(Last Updated On: )
مانڑیں جوانی تے دنیا تے جیوے میڈا نی تیندا تے کیں دا تاں تیوے
میں آکھساں میڈی قسمت خراب اے لجپال دے گھر توں ملیا جواب اے
کیویں سجنٹر کوں ظالم آ کیوے میڈا نی تیندا تے کیں دا تاں تیوے
میں آکھساں سارا میڈا قصور اے میڈی خطا توں گیا میتھوں دور اے
میں کیتے کیوں زیر ہنجواں دا پیوے میڈا نی تیندا تے کیں دا تاں تیوے
میں کیویں آکھاں او بے وفا ہائی کل تک تاں سوہنڑاں میڈا آسرا ہائی
ایویں جگ تے اج او قاتل سڈیوے میڈا نی تیندا تے کیں دا تاں تیوے
ہر کیں دے ڈھولن مکھ موڑ ویندن کجھ نال ٹُردن وت چھوڑ ویندن
اجڑن دے ویلے کوئی خوش نی تیوے میڈا نی تیندا تے کیں دا تاں تیوے
الزام سارے میں سر تے چیساں میں ظلم کیتے میں خود نبیساں
مظلوم ماہی نہ بدنام تیوے میڈا نی تیندا تے کیں دا تاں تیوے
