(Last Updated On: )
کرو اس کی ہر دم محامد سرائی
ہے اعلیٰ کمائی
اسی در سے دائم ملی ہے رہائی
ہے اعلیٰ کمائی
وہ صالح سے موسیٰ سے آدم سے اعلیٰ
الٰہ کا حوالہ
وہی سامعِ دہر ہے،اک دہائی
ہے اعلیٰ کمائی
وہ ہر اک گداگر کو آسودگی دے
وہ ہر آگہی دے
عطا سائلوں کو کرے سورمائی
ہے اعلیٰ کمائی
ہٹے دہر سے دُور آلودہ سائے
وہ آئے وہ آئے
وہ آئے دلوں کی کلی مسکرائی
ہے اعلیٰ کمائی
وہ سرکار عالی وہ امرِ الٰہی
وہ سدرہ کا راہی
دروں دل کے اس کی ولا ہے سمائی
ہے اعلیٰ کمائی
الم کو ہٹائے کرے عمر آساں
امامِ رسولاں
کرم کی ہوا اُس کے در سے ہے آئی
ہے اعلیٰ کمائی
اُسی کی مدد سے ملا ہم کو اللہ
ملا ہم کو واللہ
اُسی سے ملا ہر کو درسِ اکائی
ہے اعلیٰ کمائی
اسی واسطے ہر سے اعلیٰ ہوں سائلؔ
اُسی در کو مائل
اسی در سے دائم ملی ہے رہائی
ہے اعلیٰ کمائی
