سوہنی دھرتی

ہر یا لیاں گندم کی

پہنی ہیں دھرتی

نے بالیاں گندم کی

٭

مکھ دھرتی کا نُو را نی

جھومرپیٹر اس کے

کھیت اِس کی ہیں پیشانی

٭

باغات کی افشاں ہے

اور حسیں جنگل

کی زُلفِ پریشاں ہے

٭

کیا رُوپ نکا لا ہے

گردن میں اِس کی

در یاؤں کی مالا ہے

٭

جذبوں سا سمندر بھی

سینۂ دھرتی کے

باہر بھی ہے، اندر بھی

٭

جھیلیں اس کے درپن

اور سُرنگیں ہیں

دھرتی کے حسیں۔ کنگن

٭

رُت پیار کے میلوں کی

گجرے کلیوں کے

جھانجھر سی ہے بیلوں کی

٭

خوشبو احساس اس کا

رنگت سرخ ‘سفید

اور سبز لباس اس کا

٭

پھولوں کی ہے نرمی بھی

اس کی محبت میں

صحراؤں کی گرمی بھی

٭

چشمے کہسا ر و ں کے

فیض یہ دھرتی ماں

کے دُودھ کی دھاروں کے

٭

چاند اور ستارے ہیں

ہم سب اِس دھرتی

کے راج دُلارے ہیں

٭٭٭