پی کے لہو لکاں دا بنڑے منہ زور وے اَساں گھٹ پیتی اے تے مچ گیا شور وے
کوئی تاں نشانڑی ڈس مینوں چناں پیار دی کیوں گھٹ گئی اے آبادی تیڈے شہر دی
کوٹھیاں دا کاٹھ پٹ چلے کمزور وے اَساں گھٹ پیتی اے تے مچ گیا شور وے
جہیڑے اج کردے سانوں ایہو نصحتیاں وے ایہو بندے ہنٹر یارو آ کے مسیتاں وے
اج وڈے چور سانوں کہندے ایہو چور وے اَساں گھٹ پیتی اے تے مچ گیا شور وے
سنو میں سناواں تینوں واقعہ اے اج دا بھائی کولوں بھائی ایتھے روٹی پیا کج دا
اس کولوں وڈ ا قہر ویکھنا کی ہور اَساں گھٹ پیتی اے تے مچ گیا شور وے
ڈیکھی جا فریبیاں دی جُھوٹی سَج دَھج نُوں کر کے بلیکاں ہر وَار ٹُرے حَج نُوں
اَپنٹریں وی چور نالے رَب دے وی چور وے اَساں گھٹ پیتی اے تے مچ گیا شور وے
بُلبلاں نمانڑیاں دے سوہنے سوہنے گلے نے منیا بہار اے تے پُھل کتھے کھلے نے
کمب کمب نچدا کیوں پئیا مور وے اَساں گھٹ پیتی اے تے مچ گیا شور وے
کہڑا فاروق کراں دُکھڑا بیاں وے اَج بنڑے او میڈی روزی دے رسان وے
میڈے ہتھ کیڈے ہوئے کل دے اے چھور وے اَساں گھٹ پیتی اے تے مچ گیا شور وے
