﺪ ﺧﺎﻥ، ﺑﺮﯾﮕﯿﮉﺋﯿﺮ ﺻﺪﯾﻖ ﺳﺎﻟﮏ، ﻣﺤﻤﺪ ﺍﺳﻤﺎ ﻋﯿﻞ ﺻﺪﯾﻘﯽ، ﻧﺬﯾﺮ ﺍﺣﻤﺪ ﺷﯿﺦ، ﻣﺤﻤﺪ ﺧﺎﻟﺪ ﺍﺧﺘﺮ، ﮈﺍﮐﭩﺮ ﺑﺸﯿﺮ ﺳﯿﻔﯽ، ﮈﺍﮐﭩﺮ ﻧﺜﺎﺭ ﺍﺣﻤﺪ ﻗﺮﯾﺸﯽ، ﮈﺍﮐﭩﺮ ﺭﺣﯿﻢ ﺑﺨﺶ ﺷﺎﮨﯿﻦ، ﮈﺍﮐﭩﺮ ﻣﺤﻤﺪ ﺭﯾﺎﺽ، ﭘﺮﻭﻓﯿﺴﺮ ﻧﻈﯿﺮ ﺻﺪﯾﻘﯽ، ﻣﺠﯿﺪ ﻻﮨﻮﺭﯼ، ﻣﺤﺴﻦ ﺍﺣﺴﺎﻥ، ﺧﺎﻃﺮ ﻏﺰﻧﻮﯼ، ﻏﻔﺎﺭ ﺑﺎﺑﺮ، ﺳﯿﺪ ﺟﻌﻔﺮ ﻃﺎﮨﺮ ﺍﻭﺭ ﻣﺤﻤﻮﺩ ﺍﺧﺘﺮ ﺳﻌﯿﺪ ﮐﮯ ﻧﺎﻡ ﻗﺎﺑﻞ ﺫﮐﺮ ﮨﯿﮟ۔ ﯾﮧ ﺍﺣﺒﺎﺏ ﺍﻥ ﮐﯽ ﭘﮩﭽﺎﻥ ﺗﮭﮯ۔ ﻭﮦ ﺍﻧﮭﯿﮟ ﺩﻝ ﻭ ﺟﺎﻥ ﺳﮯ ﻋﺰﯾﺰ ﺭﮐﮭﺘﮯ ﺗﮭﮯ۔ ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺗﻤﺎﻡ ﻋﻤﺮ ﻇﻠﻢ ﻭ ﺟﺒﺮ ﮐﮯ ﮨﺮ ﺍﻧﺪﺍﺯ ﭘﺮ ﻟﻌﻨﺖ ﺑﮭﯿﺠﻨﺎ ﺍﭘﻨﺎ ﺷﻌﺎﺭ ﺑﻨﺎﯾﺎ۔ ﻭﮦ ﺍﯾﺴﮯ ﻣﻮﺿﻮﻋﺎﺕ ﺍﻭﺭ ﻭﺍﻗﻌﺎﺕ ﮐﺎ ﺍﻧﺘﺨﺎﺏ ﮐﺮﺗﮯ ﮨﯿﮟ ﺟﻦ ﻣﯿﮟ ﺯﻧﺪﮔﯽ ﮐﮯ ﺗﻤﺎﻡ ﻧﺸﯿﺐ ﻭ ﻓﺮﺍﺯ ﺣﻘﯿﻘﯽ ﺻﻮﺭﺕ ﻣﯿﮟ ﻇﺮﯾﻔﺎﻧﮧ ﺷﺎﻋﺮﯼ ﮐﮯ ﻗﺎﻟﺐ ﻣﯿﮟ ﮈﮬﻞ ﮐﺮ ﺍﯾﮏ ﮨﻤﺪﺭﺩﺍﻧﮧ ﺷﻌﻮﺭ ﮐﻮ ﺍﺟﺎﮔﺮ ﮐﺮﺗﮯ ﮨﯿﮟ۔ ﺍﺱ ﺷﺎﻋﺮﯼ ﮐﻮ ﭘﮍﮪ ﮐﺮ ﮨﺮ ﻃﺒﻘﮯ ﮐﮯ ﻟﻮﮒ ﺍﭘﻨﺎﺋﯿﺖ ﻣﺤﺴﻮﺱ ﮐﺮﺗﮯ ﮨﯿﮟ۔ ﺍﯾﮏ ﺯﯾﺮﮎ ﺗﺨﻠﯿﻖ ﮐﺎﺭ ﮐﯽ ﺣﯿﺜﯿﺖ ﺳﮯ ﺍﻧﮭﻮﮞ ﻧﮯ ﻣﻤﻮﻟﮯ ﮐﻮ ﺷﮩﺒﺎﺯ ﺳﮯ ﮨﻢ ﮐﻼﻡ ﮨﻮﻧﮯ ﮐﯽ ﺗﺮﻏﯿﺐ ﺩﯼ ﺍﻭﺭ ﭘﺴﺖ ﻭ ﺑﻠﻨﺪ ﮐﮯ ﺟﻤﻠﮧ ﺍﻣﺘﯿﺎﺯﺍﺕ ﮐﻮ ﺗﯿﺸﮧ ﻣﺰﺍﺡ ﺳﮯ ﻧﯿﺴﺖ ﻭ ﻧﺎﺑﻮﺩ ﮐﺮ ﺩﯾﺎ۔ ﺍﻥ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﮐﺎ ﺗﻌﻠﻖ ﮐﺴﯽ ﻣﺨﺼﻮﺹ ﻃﺒﻘﮯ ﺳﮯ ﻧﮩﯿﮟ ﺑﻠﮑﮧ ﺍﺱ ﺷﺎﻋﺮﯼ ﮐﺎ ﻣﻮﺿﻮﻉ ﺍﺱ ﻗﺪﺭ ﻓﺮﺍﻭﺍﮞ ﺍﻭﺭ ﻋﺎﻡ ﺯﻧﺪﮔﯽ ﺳﮯ ﻣﻨﺴﻠﮏ ﮨﮯ ﮐﮧ ﺗﻤﺎﻡ ﺍﻧﺴﺎﻧﯿﺖ ﮐﮯ ﻣﺴﺎﺋﻞ ﺍﺱ ﻣﯿﮟ ﺳﻤﭧ ﺁﺋﮯ ﮨﯿﮟ۔ ﺍﻥ ﮐﮯ ﺗﻤﺎﻡ ﺩﻭﺳﺖ ﺍﺳﯽ ﺟﺪ ﻭ ﺟﮩﺪ ﻣﯿﮟ ﻣﺼﺮﻭﻑ ﺭﮨﮯ ﮐﮧ ﮐﺴﯽ ﻃﻮﺭ ﺍﻧﺴﺎﻧﯿﺖ ﮐﮯ ﺩﮐﮭﻮﮞ ﮐﺎ ﻣﺪﺍﻭﺍ ﮨﻮ ﺳﮑﮯ ﺍﻭﺭ ﻣﻈﻠﻮﻡ ﺍﻧﺴﺎﻧﯿﺖ ﮐﮯ ﺯﺧﻤﻮﮞ ﮐﮯ ﺍﻧﺪﻣﺎﻝ ﮐﯽ ﮐﻮﺋﯽ ﺻﻮﺭ ﺕ ﻧﻈﺮ ﺁﺋﮯ۔ ﺍﻥ ﮐﮯ ﻣﺰﺍﺡ ﻣﯿﮟ ﮨﻤﺪﺭﺩﯼ ﮐﺎ ﻋﻨﺼﺮ ﮐﺎﺋﻨﺎﺗﯽ ﻋﻮﺍﻣﻞ ﮐﺎ ﺍﺣﺎﻃﮧ ﮐﺮﺗﺎ ﮨﮯ :
ﭘﯿﺪﺍ ﮐﺮﻭ
ﺷﻮﻕ ﺳﮯ ﻟﺨﺖ ﺟﮕﺮ، ﻧﻮﺭ ﻧﻈﺮ ﭘﯿﺪﺍ ﮐﺮﻭ
ﻇﺎﻟﻤﻮ ! ﺗﮭﻮﮌﯼ ﺳﯽ ﮔﻨﺪﻡ ﺑﮭﯽ ﻣﮕﺮ ﭘﯿﺪﺍ ﮐﺮﻭ
