مما ….. مما …..
کیا ہوا, نیلم ناشتا بنا رہی تھی جب ماہ نور اور ماہین بدحواسی کے عالم میں بھاگتی ہوئی آئیں.
کیا ہوا …… نیلم نے پوچھا
وہ مما, ماہ نور نے چھت کی طرف اشارہ کیا.
نیلم بچیوں کے ہمراہ بھاگتی ہوئی چھت پر پہنچی تو تمام رنگ برنگی چڑیاں مری ہوئی حالت میں ملیں.
یہ کیسے ہوا …… نیلم نے موںھ پر باتھ رکھ لیا.
پتہ نہیں مما. ہم لوگ کھیلنے آئے اوپر تو یہ اچانک سے شور مچانے لگ گئیں اور دیکھتے ہی دیکھتے گرنے لگیں اور مر گئیں. اب ماہ نور اپنی چڑیوں کے قریب بیٹھ کر رونے لگی.
کچھ دن پہلے ہی تو غضنفر بھائی نے لے کر دی تھیں ماہرہ کی ضد پر. لیکن آج اچانک ایک ساتھ ہی یہ چڑیاں مر کیسے گئی تھیں.
ہیلو خیام ……. ہاں نیلو بولو.
وہ چھت پر ساری چڑیاں مر گئیں.
واٹ …… ایکدم کیسے, بھوک سے تو نہیں مر گئیں. کہا بھی تھا پرندوں کو قید نہیں کرتے خیام بولا.
نہیں خیام اچانک مر گئیں سب. نیلم پریشان ہو رہی تھی.
میں آتا ہوں کچھ دیر میں تم پریشان مت ہو. خیام بولا
+++++++++++++++++
خیام یہ سب کیا ہو رہا ہے, یوں ساری چڑیوں کا مر جانا اچھی بات نہیں ہے. مجھے ڈر لگ رہا ہے . نیلم نے کہا
کچھ نہیں ہے یار پرندوں میں بیماریاں بھی تو ہوتی ہیں نا. اور کیا وجہ ہو سکتی ہے .خیام کے سمجھانے کا اثر تھا شاید کہ نیلم نارمل ہو گئی.
++++++++++++++++++
وہ کھیلتی ہوئی پھر سے اس برگد کے پیڑ کے قریب پہنچ گئی تھی جس پر جھولا بندھا ہوا تھا. اس کی گڑیا اس کے ہاتھ میں تھی. وہ جھولے لینے لگی.
ماہین بیٹا روشن کو میں نے نہلا دیا ہے. آجاؤ میرا بچہ, مما آپ کو نہلا دیں. نیلم یہ بولتی ہوئی روم میں گئی تو ماہین وہاں نہیں تھی.
یہ لڑکی پتہ نہیں کہاں چلی گئی ہے. نیلم بڑبڑائی
ماریہ ………
جی بی بی جی.
ماہین کو دیکھو کہاں ہے.
جی بی بی جی. ماریہ نے اثبات میں سر ہلایا اور ماہین کو ڈھونڈنے لگی
وہ نہیں ہے گھر میں نیلم باجی. وہ باہر کھیل رہی ہوگی.
اچھا تم روشن کو سنبھالو میں دیکھتی ہوں, وہ پکا جھولے پر ہو گی. نیلم بولی
ماہین ……. ماہین ……
اکیلی ادھر کیوں بیٹھی ہو. نیلم جیسے ہی برگد کے پیڑ تک پہنچی, اس نے دیکھا کہ ماہین ہنس ہنس کر کسی سے باتیں کر رہی ہے.
نیلم نے پہلے سمجھا ماہ نور یا ماہرہ ہونگی اس کے ساتھ, لیکن قریب جاتے ہی پتہ چلا کہ وہ تو اکیلی ہے.
ماہین …… ادھر کیا کر رہی ہو. چلو اندر چلو. یوں دوپہر میں اکیلے پیڑ کے نیچے نہیں بیٹھتے. لیکن ماہین اس کی باتیں سن ہی نہیں رہی تھی.
