جید عالم دین اور مشہور شاعر مفتی محمّد تقی عثمانی کا یومِ ولادت

آج – 27؍اکتوبر 1943

جید عالم دین اور مشہور شاعر” مفتی محمّد تقی عثمانی صاحب “ کا یومِ ولادت…

مفتی محمد تقی عثمانی عالم اسلام کے مشہور عالم اور جید فقیہ ہیں۔ آپ کا شمار عالم اسلام کی چند چوٹی کی علمی شخصیات میں ہوتا ہے۔ آپ 1980ء سے 1982ء تک وفاقی شرعی عدالت اور 1982ء سے 2002ء تک عدالت عظمی پاکستان کے شریعت ایپلیٹ بینچ کے جج رہے ہیں۔ آپ اسلامی فقہ اکیڈمی، جدہ کے نائب صدر اور جامعہ دارلعلوم، کراچی کے نائب مہتمم بھی ہیں۔ اس کے علاوہ آپ آٹھ اسلامی بینکوں میں بحیثیت مشیر کام کر رہے ہیں۔

مفتی محمد تقی عثمانی تحریک پاکستان کے کارکن اور مفتی اعظم پاکستان مفتی محمد شفیع عثمانی کے سب سے چھوٹے فرزند اور موجودہ مفتی اعظم پاکستان مفتی رفیع عثمانی کے چھوٹے بھائی ہیں۔ آپ کی پیدائش ٢٧؍ اکتوبر ١٩٤٣ء کو ہندوستان کے صوبہ اترپردیش کے ضلع سہارنپور کے مشہور قصبہ دیوبند میں ہوئی۔

🌹✨ پیشکش : اعجاز زیڈ ایچ

══━━━━✥•••✺◈✺•••✥━━━━══

🌹🎊 معروف شاعر مفتی محمّد تقی عثمانی صاحب کے یوم پیدائش پر منتخب کلام بطور خراجِ تحسین… 🎊🌹

محبت کیا ہے دل کا درد سے معمور ہو جانا

متاعِ جاں کسی کو سونپ کر مجبور ہو جانا

قدم حیراں ہیں اُلفت میں تو منزل کی ہوس کیسی

یہاں تو عین منزل ہے تھکن سے چُور ہو جانا

یہاں تو سر سے پہلے دل کا سودا شرط ہے یارو

کوئی آسان ہے کیا سرمد و منصور ہوجانا

بَسا لینا کسی کو دل میں دل ہی کا کلیجا ہے

پہاڑوں کو توبس آتا ہے جل کر طور ہوجانا

نظر سے دور رہ کر بھی تقی وہ پاس ہیں میرے

کہ میری عاشقی کو عیب ہے مہجور ہوجانا

●•●┄─┅━━━★✰★━━━┅─●•●

🍁 مفتی محمّد تقی عثمانی🍁

انتخــــــاب : اعجاز زیڈ ایچ