(Last Updated On: )
درکار دوا درد کی ہے سرورِ عالم
اے ارحمِ عالم
محکوموں کے ہمدم ہو عطا درد کا مرہم
اے ارحمِ عالم
ہر دور کا دلدارِ الٰہی ہے مدد گار
ہر عہد کا سردار
ہر دکھ کی دوائی ہو عطا مولائے عالم
اے ارحمِ عالم
ہوں دور مرے درد و الم ، روح کو آرام
اے محورِ اکرام
اک کاسہء دل لے کے لگا د ر سے ہو ں ہر دم
اے ارحمِ عالم
اے مالکِ کُل صلِّ علیٰ مہرِ مسلسل
اے کامل و اکمل
ہر گل کدہ مہکے مرا امدادہودم دم
اے ارحمِ عالم
ہر درد کے مارے کے ہوئے درد و الم دور
اور رحم سے معمور
اے مہرِ الٰہی کے علمدارِ مکرّم
اے ارحمِ عالم
عاصی ہوں مگر راہِ مراحم کا ہوں راہی
دلدارِ الٰہی
سائلؔ ہوں درِ مہر و عطا راحم و ارحم
اے ارحمِ عالم
سائلؔ ہے درِ والا کا معمولی سوالی
لولاک کے والی
ہر دکھ سے رہائی ہو مرے حاکم و احکم
اے ارحمِ عالم