نیلم نے ماہین کو اٹھا لیا بانہوں میں لیکن وہ ابھی بھی پیچھے پیڑ کی طرف دیکھ رہی تھی.
کیا ہے وہاں ماہین. نیلم نے پوچھا
مما ….. وہ. ماہین نے پیچھے دیکھ کر اشارہ کیا. نیلم نے جیسے ہی پیچھے دیکھا تو اسے جھولا ہلتا دکھائی دیا. ایسے جیسے اس پر کوئی بیٹھا ہوا ہو.
نیلم ماہین کو ہاتھوں میں اٹھائے وہاں سے فورا نکل آئی ……
خیام ……..
ہمم …….
خیام آج ماہین ……….نیلم نے ساری بات من و عن خیام کو بتادی.
واقعی وہاں کوئی نہیں تھا نیلم؟
ہاں خیام کوئی نہیں تھا اور جھولا خود ہل رہا تھا.
ماہین ……. میرا شونا کاکا ادھر آؤ پاپا کے پاش …… شاباش میرا بچہ ……. ماہی بچہ پاپا سے پیار کرتا …… خیام نے پچکارتے ہوئے کہا تو ماہین نے ہاں میں سر ہلایا.
آپ پاپا کے ساتھ کھیلو گے. خیام نے سوال کیا.
وہ نہیں کھیلنے دے گا پاپا. ماہین بولی
وہ کون؟ خیام نے پیار سے پوچھا
وہ ادھر ہی رہتا ہے پاپا. ماہین نے ہاتھ کے اشارے سے بتایا
کون بیٹا. خیام اب پریشان ہو رہا تھا.
وہ کہتا ہے یہ گھر اس کا ہے. ماہین معصومانہ انداز سے بولی
کون کہتا ہے ماہین. خیام نے ماہین کا چہرہ ہاتھوں میں تھام لیا
وہ ……. روشن کو مار دے گا پاپا ماہین نے کہا.
شٹ اپ ماہین ….. کیا بکواس ہے یہ. نیلم نے غصے سے کہا تو ماہین رونے لگی.
نیلم …. کیا بکواس ہے یار بچی پر غصہ کیوں کر رہی ہو تم. خیام نے نیلم کو ڈانٹ دیا.
خیام ماہین کی باتوں سے الجھ گیا تھا.
خیام جب آفس پہنچا تو اس کا دماغ الجھا ہوا تھا.
سر ….. ایک بات پوچھوں کانسٹیبل نے خیام کو گم سم دیکھا تو وجہ پوچھ ڈالی.
نہیں …. کچھ نہیں نبیل بس ویسے ہی. خیام نے جواب دیا
سر میں ایک فقیر کو جانتا ہوں نبیل جلدی سے بولا.
خیام نے اس کی طرف دیکھا.
سر آپ برا نہ مانیں تو ایک بات کہوں. میں نے اس دن آپ کی اور خضر حیات صاحب کی باتیں سن لی تھیں. مجھے لگتا ہے آپ کے گھر پر کوئی سایہ ہے.
نان سینس …. یہ کیسی باتیں کر رہے ہو تم. خیام نے غصے سے کہا
سر پہنچا ہوا فقیر ہے, آپ کہیں تو آپ کے گھر لے آؤں گا. وہ بھی قرآن ہی پڑھے گا تو سب ٹھیک ہو جائے گا.
خیام ان سب باتوں میں الجھا ہوا تھا سو اس نے حامی بھر لی.
چلو ٹھیک ہے, تم لے آنا فقیر کو. میں تیار ہوں. خیام نے کہا
اوکے سر. نبیل بولا.
+++++++++++++++++
اگلے دن نبیل فقیر کو ساتھ لیے خیام کے گھر موجود تھا. خیام نے فقیر کو دیکھا تو دیکھتا ہی رہ گیا. فقیر تو وضع قطع سے پڑھا لکھا معلوم ہو رہا تھا.