ﺍﺭﺗﻘﺎ ﺗﮩﺬﯾﺐ ﮐﺎ ﯾﮧ ﮨﮯ ﮐﮧ ﭘﮭﻮﻟﻮﮞ ﮐﯽ ﺑﺠﺎﺋﮯ
ﺗﻮﭖ ﮐﮯ ﺩﮬﮍ، ﺑﻢ ﮐﮯ ﺳﺮ، ﺭﺍﮐﭧ ﮐﮯ ﭘﺮ ﭘﯿﺪﺍ ﮐﺮﻭ
ﺷﯿﺦ، ﻧﺎﺻﺢ، ﻣﺤﺘﺴﺐ، ﻣﻼ ﮐﮩﻮ ﮐﺲ ﮐﯽ ﺳﻨﯿﮟ
ﯾﺎﺭﻭ ﮐﻮﺋﯽ ﺍﯾﮏ ﻣﺮﺩ ﻣﻌﺘﺒﺮ ﭘﯿﺪﺍ ﮐﺮﻭ
ﻣﯿﺮﯼ ﺩﺷﻮﺍﺭﯼ ﮐﺎ ﮐﻮﺋﯽ ﺣﻞ ﻣﺮﮮ ﭼﺎﺭﮦ ﮔﺮﻭ
ﺟﻠﺪ ﺗﺮ، ﺁﺳﺎﻥ ﺗﺮ ﺍﻭﺭ ﻣﺨﺘﺼﺮ ﭘﯿﺪﺍ ﮐﺮﻭ
ﺗﯿﺮﮮ ﺷﻌﺮ ﺗﺮ ﮐﻮ ﯾﮧ ﺍﻭﻻﺩ ﺁﺩﻡ ﮐﯿﺎ ﮐﺮﮮ
ﻧﮯ ﻧﻮﺍﺯﯼ ﮨﻮ ﭼﮑﯽ ﺍﺏ ﻧﯿﺸﮑﺮ ﭘﯿﺪﺍ ﮐﺮﻭ
ﮐﯿﺎ ﭼﮭﭽﮭﻮﻧﺪﺭﺳﮯ ﻧﮑﺎﻟﮯ ﮨﯿﮟ ﯾﮧ ﺑﭽﮯ ﺷﯿﺦ ﺟﯽ
ﻗﺒﻠﮧ ﻋﺎﻟﻢ ﺍﻧﮭﯿﮟ ﺑﺎﺭ ﺩﮔﺮ ﭘﯿﺪﺍ ﮐﺮﻭ
ﻣﯿﺮﯼ ﺩﺭﻭﯾﺸﯽ ﮐﮯ ﺟﺸﻦ ﺗﺎﺝ ﭘﻮﺷﯽ ﮐﮯ ﻟﯿﮯ
ﺍﯾﮏ ﭨﻮﭘﯽ ﺍﻭﺭ ﮐﭽﮫ ﻣﺮﻏﯽ ﮐﮯ ﭘﺮ ﭘﯿﺪﺍ ﮐﺮﻭ
ﺣﻀﺮﺕ ﺍﻗﺒﺎﻝ ﮐﺎ ﺷﺎﮨﯿﮟ ﺗﻮ ﮨﻢ ﺳﮯ ﺍﮌ ﭼﮑﺎ
ﺍﺏ ﮐﻮﺋﯽ ﺍﭘﻨﺎ ﻣﻘﺎﻣﯽ ﺟﺎﻧﻮﺭ ﭘﯿﺪﺍ ﮐﺮﻭ
ﺍﯾﮏ ﺣﺴﺎﺱ، ﭘﺮ ﺧﻠﻮﺹ ﺍﻭﺭ ﺩﺭﺩﻣﻨﺪ ﺗﺨﻠﯿﻖ ﮐﺎﺭ ﮐﯽ ﺣﯿﺜﯿﺖ ﺳﮯ ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺯﻧﺪﮔﯽ ﮐﻮ ﺑﮩﺖ ﻗﺮﯾﺐ ﺳﮯ ﺩﯾﮑﮭﺎ۔ ﺍﻧﮭﻮﮞ ﻧﮯ ﺗﺨﻠﯿﻘﯽ ﺍﻇﮩﺎﺭ ﮐﮯ ﺟﻤﻠﮧ ﻣﻤﮑﻨﮧ ﺍﻣﮑﺎﻧﺎﺕ ﮐﻮ ﺑﺮﻭﺋﮯ ﮐﺎﺭ ﻻﻧﮯ ﮐﯽ ﻣﻘﺪﻭﺭ ﺑﮭﺮ ﺳﻌﯽ ﮐﯽ۔ ﻭﮦ ﺑﮧ ﯾﮏ ﻭﻗﺖ ﺳﭙﺎﮨﯽ، ﺻﺤﺎﻓﯽ، ﺷﺎﻋﺮ، ﻣﺰﺍﺡ ﻧﮕﺎﺭ، ﻣﯿﺰﺑﺎﻥ، ﺑﺮﺍﮈﮐﺎﺳﭩﺮ ﺍﻭﺭ ﻧﻘﺎﺩ ﺗﮭﮯ۔ ﭘﺎﮐﺴﺘﺎﻥ ﭨﯿﻠﯽ ﻭﯾﮋﻥ ﭘﺮ ﺍﻧﮭﻮﮞ ﻧﮯ ﺟﻮ ﭘﺮﻭﮔﺮﺍﻡ ’’ ﺁﭖ ﮐﺎ ﺿﻤﯿﺮ ‘‘ ﮐﮯ ﻧﺎﻡ ﺳﮯ ﭘﯿﺶ ﮐﯿﺎ ﻭﮦ ﺑﮯ ﺣﺪ ﻣﻘﺒﻮﻝ ﮨﻮﺍ۔ ﺍﺭﺩﻭ ﻣﺰﺍﺡ ﻣﯿﮟ ﻭﮦ ﺳﯿﺪ ﺍﺣﻤﺪ ﺷﺎﮦ ﺑﺨﺎ ﺭ ﯼ ﭘﻄﺮﺱ ﮐﮯ ﺍﺳﻠﻮﺏ ﮐﻮ ﺑﮩﺖ ﺍﮨﻢ ﻗﺮﺍﺭ ﺩﯾﺘﮯ ﺗﮭﮯ ﺍﺳﯽ ﻃﺮﺡ ﺑﺮﺍﮈﮐﺎﺳﭩﻨﮓ ﻣﯿﮟ ﺍﻧﮭﯿﮟ ﺳﯿﺪ ﺫﻭﺍﻟﻔﻘﺎﺭ ﻋﻠﯽ ﺑﺨﺎﺭﯼ ﮐﺎ ﺍﺳﻠﻮﺏ ﭘﺴﻨﺪ ﺗﮭﺎ۔ ﺍﭘﻨﯽ ﺍﻧﺪﺭﻭﻧﯽ ﮐﯿﻔﯿﺎﺕ، ﺟﺬﺑﺎﺕ ﺍﻭﺭ ﺍﺣﺴﺎﺳﺎﺕ ﮐﻮ ﻭﮦ ﮨﻨﺴﯽ ﮐﮯ ﺣﺴﯿﻦ ﺍﻭﺭ ﺧﻮﺵ ﺭﻧﮓ ﺩﺍﻣﻨﻮﮞ ﻣﯿﮟ ﺍﺱ ﺧﻮﺵ ﺍﺳﻠﻮﺑﯽ ﺳﮯ ﭼﮭﭙﺎ ﻟﯿﺘﮯ ﮨﯿﮟ ﮐﮧ ﺍﻥ ﮐﮯ ﺍﺳﻠﻮﺏ ﮐﺎ ﺩﺍﺋﻤﯽ ﺗﺒﺴﻢ ﻗﺎﺭﯼ ﮐﻮ ﻣﺴﺤﻮﺭ ﮐﺮ ﺩﯾﺘﺎ ﮨﮯ ﻭﮦ ﻃﻨﺰ ﻭ ﻣﺰﺍﺡ ﮐﮯ ﻓﺮﻏﻠﻮﮞ ﻣﯿﮟ ﻟﭙﯿﭧ ﮐﺮ ﺯﻧﺪﮔﯽ ﮐﯽ ﺗﻠﺦ ﺻﺪﺍﻗﺘﯿﮟ ، ﺑﮯ ﺍﻋﺘﺪﺍﻟﯿﺎﮞ ﺍﻭﺭ ﺗﻀﺎﺩﺍﺕ ﻧﮩﺎﯾﺖ ﺩﻝ ﻧﺸﯿﮟ ﺍﻧﺪﺍﺯ ﻣﯿﮟ ﺍﺷﻌﺎﺭ ﮐﮯ ﻗﺎﻟﺐ ﻣﯿﮟ ﮈﮬﺎﻟﺘﮯ ﮨﯿﮟ۔ ﺍﻥ ﮐﮯ ﺍﺳﻠﻮﺏ ﭘﺮ ﺍﯾﮏ ﻣﺼﻠﺢ، ﻧﺎﺻﺢ ﺍﻭﺭ ﻓﻠﺴﻔﯽ ﮐﺎ ﺷﺎﺋﺒﮧ ﮨﻮﺗﺎ ﮨﮯ۔ ﻭﮦ ﮐﺴﯽ ﻃﻮﺭ ﺑﮭﯽ ﻣﺤﺾ ﮨﻨﺴﺎﻧﮯ ﻭﺍﻟﮯ ﮐﺎ ﮐﺮﺩﺍﺭ ﺍﺩﺍ ﮐﺮﻧﮯ ﭘﺮ ﻣﻄﻤﺌﻦ ﻧﮩﯿﮟ ﮨﻮﺗﮯ ﺑﻠﮑﮧ ﻣﺰﺍﺡ ﮐﻮ ﺗﻮ ﻭﮦ ﺣﺼﻮﻝ ﻣﻘﺼﺪ ﮐﺎ ﺍﯾﮏ ﺯﯾﻨﮧ ﺧﯿﺎﻝ ﮐﺮﺗﮯ ﮨﯿﮟ۔ ﺍﻥ ﮐﯽ ﻭﮦ ﺑﺎﺗﯿﮟ ﺑﮭﯽ ﺟﻮ ﮐﮧ ﻭﮦ ﮨﻨﺴﻨﮯ ﮐﯽ ﻏﺮﺽ ﺳﮯ ﺍﺷﻌﺎﺭ ﮐﮯ ﻗﺎﻟﺐ ﻣﯿﮟ ﮈﮬﺎﻟﺘﮯ ﮨﯿﮟ ﺍﭘﻨﮯ ﺍﻧﺪﺭ ﺯﻧﺪﮔﯽ ﮐﮯ ﻣﺘﻌﺪﺩ ﺍﺳﺮﺍﺭ ﻭ ﺭﻣﻮﺯ ﻟﯿﮯ ﮨﻮﺗﯽ ﮨﯿﮟ۔ ﻭﮦ ﺟﺲ ﺍﻧﺪﺍﺯ ﻣﯿﮟ ﺗﺨﯿﻞ ﮐﯽ ﺟﻮﻻﻧﯿﺎﮞ ﺩﮐﮭﺎﺗﮯ ﮨﯿﮟ ﺍﺳﮯ ﺩﯾﮑﮫ ﮐﺮ ﺍﻥ ﮐﮯ ﻣﻘﺎﺻﺪ ﮐﯽ ﺭﻓﻌﺖ، ﺍﺳﻠﻮﺏ ﮐﯽ ﮔﮩﺮﺍﺋﯽ ﺍﻭﺭ ﺯﺑﺎﻥ ﻭ ﺑﯿﺎﻥ ﮐﯽ ﺗﺎﺛﯿﺮ ﮐﺎ ﺟﺎﺩﻭ ﺳﺮ ﭼﮍﮪ ﮐﺮ ﺑﻮﻟﺘﺎ ﮨﮯ۔ ﺍﻧﺴﺎﻧﯿﺖ ﮐﮯ ﻭﻗﺎﺭ ﺍﻭﺭ ﺳﺮﺑﻠﻨﺪﯼ ﮐﮯ ﻟﯿﮯ ﺍﻧﮭﻮﮞ ﻧﮯ ﻣﻘﺪﻭﺭ ﺑﮭﺮ ﺳﻌﯽ ﮐﯽ۔ ﻣﻌﺎﺷﺮﺗﯽ ﺯﻧﺪﮔﯽ ﻣﯿﮟ ﭘﺎﺋﯽ ﺟﺎﻧﮯ ﻭﺍﻟﯽ ﺧﻮﺩ ﻏﺮﺿﯽ، ﮨﻮﺱ ﺍﻭﺭ ﻣﻔﺎﺩ ﭘﺮﺳﺘﯽ ﮐﮯ ﺑﮍﮬﺘﮯ ﮨﻮﺋﮯ ﺭﺟﺤﺎﻥ ﮐﻮ ﻭﮦ ﺳﺨﺖ ﻧﺎ ﭘﺴﻨﺪ ﮐﺮﺗﮯ ﺗﮭﮯ ﺍﻭﺭ ﺍﻥ ﮐﺎ ﮐﮩﻨﺎ ﺗﮭﺎ ﮐﮧ ﮐﻮﺋﯽ ﺑﮭﯽ ﻣﻌﺎﺷﺮﮦ ﺟﺐ ﺍﻧﺪﺭﻭﻧﯽ ﺗﻀﺎﺩﺍﺕ، ﺑﮯ ﺍﻋﺘﺪﺍﻟﯿﻮﮞ ﺍﻭﺭ ﻧﺎﮨﻤﻮﺍﺭﯾﻮﮞ ﭘﺮ ﭼﭗ ﺳﺎﺩﮪ ﻟﯿﺘﺎ ﮨﮯ ﺍﻭﺭ ﮐﺴﯽ ﺍﺻﻼﺣﯽ ﺑﺎﺕ ﭘﺮ ﭨﺲ ﺳﮯ ﻣﺲ ﻧﮩﯿﮟ ﮨﻮﺗﺎ ﺗﻮ ﯾﮧ ﺑﺎﺕ ﺧﻄﺮﮮ ﮐﯽ ﮔﮭﻨﭩﯽ ﮨﮯ ﮐﮧ ﻣﻌﺎﺷﺮﮦ ﺑﮯ ﺣﺴﯽ ﮐﯽ ﺑﮭﯿﻨﭧ ﭼﮍﮪ ﮔﯿﺎ ﮨﮯ ﺍﻭﺭ ﯾﮧ ﺻﻮﺭ ﺕ ﺣﺎﻝ ﮐﺴﯽ ﻣﻌﺎﺷﺮﮮ، ﺳﻤﺎﺝ ﺍﻭﺭ ﺗﮩﺬﯾﺐ ﮐﮯ ﻟﯿﮯ ﺑﮩﺖ ﺑﺮﺍ ﺷﮕﻮﻥ ﮨﮯ۔ ﺍﺣﺴﺎﺱ ﺫﻣﮧ ﺩﺍﺭﯼ ﮐﺎ ﻓﻘﺪﺍﻥ ﺁﺝ ﮨﻤﺎﺭﺍ ﺑﮩﺖ ﺑﮍﺍ ﺍﻟﻤﯿﮧ ﮨﮯ۔ ﮨﻢ ﺍﭘﻨﯽ ﺗﻤﺎﻡ ﮐﻮﺗﺎﮨﯿﻮﮞ ﮐﯽ ﺫﻣﮧ ﺩﺍﺭﯼ ﺩﻭﺳﺮﻭﮞ ﭘﺮ ﮈﺍﻝ ﮐﺮ ﺭﺍﮦ ﻓﺮﺍﺭ ﺍﺧﺘﯿﺎﺭ ﮐﺮﺗﮯ ﮨﯿﮟ ﺍﻭﺭ ﮐﺴﯽ ﺻﻮﺭﺕ ﻣﯿﮟ ﺑﮭﯽ ﺍﭘﻨﮯ ﺍﺣﺘﺴﺎﺏ ﭘﺮ ﺁﻣﺎﺩﮦ ﻧﮩﯿﮟ ﮨﻮﺗﮯ۔
ﻗﺼﻮﺭ
ﮨﻢ ﮐﺮﯾﮟ ﻣﻠﺖ ﺳﮯ ﻏﺪﺍﺭﯼ ﻗﺼﻮﺭ ﺍﻧﮕﺮﯾﺰ ﮐﺎ
ﮨﻢ ﮐﺮﯾﮟ ﺧﻮﺩ ﭼﻮﺭ ﺑﺎﺯﺍﺭﯼ ﻗﺼﻮﺭ ﺍﻧﮕﺮﯾﺰ ﮐﺎ
ﮔﮭﺮ ﻣﯿﮟ ﮐﻞ ﺑﯿﻨﮕﻦ ﮐﮯ ﺑﮭﺮﺗﮯ ﻣﯿﮟ ﺟﻮ ﻣﺮﭼﯿﮟ ﺗﯿﺰ ﺗﮭﯿﮟ
ﺍﺱ ﻣﯿﮟ ﺑﮭﯽ ﮨﻮ ﮔﺎ ﺑﮍﺍ ﺑﮭﺎﺭﯼ ﻗﺼﻮﺭ ﺍﻧﮕﺮﯾﺰ ﮐﺎ
ﺗﻮﻗﻌﺎﺕ
