زیارتِ کعبہ

صادق باجوہ(امریکہ)

اپنی بخشش کی دعا کرتے رہے

ہم تری حمد و ثنا  کرتے   رہے

اَرمغانِ  قلب  نذرِ  جاں   رہی

آنسوؤں  سے  پُر خلا کرتے رہے

خَم جبینِ  اِنس  و جاں   ہر  دم  رہی

عہد پا رینہ وفا  کرتے  رہے

ہر صدا  ’’لبّیک‘‘ جسم و جاں  کے ساتھ

 مُنفعِل  دل   اِلتَجا  کرتے  رہے

عظمت  و ہیبت کا دل سے احترام

مدتوں  سے    با وفا   کرتے  رہے

ہیں وسیلہ،  مدح خواں جن کے لئے

رات  دن  صلّ علٰی  کرتے  رہے

مرجَعِ  عالم  ہوا،  جس کا  طواف

انبیا   و  اصفیا   کرتے     رہے

۔۔۔۔۔۔۔۔۔۔۔۔۔۔۔۔

ایک شعر

ہے حضوری  میں گدائی،   سروری

کاسۂِ  دل  حمد  سے  بھرتے رہے