سر یہ اسد ہمدان صاحب ہیں. اور اسد صاحب یہ سر خیام ملک ہیں.
آپ سے مل کر خوشی ہوئی. خیام نے کہا
مجھے بھی. اسد بولا.
خیام مسکرا دیا. آپ کافی ہنس مکھ ہیں مجھے تو لگا نبیل کوئی بڑے بالوں والا بابا لائے گا جس کی ساری انگلیوں میں یاقوت والی انگوٹھیاں ہونگی.
اس بات پر اسد ہمدان مسکرا دیا.
نہیں خیام صاحب, میں کوئی عامل نہیں ہوں اور نہ مجھے انگوٹھیوں کا شوق ہے. اسد نے خیام کی بات کا جواب دیا
خیام ہنسنے لگا.
چلیں, مجھے گھر کا وزٹ کروائیں. اسد نے کہا تو خیام بولا جی, ضرور. اندر آئیے.
وہ باغیچے میں داخل ہوا اور ایک ایک چیز کو بغور دیکھتا ہوا گھر میں داخل ہو گیا.
ایک کے بعد دوسرا, پھر تیسرا اور یوں اسد نے تمام کمرے دیکھ لیے.
اسد کے چہرے سے سنجیدگی ظاہر تھی مگر جونہی وہ بچوں کے روم میں آیا تو پریشان ہوگیا.
یہ کمرا غالباً بچوں کا ہے. اسد نے کہا
ہاں جی. خیام نے جواب دیا.
میں گھر کی چھت پر جانا چاہوں گا. اسد نے خواہش کا اظہار کیا
جی ضرور … آئیں. خیام یہ بولتا ہوا ان کو چھت کی جانب ساتھ لے گیا.
اب وہ گھر کی چھت پر موجود تھے. وہ جیسے ہی چھت پر پہنچے اسد پریشان ہوگیا.
وہ ساتھ ہی ساتھ کچھ پڑھتا جا رہا تھا.
گھر کے پچھلے حصے خیام صاحب …. برگد کے پیڑ کے نیچے. اسد بولا. وہاں چلیں
خیام حیران ہو گیا کہ انہیں کیسے پتہ چلا برگد کا ……….
وہ لوگ جیسے ہی برگد کے پیڑ کے نیچے پہنچے تو اسد نے کچھ پڑھنا شروع کر دیا. دیکھتے ہی دیکھتے چاروں طرف تیز خوشبو پھیلنے لگی.
یہ کیسی خوشبو ہے. خیام نے پوچھا.
اسد نے ہاتھ کے اشارے سے اس کو چپ رہنے کا کہا.
اس خوشبو سے دماغ سن ہو رہا تھا. جیسے کسی نے ایک ساتھ بہت سے عطر چھڑک دئیے ہوں. خیام کو اپنا دماغ سن ہوتا محسوس ہوا.
اسد مسلسل کچھ پڑھ رہا تھا کہ اچانک وہ خوشبو بدبو سے بدل گئی. تیز اور چبھتی بدبو ……..
ناگوار بدبو سارے گھر میں پھیل گئی جیسے کوئی گوشت جل سڑ گیا ہو. خیام اور اسد نے ناک پر ہاتھ رکھ لیا.
خیام …… آپ کے گھر میں کتنے لوگ ہیں? اسد نے سوال کیا.
میں, میری وائف, میری تین بیٹیاں اور ایک بیٹا, اور ایک کام والی ….. خیام نے جواب دیا
اچھا صحیح. اسد نے کہا.
آپ اپنی وائف کا دوپٹہ دیں اور بیٹیوں کے دوپٹے بھی دیں.
وائف کا دوپٹہ دے سکتا ہوں, بیٹیوں کے دوپٹے نہیں ہیں میرے پاس, وہ تو چھوٹی سی ہیں ابھی اور بیٹا بھی دو سال کا ہے. خیام نے اسد کو بتایا
اچھا پھر آپ بیٹیوں کی قمیص دے دیں اور بیٹے کی بھی. اس پر عمل کرنا ہوگا ایک, اس کے بعد ہی کچھ بتا سکوں گا. آپ اپنی فیملی کو ایک جگہ ایک ساتھ بیٹھنے کا کہیں, میں ظہر سے پہلے عمل شروع کروں گا. اسد نے بتایا
ٹھیک ہے. خیام یہ کہتا ہوا اسد کے پاس سے چلا گیا.