ﻣﺎﺭﺷﻞ ﻻ ﺧﻮﺭﺩﮦ ﺟﻤﮩﻮﺭﯼ ﻧﻈﺎﻡ
ﺍﺱ ﺍﻟﯿﮑﺸﻦ ﻣﯿﮟ ﻧﯿﺎ ﺣﻞ ﻻﺋﮯ ﮔﺎ
ﻟﻮﮒ ﺍﺱ ﺍﻣﯿﺪ ﭘﺮ ﺩﯾﺘﮯ ﮨﯿﮟ ﻭﻭﭦ
ﭘﮭﺮ ﯾﮧ ﻧﺨﻞ ﺑﮯ ﺛﻤﺮ ﭘﮭﻞ ﻻﺋﮯ ﮔﺎ
ﻋﺬﺭ
ﺑﮩﺮ ﻧﻤﺎﺯ ﻋﯿﺪ ﺑﮭﯽ ﺣﺎﺿﺮ ﻧﮧ ﮨﻮ ﺳﮑﻮﮞ
ﻣﺎﻧﻮﺱ ﺍﺱ ﻗﺪﺭ ﺑﮭﯽ ﻧﮩﯿﮟ ﺍﭘﻨﮯ ﮔﮭﺮ ﺳﮯ ﻣﯿﮟ
ﺍﮮ ﺭﺣﻤﺖ ﺗﻤﺎﻡ ﻣﯿﺮﯼ ﯾﮧ ﺧﻄﺎ ﻣﻌﺎﻑ
ﺣﺎﺿﺮ ﻧﮧ ﺗﮭﺎ ﺧﻄﯿﺐ ﮐﮯ ﺧﻄﺒﮯ ﮐﮯ ﮈﺭ ﺳﮯ ﻣﯿﮟ
ﯾﮧ ﺍﯾﮏ ﻣﺴﻠﻤﮧ ﺻﺪﺍﻗﺖ ﮨﮯ ﮐﮧ ﺍﺧﻼﻗﯿﺎﺕ ﮐﺎ ﻗﺼﺮ ﻋﺎﻟﯽ ﺷﺎﻥ ﮨﻤﯿﺸﮧ ﻋﺪﻝ ﻭ ﺍﻧﺼﺎﻑ ﮐﯽ ﺍﺳﺎﺱ ﭘﺮ ﺍﺳﺘﻮﺍﺭ ﮨﻮﺗﺎ ﮨﮯ۔ ﺳﯿﺪ ﺿﻤﯿﺮ ﺟﻌﻔﺮﯼ ﮐﻮ ﺍﺱ ﺑﺎﺕ ﮐﺎ ﺷﺪﯾﺪ ﻗﻠﻖ ﺗﮭﺎ ﮐﮧ ﻣﻌﺎﺷﺮﮦ ﻗﺤﻂ ﺍﻟﺮﺟﺎﻝ ﮐﮯ ﺑﺎﻋﺚ ﺗﻮﺍﺯﻥ ﺍﻭﺭ ﺍﻋﺘﺪﺍﻝ ﮐﯽ ﺭﺍﮦ ﺳﮯ ﺑﮭﭩﮏ ﮔﯿﺎ ﮨﮯ۔ ﺟﺎﮨﻞ ﮐﻮ ﺍﺱ ﮐﯽ ﺟﮩﺎﻟﺖ ﮐﺎ ﺍﻧﻌﺎﻡ ﻣﻞ ﺟﺎﺗﺎ ﮨﮯ۔ ﮨﻮﺱ ﻧﮯ ﻧﻮﻉ ﺍﻧﺴﺎﮞ ﮐﻮ ﺍﻧﺘﺸﺎﺭ ﺍﻭﺭ ﺍﻓﺘﺮﺍﻕ ﮐﯽ ﮔﻤﺮﺍﮨﯽ ﻣﯿﮟ ﻣﺒﺘﻼ ﮐﺮ ﺩﯾﺎ ﮨﮯ۔ ﺫﺍﺗﯽ ﻣﻔﺎﺩﺍﺕ ﮐﯽ ﺧﺎﻃﺮ ﻟﻮﮒ ﺍﭘﻨﮯ ﺍﺑﻨﺎﺋﮯ ﺟﻨﺲ ﮐﮯ ﺧﻮﻥ ﮐﮯ ﭘﯿﺎﺳﮯ ﮨﻮ ﮔﺌﮯ ﮨﯿﮟ۔ ﺳﯿﺪ ﺿﻤﯿﺮ ﺟﻌﻔﺮﯼ ﺍﯾﮏ ﺍﺳﻼﻣﯽ ﻓﻼﺣﯽ ﻣﻤﻠﮑﺖ ﮐﮯ ﺣﺎﻣﯽ ﺗﮭﮯ۔ ﻭﮦ ﺟﺒﺮ ﺍﻭﺭ ﺍﺳﺘﺤﺼﺎﻝ ﮐﻮ ﺳﺨﺖ ﻧﺎ ﭘﺴﻨﺪ ﮐﺮﺗﮯ ﺍﻭﺭ ﺍﺱ ﺑﺎﺕ ﭘﺮ ﺍﺻﺮﺍﺭ ﮐﺮﺗﮯ ﮐﮧ ﻇﻠﻢ ﺍﻭﺭ ﻧﺎ ﺍﻧﺼﺎﻓﯽ ﮐﮯ ﺳﺎﻣﻨﮯ ﺳﭙﺮ ﺍﻧﺪﺍﺯ ﮨﻮﻧﺎ ﺑﮧ ﺟﺎﺋﮯ ﺧﻮﺩ ﺍﯾﮏ ﻇﻠﻢ ﮨﮯ۔ ﻇﺎ ﻟﻢ ﮐﮩﯿﮟ ﺑﮭﯽ ﺍﻭﺭ ﮐﯿﺴﺎ ﺑﮭﯽ ﻃﺎﻗﺖ ﻭﺭ ﮨﻮ ﺍﺱ ﭘﺮ ﻟﻌﻨﺖ ﺑﮭﯿﺠﻨﺎ ﺍﻥ ﮐﺎ ﺷﻌﺎﺭ ﺗﮭﺎ۔ ﻗﯿﺎﻡ ﭘﺎﮐﺴﺘﺎﻥ ﮐﮯ ﺑﻌﺪ ﺭﻭﻧﻤﺎ ﮨﻮﻧﮯ ﻭﺍﻟﮯ ﺳﯿﺎﺳﯽ ﺣﺎﻻﺕ ﺳﮯ ﻭﮦ ﺧﺎﺻﮯ ﺩﻝ ﮔﺮﻓﺘﮧ ﺗﮭﮯ۔ ﺍﻥ ﮐﺎ ﺧﯿﺎﻝ ﺗﮭﺎ ﮐﮧ ﻣﻨﺰﻝ ﭘﺮ ﻭﮦ ﻟﻮﮒ ﻗﺎﺑﺾ ﮨﻮ ﮔﺌﮯ ﺟﻮ ﮐﮧ ﺷﺮﯾﮏ ﺳﻔﺮ ﮨﯽ ﻧﮧ ﺗﮭﮯ۔ ﺍﻥ ﺣﺎﻻﺕ ﻣﯿﮟ ﺳﻠﻄﺎﻧﯽِ ﺟﻤﮩﻮﺭ ﮐﺎ ﺧﻮﺍﺏ ﺷﺮﻣﻨﺪﮦ ﺗﻌﺒﯿﺮ ﻧﮧ ﮨﻮ ﺳﮑﺎ۔ ﺁﻣﺮﯾﺖ ﮐﮯ ﻣﺴﻤﻮﻡ ﺍﺛﺮﺍﺕ ﺳﮯ ﺗﺮﻗﯽ ﺍﻭﺭ ﺧﻮﺵ ﺣﺎﻟﯽ ﮐﯽ ﺭﺍﮨﯿﮟ ﻣﺴﺪﻭﺩ ﮨﻮﺗﯽ ﭼﻠﯽ ﮔﺌﯿﮟ ﺍﻭﺭ ﺍﺱ ﮐﺎ ﻧﺘﯿﺠﮧ ﯾﮧ ﻧﮑﻼ ﮐﮧ ﻣﻈﻠﻮﻡ ﺍﻭﺭ ﺑﮯ ﺑﺲ ﻋﻮﺍﻡ ﺁﺯﺍﺩﯼ ﮐﮯ ﺛﻤﺮﺍﺕ ﺳﮯ ﻣﺤﺮﻭﻡ ﮨﻮ ﮔﺌﮯ۔ ﭼﻮﺭ ﻣﺤﻞ ﻣﯿﮟ ﺟﻨﻢ ﻟﯿﻨﮯ ﻭﺍﻟﮯ ﺟﺐ ﭼﻮﺭ ﺩﺭﻭﺍﺯﮮ ﺳﮯ ﺟﺎﮦ ﻭ ﻣﻨﺼﺐ ﭘﺮ ﻏﺎﺻﺒﺎﻧﮧ ﻗﺒﻀﮧ ﮐﺮ ﻟﯿﺘﮯ ﮨﯿﮟ ﺗﻮ ﺑﻼ ﺷﺒﮧ ﻋﻘﺎﺑﻮﮞ ﮐﮯ ﻧﺸﯿﻤﻦ ﺯﺍﻏﻮﮞ ﮐﮯ ﺗﺼﺮﻑ ﻣﯿﮟ ﺁ ﺟﺎﺗﮯ ﮨﯿﮟ ﺍﻭﺭ ﮐﺎﻻ ﺩﮬﻦ ﮐﻤﺎﻧﮯ ﻭﺍﻟﮯ ﺗﻤﺎﻡ ﻭﺳﺎﺋﻞ ﭘﺮ ﮨﺎﺗﮫ ﺻﺎﻑ ﮐﺮ ﻟﯿﺘﮯ ﮨﯿﮟ۔ ﺍﯾﺴﮯ ﻣﻔﺎ ﭘﺮﺳﺖ ﻟﻮﮔﻮﮞ ﮐﯽ ﺑﺪ ﺍﻋﻤﺎﻟﯿﻮﮞ ﺍﻭﺭ ﻗﺒﯿﺢ ﮐﺮﺩﺍﺭ ﻧﮯ ﮨﻤﯿﮟ ﺍﻗﻮﺍﻡ ﻋﺎﻟﻢ ﮐﯽ ﺻﻒ ﻣﯿﮟ ﺗﻤﺎﺷﺎ ﺑﻨﺎ ﺩﯾﺎ ﮨﮯ۔ ﺍﺟﺎﻻ ﺩﺍﻍ ﺩﺍﻍ ﺍﻭﺭ ﺳﺤﺮ ﺷﺐ ﮔﺰﯾﺪﮦ ﮨﻮ ﮐﺮ ﺭﮦ ﮔﺌﯽ ﮨﮯ۔
ﺳﯿﺪ ﺿﻤﯿﺮ ﺟﻌﻔﺮﯼ ﮐﯽ ﻧﻈﻢ ’’ ﮨﻢ ﺁﺯﺍﺩ ﮨﯿﮟ ‘‘ ﺍﭘﻨﮯ ﺍﻧﺪﺭ ﺟﻮ ﮐﺮﺏ ﻟﯿﮯ ﮨﻮﺋﮯ ﻭﮦ ﮨﻤﺎﺭﮮ ﻟﯿﮯ ﻟﻤﺤﮧ ﻓﮑﺮﯾﮧ ﮨﮯ۔
ﮨﻢ ﺁﺯﺍﺩ ﮨﯿﮟ
ﻓﺮﺩ ﮨﻮ ﯾﺎ ﻣﻠﮏ ﺗﻨﮩﺎﺋﯽ ﮐﺎ ﯾﺎﺭﺍ ﺑﮭﯽ ﻧﮩﯿﮟ
ﺑﮭﺎﺋﯽ ﭼﺎﺭﮮ ﮐﮯ ﺑﮧ ﺟﺰ ﮐﻮﺋﯽ ﺍﻭﺭ ﭼﺎﺭﮦ ﺑﮭﯽ ﻧﮩﯿﮟ
ﮨﻢ ﻧﮯ ﯾﮧ ﻣﺎﻧﺎ ﺍﮐﯿﻠﮯ ﻣﯿﮟ ﮔﺰﺍﺭﮦ ﺑﮭﯽ ﻧﮩﯿﮟ
ﺑﺎﺕ ﮨﻮ ﺟﺎﺋﮯ ﮐﺴﯽ ﺳﮯ ﯾﮧ ﮔﻮﺍﺭﺍ ﺑﮭﯽ ﻧﮩﯿﮟ
ﮨﻢ ﻋﺠﺐ ﺁﺯﺍﺩ ﮨﯿﮟ ﮨﻢ ﮐﺲ ﻗﺪﺭ ﺁﺯﺍﺩ ﮨﯿﮟ
ﮨﻢ ﺯﻣﺎﻧﮯ ﻣﯿﮟ ﺑﮧ ﺍﻧﺪﺍﺯ ﺩﮔﺮ ﺁﺯﺍﺩ ﮨﯿﮟ
ﺁﺝ ﮐﻞ ﺩﻧﯿﺎ ﺳﻤﭧ ﮐﺮ ﺍﯾﮏ ﮐﺎﺥ ﻭ ﮐﻮ ﻣﯿﮟ ﮨﮯ
ﺍﮎ ﻗﺪﻡ ﻻﮨﻮﺭ ﻣﯿﮟ ﮨﮯ ﺍﯾﮏ ﭨﻤﺒﮑﭩﻮ ﻣﯿﮟ ﮨﮯ
ﺑﻢ ﺷﮑﺎﮔﻮ ﻣﯿﮟ ﺩﮬﻤﮏ ﺳﺎﺭﮮ ﮨﻨﻮ ﻟﻮﻟﻮ ﻣﯿﮟ ﮨﮯ
ﻻﻟﮧ ﻣﺼﺮﯼ ﺧﺎﻥ ﻟﯿﮑﻦ ﺍﭘﻨﯽ ﮨﺎﺅ ﮨﻮ ﻣﯿﮟ ﮨﮯ
ﻭﮦ ﯾﮧ ﮐﮩﺘﺎ ﮨﮯ ﮐﮧ ﮨﻢ ﻣﺮﺩﺍﻥ ﻧﺮ ﺁﺯﺍﺩ ﮨﯿﮟ
ﮨﻢ ﺯﻣﺎﻧﮯ ﻣﯿﮟ ﺑﮧ ﺍﻧﺪﺍﺯ ﺩﮔﺮ ﺁﺯﺍﺩ ﮨﯿﮟ
ﺁﺋﯿﮯ ﺍﺏ ﮔﮭﺮ ﻣﯿﮟ ﺁﺯﺍﺩﯼ ﮐﺎ ﻣﻨﻈﺮ ﺩﯾﮑﮭﯿﮯ
ﺟﺰ ﺑﮧ ﺟﺰ ﺑﮑﮭﺮ ﮨﻮﺍ ﺩﻓﺘﺮ ﮐﺎ ﺩﻓﺘﺮ ﺩﯾﮑﮭﯿﮯ
ﺍﭘﻨﯽ ﺻﻮﺭﺕ ﺍﭘﻨﮯ ﺁﺋﯿﻨﮯ ﮐﮯ ﺍﻧﺪﺭ ﺩﯾﮑﮭﯿﮯ
ﺷﺮﻡ ﺁﺋﮯ ﮔﯽ ﻣﮕﺮ ﺟﺎﻥ ﺑﺮﺍﺩﺭ ﺩﯾﮑﮭﯿﮯ
ﮨﻢ ﺗﻮ ﺁﺯﺍﺩﯼ ﺳﮯ ﺑﮭﯽ ﮐﭽﮫ ﺑﯿﺶ ﺗﺮ ﺁﺯﺍﺩ ﮨﯿﮟ
ﮨﻢ ﺯﻣﺎﻧﮯ ﻣﯿﮟ ﺑﮧ ﺍﻧﺪﺍﺯ ﺩﮔﺮ ﺁﺯﺍﺩ ﮨﯿﮟ
ﺧﻮﺍﺏ ﺁﺯﺍﺩﯼ ﮐﯽ ﯾﮧ ﺗﻌﺒﯿﺮ ﺳﻤﺠﮭﮯ ﮨﯿﮟ ﺿﻤﯿﺮ
ﯾﺎﺭ ﻣﺎﺭﯼ، ﭼﻮﺭ ﺑﺎﺯﺍﺭﯼ، ﺳﻤﮕﻠﻨﮓ، ﺩﺍﺭﻭﮔﯿﺮ
ﮔﮭﺎﺕ ﻣﯿﮟ ﺑﯿﭩﮭﺎ ﮨﻮﺍ ﮨﮯ ﮐﯿﺎ ﭘﯿﺎﺩﮦ ﮐﯿﺎ ﻭﺯﯾﺮ
ﺍﭘﻨﺎ ﺍﭘﻨﺎ ﮐﻮﮦ ﮐﻦ ﮨﮯ، ﺍﭘﻨﯽ ﺍﭘﻨﯽ ﺟﻮﺋﮯ ﺷﯿﺮ
ﺑﮯ ﻧﯿﺎﺯ ﺍﻣﺘﯿﺎﺯ ﺧﯿﺮ ﻭ ﺷﺮ ﺁﺯﺍﺩ ﮨﯿﮟ
ﮨﻢ ﺯﻣﺎﻧﮯ ﻣﯿﮟ ﺑﮧ ﺍﻧﺪﺍﺯ ﺩﮔﺮ ﺁﺯﺍﺩ ﮨﯿﮟ
