کِشتِ حیات میں تو مقدر نہ بو سکے

صادق باجوہ(امریکہ)

کِشتِ حیات میں تو مقدر نہ بوسکے

ہوتے کسی کے کیا اگر اپنے نہ ہو سکے

تِشنہ طلب رہے نہ کوئی آرزو اگر

بحرِ قناعتوں میں تمنّا ڈبو سکے

محرومِ عدل دیکھ کر ماتم کناں ہوئے

آئے جب اِقتدارمیں مُنصِف نہ ہو سکے

لذت شناس سوزشِ درد و الم بھی ہیں

یادوں کی تلخیوں کو بھی دل میں سمو سکے

ہے مَوجۂِ قرار و سکوں دل میں موجزن

پاتا ہے جو شریکِ غمِ غیر ہو سکے

لَوحِ عمل تو دُھل گئی اشکوں کے سیل سے

ہم آنسوؤں کی اور نہ لڑیاں پِرو سکے

صاؔدق غمِ حیات غمِ کائینات ہے

م نفرتوں کے داغ سے دامن نہ دھو سکے