کنیز فاطمہ چیریٹیبل ایجوکیشنل اینڈ سوشل ویلفیر سوسائٹی، کریلی، الہ آباد کی جانب سے تہنیتی پروگرام کا انعقاد

تہنیتی پروگرام
پریس ریلیز۔ ۱۸؍ جنوری ۲۰۲۵ء پریاگ راج
کنیز فاطمہ چیریٹیبل ایجوکیشنل اینڈ سوشل ویلفیر سوسائٹی ، کریلی ، الہ آباد کی جانب سے تہنیتی پروگرام کا انعقاد
کنیز فاطمہ چیریٹیبل ایجوکیشنل اینڈ سوشل ویلفیر سوسائٹی کی جانب سے ایک تہنیتی پروگرام کا انعقاد کیا گیا جس کے تحت مس شیرین ثمر کو نیٹ ۲۰۲۴ء میں ۸۹‘۹۹ فی صد نمبر لا کر ۱۷ویں پوزیشن حاصل کی ہے۔ شیرین ثمر نے انٹیگرل یونیورسٹی ،لکھنئو سے اپنی بی ٹیک اور ایم ٹیک کی پڑھائی کی ہے۔ دونوں ہی امتحانات میں انھیں نمایاں کامیابی ملی اور اب وہ ڈیری پروڈکٹس میں ریسرچ کا ارادہ رکھتی ہیں ۔ ان دنوں وہ اپنی ریسرچ سناپسس کی تیاری میں مشغول ہیں ۔ ان کی محنت اور لگن کی ستائش اور بہتر مستقبل کی تمنا کرتے ہوئے کنیز فاطمہ سوسائٹی کے سرپرست جناب احسان اللہ انصاری صاحب نے غوث نگر واقع ان کی رہائش پر اس تہنیتی پروگرام کا انعقاد کیا جس کی صدارت معروف ادیب جناب کاظم عابدی نے کی اور پروفیسر صالحہ رشید بطور مہمان خصوصی موجود رہیں۔ اس موقعہ پر شیرین کے والدجناب ثمر علی خان اور ان کی اہلیہ محترمہ کی گلپوشی اور شال پوشی کر توصیفی سند پیش کی گئی ۔ انھیں ایسی ہونہار بیٹی کی تعلیم و تربیت کرنے کی داد و ستائش کرتے ہوئے مبارکباد پیش کی گئی۔ مس شیرین ثمر اس پروگرام میں آن لائن موجود رہیں۔ در اصل کنیز فاطمہ سوسائٹی نے ایک نئی رسم کا آغاز کیا ہے کہ وہ ہونہار طلبہ کے والدین کی ان کی رہائش گاہ پر پہنچ کر تہنیت پیش کرے گی۔ اس سلسلہ کا یہ پہلا پروگرام تھا۔جناب اسرار انصاری ، محترمہ رضیہ خاتون، مس مریم احسان اللہ و ان کی والدہ، بیبی فاطمہ زہرا، جناب محمد آفاق احمد و دیگر شرکاء نے اس محفل کو رونق بخشی اور اس نئی شروعات کی خوب ستائش کی ساتھ ہی شیرین کو روشن مستقبل کی دعا دی۔