ﺍﻧﺴﺎﻧﯽ ﻓﻄﺮﺕ ﮐﯽ ﺧﺎﻣﯿﺎﮞ ، ﺍﻧﺴﺎﻧﯽ ﻣﺰﺍﺝ ﮐﯽ ﺑﮯ ﺍﻋﺘﺪﺍﻟﯿﺎﮞ ﺍﻭﺭ ﻣﻌﺎﺷﺮﺗﯽ ﺯﻧﺪﮔﯽ ﮐﮯ ﺟﻤﻠﮧ ﺗﻀﺎﺩﺍﺕ ﮐﻮ ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺍﭘﻨﯽ ﻇﺮﯾﻔﺎﻧﮧ ﺷﺎﻋﺮﯼ ﻣﯿﮟ ﻣﻮﺍﺩ ﮐﮯ ﻃﻮﺭ ﭘﺮ ﺟﺲ ﺧﻼﻗﺎﻧﮧ ﻣﮩﺎﺭﺕ ﺳﮯ ﺍﺳﺘﻌﻤﺎﻝ ﮐﯿﺎ ﮨﮯ ﻭﮦ ﺍﻥ ﮐﮯ ﺻﺎﺣﺐ ﺍﺳﻠﻮﺏ ﺗﺨﻠﯿﻖ ﮐﺎﺭ ﮨﻮﻧﮯ ﮐﯽ ﻭﺍﺿﺢ ﺩﻟﯿﻞ ﮨﮯ۔ ﻭﮦ ﺍﺩﺏ ﮐﻮ ﺍﯾﮏ ﺳﻤﺎﺟﯽ ﻓﻌﺎﻟﯿﺖ ﺳﮯ ﺗﻌﺒﯿﺮ ﮐﺮﺗﮯ ﺗﮭﮯ۔ ﺍﻧﮭﻮﮞ ﻧﮯ ﺍﺩﺏ ﮐﻮ ﻋﻤﺮﺍﻧﯽ ﺻﺪﺍﻗﺘﻮﮞ ﮐﺎ ﺁﺋﯿﻨﮧ ﺩﺍﺭ ﺑﻨﺎ ﺩﯾﺎ ﮨﮯ۔ ﺍﻥ ﮐﮯ ﺍﺳﻠﻮﺏ ﻣﯿﮟ ﭘﺎﺋﯽ ﺟﺎﻧﮯ ﻭﺍﻟﯽ ﺷﮕﻔﺘﮕﯽ ﺍﻥ ﮐﯽ ﺷﺨﺼﯿﺖ ﮐﯽ ﻧﻔﺎﺳﺖ ﮐﯽ ﻣﻈﮩﺮ ﮨﮯ۔ ﺍﻥ ﮐﮯ ﺍﺳﻠﻮﺏ ﻣﯿﮟ ﮨﻤﺪﺭﺩﯼ، ﺍﻧﺲ، ﺧﻠﻮﺹ، ﻣﺮﻭﺕ، ﺍﯾﺜﺎﺭ ﺍﻭﺭ ﺍﻓﮩﺎﻡ ﻭ ﺗﻔﮩﯿﻢ ﮐﯽ ﺟﻮ ﻓﻀﺎ ﮨﮯ ﻭﮦ ﺍﻧﮭﯿﮟ ﺧﺎﻟﺺ ﻣﺰﺍﺡ ﻧﮕﺎﺭ ﮐﮯ ﺑﻠﻨﺪ ﻣﻘﺎﻡ ﭘﺮ ﻓﺎﺋﺰ ﮐﺮﺗﯽ ﮨﮯ۔ ﺍﻥ ﮐﯽ ﻣﻀﺒﻮﻁ ﺍﻭﺭ ﻣﺴﺘﺤﮑﻢ ﺷﺨﺼﯿﺖ ﻣﯿﮟ ﺍﻭﻟﻮﺍﻟﻌﺰﻣﯽ، ﺑﻠﻨﺪ ﮨﻤﺘﯽ ﺍﻭﺭ ﻣﺴﺘﻘﻞ ﻣﺰﺍﺟﯽ ﮐﮯ ﻋﻨﺎﺻﺮ ﭘﻮﺭﯼ ﻗﻮﺕ ﮐﮯ ﺳﺎﺗﮫ ﺍﭘﻨﯽ ﻣﻮﺟﻮﺩﮔﯽ ﮐﺎ ﺍﺣﺴﺎﺱ ﺩﻻﺗﮯ ﮨﯿﮟ۔ ﺍﻥ ﮐﯽ ﻣﺴﺤﻮﺭ ﮐﻦ ﺷﺨﺼﯿﺖ ﺍﻥ ﮐﮯ ﻣﻨﻔﺮﺩ ﺍﺳﻠﻮﺏ ﻣﯿﮟ ﺍﭘﻨﯽ ﭘﻮﺭﯼ ﺗﺎﺑﺎﻧﯿﻮﮞ ﮐﮯ ﺳﺎﺗﮫ ﺍﺷﻌﺎﺭ ﮐﮯ ﭘﺲ ﻣﻨﻈﺮ ﻣﯿﮟ ﺍﭘﻨﯽ ﻣﻮﺟﻮﺩﮔﯽ ﮐﺎ ﺍﺣﺴﺎﺱ ﺩﻻﺗﯽ ﮨﮯ۔ ﺍﯾﮏ ﻧﻘﺎﺩ ﺟﺐ ﮐﺴﯽ ﻗﻮﻡ ﮐﮯ ﻓﮑﺮﯼ ﺍﺭﺗﻘﺎ ﮐﺎ ﻣﻄﺎﻟﻌﮧ ﮐﺮﻧﺎ ﭼﺎﮨﺘﺎ ﮨﮯ ﺗﻮ ﻭﮦ ﺍﺱ ﺍﻣﺮ ﭘﺮ ﺗﻮﺟﮧ ﺩﯾﺘﺎ ﮨﮯ ﮐﮧ ﺍﺱ ﻗﻮﻡ ﮐﯽ ﻟﺴﺎﻧﯽ ﺑﻨﯿﺎﺩ ﮐﺲ ﻗﺪﺭ ﻣﺴﺘﺤﮑﻢ ﮨﮯ۔ ﯾﺎﺩ ﺭﮐﮭﻨﺎ ﭼﺎﮨﯿﮯ ﻟﺴﺎﻧﯿﺎﺕ ﮐﯽ ﺗﻔﮩﯿﻢ ﮐﮯ ﻟﯿﮯ ﯾﮧ ﺟﺎﻧﻨﺎ ﺿﺮﻭﺭﯼ ﮨﮯ ﮐﮧ ﮐﻮﺋﯽ ﺑﮭﯽ ﻗﻮﻡ ﺍﭘﻨﯽ ﺯﺑﺎﻥ ﮐﮯ ﺍﺳﺘﻌﻤﺎﻝ ﻣﯿﮟ ﮐﺲ ﻗﺪﺭ ﺫﮨﻨﯽ ﺑﺎﻟﯿﺪﮔﯽ ﺍﻭﺭ ﭘﺨﺘﮕﯽ ﮐﺎ ﻣﻈﺎﮨﺮﮦ ﮐﺮﺗﯽ ﮨﮯ۔ ﺍﺱ ﺍﻣﺮ ﮐﯽ ﺟﺎﻧﭻ ﭘﺮﮐﮫ ﮐﺎ ﺍﯾﮏ ﮨﯽ ﻣﻌﯿﺎﺭ ﮨﮯ ﮐﮧ ﺍﺱ ﺯﺑﺎﻥ ﻣﯿﮟ ﻇﺮﺍﻓﺖ ﮐﺎ ﮐﺘﻨﺎ ﻭﻗﯿﻊ ﺳﺮﻣﺎﯾﮧ ﻣﻮﺟﻮﺩ ﮨﮯ۔ ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺍﺭﺩﻭ ﺯﺑﺎﻥ ﮐﻮ ﻃﻨﺰ ﻭ ﻣﺰﺍﺡ ﮐﮯ ﺣﻮﺍﻟﮯ ﺳﮯ ﺛﺮﻭﺕ ﻣﻨﺪ ﮐﺮ ﺩﯾﺎ۔ ﺍﻥ ﮐﯽ ﺗﺨﻠﯿﻘﯽ ﻓﻌﺎﻟﯿﺖ ﺳﮯ ﺍﺭﺩﻭ ﺯﺑﺎﻥ ﻣﯿﮟ ﻃﻨﺰ ﻭ ﻣﺰﺍﺡ ﮐﯽ ﺛﺮﻭﺕ ﻣﯿﮟ ﻗﺎﺑﻞ ﺗﺤﺴﯿﻦ ﺍﺿﺎﻓﮧ ﮨﻮﺍ۔ ﺍﻧﮭﻮﮞ ﻧﮯ ﺍﭘﻨﮯ ﺗﺨﻠﯿﻘﯽ ﺗﺠﺮﺑﺎﺕ ﮐﮯ ﺍﻋﺠﺎﺯ ﺳﮯ ﺍﺭﺩﻭ ﺯﺑﺎﻥ ﮐﻮ ﺑﻠﻨﺪ ﭘﺎﯾﮧ ﻇﺮﺍﻓﺖ ﮐﮯ ﺷﺎﮨﮑﺎﺭﻭﮞ ﺳﮯ ﻣﺘﻤﺘﻊ ﮐﯿﺎ ﺍﻭﺭ ﯾﮧ ﺛﺎﺑﺖ ﮐﺮ ﺩﯾﺎ ﮐﮧ ﺍﺭﺩﻭ ﺯﺑﺎﻥ ﺩﻧﯿﺎ ﮐﯽ ﻣﺘﻤﺪﻥ ﺯﺑﺎﻧﻮﮞ ﻣﯿﮟ ﺷﺎﻣﻞ ﮨﮯ۔ ﺍﻥ ﮐﯽ ﺷﺎﻋﺮﯼ ﮐﮯ ﻣﻄﺎﻟﻌﮧ ﺳﮯ ﻣﻌﺎﺷﺮﺗﯽ ﺑﺼﯿﺮﺕ ﮐﻮ ﻧﻤﻮ ﻣﻠﺘﯽ ﮨﮯ ﺍﻭﺭ ﺍﺱ ﻃﺮﺡ ﻗﺎﺭﯼ ﺍﭘﻨﮯ ﺍﻧﺪﺭ ﺍﯾﮏ ﻭﻟﻮﻟﮧ ﺗﺎﺯﮦ ﻣﺤﺴﻮﺱ ﮐﺮﺗﺎ ﮨﮯ۔ ﺍﺳﮯ ﯾﻮﮞ ﻣﺤﺴﻮﺱ ﮨﻮﺗﺎ ﮨﮯ ﮐﮧ ﮨﺮ ﻟﺤﻈﮧ ﻧﯿﺎ ﻃﻮﺭ ﻧﺌﯽ ﺑﺮﻕ ﺗﺠﻠﯽ ﮐﯽ ﮐﯿﻔﯿﺖ ﮨﮯ ﺍﻭﺭ ﻣﺮﺣﻠﮧ ﺷﻮﻕ ﮨﮯ ﮐﮧ ﺍﺑﮭﯽ ﻃﮯ ﻧﮩﯿﮟ ﮨﻮ ﭘﺎ ﺭﮨﺎ۔
ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺍﻧﺴﺎﻧﯿﺖ ﮐﻮ ﺍﺱ ﻋﺎﻟﻢ ﺁﺏ ﻭ ﮔﻞ ﮐﯽ ﻋﻈﯿﻢ ﺗﺮﯾﻦ ﻗﺪﺭ ﻗﺮﺍﺭ ﺩﯾﺎ۔ ﺍﻧﺴﺎﻧﯿﺖ ﮐﯽ ﺗﻮﮨﯿﻦ، ﺗﺬﻟﯿﻞ، ﺗﻀﺤﯿﮏ ﺍﻭﺭ ﺑﮯ ﺗﻮﻗﯿﺮﯼ ﮐﺮﻧﮯ ﻭﺍﻟﻮﮞ ﮐﮯ ﺧﻼﻑ ﺍﻧﮭﻮﮞ ﻧﮯ ﻗﻠﻢ ﺑﮧ ﮐﻒ ﻣﺠﺎﮨﺪ ﮐﺎ ﮐﺮﺩﺍﺭ ﺍﺩﺍ ﮐﯿﺎ۔ ﺍﻧﮭﻮﮞ ﻧﮯ ﻇﺎﻟﻢ ﻭ ﺳﻔﺎﮎ، ﻣﻮﺫﯼ ﻭ ﻣﮑﺎﺭ ﺍﺳﺘﺤﺼﺎﻟﯽ ﻋﻨﺎﺻﺮ ﮐﮯ ﻣﮑﺮ ﮐﺎ ﭘﺮﺩﮦ ﻓﺎﺵ ﮐﺮﻧﮯ ﻣﯿﮟ ﮐﺒﮭﯽ ﺗﺎﻣﻞ ﻧﮧ ﮐﯿﺎ۔ ﺁﺝ ﮨﻤﺎﺭﮮ ﺩﻭﺭ ﮐﺎ ﺍﻟﻤﯿﮧ ﯾﮧ ﮨﮯ ﮐﮧ ﻓﺮﺩ ﮐﯽ ﺑﮯ ﭼﮩﺮﮔﯽ ﺍﻭﺭ ﻋﺪﻡ ﺷﻨﺎﺧﺖ ﮐﺎ ﻣﺴﺌﻠﮧ ﺭﻭﺯ ﺑﮧ ﺭﻭﺯ ﮔﻤﺒﮭﯿﺮ ﺻﻮﺭﺕ ﺍﺧﺘﯿﺎﺭ ﮐﺮﺗﺎ ﭼﻼ ﺟﺎ ﺭﮨﺎ ﮨﮯ۔ ﺍﻥ ﻟﺮﺯﮦ ﺧﯿﺰ ﺍﻋﺼﺎﺏ ﺷﮑﻦ ﺣﺎﻻﺕ ﻣﯿﮟ ﺯﻧﺪﮔﯽ ﮐﯽ ﺭﻋﻨﺎﺋﯿﺎﮞ ﮔﮩﻨﺎ ﮔﺌﯽ ﮨﯿﮟ ، ﺭﺗﯿﮟ ﺑﮯ ﺛﻤﺮ، ﮐﻠﯿﺎﮞ ﺷﺮﺭ، ﺁﮨﯿﮟ ﺑﮯ ﺍﺛﺮ، ﺯﻧﺪﮔﯿﺎﮞ ﭘﺮ ﺧﻄﺮ ﺍﻭﺭ ﺁﺑﺎﺩﯾﺎﮞ ﺧﻮﮞ ﻣﯿﮟ ﺗﺮ ﮐﺮ ﺩﯼ ﮔﺌﯽ ﮨﯿﮟ۔ ﺳﯿﺪ ﺿﻤﯿﺮ ﺟﻌﻔﺮﯼ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﺍﺱ ﺍﻣﺮ ﭘﺮ ﺍﺻﺮﺍﺭ ﮐﺮﺗﯽ ﮨﮯ ﮐﮧ ﮨﻮﺍﺋﮯ ﺟﻮﺭ ﻭ ﺳﺘﻢ ﻣﯿﮟ ﺑﮭﯽ ﺭﺥ ﻭﻓﺎ ﮐﻮ ﺑﺠﮭﻨﮯ ﻧﮧ ﺩﯾﺎ ﺟﺎﺋﮯ۔ ﺣﻮﺻﻠﮯ، ﺍﻣﯿﺪ ﺍﻭﺭ ﺭﺟﺎﺋﯿﺖ ﭘﺮ ﻣﺒﻨﯽ ﯾﮧ ﻇﺮﯾﻔﺎﻧﮧ ﺷﺎﻋﺮﯼ ﮨﺮ ﻋﮩﺪ ﻣﯿﮟ ﺩﻟﻮﮞ ﮐﻮ ﻣﺮﮐﺰ ﻣﮩﺮ ﻭ ﻭﻓﺎ ﮐﺮﻧﮯ ﮐﺎ ﻭﺳﯿﻠﮧ ﺛﺎﺑﺖ ﮨﻮ ﮔﯽ۔ ﺍﻥ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﺍﯾﮏ ﺧﺎﺹ ﻧﻮﻋﯿﺖ ﮐﯽ ﺍﻧﻔﻌﺎﻟﯽ ﮐﯿﻔﯿﺖ ﺍﻭﺭ ﺑﺼﯿﺮﺕ ﮐﯽ ﺍﻣﯿﻦ ﮨﮯ ﺟﺲ ﮐﯽ ﺑﺪﻭﻟﺖ ﮨﺠﻮﻡ ﯾﺎﺱ ﻣﯿﮟ ﺑﮭﯽ ﺩﻝ ﮐﻮ ﺳﻨﺒﮭﺎﻟﻨﮯ ﻣﯿﮟ ﮐﺎﻣﯿﺎﺑﯽ ﮨﻮﺗﯽ ﮨﮯ۔ ﻇﺮﺍﻓﺖ ﻧﮯ ﺍﻥ ﮐﻮ ﻋﺸﻖ ﮐﮯ ﺑﻠﻨﺪ ﻣﻘﺎﻡ ﺗﮏ ﭘﮩﻨﭽﺎ ﺩﯾﺎ۔ ﺍﻥ ﮐﺎ ﻣﺰﺍﺡ ﮔﮩﺮﯼ ﺳﻮﭺ، ﻓﮑﺮﯼ ﺑﺎﻟﯿﺪﮔﯽ، ﺫﮨﻦ ﻭ ﺫﮐﺎﻭﺕ ﺍﻭﺭ ﺗﺠﺰﯾﮧ ﺳﮯ ﺑﮭﺮ ﭘﻮﺭ ﮨﮯ۔ ﻋﻨﺎﺻﺮ ﻣﯿﮟ ﺭﺷﺘﻮﮞ ﮐﺎ ﺍﯾﮏ ﻧﻈﺎﻡ ﮐﺎﺭﻓﺮﻣﺎ ﮨﻮﺗﺎ ﮨﮯ۔ ﺳﯿﺪ ﺿﻤﯿﺮ ﺟﻌﻔﺮﯼ ﻧﮯ ﺍﯾﮏ ﮐﺎﻣﯿﺎﺏ ﻣﺰﺍﺡ ﻧﮕﺎﺭ ﮐﮯ ﻃﻮﺭ ﭘﺮ ﺍﻥ ﻋﻨﺎﺻﺮ ﮐﯽ ﺑﮯ ﺍﻋﺘﺪﺍﻟﯿﻮﮞ ﮐﮯ ﺑﺎﺭﮮ ﻣﯿﮟ ﮨﻤﺪﺭﺩﺍﻧﮧ ﺷﻌﻮﺭ ﮐﻮ ﺍﺟﺎﮔﺮ ﮐﯿﺎ ﺍﻭﺭ ﻓﻦ ﻣﺰﺍﺡ ﻧﮕﺎﺭﯼ ﮐﮯ ﺗﻤﺎﻡ ﭘﮩﻠﻮﺅﮞ ﮐﻮ ﺍﭘﻨﮯ ﺍﺳﻠﻮﺏ ﮐﯽ ﺍﺳﺎﺱ ﺑﻨﺎﯾﺎ۔ ﻭﮦ ﺍﻋﺘﺪﺍﻝ ﭘﺴﻨﺪﯼ ﮐﯽ ﺭﻭﺵ ﺍﭘﻨﺎﻧﮯ ﭘﺮ ﺯﻭﺭ ﺩﯾﺘﮯ ﮨﯿﮟ ﺍﻭﺭ ﺍﻥ ﮐﺎ ﭘﯿﻐﺎﻡ ﻣﺴﺮﺕ ﮨﮯ ﺟﮩﺎﮞ ﺗﮏ ﭘﮩﻨﭽﮯ۔
ﺍﺭﺩﻭ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﮐﺎ ﯾﮧ ﺁﻓﺘﺎﺏ 12 ﻣﺌﯽ 1999 ﮐﻮ ﻏﺮﻭﺏ ﮨﻮ ﮔﯿﺎ۔ ﺍﻥ ﮐﯽ ﻭﻓﺎﺕ ﺳﮯ ﺍﺭﺩﻭ ﮐﯽ ﻇﺮﯾﻔﺎﻧﮧ ﺷﺎﻋﺮﯼ ﮐﺎ ﺍﯾﮏ ﻋﮩﺪ ﺍﭘﻨﮯ ﺍﺧﺘﺘﺎﻡ ﮐﻮ ﭘﮩﻨﭽﺎ۔
ﺍﻥ ﮐﯽ ﺷﺎﻋﺮﯼ ﺍﻧﮭﯿﮟ ﺷﮩﺮﺕ ﻋﺎﻡ ﺍﻭﺭ ﺑﻘﺎﺋﮯ ﺩﻭﺍﻡ ﮐﮯ ﺩﺭﺑﺎﺭ ﻣﯿﮟ ﺑﻠﻨﺪ ﻣﻘﺎﻡ ﭘﺮ ﻓﺎﺋﺰ ﮐﺮﮮ ﮔﯽ۔ ﻟﻮﺡ ﺟﮩﺎﮞ ﭘﺮ ﺍﻥ ﮐﺎ ﻧﺎﻡ ﮨﻤﯿﺸﮧ ﺛﺒﺖ ﺭﮨﮯ ﮔﺎ۔ ﻭﮦ ﺍﯾﮏ ﻋﻈﯿﻢ ﺍﻟﺸﺎﻥ ﺷﻌﺮﯼ ﺭﻭﺍﯾﺖ ﮐﮯ ﻣﻮﺟﺪ ﺗﮭﮯ۔ ﺍﻥ ﮐﯽ ﻭﻓﺎﺕ ﮐﮯ ﺳﺎﺗﮫ ﮨﯽ ﺍﺭﺩﻭ ﺷﺎﻋﺮﯼ ﻣﯿﮟ ﻃﻨﺰ ﻭ ﻣﺰﺍﺡ ﮐﯽ ﺍﯾﮏ ﺩﺭﺧﺸﺎﮞ ﺭﻭﺍﯾﺖ ﻧﺌﯽ ﻧﺴﻞ ﮐﻮ ﻣﻨﺘﻘﻞ ﮨﻮ ﮔﺌﯽ۔ ﺍﻥ ﮐﮯ ﺑﺎﺭﮮ ﻣﯿﮟ ﺍﺣﺒﺎﺏ ﯾﮧ ﮐﮩﺎ ﮐﺮﺗﮯ ﺗﮭﮯ ﮐﮧ ﻭﮦ ﺍﺱ ﻟﯿﮯ ﮨﻨﺴﺘﮯ ﮨﯿﮟ ﮐﮧ ﮐﮩﯿﮟ ﺩﯾﺪﮦ ﮔﺮﯾﺎﮞ ﮐﯽ ﻧﮩﺮ ﺍﻧﮭﯿﮟ ﺑﮩﺎ ﻧﮧ ﻟﮯ ﺟﺎﺋﮯ۔ ﺍﺏ ﺳﯿﻞ ﺯﻣﺎﮞ ﻧﮯ ﮨﻤﺎﺭﮮ ﮨﻨﺴﺘﮯ ﺑﻮﻟﺘﮯ ﭼﻤﻦ ﮐﻮ ﻣﮩﯿﺐ ﺳﻨﺎﭨﻮﮞ ﺍﻭﺭ ﺟﺎﻥ ﻟﯿﻮﺍ ﺩﮐﮭﻮﮞ ﮐﮯ ﺭﺣﻢ ﻭ ﮐﺮﻡ ﭘﺮ ﭼﮭﻮﮌ ﺩﯾﺎ ﮨﮯ۔
ﺑﺮﺱ ﮔﯿﺎ ﺑﮧ ﺧﺮﺍﺑﺎﺕ ﺁﺭﺯﻭ ﺗﯿﺮﺍ ﻏﻢ
ﻗﺪﺡ ﻗﺪﺡ ﺗﯿﺮﯼ ﯾﺎﺩﯾﮟ ﺳﺒﻮ ﺳﺒﻮ ﺗﯿﺮﺍ ﻏﻢ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
