(Last Updated On: )
منیر ارمانؔ نسیمی(بھدرک)
رات بھر مُسکراتی رہی چاندنی
مجھ کو کتنا ستاتی رہی چاندنی
رات بھر چاند کو آزماتا رہا
اور مجھے آزماتی رہی چاندنی
وصل کی شب میں لب تک ہلا نہ سکے
سحر تک گنگناتی رہی چاندنی
میں سُناتا رہا داستانِ حیات
داغِ اُلفت دکھاتی رہی چاندنی
اُس کے رُخ کی تمازت سے لگتا ہے یوں
دودھ میں روز جیسے نہاتی رہی چاندنی
غم اُگلتا رہا دن میں سورج مگر
خوں کے آنسو رُلاتی رہی چاندنی
مجھ کو ہر موڑ پر روکا طوفان نے
میری ہمّت بڑھاتی رہی چاندنی
زندگی اک موجِ رواں ہے ارمانؔ
چار دن کو آتی جاتی رہی چاندنی