تھوڑی دیر کے بعد ماریہ جوزف ٹرے لیے حاضر تھی.
لو جی اسد صاحب, گرما گرم چائے نوش فرمائیں. خیام نے کہا
شکریہ خیام. اسد مسکرایا
خیام نے غضنفر کو بھی کال کر کے بلا لیا تھا.
اسد نے نیلم کا دوپٹہ اور بچیوں کی قمیص پر پڑھائی شروع کر دی. جیسے جیسے اسد پڑھتا جا رہا تھا, ویسے ویسے اس کے چہرے کا رنگ متغیر ہو رہا تھا اور پھر اچانک گھر میں اندھیرا چھا گیا. اندھیرا ہوتے ہی عجیب و غریب آوازیں آنا شروع ہوگئیں, جھینگروں کی آوازیں جن میں مینڈکوں کے ٹرانے اور بہت سے انسانوں کی سرگوشیاں شامل تھیں. سرگوشیوں کی آوازیں اس قدر گڈمڈ تھیں کہ کچھ سمجھ نہیں آ رہا تھا.
دن میں اندھیرا چھانا حیرت کی بات تھی اوپر سے ان سب آوازوں نے تو گھر والوں کی ہوائیاں ہی اڑا دیں. نیلم اور بچے ڈر رہے تھے. بچیاں تو خوف سے چیخنے لگی تھیں. سرگوشیاں تیز سے تیز تر ہو رہی تھیں, ساتھ جھینگروں کی آوازیں اعصاب پر بوجھل بنتی جا رہی تھیں.
معلوم نہیں آج سورج گرہن ہے یا کوئی اور معاملہ ہے. حشرات کی آوازیں اور یہ سرگوشیاں. خیام اس تمام صورتحال پر حیران ہو رہا تھا.
بات یہیں تک ہوتی تو ٹھیک تھا. حیرت تو تب ہوئی جب تیز جھکڑ چل پڑے. گھر کی کم وزن چیزیں گویا ایک ساتھ حملہ آور ہو گئیں. سب گھبرا گئے کہ یہ سب کیا ہو رہا ہے اس گھر میں.
خیام صاحب اذان کا وقت ہوچکا ہے. جلدی سے اذان دیں. اسد نے خیام سے کہا.
غضنفر نے اذان دینے کی اجازت مانگی اور زور سے پکارا
اللہ اکبر …… اللہ اکبر …..
غضنفر کی آواز پورے گھر میں گونجنے لگی.
لا الہ الا اللہ
جیسے ہی غضنفر نے اذان مکمل کی, تمام آوازیں آنا بند ہو گئیں اور تیز جھکڑ تھم گیا.
اچانک سے یہ سب ہونا سمجھ سے باہر تھا.
اذان مکمل ہونے کے بعد خیام اور غضنفر نے جیسے ہی اسد کی طرف دیکھا تاکہ وہ نماز کی امامت شروع کرے تو ان کی یہ دیکھ کر چیخ نکل گئی کہ اسد کی ناک سے خون ایک لکیر کی صورت اس کی ٹھوڑی اور دامن کو تر کر رہا تھا.
دوڑ غضنفر ساتھ کمرے سے روئی اور گاز لے آ. خیام چلایا. اسد آپ پیچھے کی طرف لیٹ جاؤ. لیکن اسد بجائے چت لیٹنے کے مونھ کے بل فرش پر گر گیا.
+++++++++++++++++++
تنوع کے فقدان کا عذاب
لاہور ایئرپورٹ سے فلائی کرنے والا ہوموپاکیئن دو تین گھنٹے بعد دوبئی یا دوحہ میں اترتا ہے تو ایک مختلف...